Sports News
ഈ​ഡ​ന്‍ ഗാ​ര്‍ഡ​ന്‍സി​ല്‍ ഇന്നു മുതൽ പി​ങ്ക് വ​സ​ന്തം
ഈ​ഡ​ന്‍ ഗാ​ര്‍ഡ​ന്‍സി​ല്‍ ഇന്നു മുതൽ പി​ങ്ക് വ​സ​ന്തം
Thursday, November 21, 2019 11:31 PM IST
കോ​ല്‍ക്ക​ത്ത: ഈ​ഡ​ന്‍ ഗാ​ര്‍ഡ​ന്‍സി​ല്‍ ഇ​ന്നു മു​ത​ല്‍ പി​ങ്ക് വി​പ്ല​വം. ഇ​ന്ത്യ​ന്‍ ടെ​സ്റ്റ് ക്രി​ക്ക​റ്റി​ലെ ആ​ദ്യ ഡേ-​നൈറ്റ് ടെ​സ്റ്റി​ന് ക്രി​ക്ക​റ്റി​ലെ പ​ല ച​രി​ത്ര​മു​ഹൂ​ര്‍ത്ത​ങ്ങ​ള്‍ക്കും വേ​ദി​യാ​യ ഈ​ഡ​ന്‍ ഗാ​ര്‍ഡ​ന്‍സി​ല്‍ വി​രാ​ട് കോ​ഹ്‌ലി ​ന​യി​ക്കു​ന്ന ടീം ​ഇ​ന്ത്യ ബം​ഗ്ലാ​ദേ​ശി​നോ​ടു കൊ​മ്പു​കോ​ര്‍ക്കു​മ്പോ​ള്‍ ഇ​ന്ത്യ​യും പി​ങ്ക് വി​പ്ല​വ​ത്തി​ലേ​ക്കു ക​ട​ക്കും.

ഇ​ന്ത്യ​യു​ടെ​യും ബം​ഗ്ലാ​ദേ​ശി​ന്‍റെ​യും ആ​ദ്യ​ത്തെ പകൽ-​രാത്രി ടെ​സ്റ്റാ​ണ്. കോ​ഹ്‌ലി ​ആ​ദ്യം ഡേ ​നൈ​റ്റ് ടെ​സ്റ്റി​നു വി​മു​ഖ​ത​കാ​ട്ടി​യെ​ങ്കി​ലും ബി​സി​സി​ഐ പ്ര​സി​ഡ​ന്‍റ് സൗ​ര​വ് ഗാം​ഗു​ലി​യു​ടെ താ​ത്പ​ര്യം അം​ഗീ​ക​രി​ക്കു​ക​യാ​യി​രു​ന്നു. ഡേ-​നൈ​റ്റ് ടെ​സ്റ്റി​ന് ഏ​ഴു വ​ര്‍ഷം മു​മ്പ് ഐ​സി​സി അം​ഗീ​കാ​രം ന​ല്‍കി​യെ​ങ്കി​ലും ഇക്കാ​ല​മ​ത്ര​യും ഇ​ന്ത്യ​ന്‍ ക്രി​ക്ക​റ്റ് അ​തി​നോ​ട് വി​മു​ഖ​ത കാ​ട്ടുകയായിരുന്നു. എ​ന്നാ​ല്‍ ബി​സി​സി​ഐ​യു​ടെ ത​ല​പ്പ​ത്ത് മു​ന്‍ നാ​യ​ക​ന്‍ ഗാം​ഗു​ലി​യെ​ത്തി​യതോ​ടെ ഇ​ന്ത്യ​യും ഡേ-​നൈ​റ്റ് ടെ​സ്റ്റി​നോ​ട് താ​ത്പ​ര്യം കാ​ണി​ച്ചു.

