Sports News
മഞ്ഞക്കടലിരന്പി
മഞ്ഞക്കടലിരന്പി
Sunday, February 16, 2020 2:05 AM IST
കൊ​ച്ചി: ഇ​ങ്ങ​നെ​യും ക​ളി​ക്കാ​ന​റി​യാ​മെ​ന്ന് ഒ​ടു​വി​ല്‍ കേ​ര​ള ബ്ലാ​സ്‌​റ്റേ​ഴ്‌​സ് സ്വ​ന്തം കാ​ണി​ക​ളു​ടെ മു​ന്നി​ല്‍ തെ​ളി​യി​ച്ചു. പി​ന്നി​ല്‍നി​ന്ന് തി​രി​ച്ച​ടി​ക്കാ​നും നേ​ടി​യ ലീ​ഡ് കൈ​വി​ടാ​തെ സൂ​ക്ഷി​ക്കാ​നു​മാ​കാ​മെ​ന്ന് ഈ ​സീ​സ​ണി​ലെ അ​വ​സാ​ന ഹോം ​മ​ത്സ​ര​ത്തി​ല്‍ ബ്ലാ​സ്‌​റ്റേ​ഴ്‌​സ് തെ​ളി​യി​ച്ചു.

നി​ല​വി​ലെ ചാ​മ്പ്യ​ന്മാ​രാ​യ ബം​ഗ​ളൂ​രു എ​ഫ്‌​സി​യെ 2-1ന് ​ത​ക​ര്‍ത്താ​ണ് ബ്ലാ​സ്്‌​റ്റേ​ഴ്‌​സ് ഹോം ​മ​ത്സ​ര​ങ്ങ​ള്‍ പൂ​ര്‍ത്തി​യാ​ക്കി​യ​ത്. ബം​ഗ​ളൂ​രു​വി​നെ​തി​രേ ബ്ലാ​സ്റ്റേ​ഴ്‌​സി​ന്‍റെ ആ​ദ്യ ജ​യ​മാ​ണ്. ബ്ലാ​സ്‌​റ്റേ​ഴ്‌​സി​നാ​യി ര​ണ്ട് ഗോ​ളു​ക​ളും നേ​ടി​യ​ത് നാ​യ​ക​ന്‍ ബ​ര്‍ത്തൊ​ലൊ​മി ഒ​ഗ്ബ​ച്ചെ.

ആ​ദ്യ​പ​കു​തി​യു​ടെ ഇ​ഞ്ചു​റി ടൈ​മി​ലും 72-ാം മി​നി​റ്റി​ല്‍ പെ​നല്‍റ്റി​യി​ലൂ​ടെ​യു​മാ​യി​രു​ന്നു നാ​യ​ക​ന്‍റെ ഗോ​ളു​ക​ള്‍. 16-ാം മി​നി​റ്റി​ല്‍ ഡെ​സ്‌​റോ​ണ്‍ ബ്രൗ​ണി​ന്‍റെ ഗോ​ളി​ല്‍ ബം​ഗ​ളൂ​രു മു​ന്നി​ലെ​ത്തി​യി​രു​ന്നു. ജ​യ​ത്തോ​ടെ 17 ക​ളി​ക​ളി​ല്‍ നി​ന്ന് 18 പോ​യി​ന്‍റു​മാ​യി ബ്ലാ​സ്‌​റ്റേ​ഴ്‌​സ് ഏ​ഴാം സ്ഥാ​ന​ത്തേ​ക്കു​യ​ര്‍ന്നു. പ്ലേ ​ഓ​ഫി​ന് യോ​ഗ്യ​ത നേ​ടാ​നാ​യി​ല്ലെ​ങ്കി​ലും ബം​ഗ​ളൂ​രു​വി​നെ തോ​ല്‍പ്പി​ക്കാ​നാ​യ​ത് കോ​ച്ച് ഷാ​ട്ടോ​രി​ക്ക് ന​ല്‍കു​ന്ന ആ​ശ്വാ​സം ചെ​റു​ത​ല്ല. അ​വ​സാ​ന​ നാ​ലി​ല്‍ എ​ത്തി​യ​ത് കൊ​ണ്ട് ഈ ​തോ​ല്‍വി ബം​ഗ​ളൂ​രു​വി​നെ സം​ബ​ന്ധി​ച്ചി​ട​ത്തോ​ളം വ​ലി​യ പ​രി​ക്കു​ക​ള്‍ സ​മ്മാ​നി​ക്കു​ന്നി​ല്ല. 17 മ​ത്സ​ര​ങ്ങ​ളി​ല്‍ ബം​ഗ​ളൂ​രു 29 പോ​യി​ന്‍റു​മാ​യി മൂ​ന്നാം സ്ഥാ​ന​ത്താ​ണ്.

