ദക്ഷിണമേഖലാ നാവികസേനാ മേധാവി വൈസ് അഡ്മിറൽ എ.ആർ. ടാൻഡനുമായി സംസാരിച്ചുകൊണ്ടായിരുന്നു ദൈവത്തിന്‍റെ സ്വന്തം നാട്ടിലെ ആദ്യവിളിയുടെ തുടക്കം. തുടർന്ന്, കഥാകാരി മാധവിക്കുട്ടിയുമായും (കമല സുരയ്യ) ടാൻഡൻ മൊബൈലിൽ സംസാരിച്ചു. അതോടെ സംസ്ഥാനത്ത് പിറന്നത് പുതുചരിത്രം.
ഇന്ത്യയിലെ എസ്കോർട്സ് ഗ്രൂപ്പിന്‍റെയും ഹോങ്കോങ്ങിലെ ഫസ്റ്റ് പസഫിക് കമ്പനി ലിമിറ്റഡിന്‍റെയും സംയുക്ത സംരംഭമായിരുന്നു എസ്കോടെൽ. ആദ്യ മൂന്നാഴ്ചയിൽ ആയിരത്തോളം മൊബൈൽ ഫോൺ കണക്‌ഷനുകളാണ് ബുക്ക് ചെയ്യപ്പെട്ടത്. ഇന്ന് മൊബൈൽ വരിക്കാരുടെ എണ്ണം അനുദിനംതന്നെ ആയിരത്തിലധികമാണ് വർധിക്കുന്നത്.
എസ്കോടെൽ പിന്നീട് ഐഡിയ എന്ന പേരിൽ മാറിയതും സമീപകാലത്ത് വോഡഫോൺ കമ്പനിയുമായി ലയിച്ച് വിഐ എന്നായി മാറിയതും മറ്റൊരു ചരിത്രം.