ബം​ഗ്ലാ​ദേ​ശ് ടീം ​ഇ​ന്ത്യ​യി​ലെ​ത്തു​ന്ന​തി​ന് കു​റ​ച്ചു ദി​വ​സ​ങ്ങ​ള്‍ക്കു മു​മ്പാ​ണ് ഗാം​ഗു​ലി ബം​ഗ്ലാ​ദേ​ശ് ക്രി​ക്ക​റ്റ് ബോ​ര്‍ഡി​നെ​ക്കൊ​ണ്ട് ഡേ-​നൈ​റ്റ് ടെ​സ്റ്റ് ക​ളി​പ്പി​ക്കാ​നു​ള്ള സ​മ്മ​തം വാ​ങ്ങി​യ​ത്.
ഇ​തു​വ​രെ ലോ​ക​ത്തി​ന്‍റെ പ​ല​ഭാ​ഗ​ത്തു​മാ​യി 11 ഡേ-​നൈ​റ്റ് ടെ​സ്റ്റ് നടന്നു ക​ഴി​ഞ്ഞു. നാ​ലു വ​ര്‍ഷം മു​മ്പ് അ​ഡ്‌​ലെ​യ്ഡി​ല്‍ ഓ​സ്‌​ട്രേ​ലി​യ-​ന്യൂ​സി​ല​ന്‍ഡ് മ​ത്സ​ര​ത്തോ​ടെ​യാ​ണ് ക്രി​ക്ക​റ്റി​ല്‍ പി​ങ്ക് വ​സ​ന്തം ആ​രം​ഭി​ച്ച​ത്. ക​ഴി​ഞ്ഞ വ​ര്‍ഷം ഇ​ന്ത്യ ഓ​സ്‌​ട്രേ​ലി​യ​യി​ല്‍ പ​ര്യ​ട​ന​ത്തി​നെ​ത്തി​യ​പ്പോ​ള്‍ അ​ഡ്‌​ലെ​യ്ഡി​ല്‍ വ​ച്ച് ഡേ-​നൈ​റ്റ് ടെ​സ്റ്റ് ന​ട​ത്തണമെ​ന്ന ആ​വ​ശ്യം ഓ​സ്‌​ട്രേ​ലി​യ മു​ന്നോ​ട്ടു​വ​ച്ചു. എ​ന്നാ​ല്‍ ഇ​ന്ത്യ അ​തി​നു ത​യാ​റി​യി​ല്ല.

ഗാം​ഗു​ലി ബി​സി​സി​ഐ​യു​ടെ അ​ധ്യ​ക്ഷ​നാ​യി ചു​മ​ത​ല​യേ​റ്റ ഉ​ട​നെ​ടു​ത്ത ഏ​റ്റ​വും വ​ലി​യ തീ​രു​മാ​ന​മാ​യി​രു​ന്നു ഡേ-​നൈ​റ്റ് ടെ​സ്റ്റ്. എ​സ്ജി​യു​ടെ പി​ങ്ക് പ​ന്താ​യി​രു​ന്ന ഇ​ന്ത്യ​യു​ടെ എ​തി​ര്‍പ്പി​നു കാ​ര​ണം. സൂ​ര്യാ​സ്ത​മ​യ​സ​മ​യ​ത്ത് പ​ന്ത് കാ​ണാ​ന്‍ പ്ര​യാ​സ​മാ​ണെ​ന്ന് ഇ​പ്പോ​ഴും പ​ല​രും വി​ശ്വ​സി​ക്കു​ന്നു​ണ്ട്. ഇ​തി​നൊ​പ്പം ബൗ​ള​ര്‍മാ​ര്‍ക്കു ബു​ദ്ധി​മു​ട്ടാ​യി മ​ഞ്ഞി​ന്‍റെ പ്ര​ശ്‌​ന​വും ഉ​ണ്ടാ​കു​മെ​ന്നും ക​രു​തു​ന്നു. ഇ​തെ​ക്കെ​യാ​യി​രു​ന്നു കോ​ഹ്‌ലി​ക്ക് ഡേ-​നൈ​റ്റ് ടെ​സ്റ്റി​ല്‍ താ​ത്പ​ര്യം കു​റ​ച്ച​ത്. എ​ന്നാ​ല്‍ ഗാം​ഗു​ലി​മാ​യി കൂ​ടി​ക്കാ​ഴ്ച​യി​ല്‍ വെ​റും മൂ​ന്നു സെ​ക്ക​ന്‍ഡുകൊ​ണ്ട് കോ​ഹ്‌ലി​ സ​മ്മ​തി​ക്കു​ക​യാ​യി​രു​ന്നു.

ഇ​തു​വ​രെ​യു​ള്ള ബി​ല്‍ഡ് അ​പ്പ് സു​ഗ​മ​മാ​യി​രു​ന്നു. ആ​ദ്യ നാ​ലു ദി​വ​സ​ത്തേ​ക്കു​ള്ള ടി​ക്ക​റ്റു​ക​ള്‍ വി​റ്റു​തീ​രു​ക​യും ചെ​യ്തു. ഡേ-​നൈ​റ്റ് ടെ​സ്റ്റി​ന്‍റെ എ​ല്ലാ ഹൈ​പ്പു​ക​ളു​മു​ണ്ടെ​ങ്കി​ലും ഇ​ന്ത്യ നാ​ട്ടി​ല്‍ തു​ട​ര്‍ച്ച​യാ​യ 12-ാം ടെ​സ്റ്റ് പ​ര​മ്പ​ര ജ​യ​ത്തി​നാ​ണ് ഒ​രു​ങ്ങു​ന്ന​ത്.

