സെൻസെക്സിനെ 74,005ൽനിന്ന് ആഘോഷമാക്കി മാറ്റാൻ ആഭ്യന്തരഫണ്ടുകൾ ബ്ലൂചിപ്പ് ഓഹരികളിൽ കാണിച്ച ഉത്സാഹം 75,000ലേക്കും തുടർന്നു ചരിത്രത്തിലെ ഏറ്റവും ഉയർന്ന നിലവാരമായ 75,636ലേക്കും നയിച്ചു. മാർക്കറ്റ് ക്ലോസിംഗിൽ 75,410 പോയിന്റിലാണ്. വിപണി 73,418ലെ സപ്പോർട്ട് നിലനിർത്തുവോളം 76,518ലേക്കും തുടർന്ന് 77,627ലേക്കും ജൂണിൽ മുന്നേറാം.
വിദേശഫണ്ടുകൾ വില്പന കുറച്ചതു രൂപയ്ക്കു കരുത്തായി. മൂല്യം 83.33ൽനിന്നു ശക്തിപ്രാപിച്ചു മുൻവാരം സൂചിപ്പിച്ച 83ലെ താങ്ങ് കടന്ന് 82.98ലേക്കു മികവു കാണിച്ചശേഷം 83.09ലാണ്.
ആഭ്യന്തരഫണ്ടുകൾ
നിക്ഷേപകർ ആഭ്യന്തര ഫണ്ടുകൾ നിക്ഷേപകരാണ്. അവർ 6978 കോടി രൂപയുടെ ഓഹരികൾ വാങ്ങി. മേയിലെ അവരുടെ മൊത്തം നിക്ഷേപം 40,798 കോടി രൂപയായി. ഏപ്രിലിൽ അവർ 44,186 കോടി രൂപയുടെ ഓഹരികൾ വാങ്ങി. വിദേശ ഇടപാടുകാർ കഴിഞ്ഞവാരം 4671 കോടിയുടെ നിക്ഷേപവും നടത്തി.
രാജ്യാന്തര സ്വർണം ട്രോയ് ഒൗണ്‍സിന് 2415 ഡോളറിൽനിന്ന് 2325 ഡോളർ വരെ ഇടിഞ്ഞശേഷം 2333 ഡോളറിലാണ്. ഡെയ്‌ലി ചാർട്ട് സപ്പോർട്ട് മേഖലയിലാണെങ്കിലും പല സൂചികകളും ദുർബലാവസ്ഥയിൽ നീങ്ങുന്നതു മുന്നേറ്റത്തിനു തടസമാകാം.
യുഎസ് വിപണി സജീവം യുഎസ് ഫെഡറൽ റിസർവ് പലിശയുടെ കാര്യത്തിൽ അന്തിമതീരുമാനം വൈകുന്നതിനിടെ, നാസ്ഡാക് സൂചിക റിക്കാർഡ് തലത്തിലേക്കു കയറി.
ഡൗ ജോണ്സ്, എസ് ആൻഡ് പി എന്നിവ നേട്ടത്തിലാണ്. പണപ്പെരുപ്പം സെപ്റ്റംബറോടെ നിയന്ത്രണത്തിലാക്കാൻ കഴിയുമെന്ന വിലയിരുത്തൽ അമേരിക്കൻ മാർക്കറ്റിനെ സജീവമാക്കി. പോയവാരം യുഎസ് വിപണിയിൽ ഫണ്ടുകൾ 9.9 ബില്യണ്‍ ഡോളർ നിക്ഷേപിച്ചു. ഒരു ബുൾ റാലിക്കുള്ള സാധ്യതകളിലേക്കാണു തൊട്ടു മുൻവാരത്തിലെ 4.1 ബില്യണിൽനിന്നുള്ള വർധന വിരൽചൂണ്ടുന്നത്.