എ​ന്നെ ഉ​റ​ക്കാ​ത്ത ഡിയേ​ഗോ...
Friday, November 27, 2020 1:45 AM IST
പ​​​ന്തു​​​ക​​​ളി സി​​​ര​​​ക​​​ളി​​​ലും കാ​​​ലി​​​ലും ഒ​​​രു ഭ്രാ​​​ന്തു​​​പോ​​​ലെ പ​​​ട​​​ർ​​​ന്നു​​​ക​​​യ​​​റി​​​യ കാ​​​ല​​​ത്ത് രാ​​​വേ​​​റെ വൈ​​​കി തു​​​ട​​​ങ്ങു​​​ന്ന ക​​​ളി​​​ക​​​ൾ കാ​​​ണാ​​​ൻ ഉ​​​റ​​​ക്കം ക​​​ള​​​ഞ്ഞി​​​രി​​​ക്കു​​​ന്ന നാ​​​ളു​​​തൊ​​​ട്ടേ ഡി​​​യേ​​​ഗോ മാ​​​റ​​​ഡോ​​​ണ എ​​​ന്‍റെ ഉ​​​റ​​​ക്ക​​​ത്തെ എ​​​ന്നി​​​ൽ​​​നി​​​ന്നും ത​​​ട്ടി​​​യ​​​ക​​​റ്റി​​​യി​​​രു​​​ന്നു - ഒ​​​രു മ​​​നോ​​​ഹ​​​ര​​​മാ​​​യ പാ​​​സ് പോ​​​ലെ.....

2012ൽ ​​​ക​​​ണ്ണൂ​​​രി​​​ൽ ബോ​​​ബി ചെ​​​മ്മ​​​ണ്ണൂ​​​രി​​​നൊ​​​പ്പം മാ​​​റ​​​ഡോ​​​ണ​​​യെ കാ​​​ണാ​​​ൻ ചെ​​​ന്ന ആ ​​​രാ​​​ത്രി.. അ​​​ന്നു ഞാ​​​നും ജോ​​​പോ​​​ളു​​​മെ​​​ല്ലാ​​​മ​​​ട​​​ങ്ങു​​​ന്ന സം​​​ഘം രാ​​​ത്രി വൈ​​​കി​​​യും ഹോ​​​ട്ട​​​ലി​​​ൽ ബോ​​​ബി​​​ക്കൊ​​​പ്പം കാ​​​ത്തി​​​രു​​​ന്നു. എ​​​ന്നാ​​​ൽ, മാ​​​റ​​​ഡോ​​​ണ മു​​​റി​​​ക്കു പു​​​റ​​​ത്തേ​​​ക്കു വ​​​ന്നി​​​ല്ല. പ​​​ത്തു​​​പ​​​തി​​​നൊ​​​ന്നു മ​​​ണി​​​വ​​​രെ ഇ​​​പ്പൊ വ​​​രും ഇ​​​പ്പൊ വ​​​രും എ​​​ന്നു ക​​​രു​​​തി. ഒ​​​ടു​​​വി​​​ൽ ബോ​​​ബി വ​​​ന്നു പ​​​റ​​​ഞ്ഞു, നാ​​​ളെ കാ​​​ണാം. ഡി​​​യേ​​​ഗോ ന​​​ല്ല ഉ​​​റ​​​ക്ക​​​ത്തി​​​ലാ​​​ണെ​​​ന്ന്...

ഡി​​​യേ​​​ഗോ വ​​​ന്നാ​​​ൽ കൂ​​​ടെ​​​നി​​​ന്നൊ​​​രു ഫോ​​​ട്ടോ എ​​​ന്ന ആ​​​ഗ്ര​​​ഹ​​​മാ​​​ണ് ആ ​​​നി​​​മി​​​ഷം കൈ​​​വി​​​ട്ടു​​​പോ​​​യ​​​ത്. പെ​​​ന​​​ൽ​​​റ്റി ന​​​ഷ്ട​​​പ്പെ​​​ടു​​​ത്തി മ​​​ട​​​ങ്ങും​​​പോ​​​ലെ ഞാ​​​ൻ മ​​​ട​​​ങ്ങി.

