റൊണാൾഡോയ്ക്ക് ഡബിൾ : Deepika.com Sports News |

Click here for detailed news of all items

റൊണാൾഡോയ്ക്ക് ഡബിൾ

Monday, January 20, 2020 11:50 PM IST

ടുറിൻ: ക്രിസ്റ്റ്യാനോ റൊണാൾഡോയുടെ ഇരട്ടഗോളിൽ ഇറ്റാലിയൻ സീരി എ ഫുട്ബോളിൽ യുവന്‍റസ് 2-1ന് പാർമയെ തോൽപ്പിച്ചു. ജയത്തോടെ യുവന്‍റസ് രണ്ടാം സ്ഥാനക്കാരായ ഇന്‍റർ മിലാനുമായുള്ള പോയിന്‍റ് വ്യത്യാസം നാലാക്കി മാറ്റി. ആദ്യ പകുതിയിൽതന്നെ റൊണാൾഡോ യുവന്‍റസിനെ മുന്നിലെത്തിച്ചു.

രണ്ടാം പകുതിയിൽ ആന്ദ്രെസ് കോർണേലിയൂസ് (55-ാം മിനിറ്റ്) ഹെഡറിലൂടെ തിരിച്ചടിച്ചു. മൂന്നു മിനിറ്റിനുശേഷം റൊണാൾഡോ യുവന്‍റസിന്‍റെ ലീഡ് തിരിച്ചുപിടിച്ചു. ഈ സീസണിലെ പോർച്ചുഗീസ് താരത്തിന്‍റെ 16-ാമത്തെ ലീഗ് ഗോളായിരുന്നു. കഴിഞ്ഞ ഏഴു കളിയിൽ താരം 11 ഗോൾ നേടി. 20 കളിയിൽ യുവന്‍റസിന് 51 പോയിന്‍റും ഇന്‍റർ മിലാന് 47 പോയിന്‍റുമാണ്.

ലീസുമായി 1-1ന്‍റെ സമനില പാലിച്ച് ഇന്‍റർ മിലാന്‍റെ കിരീടമോഹങ്ങൾക്ക് തിരിച്ചടിയേറ്റു. 71-ാം മിനിറ്റിൽ അലസാൻഡ്രോ ബാസ്റ്റോണി ഇന്‍ററിനെ മുന്നിലെത്തിച്ചു. എന്നാൽ 77-ാം മിനിറ്റിൽ മാർകോ മാൻകോസു ലീസിനു സമനില നല്കി. എസി മിലാൻ 3-2ന് ഉഡിനീസിനെ തോൽപ്പിച്ചു. ആന്‍റെ റെബിച്ചിന്‍റെ ഇരട്ട ഗോൾ നേടി. ഉഡിനീസായിരുന്നു ആദ്യം മുന്നിലെത്തിയത്. എട്ടാം സ്ഥാനത്താണ് മിലാൻ.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.