പി​ങ്ക് പ​ന്ത് ഉപയോഗിക്കുന്നത്

ടെ​സ്റ്റി​ല്‍ ഉ​പ​യോ​ഗി​ക്കു​ന്ന ചു​വ​ന്ന പ​ന്തു​ക​ള്‍ക്കു പ​ക​രം പ​ക​ല്‍ -രാ​ത്രി മ​ത്സ​ര​ത്തി​ന് പി​ങ്ക് പ​ന്ത് ഉ​പ​യോ​ഗി​ക്കു​ന്ന​ത് കാ​ഴ്ച​സു​ഗ​മ​മാ​കാ​നാ​ണ്.


അ​ഞ്ചു മ​ണി​യോ​ടെ പൂ​ര്‍ണ ഇ​രു​ട്ടാ​കു​ന്ന അ​വ​സ്ഥ​യാ​ണ് കോ​ല്‍ക്ക​ത്ത​യി​ല്‍. സ​ന്ധ്യ​യോ​ടെ മ​ഞ്ഞു​വീ​ഴ്ച​യും ത​ണു​റ്റ കാ​റ്റും ആ​രം​ഭി​ക്കും. പ​ന്ത് മ​ഞ്ഞി​ല്‍ ന​ന​ഞ്ഞുതു​ട​ങ്ങു​ന്ന​ത് ബൗ​ള​ര്‍മാ​രെ ബാ​ധി​ക്കും. റി​വേ​ഴ്‌​സ് സ്വിം​ഗി​നു​ള്ള സാ​ധ്യ​ത കു​റ​യും. സ്പി​ന്ന​ര്‍മാ​ര്‍ക്ക് ഗ്രി​പ്പും ന​ഷ്ട​പ്പെ​ടും. ഇ​തോ​ടെ ബാ​റ്റിം​ഗ് സു​ഗ​മ​മാ​കും. മ​ഞ്ഞ് അ​ധി​കം ബാ​ധി​ക്കാ​തി​രാ​ന്‍ ക​ളി എ​ട്ട് മ​ണി​ക്കു തീ​ര്‍ക്കും.

ആ​ഘോ​ഷ​ത്തി​നൊ​രു​ങ്ങി ബം​ഗാ​ള്‍

ഇ​ന്ത്യ​ന്‍ ക്രി​ക്ക​റ്റി​ലെ ച​രി​ത്ര മു​ഹൂ​ര്‍ത്തം ആ​ഘോ​ഷ​മാ​ക്കാ​നു​ള്ള ഒ​രു​ക്ക​ത്തി​ലാ​ണ് ബം​ഗാ​ള്‍ ക്രി​ക്ക​റ്റ് അ​സോ​സി​യേ​ഷ​ന്‍. മ​ത്സ​രം ആ​രാ​ധ​ക​ര്‍ക്ക് ഒ​രു കാ​ര്‍ണി​വ​ലാ​ക്കി മാ​റ്റാ​നു​ള്ള എ​ല്ലാം ചെ​യ്തി​ട്ടു​ണ്ട് അ​സോ​സി​യേ​ഷ​ന്‍. പി​ങ്ക് ബോ​ള്‍ മ​സ്‌​കോ​ട്ടു​ക​ള്‍, മാ​ച്ച് ബോ​ള്‍ ആ​ര്‍മി​യു​ടെ പാ​രാ​ട്രൂ​പ്പ​ര്‍മാ​രാ​കും എ​ത്തി​ക്കു​ക. കൂ​ടാ​തെ കാ​യി​ക, രാ​ഷ്‌ട്രീ​യരം​ഗ​ത്തെ പ്ര​മു​ഖ​രും ഈ​ഡ​നി​ല്‍ എ​ത്തും. ബം​ഗ്ലാ​ദേ​ശ് പ്ര​ധാ​ന​മ​ന്ത്രി ഷേ​ക് ഹ​സീ​ന​യും മ​ത്സ​രം കാ​ണാ​നെ​ത്തു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. മ​ത്സ​ര​ത്തി​നു മു​മ്പു​ള്ള ബെ​ല്ല​ടി​ക്കു​ന്ന​ത് ഷേ​ക് ഹ​സീ​ന​യും ബം​ഗാ​ള്‍ മു​ഖ്യ​മ​ന്ത്രി മ​മ​താ ബാ​ന​ര്‍ജി​യും ചേ​ര്‍ന്നാ​യി​രി​ക്കും.