പ​​​ക്ഷേ, അ​​​ന്നു രാ​​​ത്രി​​​യും ഡി​​​യേ​​​ഗോ എ​​​ന്‍റെ ഉ​​​റ​​​ക്ക​​​ത്തെ ത​​​ട്ടി​​​യ​​​ക​​​റ്റി. നാ​​​ളെ ഡി​​​യേ​​​ഗോ​​​യെ കാ​​​ണാം എ​​​ന്ന ചി​​​ന്ത ഉ​​​റ​​​ക്ക​​​ത്തെ ഇ​​​ല്ലാ​​​താ​​​ക്കി. തി​​​രി​​​ഞ്ഞും മ​​​റി​​​ഞ്ഞും കി​​​ട​​​ന്ന് നേ​​​രം വെ​​​ളു​​​പ്പി​​​ച്ചു.
പി​​​റ്റേ​​​ന്ന് ഡി​​​യേ​​​ഗോയെ ക​​​ണ്ടു, ര​​​ണ്ടു മി​​​നി​​​റ്റു​​​നേ​​​രം മാ​​​റ​​​ഡോ​​​ണ​​​ക്കൊ​​​പ്പം പ​​​ന്തു ത​​​ട്ടി...​​​എ​​​ല്ലാം സ്വ​​​പ്നം പോ​​​ലെ തോ​​​ന്നി. ഒ​​​രി​​​ക്ക​​​ലും ജ​​​യി​​​ക്കി​​​ല്ലെ​​​ന്നു ക​​​രു​​​തി​​​യ ക​​​ളി അ​​​പ്ര​​​തീ​​​ക്ഷി​​​ത​​​മാ​​​യി ജ​​​യി​​​ച്ച​​​പോ​​​ലെ​​​യു​​​ള്ള ഫീ​​​ൽ...

അ​​​ന്നു രാ​​​ത്രി​​​യും ഡി​​​യേ​​​ഗോ പ​​​തി​​​വു​​​പോ​​​ലെ എ​​​ന്‍റെ ഉ​​​റ​​​ക്ക​​​ത്തെ ത​​​ട്ടി​​​ത്തെ​​​റി​​​പ്പി​​​ച്ചു. ന​​​ട​​​ന്ന​​​തെ​​​ല്ലാം സ്വ​​​പ്ന​​​മോ യാ​​​ഥാ​​​ർ​​​ഥ്യ​​​മോ എ​​​ന്നു സ്ഥി​​​രീ​​​ക​​​രി​​​ക്കാ​​​നാ​​​വാ​​​തെ ആ ​​​പ​​​ക​​​ൽ​​​പ്പൂ​​​ര​​​ത്തി​​​ന്‍റെ ഹാം​​​ഗ് ഓ​​​വ​​​റി​​​ൽ അ​​​ന്നു രാ​​​ത്രി​​​യും ഞാ​​​നു​​​റ​​​ങ്ങി​​​യി​​​ല്ല.

