യു​വ​ന്‍റ​സ് വീ​ണ്ടും നാ​ണം​കെ​ട്ടു
Thursday, July 30, 2020 10:37 PM IST
കാ​ഗ്ലി​യ​രി (ഇ​റ്റ​ലി): ഇ​റ്റാ​ലി​യ​ന്‍ സീ​രി എ​യി​ല്‍ ചാ​മ്പ്യ​ന്മാ​രാ​യ യു​വ​ന്‍റ​സ് വീ​ണ്ടും നാ​ണം​കെ​ട്ടു. ക​ഴി​ഞ്ഞ​യാ​ഴ്ച ഉ​ഡി​നെ​സി​നോ​ടു തോ​റ്റ യു​വ​ന്‍റ​സ് ഇ​ത്ത​വ​ണ പോ​യി​ന്‍റ് പ​ട്ടി​ക​യി​ല്‍ 13-ാം സ്ഥാ​ന​ത്തു​ള്ള കാ​ഗ്ലി​യ​രി​യോ​ട് എ​വേ മ​ത്സ​ര​ത്തി​ല്‍ 2-0ന് ​തോ​റ്റു. ഇ​തോ​ടെ യു​വ​ന്‍റ​സ് താ​രം ക്രി​സ്റ്റ്യാ​നോ റൊ​ണാ​ള്‍ഡോ​യ്ക്ക് സീ​രി എ​യി​ല്‍ സീ​സ​ണി​ലെ ടോ​പ് സ്‌​കോ​റ​റാ​കാ​മെ​ന്ന പ്ര​തീ​ക്ഷ​ക​ള്‍ മ​ങ്ങി. പോ​ര്‍ച്ചു​ഗീ​സ് താ​രം 31 ഗോ​ളാ​ണ് ഇ​ത്ത​വ​ണ നേ​ടി​യ​ത്. 35 ഗോ​ളു​മാ​യി ലാ​സി​യോ​യു​ടെ സി​റോ ഇ​മ്മൊ​ബൈ​ലാ​ണ് ഒ​ന്നാ​മ​ത്. ലീ​ഗി​ലെ അ​വ​സാ​ന മ​ത്സ​ര​ത്തി​ല്‍ യു​വ​ന്‍റ​സ് ഹോം ​ഗ്രൗ​ണ്ടി​ല്‍ എ​എ​സ് റോ​മ​യു​മാ​യി ഏ​റ്റു​മു​ട്ടും.

13-ാം സ്ഥാ​ന​ക്കാ​രാ​യ കാ​ളി​യ​രി എ​ട്ടാം മി​നി​റ്റി​ല്‍ ചാ​മ്പ്യ​ന്മാ​രെ ഞെ​ട്ടി​ച്ചു. ഫെ​ഡ​റി​കോ മാ​റ്റി​ലോ​യു​ടെ പാ​സി​ല്‍ ലൂ​കാ​സ് ഗാ​ഗ്‌ലി​യാ​നോ വ​ല​കു​ലു​ക്കി. ഇരുപതുകാ​ര​നാ​യ താ​രം ക്ല​ബ്ബി​നാ​യി നേ​ടു​ന്ന ആ​ദ്യ​ത്തെ ഗോ​ളാ​യി​രു​ന്നു. ആ​ദ്യ പ​കു​തി​യു​ടെ ഇ​ഞ്ചു​റി ടൈ​മി​ല്‍ യു​വ​ന്‍റ​സി​ന്‍റെ വ​ല ഒ​രി​ക്ക​ല്‍ക്കൂ​ടി കു​ലു​ങ്ങി. ജി​യോ​വ​നി സി​മോ​ണി​ന്‍റെ വ​ലം​കാ​ല്‍ ഷോ​ട്ട് ജി​യാ​ന്‍ലു​യി​ജി ബ​ഫ​ണെ ക​ട​ന്ന് വ​ല​യി​ല്‍ വി​ശ്ര​മി​ച്ചു.

ര​ണ്ടു ഗോ​ള്‍ മു​ന്‍തൂ​ക്കം ല​ഭി​ച്ച​തോ​ടെ കാ​ഗ്ലി​യ​രി ആ​ക്ര​മ​ണ​ത്തി​ല്‍നി​ന്ന് പി​ന്‍വാ​ങ്ങി പ്ര​തി​രോ​ധ​ത്തി​ലേ​ക്കു ശ്ര​ദ്ധി​ച്ചു. ര​ണ്ടാം പ​കു​തി​ല്‍ ഗോ​ള്‍ നേ​ടി​യെ​ങ്കി​ലും ഓ​ഫ്‌​സൈ​ഡി​ല്‍ കു​രു​ങ്ങി​യ റൊ​ണാ​ള്‍ഡോ​യ്ക്ക് ര​ണ്ടാം പ​കു​തി​യി​ല്‍ കൂ​ടു​ത​ല്‍ അ​വ​സ​രങ്ങ​ള്‍ ല​ഭി​ച്ചു. എ​ന്നാ​ല്‍ ത​ക​രാ​ത്ത പ്ര​തി​രോ​ധം​തീ​ര്‍ത്ത കാ​ളി​യ​രി താ​ര​ത്തി​ന്‍റെ ശ്ര​മ​ങ്ങ​ള്‍ ത​ക​ര്‍ത്തു. കൂ​ടാ​തെ ഗോ​ള്‍കീ​പ്പ​ര്‍ അ​ലെ​സി​യോ ക്രാ​ഗ്നോ​യു​ടെ മി​ന്നു​ന്ന ര​ക്ഷ​പ്പെ​ടു​ത്ത​ലും ചേ​ര്‍ന്ന​പ്പോ​ള്‍ ജ​യം ആ​തി​ഥേ​യ​ര്‍ക്കൊ​പ്പം നി​ന്നു.


