ഒ​രു ജ​യം അ​ക​ലെ കി​രീ​ടം
Friday, June 26, 2020 12:08 AM IST
ലി​വ​ര്‍പൂ​ള്‍: ലി​വ​ര്‍പൂ​ള്‍ എ​ഫ്‌​സി ഒ​രു ജ​യം കൂ​ടി നേ​ടി​ക്ക​ഴി​ഞ്ഞാ​ല്‍ ഇം​ഗ്ലീ​ഷ് പ്രീ​മി​യ​ര്‍ ലീ​ഗ് കി​രീ​ടം സ്വ​ന്ത​മാ​ക്കും. ലോ​ക്ക്ഡൗ​ണി​നു​ശേ​ഷ​മു​ള്ള ആ​ദ്യ മ​ത്സ​ര​ത്തി​ല്‍ സ​മ​നി​ല​യി​ല്‍ പി​രി​യേ​ണ്ടി​വ​ന്ന ലി​വ​ര്‍പൂ​ള്‍ ഏ​റ്റ​വും മി​ക​ച്ച ഫോ​മി​ല്‍ തി​രി​ച്ചെ​ത്തി ക്രി​സ്റ്റ​ല്‍ പാ​ല​സി​നെ 4-0ന് ​തോ​ല്‍പ്പി​ച്ചു. ലോ​ക്ക്ഡൗ​ണി​നു​ശേ​ഷ​മു​ള്ള ആ​ദ്യ മ​ത്സ​ര​ത്തി​ല്‍ എ​വ​ര്‍ട്ട​ണോ​ട് ഗോ​ള്‍ ര​ഹി​ത സ​മ​നി​ല പാ​ലി​ച്ച​തോ​ടെ യുര്‍ഗ​ന്‍ ക്ലോ​പ്പി​ന്‍റെ ടീ​മി​ന്‍റെ ഫോ​മി​നെ പലരും സം​ശ​യി​ച്ചു. എ​ന്നാ​ല്‍ ക്രി​സ്റ്റ​ല്‍ പാ​ല​സി​നെ ത​ക​ര്‍ത്ത ലി​വ​ര്‍പൂ​ള്‍ ആ​ദ്യ ഇം​ഗ്ലീ​ഷ് പ്രീ​മി​യ​ര്‍ ലീ​ഗ് കി​രീ​ട​ത്തി​ലേക്ക് ഒ​രു​പ​ടി അ​ടു​ത്തു. പ്രീ​മി​യ​ര്‍ ലീ​ഗി​ല്‍ ലി​വ​ര്‍പൂ​ള്‍ സ്വ​ന്തം ആ​ന്‍ഫീ​ല്‍ഡ് സ്റ്റേ​ഡി​യ​ത്തി​ല്‍ നേ​ടു​ന്ന തു​ട​ര്‍ച്ച​യാ​യ 23-ാമ​ത്തെ ജ​യ​മാ​ണ്.

ഇം​ഗ്ലീ​ഷ് ഫു​ട്‌​ബോ​ള്‍ ലീ​ഗ് ഫ​സ്റ്റ് ഡി​വി​ഷ​ന്‍ കി​രീ​ടം 18 ത​വ​ണ നേ​ടി​യി​ട്ടു​ണ്ടെ​ങ്കി​ലും ഫ​സ്റ്റ് ഡി​വി​ഷ​ന്‍ 1992-ൽ‍ പ്രീ​മി​യ​ര്‍ ലീ​ഗ് എ​ന്ന പേ​ര് സ്വീ​ക​രി​ച്ച​ശേ​ഷം ലി​വ​ര്‍പൂ​ളി​ന് കി​രീ​ട​ത്തി​ല്‍ മു​ത്ത​മി​ടാ​നാ​യി​ട്ടി​ല്ല. 1989-90 സീ​സ​ണി​ലാ​ണ് ലി​വ​ര്‍പൂ​ള്‍ അ​വ​സാ​ന​മാ​യി ഫ​സ്റ്റ് ഡി​വി​ഷ​ന്‍ ചാ​മ്പ്യ​ന്മാ​രാ​യ​ത്.