ഇ​​​താ, ഒ​​​ടു​​​വി​​​ൽ ക​​​ഴി​​​ഞ്ഞ രാ​​​ത്രി​​​യി​​​ലും ഡി​​​യേ​​​ഗോ എ​​​ന്നെ ഉ​​​റ​​​ക്കി​​​യി​​​ല്ല. തി​​​രു​​​വ​​​ന​​​ന്ത​​​പു​​​ര​​​ത്തു​​​നി​​​ന്നും തൃ​​​ശൂ​​​രി​​​ലേ​​​ക്കു​​​ള്ള രാ​​​ത്രി യാ​​​ത്ര​​​യ്ക്കി​​​ട​​​യി​​​ലാ​​​ണ് ഡി​​​യേ​​​ഗോ മ​​​രി​​​ച്ചെ​​​ന്ന വാ​​​ർ​​​ത്ത അ​​​റി​​​യു​​​ന്ന​​​ത്. കാ​​​റി​​​ൽ ചാ​​​രി​​​ക്കി​​​ട​​​ന്നു പു​​​റ​​​ത്തേ​​​ക്കു​​​നോ​​​ക്കി​​​യി​​​രി​​​ക്കു​​​മ്പോ​​​ൾ ഒ​​​രി​​​ക്ക​​​ൽ​​​കൂ​​​ടി ഡി​​​യേ​​​ഗോ എ​​​ന്‍റെ ഉ​​​റ​​​ക്ക​​​ത്തെ ത​​​ട്ടി​​​യ​​​ക​​​റ്റു​​​ക​​​യാ​​​യി​​​രു​​​ന്നു.

വി​​​ശ്വ​​​സി​​​ക്കാ​​​നാ​​​വു​​​ന്നി​​​ല്ല, മാ​​​റ​​​ഡോ​​​ണ ഇ​​​ല്ലാ​​​താ​​​യെ​​​ന്ന്. കാ​​​ണി​​​ക​​​ളെ ഞെ​​​ട്ടി​​​പ്പി​​​ക്കു​​​ന്ന ത​​​ര​​​ത്തി​​​ൽ ഗോ​​​ള​​​ടി​​​ക്കും​​​പോ​​​ലെ​​​യാ​​​ണ് എ​​​നി​​​ക്കീ മ​​​ര​​​ണം.

ക​​​ണ്ണൂ​​​രി​​​ൽ ക​​​ണ്ട​​​പ്പോ​​​ൾ മാ​​​റ​​​ഡോ​​​ണ​​​യ്ക്കൊ​​​പ്പ​​​മു​​​ണ്ടാ​​​യി​​​രു​​​ന്ന ട്രാ​​​ൻ​​​സ്‌​​​ലേ​​​റ്റ​​​ർ എ​​​ന്നെ ഇ​​​ന്ത്യ​​​ൻ ഫു​​​ട്ബോ​​​ൾ പ്ലെ​​​യ​​​ർ എ​​​ന്നു​​​പ​​​റ​​​ഞ്ഞാ​​​ണ് പ​​​രി​​​ച​​​യ​​​പ്പെ​​​ടു​​​ത്തി​​​യ​​​ത്. ര​​​ണ്ടു മി​​​നി​​​റ്റ് ഫു​​​ട്ബോ​​​ൾ ത​​​ട്ടാ​​​ൻ കി​​​ട്ടി​​​യ ആ ​​​സൗ​​​ഭാ​​​ഗ്യം...​​​അ​​​ത് ഈ ​​​ജ​​​ന്മം മ​​​റ​​​ക്കാ​​​നാ​​​വി​​​ല്ല... ഒ​​​രു​​​പ​​​ക്ഷേ, ത​​​ലേ​​​ദി​​​വ​​​സം ഹോ​​​ട്ട​​​ലി​​​ൽ ക​​​ണ്ട് ഫോ​​​ട്ടോ​​​യെ​​​ടു​​​ത്തി​​​രു​​​ന്നെ​​​ങ്കി​​​ൽ പി​​​റ്റേ​​​ന്നു ഗ്രൗ​​​ണ്ടി​​​ൽ വ​​​ച്ച് ഒ​​​രി​​​ക്ക​​​ൽ​​​കൂ​​​ടി കാ​​​ണാ​​​നോ കൂ​​​ടെ ഫു​​​ട്ബോ​​​ൾ ത​​​ട്ടാ​​​നോ എ​​​നി​​​ക്ക​​​വ​​​സ​​​രം കി​​​ട്ടി​​​ല്ലാ​​​യി​​​രു​​​ന്നു. ഹോ​​​ട്ട​​​ലി​​​ൽ കാ​​​ണാ​​​ൻ ക​​​ഴി​​​യാ​​​തി​​​രു​​​ന്ന​​​തി​​​ന്‍റെ നി​​​രാ​​​ശ വ​​​ള​​​രെ വ​​​ലു​​​താ​​​യി​​​രു​​​ന്നു​​​വെ​​​ങ്കി​​​ലും പി​​​റ്റേ​​​ന്നു കി​​​ട്ടി​​​യ ഭാ​​​ഗ്യ​​​ങ്ങ​​​ൾ എ​​​ല്ലാ വി​​​ഷ​​​മ​​​ങ്ങ​​​ളും മാ​​​റ്റി. അ​​​ല്ലെ​​​ങ്കി​​​ലും ഫു​​​ട്ബോ​​​ളി​​​ന്‍റെ ഇതിഹാസത്തിനറിയാ​​​ലോ ന​​​മ്മ​​​ടെ വി​​​ഷ​​​മം.... അ​​​ത​​​ങ്ക​​​ട് തീ​​​ർ​​​ത്തു​​​ത​​​ന്നു....


