വിൻഡീസിനെ ഇനി പൊള്ളാർഡ് നയിക്കും : Deepika.com Sports News |

Click here for detailed news of all items

വിൻഡീസിനെ ഇനി പൊള്ളാർഡ് നയിക്കും

Tuesday, September 10, 2019 11:33 PM IST

കിംഗ്സ്റ്റണ്‍: വെസ്റ്റ് ഇൻഡീസ് ക്രിക്കറ്റ് ടീമിന്‍റെ ഏകദിന, ട്വന്‍റി-20 ടീമുകൾക്ക് ഇനി പുതിയ ക്യാപ്റ്റൻ. ഇരുടീമുകളേയും കിറോണ്‍ പൊള്ളാർഡ് നയിക്കും. ടെസ്റ്റ് ടീമിന്‍റെ ക്യാപ്റ്റനായി ജേസണ്‍ ഹോൾഡർ തുടരും. നിലവിൽ ഏകദിന, ടെസ്റ്റ് ടീമുകളെ ജേസണ്‍ ഹോൾഡറും ട്വന്‍റി-20 ടീമിനെ കാർലോസ് ബ്രാത് വൈറ്റുമാണ് നയിക്കുന്നത്. ലോക ട്വന്‍റി20 കിരീടം നിലനിർത്തുകയാണ് ക്യാപ്റ്റൻ എന്ന നിലയിൽ തന്‍റെ പ്രഥമ പരിഗണനയെന്ന് പൊള്ളാർഡ് വ്യക്തമാക്കി.

എന്നെ ക്യാപ്റ്റനായി തെരഞ്ഞെടുത്തത് ബഹുമതിയായി കണക്കാക്കുന്നു. എന്നിൽ അർപ്പിച്ച വിശ്വാസത്തിന് വെസ്റ്റിൻഡീസ് ക്രിക്കറ്റ് ബോർഡിന് നന്ദി അറിയിക്കുന്നു- പൊള്ളാർഡ് പറയുന്നു. നവംബറിൽ അഫ്ഗാനിസ്ഥാനെതിരായ പരന്പരയിലാകും പൊള്ളാർഡ് ക്യാപ്റ്റനായി അരങ്ങേറുക. ഇന്ത്യക്കെതിരായ ട്വന്‍റി-20, ഏകദിന, ടെസ്റ്റ് പരന്പരകളിൽ സന്പൂർണ തോൽവി വഴങ്ങിയതിന്‍റെ പിന്നാലെയാണ് വെസ്റ്റ് ഇൻഡീസ് ക്യാപ്റ്റനെ മാറ്റിയത്. വിൻഡീസിനായി 101 ഏകദിനവും 62 ട്വന്‍റി-20യും കളിച്ച പരിചയസന്പത്ത് പൊള്ളാർഡിനുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.