ട്രെ​ന്‍ഡ് അ​ല​ക്‌​സാ​ണ്ട​ര്‍ അ​ര്‍നോ​ള്‍ഡ്, സ​ല, ഫാ​ബി​ഞ്ഞോ, സാ​ദി​നോ മാ​നെ എ​ന്നി​വ​രു​ടെ ഗോ​ളു​ക​ളി​ലാ​ണ് ലി​വ​ര്‍പൂ​ളി​ന്‍റെ ജ​യം. ര​ണ്ടാം സ്ഥാ​ന​ത്തു​ള്ള മാ​ഞ്ച​സ്റ്റ​ര്‍ സി​റ്റി​ക്ക് ചെ​ല്‍സി​യെ തോ​ല്‍പ്പി​ക്കാ​നാ​യി​ല്ലെ​ങ്കി​ല്‍ ലി​വ​ര്‍പൂ​ള്‍ ജേ​താ​ക്കളാ​കും. അ​ല്ലെ​ങ്കി​ല്‍ സി​റ്റി​യു​ടെ എ​ത്തി​ഹാ​ദ് സ്റ്റേ​ഡി​യ​ത്തി​ല്‍ ജൂ​ലൈ ര​ണ്ടി​ന് ന​ട​ക്കു​ന്ന മ​ത്സ​ര​ത്തി​ല്‍ അ​വ​രെ തോ​ല്പി​ച്ചാ​ലും കി​രീ​ടം സ്വ​ന്ത​മാ​ക്കാം. 31 ക​ളി​യി​ല്‍ ലി​വ​ര്‍പൂ​ളി​ന് 86 പോ​യി​ന്‍റും സി​റ്റി​ക്ക്് 63 പോ​യി​ന്‍റു​മാ​ണ്.
23-ാം മി​നി​റ്റി​ല്‍ പ്ര​തി​രോ​ധ മ​തി​ലി​നു മു​ക​ളി​ലൂ​ടെ പ​റ​ന്ന അ​ല​ക്‌​സാ​ണ്ട​ര്‍ അ​ര്‍നോ​ള്‍ഡി​ന്‍റെ ത​ക​ര്‍പ്പ​ന്‍ ഫ്രീ​കി​ക്ക് ഗോ​ള്‍കീ​പ്പ​ര്‍ വെ​യ്ന്‍ ഹെ​നേ​സെ​യെ​യും ക​ട​ന്ന് വ​ല​യി​ല്‍ പ്ര​വേ​ശി​ച്ചു. 44-ാം മി​നി​റ്റി​ല്‍ സ​ല ലീ​ഡ് ഉ​യ​ര്‍ത്തി. 55-ാം മി​നി​റ്റി​ല്‍ 30 വാ​ര പു​റ​ത്തു​നി​ന്ന് ഫാ​ബി​ഞ്ഞോ​യു​ടെ റോ​ക്ക​റ്റ് പോ​ലു​ള്ള ലോം​ഗ് റേ​ഞ്ച​ര്‍ പാ​ല​സി​ന്‍റെ വ​ല തു​ള​ച്ചു. 69-ാം മി​നി​റ്റി​ല്‍ സ​ല​യി​ല്‍നി​ന്ന് പ​ന്ത് സ്വീ​ക​രി​ച്ച മാ​നെ വ​ല​കു​ലു​ക്കി.


ലി​വ​ര്‍പൂ​ള്‍ മ​ത്സ​ര​ത്തി​ല്‍ സ​ര്‍വാ​ധി​പ​ത്യം പു​ല​ര്‍ത്തി​യ​പ്പോ​ള്‍ പാ​ല​സി​ന് ലി​വ​ര്‍പൂ​ളി​ന്‍റെ പെ​ന​ല്‍റ്റി ഏ​രി​യ​യി​ല്‍ ക​ട​ന്ന് ഒ​രു ട​ച്ച് പോ​ലും ന​ട​ത്താ​നാ​യി​ല്ല. 2008നു​ശേ​ഷം ആ​ദ്യ​മാ​യാ​ണ് ഇ​ങ്ങ​നെ​യൊ​രു സം​ഭ​വം പ്രീ​മി​യ​ര്‍ ലീ​ഗി​ല്‍ അ​ര​ങ്ങേ​റു​ന്ന​ത്.

ഹാ​ട്രി​ക്ക് ക്ഷാമം തീ​ര്‍ത്ത് മാ​ര്‍സ്യാൽ

ഇ​പി​എ​ലി​ല്‍ മാ​ഞ്ച​സ്റ്റ​ര്‍ യു​ണൈ​റ്റ​ഡി​ന്‍റെ ഏ​ഴു വ​ര്‍ഷ​മാ​യു​ള്ള ഹാ​ട്രി​ക് ക്ഷാമം ആ​ന്‍റ​ണി മാ​ര്‍സ്യാല്‍ അ​വ​സാ​നി​ച്ചു. മാ​ര്‍സ്യാലി​ന്‍റെ ഹാ​ട്രി​ക് മി​ക​വി​ല്‍ യു​ണൈ​റ്റ​ഡ് 3-0ന് ​ഷെ​ഫീ​ല്‍ഡ് യു​ണൈ​റ്റ​ഡി​നെ തോ​ല്‍പ്പി​ച്ചു. ജ​യ​ത്തോ​ടെ മാ​ഞ്ച​സ്റ്റ​ര്‍ ആ​ദ്യ നാ​ലി​ല്‍ പ്ര​വേ​ശി​ക്കാ​നു​ള്ള സാ​ധ്യ​ത​ക​ള്‍ നി​ല​നി​ര്‍ത്തി. 31 ക​ളി​യി​ല്‍ 49 പോ​യി​ന്‍റു​മാ​യി യു​ണൈ​റ്റ​ഡ് അ​ഞ്ചാം സ്ഥാ​ന​ത്താ​ണ്.
ഓ​ള്‍ഡ് ട്രാ​ഫ​ഡി​ല്‍ ആ​ദ്യ പ​കു​തി​യി​ല്‍ത​ന്നെ ര​ണ്ടു ഗോ​ള്‍ നേ​ടി​യ മാ​ര്‍സ്യാല്‍ ടീ​മി​ന്‍റെ ജ​യം ഉ​റ​പ്പി​ച്ചു. ര​ണ്ടാം പ​കു​തി​യി​ല്‍ ഒ​രെ​ണ്ണം​കൂ​ടി​യ​ടി​ച്ച് ഹാ​ട്രി​ക് തി​ക​ച്ചു. ഇ​തോ​ടെ ഫ്ര​ഞ്ച് താ​രം പ്രീ​മി​യ​ര്‍ ലീ​ഗി​ല്‍ യു​ണൈ​റ്റ​ഡി​നാ​യി ഏ​ഴു വ​ര്‍ഷ​ത്തി​നു​ശേ​ഷം ഹാ​ട്രി​ക് നേ​ടു​ന്ന ആ​ദ്യ താ​ര​മാ​യി. 2013ല്‍ ​റോ​ബി​ന്‍ വാ​ന്‍ പേ​ഴ്‌​സി​യാ​ണ് അ​വ​സാ​ന​മാ​യി യു​ണൈ​റ്റ​ഡി​നാ​യി ഹാ​ട്രി​ക് നേ​ടി​യ​ത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.