ബ്രസീൽ, അർജന്‍റീന ജയിച്ചു കയറി : Deepika.com Sports News |

Click here for detailed news of all items

ബ്രസീൽ, അർജന്‍റീന ജയിച്ചു കയറി

Thursday, November 19, 2020 12:09 AM IST

ലിമ/മൊണ്ടീവിഡിയോ: ഖത്തർ ലോകകപ്പ് ഫുട്ബോൾ ലാറ്റിനമേരിക്കൻ യോഗ്യതാ റൗണ്ടിൽ കരുത്തരായ ബ്രസീലിനും അർജന്‍റീനയ്ക്കും എവേ പോരാട്ടങ്ങളിൽ ജയം. കോവിഡ് രോഗം ബാധിച്ച ലൂയി സുവാരസ് ഇല്ലാതെ ഇറങ്ങിയ ഉറുഗ്വെയെ 2-0ന് ബ്രസീൽ കീഴടക്കി. ആർതുർ മെലൊ (34-ാം മിനിറ്റ്), റിച്ചാർലിസണ്‍ (45-ാം മിനിറ്റ്) എന്നിവരായിരുന്നു കാനറികളുടെ ഗോൾ നേട്ടക്കാർ. 71-ാം മിനിറ്റിൽ എഡിസണ്‍ കവാനി ചുവപ്പ് കണ്ട് പുറത്തായതോടെ ആതിഥേയർ 10 പേരായി ചുരുങ്ങി.

പെറുവിനെതിരേ ഇറങ്ങിയ അർജന്‍റീനയും 2-0ന് ജയം നേടി. നിക്കോളാസ് ഗോണ്‍സാലസ് (17-ാം മിനിറ്റ്), ലൗതാരൊ മാർട്ടിനെസ് (28-ാം മിനിറ്റ്) എന്നിവരായിരുന്നു അർജന്‍റീനയുടെ ഗോൾ നേട്ടക്കാർ.

ഇക്വഡോറിന്‍റെ ഗോളടി മേളം

യൂറോപ്പിൽ ജർമനിയെ സ്പെയിൻ അടിച്ചോടിച്ചതുപോലെ ഖത്തർ ലോകകപ്പ് ഫുട്ബോളിന്‍റെ ലാറ്റിനമേരിക്കൻ യോഗ്യതാ റൗണ്ടിലും ഒരു സിക്സർ പറത്തൽ നടന്നു. കൊളംബിയയെ 6-1ന് ഇക്വഡോർ അടിച്ചോടിച്ചു. സ്വന്തം തട്ടകത്തിലായിരുന്നു ഇക്വഡോറിന്‍റെ ഗോളടിമേളം. ആറ് താരങ്ങൾ ഇക്വഡോറിനായി വലകുലുക്കിയപ്പോൾ കൊളംബിയയുടെ ആശ്വാസ ഗോൾ റോഡ്രിഗസ് പെനൽറ്റിയിലൂടെ നേടി.

മറ്റു മത്സരങ്ങളിൽ വെനസ്വേല 2-1ന് ചിലിയെ കീഴടക്കിയപ്പോൾ പരാഗ്വെയും ബൊളീവിയയും 2-2 സമനിലയിൽ പിരിഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.