റൂണി ഇനി പരിശീലകനും : Deepika.com Sports News |

Click here for detailed news of all items

റൂണി ഇനി പരിശീലകനും

Wednesday, August 7, 2019 12:06 AM IST

ലണ്ടൻ: ഇംഗ്ലീഷ് മുൻ താരം വെയ്ൻ റൂണി പരിശീലക വേഷവും അണിയാനൊരുങ്ങുന്നു. റൂണിയെ കളിക്കാരൻ-പരിശീലകൻ ഡബിൾ റോളിൽ ഇറക്കാൻ ഒരുങ്ങുന്നത് ഇംഗ്ലീഷ് ക്ലബ്ബായ ഡെർബി കൗണ്ടിയാണ്. റൂണിയെ ഇരട്ട റോളിൽ എത്തിക്കാൻ ക്ലബ് തയാറാണെന്ന് ഡെർബിയുടെ ഉടമസ്ഥൻ മെൽ മോറിസ് ഇന്നലെ വ്യക്തമാക്കി.

ഇംഗ്ലണ്ടിലേക്ക് പുതിയ ദൗത്യവുമായി റൂണി എത്തുന്നു എന്ന് കഴിഞ്ഞ ദിവസങ്ങളിൽ ബ്രിട്ടീഷ് മാധ്യമങ്ങൾ റിപ്പോർട്ട് ചെയ്തിരുന്നു. എന്നാൽ, അമേരിക്കൻ മേജർ സോക്കർ ലീഗിൽ ഡിസി യുണൈറ്റഡിന്‍റെ താരമായ റൂണിക്ക് ക്ലബ്ബുമായി രണ്ട് വർഷത്തെ കരാർകൂടി ശേഷിക്കുന്നുണ്ട്. ഇതിനിടെയാണ് രണ്ടാം ഡിവിഷൻ ക്ലബ്ബായ ഡെർബിയിലേക്ക് റൂണി എത്തുമെന്ന വാർത്ത പ്രചരിക്കുന്നത്.

മാഞ്ചസ്റ്റർ യുണൈറ്റഡ്, എവർട്ടണ്‍ ടീമുകളുടെ സ്ട്രൈക്കറായിരുന്ന റൂണി ഡെർബിയുടെ ട്രെയ്നിംഗ് ഗ്രൗണ്ടിൽ എത്തിയിരുന്നു. ഡെർബിയുടെ നിലവിലെ പരിശീലകൻ ഫിലിപ്പ് കൊകുവുമായി റൂണി കൂടിക്കാഴ്ച നടത്തിയിരുന്നു. ഫ്രാങ്ക് ലംപാർഡ് ചെൽസിയുടെ മാനേജരായതോടെയാണ് കോകു ഡെർബിയുടെ പരിശീലക സ്ഥാനത്ത് എത്തിയത്. ജനുവരിയിൽ റൂണി ഡെർബിയുമായി കരാർ ഒപ്പിടുമെന്നാണ് റിപ്പോർട്ടുകൾ സൂചിപ്പിക്കുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.