Sports News
നി​രാ​ശ​പ്പെ​ടു​ത്തി കേ​ര​ളം
നി​രാ​ശ​പ്പെ​ടു​ത്തി കേ​ര​ളം
Monday, January 13, 2020 12:22 AM IST
തി​രു​വ​ന​ന്ത​പു​രം: പ​ഞ്ചാ​ബി​നെ​തി​രാ​യ ര​ഞ്ജി ട്രോ​ഫി​‍ ക്രി​ക്ക​റ്റി​ല്‍ ബൗ​ളിം​ഗി​ല്‍ തി​ള​ങ്ങി​യ കേ​ര​ളം ബാ​റ്റിം​ഗി​ല്‍ നി​രാ​ശ​പ്പെ​ടു​ത്തു​ന്നു. ഒ​ന്നാം ഇ​ന്നിം​ഗ്‌​സി​ല്‍ ഒ​മ്പ​ത് റ​ണ്‍സ് ലീ​ഡു​മാ​യി ബാ​റ്റിം​ഗ് തു​ട​ങ്ങി​യ കേ​ര​ളം ര​ണ്ടാം​ദി​നം ക​ളി​നി​ര്‍ത്തു​മ്പോ​ള്‍ അ​ഞ്ചു വി​ക്ക​റ്റ് ന​ഷ്ട​ത്തി​ല്‍ 88 റ​ണ്‍സെ​ന്ന നി​ല​യി​ലാ​ണ്. ഇ​പ്പോ​ള്‍ കേ​ര​ള​ത്തി​ന് 97 റ​ണ്‍സ് ലീ​ഡ് മാ​ത്ര​മാ​ണു​ള്ള​ത്.

മു​ഹ​മ്മ​ദ് അ​സ്ഹ​റു​ദീ​ന്‍ (8), സ​ല്‍മാ​ന്‍ നി​സാ​ര്‍ (7) എ​ന്നി​വ​രാ​ണ് ക്രീ​സി​ല്‍. റോ​ബി​ന്‍ ഉ​ത്ത​പ്പ (0), രോ​ഹ​ന്‍ പ്രേം (17), ​അ​ക്ഷ​യ് ച​ന്ദ്ര​ന്‍ (31), ക്യാ​പ്റ്റ​ന്‍ സ​ച്ചി​ന്‍ ബേ​ബി (10) എ​ന്നി​വ​രാ​ണ് പു​റ​ത്താ​യ​ത്. നാ​ലു വി​ക്ക​റ്റ് വീ​ഴ്ത്തി​യ ഗു​ര്‍ക്രീ​ത് സിം​ഗ് മ​ന്‍ ആ​ണ് കേ​ര​ള​ത്തെ ത​ക​ര്‍ത്ത​ത്.
നേ​ര​ത്തെ ഏ​ഴു വി​ക്ക​റ്റ് വീ​ഴ്ത്തി​യ എം.​ഡി. നി​ധീ​ഷി​ന്‍റെ മി​ക​വി​ല്‍ പ​ഞ്ചാ​ബി​നെ 218 റ​ണ്‍സി​ന് പു​റ​ത്താ​ക്കി​യ കേ​ര​ളം ഒ​മ്പ​ത് റ​ണ്‍സി​ന്‍റെ ലീ​ഡ് സ്വ​ന്ത​മാ​ക്കി​യി​രു​ന്നു. ഒ​ന്നാം ഇ​ന്നിം​ഗ്‌​സി​ല്‍ കേ​ര​ളം 227 റ​ണ്‍സ് എ​ടു​ത്തി​രു​ന്നു.

21 ഓ​വ​ര്‍ എ​റി​ഞ്ഞ നി​ധീ​ഷ് 88 റ​ണ്‍സ് വ​ഴ​ങ്ങി​യാ​ണ് ഏ​ഴു വി​ക്ക​റ്റ് വീ​ഴ്ത്തി​യ​ത്. നി​ധീ​ഷി​ന്‍റെ ക​രി​യ​റി​ലെ ഏ​റ്റ​വും മി​ക​ച്ച ബൗ​ളിം​ഗ് പ്ര​ക​ട​ന​മാ​ണി​ത്. ന്യൂ​​സി​​ല​​ൻ​​ഡി​​ൽ പ​​ര്യ​​ട​​നം ന​​ട​​ത്തു​​ന്ന ഇ​​ന്ത്യ എ ​​ടീ​​മി​​ലേ​​ക്കു തെ​​ര​​ഞ്ഞെ​​ടു​​ക്ക​​പ്പെ​​ട്ട സ​​ന്ദീ​​പ് വാ​​രി​​യ​​റി​​നു പ​​ക​​രം കേ​​ര​​ള​​ത്തി​​ന്‍റെ ബൗ​​ളിം​​ഗ് ആ​​ക്ര​​മ​​ണം നി​​ധീ​​ഷാണ് നയി ച്ചത്. 46 റ​ണ്‍സു​മാ​യി ര​ണ്ടാം ദി​നം തു​ട​ങ്ങി​യ പ​ഞ്ചാ​ബി​ന് തു​ട​ക്ക​ത്തി​ലേ വി​ക്ക​റ്റ് ന​ഷ്ട​മാ​യി. ഒ​രു ഘ​ട്ട​ത്തി​ല്‍ പ​ഞ്ചാ​ബ് 6 വി​ക്ക​റ്റി​ന് 99 എ​ന്ന നി​ല​യി​ലെ​ത്തി​യി​രു​ന്നു. എ​ന്നാ​ല്‍ 71 റ​ണ്‍സു​മാ​യി പു​റ​ത്താ​കാ​തെ​നി​ന്ന ക്യാ​പ്റ്റ​ന്‍ മ​ന്‍ദീ​പ് സിം​ഗ് വാ​ല​റ്റ​ക്കാ​രു​​മാ​യി ചേ​ര്‍ത്ത കൂ​ട്ടു​കെ​ട്ടു​ക​ളാ​ണ് ര​ക്ഷ​യാ​യ​ത്. എ​ട്ടി​ന് 151 റ​ണ്‍സെ​ന്ന നി​ല​യി​ലാ​യി​രു​ന്ന പ​ഞ്ചാ​ബി​നെ ഒ​മ്പ​താം വി​ക്ക​റ്റി​ല്‍ മ​ന്‍ദീ​പ് - സി​ദ്ധാ​ര്‍ഥ് കൗ​ള്‍ (25) സഖ്യം കൂ​ട്ടി​ച്ചേ​ര്‍ത്ത 48 റ​ണ്‍സാ​ണ് പ​ഞ്ചാ​ബി​നെ 200 ക​ട​ക്കാ​ന്‍ സ​ഹാ​യി​ച്ച​ത്. ഗു​ര്‍ക്രീ​ത് സിം​ഗ്് മ​ന്‍ (37), അ​ന്‍മോ​ല്‍ മ​ല്‍ഹോ​ത്ര (21) എ​ന്നി​വ​ര്‍ ഭേ​ദ​പ്പെ​ട്ട പ്ര​ക​ട​നം പു​റ​ത്തെ​ടു​ത്തു.