ഗോൾഡൻ ബൂട്ടിനരികിൽ

ലാ​സി​യോ സ്‌​ട്രൈ​ക്ക​ര്‍ സി​റോ ഇ​മ്മൊ​ബൈ​ല്‍ സീ​രി എ​യി​ല്‍ ഒ​രു സീ​സ​ണി​ല്‍ ഏ​റ്റ​വും കൂ​ടു​ത​ല്‍ ഗോ​ള്‍ നേ​ടി​യ​തി​ന്‍റെ റി​ക്കാ​ര്‍ഡി​ന​രി​കെ. ബ്രെ​സി​യ​യ്‌​ക്കെ​തി​രെ വ​ല​കു​ലു​ക്കി​യ​തോ​ടെ ഇ​മ്മൊ​ബൈ​ല്‍ 35 ഗോ​ളു​മാ​യി സീ​സ​ണി​ല്‍ ഗോ​ള്‍ നേ​ടി​യ​വ​രു​ടെ പ​ട്ടി​ക​യി​ല്‍ ഒ​ന്നാം സ്ഥാ​ന​ത്താ​ണ്. ലാ​സി​യോ 2-0നാ​ണ് ബ്രെ​സി​യ​യെ തോ​ല്‍പ്പി​ച്ച​ത്. സീ​രി എ​യി​ല്‍ ഒ​രു സീ​സ​ണി​ല്‍ ഏ​റ്റ​വും കൂ​ടു​ത​ല്‍ ഗോ​ള്‍ നേ​ടി​യ​വ​രി​ലെ റി​ക്കാ​ര്‍ഡ് 2015-16 സീ​സ​ണി​ല്‍ നാ​പ്പോ​ളി​ക്കാ​യി 36 ഗോ​ള്‍ നേ​ടിയ ഗോ​ണ്‍സാ​ലോ ഹി​ഗ്വെ​യ്‌​ന്‍റെ പേ​രി​ലാ​ണ്. ശ​നി​യാ​ഴ്ച നാ​പ്പോ​ളി​ക്കെ​തി​രെ​യാ​ണ് ലാ​സി​യോ​യു​ടെ അ​വ​സാ​ന മ​ത്സ​രം.

ജ​യ​ത്തോ​ടെ ലാ​സി​യോ ആ​ദ്യ നാ​ലു സ്ഥാ​ന​ങ്ങ​ളി​ലു​ണ്ടാ​കു​മെ​ന്ന് ഉ​റ​പ്പാ​ക്കി. 78 പോ​യി​ന്‍റു​മാ​യി അ​ത്‌​ലാ​ന്‍റ​യ്ക്കു പി​ന്നി​ല്‍ നാ​ലാ​മ​താ​ണ് ലാ​സി​യോ. അ​ത്‌​ലാ​ന്‍റ​യു​മാ​യു​ള്ള ഹെ​ഡ് ടു ​ഹെ​ഡി​ലാ​ണ് ലാ​സി​യോ നാ​ലാ​മ​താ​യ​ത്.

ലാ​സി​യോ 17-ാം മി​നി​റ്റി​ല്‍ നേ​ടിയ ആ​ദ്യ ഗോ​ളി​ല്‍ ഇ​മ്മൊ​ബൈ​ലി​ന്‍റെ പ​ങ്കു​ണ്ടാ​യി​രു​ന്നു. ഇ​മ്മൊ​ബൈ​ലും ജോ​വാ​ക്വിം കൊ​റേ​യ​യു​മാ​യു​ള്ള കൂ​ട്ടു​കെ​ട്ടാ​ണ് ഗോ​ളി​ലേ​ക്കു വ​ഴി തു​റ​ന്ന​ത്. അ​ഞ്ചു പ്ര​തി​രോ​ധ​ക്കാ​രു​ടെ ഇ​ട​യി​ലൂ​ടെ കൊ​റോ​യ പ​ന്ത് വ​ല​യി​ലാ​ക്കി. 82-ാം മി​നി​റ്റി​ലാ​യി​രു​ന്നു ഇ​മ്മൊ​ബൈ​ലി​ന്‍റെ ഗോ​ള്‍.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.