ജെർമയ്ൻ തോളിലേറി വി​​ൻ​​ഡീ​​സ്
Monday, July 13, 2020 12:15 AM IST
സ​​താം​​പ്ട​​ണ്‍: കൊ​​റോ​​ണ കാ​​ല​​ത്തി​​ലെ ആ​​ദ്യ രാ​​ജ്യാ​​ന്ത​​ര ടെ​​സ്റ്റ് ക്രി​​ക്ക​​റ്റി​​ൽ വെ​​സ്റ്റ് ഇ​​ൻ​​ഡീ​​സി​നു ജ​യം. ക​ട​ഞ്ഞെ​ടു​ത്ത ബാ​റ്റിം​ഗ് ചാ​രു​ത​യു​മാ​യി ജെർ​മ​യ്ൻ ബ്ലാ​ക്‌​വു​ഡ് വി​ൻ​ഡീ​സി​നെ വി​ജ​യ​ത്തി​ലെ​ത്തി​ക്കു​ക​യാ​യി​രു​ന്നു.154 പ​ന്തി​ൽ 95 റ​ൺ​സ് നേ​ടി​യ ബ്ലാ​ക്‌​വു​ഡ് ആ​ണ് വി​ൻ​ഡീ​സി​ന്‍റെ ര​ണ്ടാം ഇ​ന്നിം​ഗ്സി​ൽ നി​ർ​ണാ​യ​ക സാ​ന്നി​ധ്യ​മാ​യ​ത്. 200 റ​​ണ്‍​സ് ല​​ക്ഷ്യ​​വു​​മാ​​യി ര​ണ്ടാം ഇ​ന്നിം​ഗ്സിനു ക്രീ​​സി​​ലെ​​ത്തി​​യ വി​​ൻ​​ഡീ​​സ് ആ​റ് വി​ക്ക​റ്റ് ന​ഷ്ട​പ്പെ​ടു​ത്തി ജ​യം സ്വ​ന്ത​മാ​ക്കി. 2000നു​ശേ​ഷം ഇം​ഗ്ല​ണ്ടി​ൽ വെ​സ്റ്റ് ഇ​ൻ​ഡീ​സി​ന്‍റെ ര​ണ്ടാ​മ​ത്തെ മാ​ത്രം ജ​യ​മാ​ണി​ത്. സ്കോ​ർ: ഇം​ഗ്ല​ണ്ട് 204, 313. വെ​സ്റ്റ് ഇ​ൻ​ഡീ​സ് 318, ആ​റി​ന് 200. ഇ​തോ​ടെ മൂ​ന്ന് മ​ത്സ​ര പ​ര​ന്പ​ര​യി​ൽ വി​ൻ​ഡീ​സ് 1-0ന്‍റെ ലീ​ഡ് സ്വ​ന്ത​മാ​ക്കി.

ഇം​​ഗ്ല​​ണ്ടി​​ന്‍റെ ര​​ണ്ടാം ഇ​​ന്നിം​​ഗ്സ് 313ൽ ​​അ​​വ​​സാ​​നി​​പ്പി​​ച്ചാ​​ണ് വി​​ൻ​​ഡീ​​സ് കൊ​​റോ​​ണ ടെ​​സ്റ്റ് ജ​​യ​​ത്തി​​നാ​​യി ക്രീ​​സി​​ലെ​​ത്തി​​യ​​ത്. അ​​വ​​സാ​​ന ദി​​ന​​മാ​​യ ഇ​​ന്ന​​ലെ ര​​ണ്ടാം ഇ​​ന്നിം​​ഗ്സ് ആ​​രം​​ഭി​​ച്ച​​പ്പോ​​ൾ സ​​ന്ദ​​ർ​​ശ​​ക​​ർ​​ക്ക് ക​​ന​​ത്ത തി​​രി​​ച്ച​​ടി ല​​ഭി​​ച്ചു. 27 റ​​ണ്‍​സ് എ​​ടു​​ക്കു​​ന്ന​​തി​​നി​​ടെ മൂ​​ന്ന് വി​​ക്ക​​റ്റു​​ക​​ൾ അ​​വ​​ർ​​ക്ക് ന​​ഷ്ട​​പ്പെ​​ട്ടു. എ​​ന്നാ​​ൽ, ജെ​​ർ​​മ​​യ്ൻ ബ്ലാ​ക്‌​വു​​ഡും ഷെ​​യ്ൻ ഡൗ​​റി​​ച്ചും ചേ​​ർ​​ന്ന് വി​​ൻ​​ഡീ​​സി​​നെ കൈ​​പി​​ടി​​ച്ചു​​യ​​ർ​​ത്തി. നാ​ല് മു​ൻ​നി​ര ബാ​റ്റ്സ്മാ​ന്മാ​ർ ര​ണ്ട​ക്കം കാ​ണാ​തെ പു​റ​ത്താ​യ​തി​നു​ശേ​ഷം ചേ​സ്-​ബ്ലാ​ക്‌​വു​ഡ് കൂ​ട്ടു​കെ​ട്ട് വി​ൻ​ഡീ​സി​നെ 100 ക​ട​ത്തി. തു​ട​ർ​ന്ന് ഡൗ​റി​ച്ചി​നൊ​പ്പം ചേ​ർ​ന്ന ബ്ലാ​ക്‌​വു​ഡ് വി​ൻ​ഡീ​സി​നെ മുന്നോട്ടു നയിച്ചു. സ്കോ​ർ 168ൽ ​എ​ത്തി​യ​പ്പോ​ൾ ഡൗ​റി​ച്ചി​നെ (20) ബെ​ൻ സ്റ്റേ​ക്സ് പു​റ​ത്താ​ക്കി. എ​ന്നാ​ൽ, പി​ന്നീ​ടെ​ത്തി​യ ക്യാ​പ്റ്റ​ൻ ജേ​സ​ൺ ഹോ​ൾ​ഡ​റി​നൊ​പ്പം ചേ​ർ​ന്ന് ബ്ലാ​ക്‌​വു​ഡ് വി​ൻ​ഡീ​സി​നെ ജ​യ​ത്തി​ലെ​ത്തി​ച്ചു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.