ര​​ണ്ടാം ഇ​​ന്നിം​​ഗ്സി​​ൽ അ​​സ്ഹ​​റു​​ദിനും ജ​​ല​​ജ് സ​​ക്സേ​​ന​​യ്ക്കും പ​​ക​​രം ഉ​​ത്ത​​പ്പ​​യെ​​യും രോ​​ഹ​​ൻ പ്രേ​​മി​​നെ​​യു​​മാ​​ണ് ഇ​​ന്നി​​ങ്സ് ഓ​​പ്പ​​ണ്‍ ചെ​​യ്യാ​​ൻ കോ​​ച്ച് ഡേ​​വ് വാ​​ട്ട്മോ​​ർ ക​​ള​​ത്തി​​ലി​​റ​​ക്കി​​യ​​ത്. ര​ണ്ടാം ഇ​ന്നിം​ഗ്‌​സ് ബാ​റ്റിം​ഗ് തു​ട​ങ്ങി​യ കേ​ര​ള​ത്തെ തു​ട​ക്ക​ത്തി​ലേ പ​ഞ്ചാ​ബ് ഞെ​ട്ടി​ച്ചു. ആ​ദ്യ പ​ന്തി​ല്‍ ഉ​ത്ത​പ്പ പു​റ​ത്താ​യി. വി​ന​യ് ചൗ​ധ​രി​യു​ടെ പ​ന്തി​ല്‍ അ​ന്‍മോ​ല്‍പ്രീ​ത് സിം​ഗ് ക്യാ​ച്ചെ​ടു​ക്കു​ക​യാ​യി​രു​ന്നു. രോ​ഹ​ന്‍ പ്രേ​മും അ​ക്ഷ​യ് ച​ന്ദ്ര​നും ര​ക്ഷാ​ദൗ​ത്യം ഏ​റ്റെ​ടു​ത്തു. ഇ​രു​വ​രും ര​ണ്ടാം വി​ക്ക​റ്റ് കൂ​ട്ടു​കെ​ട്ടി​ല്‍ 55 റ​ണ്‍സെ​ടു​ത്തു. ന​ല്ല രീ​തി​യി​ല്‍ മു​ന്നോ​ട്ടു പോ​യ കൂ​ട്ടു​കെ​ട്ടി​നെ ഗു​ര്‍ക്രീ​ത് പൊ​ളി​ച്ചു. രോ​ഹ​നെ (17) സി​ദ്ധാ​ര്‍ഥ് കൗ​ള്‍ പി​ടി​ച്ചു. ഒ​രോ​വ​റി​നു​ശേ​ഷം, കൃ​ത്യ​മാ​യി പ​റ​ഞ്ഞാ​ല്‍ പ​തി​നൊ​ന്നാ​മ​ത്തെ പ​ന്തി​ല്‍ ഗു​ര്‍ക്രീ​ത് ഈ ​സ്‌​കോ​റി​ല്‍ത​ന്നെ (31) അ​ക്ഷ​യി​നെ ക്ലീ​ന്‍ബൗ​ള്‍ഡാ​ക്കി. ഇ​തോ​ടെ കേ​ര​ളം ത​ക​ര്‍ന്നു. സ​ച്ചി​ന്‍ ബേ​ബി​യെ​യും വി​ഷ്്ണു വി​നോ​ദി​നെ​യും പു​റ​ത്താ​ക്കി ഗു​ര്‍ക്രീ​ത് കേ​ര​ള​ത്തെ ത​ക​ര്‍ത്തു. 73 റ​ണ്‍സി​ലെ​ത്തി​യ​പ്പോ​ള്‍ സ​ച്ചി​നും 74ലെ​ത്തി​യ​പ്പോ​ള്‍ വി​ഷ്ണു​വും വീ​ണു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.