ഞാ​​​ൻ പ​​​ണ്ടു ക​​​ളി​​​ക്കു​​​മ്പോ​​​ൾ മാ​​​റ​​​ഡോ​​​ണ​​​യു​​​ടെ ക​​​ളി​​​നീ​​​ക്ക​​​ങ്ങ​​​ൾ അ​​​നു​​​ക​​​രി​​​ക്കാ​​​ൻ ശ്ര​​​മി​​​ച്ചി​​​രു​​​ന്നു. ടി​​​വി​​​യി​​​ൽ ഡി​​​യേ​​​ഗോ​​​യു​​​ടെ പ​​​ല നീ​​​ക്ക​​​ങ്ങ​​​ളും പാ​​​സു​​​ക​​​ളും ക​​​ണ്ട് അ​​​തു​​​പോ​​​ലെ ചെ​​​യ്യാ​​​ൻ ശ്ര​​​മി​​​ച്ച് പ​​​രാ​​​ജ​​​യ​​​പ്പെ​​​ട്ട​​​വ​​​നാ​​​ണു ഞാ​​​ൻ. ഡി​​​യേ​​​ഗോ എ​​​വി​​​ടെ, ഞാ​​​നെ​​​വി​​​ടെ എ​​​ന്നു മ​​​ന​​​സി​​​ലാ​​​യ നി​​​മി​​​ഷ​​​ങ്ങ​​​ൾ.