ജ​യം തു​ട​രാ​ന്‍

മു​ഹ​മ്മ​ദ് ഷ​മി, ഇ​ഷാ​ന്ത് ശ​ര്‍മ, ഉ​മേ​ഷ് യാ​ദ​വ് എ​ന്നീ പേ​സ് ത്ര​യ​ത്തി​ന്‍റെ മി​ക​വി​ല്‍ ഇ​ന്‍ഡോ​റി​ലെ ആ​ദ്യ ടെ​സ്റ്റ് മൂ​ന്നു ദി​വ​സം കൊ​ണ്ടു തീ​ര്‍ന്ന​പ്പോ​ള്‍ ഇ​ന്ത്യ ഇ​ന്നിം​ഗ്‌​സി​നും 130 റ​ണ്‍സി​നും ജ​യി​ച്ചു. ഇ​ന്ത്യ​യു​ടെ 10-ാമ​ത്തെ ഇ​ന്നിം​ഗ്‌​സ് ജ​യ​മാ​യി​രു​ന്നു അ​ത്. പേ​സ് ആ​ക്ര​മ​ണ​ത്തി​നു പു​റ​മെ ഓ​പ്പ​ണിം​ഗി​ല്‍ ഇ​ന്ത്യ​യു​ടെ പു​തി​യ സ​ഖ്യ​മാ​യ രോ​ഹി​ത് ശ​ര്‍മ​യും മാ​യ​ങ്ക് അ​ഗ​ര്‍വാ​ളും തു​ട​രു​ന്ന ഫോ​മും ഇ​ന്ത്യ​ക്ക് ക​രു​ത്താ​കു​ന്നു. ലോ​ക ടെ​സ്റ്റ് ചാ​മ്പ്യ​ന്‍ഷി​പ്പി​ന്‍റെ പോ​യി​ന്‍റ് പ​ട്ടി​ക​യി​ല്‍ ഒ​ന്നാം സ്ഥാ​ന​ത്തു​ള്ള ഇ​ന്ത്യ അ​ടു​ത്ത ജ​യ​ത്തോ​ടെ പോ​യി​ന്‍റ് നി​ല കൂ​ടു​ത​ല്‍ ശ​ക്ത​മാ​ക്കാ​നു​ള്ള ല​ക്ഷ്യ​മാ​ണി​ടു​ന്ന​ത്.

ഇ​ന്ത്യ​ന്‍ ടീ​മി​ലെ പ​ല​രും പി​ങ്ക് പ​ന്തി​ല്‍ പ​രി​ച​യം നേ​ടി​യി​ട്ടു​ള്ള​വ​രാ​ണ്. ദു​ലീ​പ് ട്രോ​ഫി​യു​ടെ മൂ​ന്നു സീ​സ​ണി​ല്‍ പി​ങ്ക് പ​ന്തി​ല്‍ ഇ​വ​ര്‍ പ​ക​ല്‍-​രാ​ത്രി​യി​ല്‍ ക​ളി​ച്ചി​ട്ടു​ണ്ട്. എ​ന്നാ​ല്‍ ബം​ഗ്ലാ​ദേ​ശി​ന് ഇ​തൊ​രു വെ​ല്ലു​വി​ളി​യാ​ണ്. ആ​ദ്യ​മാ​യാ​ണ് അ​വ​ര്‍ പി​ങ്ക് പ​ന്തി​ല്‍ ക​ളി​ക്കാ​നൊ​രു​ങ്ങു​ന്ന​ത്. ആ​ദ്യ ടെ​സ്റ്റി​ല്‍ അ​ര്‍ധ സെ​ഞ്ചു​റി ക​ട​ന്ന മു​ഷ്ഫി​ഖ​ര്‍ റ​ഹീം ഒ​ഴി​കെ​യു​ള്ള ബം​ഗ്ലാ ബാ​റ്റ്‌​സ്മാ​രെ​ല്ലാം റ​ണ്‍സെ​ടു​ക്കാ​ന്‍ ബു​ദ്ധി​മു​ട്ടി​യി​രു​ന്നു. ബാ​റ്റിം​ഗ് നി​ര​യു​ടെ പ​രാ​ജ​യം ഷ​ക്കീ​ബ് അ​ല്‍ ഹ​സ​നു പ​ക​രം ടെ​സ്റ്റ് നാ​യ​ക​നാ​യി സ്ഥാ​ന​മേ​റ്റ മോ​മി​നു​ള്‍ ഹ​ഖി​നു ത​ല​വേ​ദ​ന​യാ​ണ് ന​ല്‍കു​ന്ന​ത്. ബൗ​ളിം​ഗി​ലാ​ണ് നാ​യ​ക​ന് അ​ല്പ​മെ​ങ്കി​ലും ആ​ശ്വാ​സ​മു​ള്ള​ത്. ഇ​ന്‍ഡോ​ര്‍ ടെ​സ്റ്റി​ല്‍ അ​ബു ജ​യേ​ദ് മി​ക​വ് പു​റ​ത്തെ​ടു​ത്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.