പ്ലേ ​ഓ​ഫ് കാ​ണാ​തെ ബ്ലാ​സ്റ്റേ​ഴ്‌​സ് പു​റ​ത്താ​യ​തു​കൊ​ണ്ട് കാ​ണി​ക​ളു​ടെ എ​ണ്ണ​ത്തി​ല്‍ കു​റ​വു​ണ്ടാ​യി. കാ​ണി​ക​ളു​ടെ കു​റ​വ് മ​ത്സ​ര​ത്തി​ന്‍റെ ആ​വേ​ശ​വും കു​റ​ച്ചു. ഇ​തു​കൊ​ണ്ടു​ത​ന്നെ ആ​ദ്യ​മി​നി​റ്റു​ക​ള്‍ ഇ​രു​ടീ​മു​ക​ളും ത​ണു​പ്പ​ന്‍ ക​ളി​യാ​ണ് പു​റ​ത്തെ​ടു​ത്ത​ത്. തു​ട​ര്‍ന്ന് ബം​ഗ​ളൂ​രു​വി​ന്‍റെ മു​ന്നേ​റ്റം ആ​രം​ഭി​ച്ചു. എ​ന്നാ​ല്‍ അ​വ​രു​ടെ മു​ന്നേ​റ്റ​ങ്ങ​ള്‍ക്ക് മ​ധ്യ​നി​ര​യി​ല്‍ ത​ന്നെ ത​ട​യി​ടാ​ന്‍ ബ്ലാ​സ്റ്റേ​ഴ്‌​സി​ന് സാ​ധി​ച്ചു. തു​ട​ര്‍ന്ന് മ​ധ്യ​നി​ര​യി​ല്‍ ആ​ധി​പ​ത്യം നേ​ടി​യ ബ്ലാ​സ്റ്റേ​ഴ്‌​സി​ന്‍റെ മു​ന്നേ​റ്റ​ങ്ങ​ള്‍ക്ക് ചു​ക്കാ​ന് പി​ടി​ച്ച​ത് സി​ഡോ​ഞ്ച​യാ​യി​രു​ന്നു. പ​ത്താം മി​നി​റ്റി​ല്‍ സി​ഡോ​ഞ്ച ന​ല്‍കി​യ പ​ന്ത് ബോ​ക്സി​ന് പു​റ​ത്ത് നി​ന്ന് സ്വീ​ക​രി​ച്ച് മെ​സി ബൗ​ളി ബോ​ക്‌​സി​ലേ​ക്ക് കു​തി​ച്ചെ​ങ്കി​ലും എ​റി​ക് പാ​ര്‍ത്താ​ലു കോ​ര്‍ണ​റി​ന് വ​ഴ​ങ്ങി ര​ക്ഷ​പ്പെ​ടു​ത്തി. സി​ഡോ​ഞ്ച​യു​ടെ കോ​ര്‍ണ​ര്‍ കി​ക്കി​ല്‍ മു​ഹ​മ്മ​ദ് നി​ങ് സു​ന്ദ​ര​മാ​യി ത​ല​വ​ച്ചെ​ങ്കി​ലും ബം​ഗ​ളൂ​രു പ്ര​തി​രോ​ധം ര​ക്ഷ​പ്പെ​ടു​ത്തി.