മാ​​​റ​​​ഡോ​​​ണ​​​യെ ആ​​​രാ​​​ധി​​​ച്ച് ആ​​​രാ​​​ധി​​​ച്ചാ​​​ണ് അ​​​ർ​​​ജ​​​ന്‍റീ​​​ന​​​യു​​​ടെ ആ​​​രാ​​​ധ​​​ക​​​നാ​​​യ​​​ത്. വീ​​​ട്ടി​​​ൽ ടി​​​വി​​​യി​​​ല്ലാ​​​തി​​​രു​​​ന്ന കാ​​​ല​​​ത്തു ചെ​​​മ്പു​​​ക്കാ​​​വി​​​ലെ വ​​​ൽ​​​സേ​​​ട്ട​​​ന്‍റെ ചാ​​​യ​​​ക്ക​​​ട​​​യി​​​ലെ ടി​​​വി​​​യി​​​ലാ​​​ണ് ക​​​ളി ക​​​ണ്ടി​​​രു​​​ന്ന​​​ത്. അ​​​ന്നു മാ​​​റ​​​ഡോ​​​ണ കാ​​​ലി​​​ൽ പ​​​ന്തു​​​മാ​​​യി ഗോ​​​ൾ​​​പോ​​​സ്റ്റ് ല​​​ക്ഷ്യ​​​മാ​​​ക്കി പാ​​​യു​​​മ്പോ​​​ൾ ചാ​​​യ​​​ക്ക​​​ട​​​യി​​​ൽ ഇ​​​രു​​​ന്നി​​​രു​​​ന്ന​​​വ​​​രെ​​​ല്ലാം ഗാ​​​ല​​​റി​​​ക​​​ളി​​​ലെ​​​ന്ന പോ​​​ലെ ആ​​​ര​​​വം മു​​​ഴ​​​ക്കാ​​​റു​​​ണ്ട്.
അ​​​താ​​​യി​​​രു​​​ന്നു മാ​​​റ​​​ഡോ​​​ണ. അ​​​ർ​​​ജ​​​ന്‍റീ​​​ന​​​യി​​​ലാ​​​യാ​​​ലും അ​​​മേ​​​രി​​​ക്ക​​​യി​​​ലാ​​​യാ​​​ലും അ​​​ര​​​ണാ​​​ട്ടു​​​ക​​​ര​​​യി​​​ലാ​​​യാ​​​ലും ഇ​​​വി​​​ടെ ചെ​​​മ്പു​​​ക്കാ​​​വി​​​ലാ​​​യാ​​​ലും ആ​​​രാ​​​ധ​​​ക​​​രെ ത്ര​​​സി​​​പ്പി​​​ക്കു​​​ന്ന ഡി​​​യേ​​​ഗോ...

ഫു​​​ട്ബോ​​​ളി​​​ന്‍റെ ദൈ​​​വ​​​ത്തി​​​നു മൈ​​​താ​​​നം വെ​​​റും ഗ്രൗ​​​ണ്ട് മാ​​​ത്ര​​​മ​​​ല്ലെ​​​ന്നും ഫു​​​ട്ബോ​​​ൾ വെ​​​റും പ​​​ന്താ​​​യി​​​രു​​​ന്നി​​​ല്ലെ​​​ന്നും മ​​​ന​​​സി​​​ലാ​​​യ​​​തു ക​​​ണ്ണൂ​​​രി​​​ൽ​​​വ​​​ച്ചാ​​​ണ്. ഫു​​​ട്ബോ​​​ൾ ഗ്രൗ​​​ണ്ടി​​​ന്‍റെ മാ​​​തൃ​​​ക​​​യി​​​ൽ ഒ​​​രു കേ​​​ക്കും ഗ്രൗ​​​ണ്ടി​​​നു ന​​​ടു​​​വി​​​ൽ ഫു​​​ട്ബോ​​​ളി​​​ന്‍റെ ആ​​​കൃ​​​തി​​​യി​​​ൽ കേ​​​ക്കും ഒ​​​രു​​​ക്കി​​​യി​​​രു​​​ന്നു. ഫു​​​ട്ബോ​​​ൾ കേ​​​ക്ക് മു​​​റി​​​ക്കാ​​​ൻ മാ​​​റ​​​ഡോ​​​ണ​​​യെ ക്ഷ​​​ണി​​​ച്ച​​​പ്പോ​​​ൾ അ​​​ദ്ദേ​​​ഹം ആ ​​​കേ​​​ക്ക് നോ​​​ക്കി​​​യ​​​ശേ​​​ഷം ത​​​നി​​​ക്ക​​​തു മു​​​റി​​​ക്കാ​​​നാ​​​കി​​​ല്ലെ​​​ന്നു വ​​​ള​​​രെ സ്നേ​​​ഹ​​​ത്തി​​​ൽ പ​​​റ​​​ഞ്ഞു.

