പൊതുമേഖലയിലെ മികവ്: സംസ്ഥാന അവാര്‍ഡുകള്‍ പ്രഖ്യാപിച്ചു
Wednesday, October 4, 2023 1:39 AM IST
കൊച്ചി: വ്യവസായവകുപ്പിനു കീഴിലുള്ള പൊതുമേഖലാ സ്ഥാപനങ്ങളുടെ പ്രവര്‍ത്തനമികവിന് സംസ്ഥാന സര്‍ക്കാര്‍ ഏര്‍പ്പെടുത്തിയ അവാര്‍ഡുകള്‍ പ്രഖ്യാപിച്ചു.
മാനുഫാക്ചറിംഗ് മേഖലയില്‍ 100 കോടി രൂപയ്ക്കു മുകളില്‍ വിറ്റുവരവുള്ള വിഭാഗത്തില്‍ ട്രാവന്‍കൂര്‍ കൊച്ചിന്‍ കെമിക്കല്‍സ്, 25 കോടിക്കു മുകളിലും വിറ്റുവരവുള്ള വിഭാഗത്തില്‍ മലപ്പുറം കോ-ഓപ്പറേറ്റീവ് സ്പിന്നിംഗ് മില്‍സ്, 25 കോടിക്കു താഴെ വിറ്റുവരവുള്ള വിഭാഗത്തില്‍ കേരളാ സിറാമിക്‌സ് ലിമിറ്റഡ്, മാനുഫാക്ചറിംഗ് ഇതര മേഖലയില്‍ കേരള ആര്‍ട്ടിസാന്‍സ് ഡെവലപ്‌മെന്‍റ് കോര്‍പറേഷന്‍ എന്നീ സ്ഥാപനങ്ങള്‍ അവാര്‍ഡിന് അര്‍ഹരായി.