15-ാം മി​നി​റ്റി​ല്‍ മ​റ്റൊ​രു കോ​ര്‍ണ​ര്‍. ജെ​സെ​ലി​ന്‍റെ സു​ന്ദ​ര​മാ​യ ക്രോ​സി​ല്‍ ഡ്രോ​ബ​റോ​വ് ഹെ​ഡ​റി​ന് ശ്ര​മി​ച്ചെ​ങ്കി​ലും വ​ല​യ​ക​ന്നു. തൊ​ട്ട​ടു​ത്ത മി​നി​റ്റി​ല്‍ ബ്ലാ​സ്‌​റ്റേ​ഴ്‌​സി​ന്‍റെ വ​ല കു​ലു​ങ്ങി. സു​രേ​ഷ് വാ​ങ്ജ​മി​ന്‍റെ ലോം​ഗ് ബോ​ള്‍ ബ്ലാ​സ്റ്റേ​ഴ്സി​ന്‍റെ ഗോ​ള്‍മു​ഖ​ത്തി​ന് പു​റ​ത്ത് നി​ന്ന് സ്വീ​ക​രി​ച്ച ബ്രൗ​ണി​നെ ത​ട​യാ​ന്‍ ബി​ലാ​ല്‍ ഖാ​ന്‍ അ​ഡ്വാ​ന്‍സ് ചെ​യ്തു. ഈ ​അ​വ​സ​രം മു​ത​ലെ​ടു​ത്ത് ബ്രൗ​ണ്‍ പാ​യി​ച്ച നി​ലം​പ​റ്റെ​യു​ള്ള ഷോ​ട്ട് ബ്ലാ​സ്‌​റ്റേ​ഴ്‌​സ് വ​ല കു​ലു​ക്കി. തൊ​ട്ടു​പി​ന്നാ​ലെ സ​മ​നി​ല നേ​ടാ​ന്‍ ബ്ലാ​സ്റ്റേ​ഴ്സി​ന് അ​വ​സ​രം ല​ഭി​ച്ചെ​ങ്കി​ലും മു​ത​ലാ​ക്കാ​നാ​യി​ല്ല. ഇ​ട​ത് കോ​ര്‍ണ​റി​ല്‍ നി​ന്ന്് ബോ​ക്സി​ലേ​ക്ക് ന​ര്‍സാ​രി ന​ല്‍കി​യ ക്രോ​സി​ന് ക്ലോ​സ് റേ​ഞ്ചി​ല്‍ നി​ന്ന് മെ​സി ബൗ​ളി ത​ല​വ​ച്ചെ​ങ്കി​ലും ഗോ​ളാ​യി​ല്ല. 24-ാം മി​നി​റ്റി​ല്‍ പ​രി​ക്കേ​റ്റ സി​ഡോ​ഞ്ച​യെ ബ്ലാ​സ്റ്റേ​ഴ്സ് പി​ന്‍വ​ലി​ച്ചു.


