മെല്ബണ്: ഓസ്ട്രേലിയന് ഓപ്പണ് ടെന്നീസില് ഇന്ത്യയുടെ രോഹന് ബൊപ്പണ്ണ യുക്രെയിന്റെ നാദിയ കിചെനൊക് സഖ്യം മിക്സഡ് ഡബിള്സ് ക്വാര്ട്ടര് ഫൈനലില്. ഇന്തോ-യുക്രെയിന് സഖ്യം 6-4, 7-6ന് നികോള് മെലിചര്-ബ്രൂണോ സോറസ് കൂട്ടുകെട്ടിനെ പരാജയപ്പെടുത്തി.
ലിയാണ്ടര് പെയ്സ്-യെലേന ഒസ്റ്റാപെങ്കോ സഖ്യം രണ്ടാം റൗണ്ടില് പ്രവേശിച്ചു. പെയ്സ് സഖ്യം ഓസ്ട്രേലിയയുടെ സ്റ്റോം സാന്ഡേഴ്സ്-മാര്ക് പോള്മാന്സ് സഖ്യത്തെ 6-7, 6-3, 10-6ന് പരാജയപ്പെടുത്തി.
വമ്പന്മാര് മുന്നോട്ട്
ഓസ്ട്രേലിയന് ഓപ്പണ് ടെന്നീസില് പുരുഷ സിംഗിള്സ് മത്സരങ്ങളില് സൂപ്പര്താരങ്ങളായ റോജര് ഫെഡറര്, റഫേല് നദാല്, നൊവാക് ജോക്കോവിച്ച് എന്നിവര് ക്വാര്ട്ടര് ഫൈനലില്.
ലോക ഒന്നാം നമ്പര് നദാല് 6-3, 3-6, 7-6(8-6), 7-6(7-4)ന് നിക് കിര്ഗിയോസിനെ തോല്പിച്ചു. രണ്ടാം റാങ്ക് ജോക്കോവിച്ച് നേരിട്ടുള്ള സെറ്റിന് (6-3, 6-4, 6-4) ഡിയേഗോ ഷ്വാര്ട്സ്മാനെ തകര്ത്തു. മുന് ചാമ്പ്യന് റോജര് ഫെഡര് ആദ്യ സെറ്റ് നഷ്ടമായശേഷം ശക്തമായി തിരിച്ചടിച്ച് 4-6, 6-1, 6-2, 6-2ന് മാര്ട്ടിന് ഫ്യൂസോവിച്ചിനെ തോല്പ്പിച്ചു. അലക്സാണ്ടര് സ്വരേവ് 6-4, 6-4, 6-4ന് ആന്ദ്രെ റൂബ് ലെവിനെ പരാജയപ്പെടുത്തി. ഡൊമിനിക് തീമും അനായാസ ജയം നേടി. ഗെയ്ൽ മോണ്ഫില്സിനെ 6-2, 6-4, 6-4ന് തീം പരാജയപ്പെടുത്തി. അഞ്ചു സെറ്റ് നീണ്ട പോരാട്ടത്തിലാണ് വാവ്റിങ്ക ഡാനിയല് മെദ്വദേവിനെ തോല്പ്പിച്ചത്. 6-2, 2-6, 4-6, 7-6(7-2), 6-2നായിരുന്നു സ്വിസ്താരത്തിന്റെ ജയം. ഫാബിയോ ഫോഞ്ഞിനിയെ തകര്ത്ത് അമേരിക്കയുടെ ടെനിസ് സാന്ഡ്ഗ്രെന് ക്വാര്ട്ടര് ഫൈനലിലെത്തി. ക്വാര്ട്ടറില് ഫെഡററാണ് യുഎസ്താരത്തിന്റെ എതിരാളി. 7-6(7-5), 7-5, 6-7(2-7),6-4നായിരുന്നു യുഎസ് താരത്തിന്റെ ജയം. മിലോസ് റോണിക് 6-4, 6-3, 7-5ന് മാരിന് സിലിച്ചിനെ പരാജയപ്പെടുത്തി ക്വാര്ട്ടറിലെത്തി.
വനിതാ സിംഗിള്സില് ആഷ് ലി ബാര്ട്ടി, പെട്ര ക്വിറ്റോവ 6-7(4-7), 6-3, 6-2ന് മരിയ സകാരിയെ പരാജയപ്പെടുത്തി. സിമോണ ഹാലെപ്, അനസ്താസിയ പാവ്ലെചെങ്കോവ, സോഫിയ കെനിന്, ഓണ്സ് ജേബ്വര്, ഇഗ സ്വിയാടെക്, ഗാര്ബിന് മുഗുരുസ എന്നിവർ ക്വാര്ട്ടറിലെത്തി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.