സിന്ധു, പ്രണോയ് മുന്നോട്ട് : Deepika.com Sports News |

Click here for detailed news of all items

സിന്ധു, പ്രണോയ് മുന്നോട്ട്

Wednesday, November 13, 2019 10:51 PM IST

ഹോങ്കോംഗ്: ഹോങ്കോംഗ് ഓപ്പണ്‍ ബാഡ്മിന്‍റണിൽ ഇന്ത്യയുടെ പി.വി. സിന്ധു, എച്ച്.എസ്. പ്രണോയ്, പി. കശ്യപ്, കിഡംബി ശ്രീകാന്ത്, സൗരഭ് വർമ എന്നിവർ രണ്ടാം റൗണ്ടിൽ. അതേസമയം, വനിതാ സിംഗിൾസിൽ സൈന നെഹ്‌വാൾ, പുരുഷ സിംഗിൾസിൽ ബി. സായ്പ്രണീത്, സമീർ വർമ എന്നിവർ ആദ്യ റൗണ്ടിൽ പുറത്തായി.

വനിതാ സിംഗിൾസിൽ ലോക ചാന്പ്യനായ സിന്ധു കൊറിയയുടെ കിം ജ ഇയുമിനെ നേരിട്ടുള്ള ഗെയിമുകൾക്കാണ് ആദ്യ റൗണ്ടിൽ ജയം നേടിയത്. സ്കോർ: 21-15, 21-16. പുരുഷ സിംഗിൾസിൽ മലയാളി താരമായ പ്രണോയ് 21-17, 21-17ന് ചൈനയുടെ ഹുയാങ് യു സിയാങിനെയാണ് ആദ്യ റൗണ്ടിൽ കീഴടക്കിയത്. ജാപ്പനീസ് താരം കെന്‍റ നിഷിമോട്ടോയെ 21-18, 16-21, 21-10നാണ് കശ്യപ് കീഴടക്കിയത്. ലോക ഒന്നാം നന്പർ താരമായ കെന്‍റോ മൊമോട്ട പിന്മാറിയതോടെ ശ്രീകാന്തിനു വാക്കോവർ ലഭിച്ചു. ഫ്രാൻസിന്‍റെ ബ്രിസ് ലേവർഡെസിനെ 21-11, 21-15നു കീഴടക്കിയായിരുന്നു സൗരഭ് വർമയുടെ രണ്ടാം റൗണ്ട് പ്രവേശനം.

ചൈനയുടെ കായ് യാനിനോട് 13-21, 20-22നാണ് ആദ്യ റൗണ്ടിൽ സൈന പരാജയപ്പെട്ടത്. വനിതാ ഡബിൾസിൽ അശ്വിനി പൊന്നപ്പ - സിക്കി റെഡ്ഡി സഖ്യവും ആദ്യ റൗണ്ടിൽ പുറത്തായി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.