സു​വ​ര്‍ലൂ​ണ്‍ പ​ക​ര​ക്കാ​ര​നാ​യി. സ​മ​നി​ല ഗോ​ളി​നാ​യി ബ്ലാ​സ്റ്റേ​ഴ്സ് നി​ര​ന്ത​ര ശ്ര​മ​ങ്ങ​ള്‍ ന​ട​ത്തി. 42-ാം മി​നി​റ്റി​ലും ല​ഭി​ച്ച അ​വ​സ​രം ബ്ലാ​സ്‌​റ്റേ​ഴ്‌​സി​ന് മു​ത​ലാ​ക്കാ​നാ​യി​ല്ല. എ​ന്നാ​ല്‍ ആ​ദ്യ​പ​കു​തി അ​വ​സാ​നി​ക്കു​ന്ന​തി​ന് തൊ​ട്ടു​മു​മ്പ് ബ്ലാ​സ്റ്റേ​ഴ്‌​സ് സ​മ​നി​ല പി​ടി​ച്ചു. 45-ാം മി​നി​റ്റി​ല്‍ ഫ്രീ​ക്കി​ക്കി​ലൂ​ടെ നാ​യ​ക​ന്‍ ഒ​ഗ്ബ​ച്ചെയാ​ണ് ബ്ലാ​സ്‌​റ്റേ​ഴ്‌​സി​നാ​യി ഗോ​ള്‍ നേ​ടി​യ​ത്. ബം​ഗ​ളൂ​രു​വി​ന്‍റെ ആ​ര്‍ബ​ര്‍ട്ട് സെ​റാ​ന്‍ ബോ​ക്‌​സി​ന് പു​റ​ത്ത് വ​ച്ച് ഒ​ഗ്ബ​ച്ചെയെ ഫൗ​ള്‍ ചെ​യ്ത​തി​നാ​ണ് ബ്ലാ​സ്റ്റേ​ഴ്‌​സി​ന് ഫ്രീ​കി​ക്ക് ല​ഭി​ച്ച​ത്. സെ​റാ​ന് മ​ഞ്ഞ​ക്കാ​ര്‍ഡും ല​ഭി​ച്ചു. കി​ക്കെ​ടു​ത്ത ഒ​ഗ്‌​ബെ​ച്ചെ തൊ​ടു​ത്തു​വി​ട്ട പ​ന്ത് ഗു​ര്‍പ്രീ​ത് സിം​ഗ് സ​ന്ധു​വി​ന്‍റെ കാ​ലി​ല്‍ ത​ട്ടി ഗോ​ള്‍ വ​ല​യി​ലെ​ത്തു​ക​യാ​യി​രു​ന്നു. ആ​ദ്യ​പ​കു​തി (1-1) സ​മ​നി​ല​യി​ല്‍ അ​വ​സാ​നി​ച്ചു.

ര​ണ്ടാം പ​കു​തി ആ​രം​ഭി​ച്ച് 47-ാം മി​നി​റ്റി​ല്‍ പ​ന്ത് ല​ഭി​ച്ച ബം​ഗ​ളൂ​രു​വി​ന്‍റെ ഉ​ദാ​ന്ത സിം​ഗ് ന​ല്ലൊ​രു മു​ന്നേ​റ്റം ന​ട​ത്തി​യെ​ങ്കി​ലും ബ്ലാ​സ്റ്റേ​ഴ്‌​സി​ന്‍റെ ലാ​ല്‍റു​വ​ത്താ​ര കാ​ലു​കൊ​ണ്ടു ത​ട്ടി​യെ​ടു​ത്ത് ആ ​ശ്ര​മം പാ​ഴാ​ക്കി. 50-ാം മി​നി​റ്റി​ല്‍ ഉ​ദാ​ന്ത​യെ പി​ന്‍വ​ലി​ച്ച് ആ​ഷി​ഖി​നെ ബം​ഗ​ളൂ​രു ക​ള​ത്തി​ലെ​ത്തി​ച്ചു. 56-ാം മി​നി​റ്റി​ല്‍ വ​ല​തു​വ​ശ​ത്തു നി​ന്നും പാ​സ് ല​ഭി​ച്ച ആ​ഷി​ഖ് തൊ​ടു​ത്തു​വി​ട്ട പ​ന്ത് വ്‌​ളാ​ട്‌​കോ ബ്ലോ​ക്ക് ചെ​യ്ത​തോ​ടെ പു​റ​ത്തേ​ക്ക് പോ​യി. 