ആകര്‍ഷകമായ നിറം ലഭിക്കുമെന്നതിനാല്‍ ഉപഭോക്താക്കള്‍ ഇത്തരം ഭക്ഷണസാധനങ്ങള്‍ വാങ്ങാനാകും താത്പര്യം കാണിക്കുക. ഇതു പ്രകൃതിദത്ത കളര്‍ ഉപയോഗിക്കുന്നവരുടെ ബിസിനസ് ഇടിവിന് കാരണമാകാറുണ്ട്. അതിനാല്‍ സിന്തറ്റിക് കളര്‍ ഉപയോഗം പൂര്‍ണമായും നിരോധിക്കുകയോ നിശ്ചിത അളവില്‍ ഉപയോഗിക്കാന്‍ അനുവദിക്കുകയോ വേണമെന്നാണ് ആവശ്യം.
ഇക്കാര്യങ്ങള്‍ ആവശ്യപ്പെട്ട് മന്ത്രിമാരായ എം.ബി. രാജേഷിനും കെ.എന്‍. ബാലഗോപാലിനും നിവേദനം നല്‍കിയതായും ഇരുവരും അറിയിച്ചു. ബേക്കറി മേഖലയ്ക്കു ക്ഷീണമുണ്ടാക്കുന്ന തീരുമാനങ്ങള്‍ മൂലമാണ് പുതിയ സംഘടന രൂപീകരിക്കേണ്ടിവന്നതെന്നും നിലവില്‍ 600 ഓളം ബേക്കറി ഉടമകള്‍ സംഘടനയില്‍ അംഗങ്ങളായിട്ടുണ്ടെന്നും ഭാരവാഹികള്‍ പറഞ്ഞു. ട്രഷറര്‍ ബിജു നവ്യ, യുവജന വിഭാഗം പ്രതിനിധി മരിയ എന്നിവരും പത്രസമ്മേളനത്തില്‍ പങ്കെടുത്തു.