56-ാം മി​നി​റ്റി​ല്‍ ആ​തി​ഥേ​യ​ര്‍ക്ക് വീ​ണ്ടും ന​ല്ലൊ​രു അ​വ​സ​രം ല​ഭി​ച്ചു. ഇ​ട​തു​വ​ശ​ത്തു നി​ന്നും മെ​സി ഹെ​ഡ് ചെ​യ്തു ന​ല്‍കി​യ പ​ന്ത് സ​ഹ​ല്‍ ഗോ​ള്‍വ​ല​യി​ലേ​ക്ക് തൊ​ടു​ത്തു​വി​ട്ടെ​ങ്കി​ലും ഗോളായില്ല. 58-ാം മി​നി​റ്റി​ല്‍ ബ്ലാ​സ്‌​റ്റേ​ഴ്‌​സി​ന് ലീ​ഡ് നേ​ടാ​ന്‍ അ​വ​സ​രം ല​ഭി​ച്ചെ​ങ്കി​ലും ന​ര്‍സാ​രി​യു​ടെ ക്രോ​സ് ഹെ​ഡ​റി​ലൂ​ടെ ക​ണ​ക്ട് ചെ​യ്യാ​ന്‍ ക​ഴി​ഞ്ഞി​ല്ല. 67-ാം മി​നി​റ്റി​ല്‍ ബോ​ക്‌​സി​ന് പു​റ​ത്തു​നി​ന്ന് ന​ര്‍സാ​രി പാ​യി​ച്ച ബു​ള്ള​റ്റ് ലോം​ഗ്‌​റേ​ഞ്ച​ര്‍ ബം​ഗ​ളൂ​രു ഗോ​ളി കു​ത്തി​യ​ക​റ്റി.

അ​ധി​കം ക​ഴി​യും മു​ന്‍പേ ബ്ലാ​സ്‌​റ്റേ​ഴ്‌​സി​ന് അ​നു​കൂ​ല​മാ​യി പെ​നാ​ല്‍റ്റി ല​ഭി​ച്ചു. മെ​സി ബൗ​ളി​യെ ബോ​ക്‌​സി​നു​ള്ളി​ല്‍വ​ച്ച് സെ​റാ​ന്‍ വ​ലി​ച്ചി​ട്ട​തി​നാ​യി​രു​ന്നു സ്‌​പോ​ട്ട് കി​ക്ക്. കി​ക്കെ​ടു​ക്കാ​ന്‍ എ​ത്തി​യ നാ​യ​ക​ന്‍ ഒ​ഗ്‌​ബെ​ച്ചെ ഗു​ര്‍പ്രീ​തി​ന് യാ​തൊ​രു അ​വ​സ​ര​വും ന​ല്‍കാ​തെ പ​ന്ത് വ​ല​യി​ലെ​ത്തി​ച്ചു. (2-1). തു​ട​ര്‍ന്നും ലീ​ഡ് ഉ​യ​ര്‍ത്താ​ന്‍ ഒ​ഗ്‌​ബെ​ച്ചെ​യു​ടെ നേ​തൃ​ത്വ​ത്തി​ല്‍ ബ്ലാ​സ്‌​റ്റേ​ഴ്‌​സ് നി​ര​വ​ധി മു​ന്നേ​റ്റ​ങ്ങ​ള്‍ ന​ട​ത്തി​യെ​ങ്കി​ലും ഫ​ലം ക​ണ്ടി​ല്ല. ഇ​ട​യ്ക്ക് സ​മ​നി​ല ഗോ​ളി​നാ​യി സ​ന്ദ​ര്‍ശ​ക​രും മി​ക​ച്ച ചി​ല മു​ന്നേ​റ്റ​ങ്ങ​ള്‍ ന​ട​ത്തി​യെ​ങ്കി​ലും കാ​ര്യ​മു​ണ്ടാ​യി​ല്ല.

വി.ആർ. ശ്രീജിത്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.