യാ​​​തൊ​​​രു മ​​​യ​​​വു​​​മി​​​ല്ലാ​​​തെ ഫു​​​ട്ബോ​​​ളി​​​നെ ഗ്രൗ​​​ണ്ടി​​​ലി​​​ട്ടു ത​​​ട്ടു​​​മെ​​​ങ്കി​​​ലും, ആ​​​ഞ്ഞ​​​ടി​​​ക്കു​​​മെ​​​ങ്കി​​​ലും ഫു​​​ട്ബോ​​​ളി​​​ന്‍റെ ദൈ​​​വ​​​ത്തി​​​നു ഫു​​​ട്ബോ​​​ൾ ഒ​​​രു വി​​​ശു​​​ദ്ധ വി​​​ഗ്ര​​​ഹ​​​മാ​​​യി​​​രു​​​ന്നു. പ​​​ന്തു ത​​​ട്ടി​​​ക്ക​​​ളി​​​ക്കു​​​ന്ന മൈ​​​താ​​​നം ആ ​​​വി​​​ഗ്ര​​​ഹ​​​മി​​​രി​​​ക്കു​​​ന്ന ആ​​​രാ​​​ധ​​​നാ​​​ല​​​യ​​​വും. അ​​​തു മു​​​റി​​​ക്കാ​​​ൻ ഡി​​​യേ​​​ഗോ​​​യ്ക്ക് ആ​​​കു​​​മാ​​​യി​​​രു​​​ന്നി​​​ല്ല. മൈ​​​താ​​​ന​​​ത്തി​​​ന്‍റെ ആ​​​കൃ​​​തി​​​യി​​​ലു​​​ള്ള കേ​​​ക്കി​​​ന്‍റെ പു​​​റ​​​ത്തെ ചി​​​ല ഭാ​​​ഗ​​​ങ്ങ​​​ൾ മാ​​​ത്ര​​​മേ അ​​​ന്നു ഡി​​​യേ​​​ഗോ മു​​​റി​​​ച്ചു​​​ള്ളു.

അ​​​തൊ​​​രു വ​​​ലി​​​യ അ​​​നു​​​ഭ​​​വ​​​മാ​​​യി​​​രു​​​ന്നു. അ​​​പ്പോ​​​ഴാ​​​ണ് ഒ​​​രു കാ​​​ര്യം​​​കൂ​​​ടി മ​​​ന​​​സി​​​ലാ​​​യ​​​ത്...​​​ഡി​​​യേ​​​ഗോ കാ​​​ലി​​​ൽ പ​​​ന്തു തൊ​​​ടു​​​ന്ന​​​ത് എ​​​ത്ര സ്നേ​​​ഹ​​​ത്തോ​​​ടെ​​​യാ​​​ണെ​​​ന്ന്....​​​ആ​​​ക്ര​​​മി​​​ച്ചു ക​​​ളി​​​ക്കു​​​മ്പോ​​​ഴും ഡി​​​യേ​​​ഗോ​​​യു​​​ടെ കാ​​​ലി​​​ൽ പ​​​ന്ത് കൂ​​​ട്ടു​​​കാ​​​ര​​​നെ​​​പ്പോ​​​ലെ​​​യാ​​​യി​​​രു​​​ന്നു​​​വെ​​​ന്ന്....
അ​​​ദ്ദേ​​​ഹം കാ​​​ല​​​ത്തി​​​ന്‍റെ റെ​​​ഡ് കാ​​​ർ​​​ഡ് ക​​​ണ്ട് ഈ ​​​ഭൂ​​​മി​​​യി​​​ൽ​​​നി​​​ന്നു മ​​​ട​​​ങ്ങി​​​യി​​​രി​​​ക്കു​​​ന്നു...​​​കൂ​​​ട്ടു​​​കാ​​​ര​​​ന്‍റെ കാ​​​ല​​​ന​​​ക്ക​​​മി​​​ല്ലാ​​​ത്ത മൈ​​​താ​​​ന​​​ത്തു ഫു​​​ട്ബോ​​​ൾ മാ​​​ത്രം ബാ​​​ക്കി​​​യാ​​​കു​​​ന്നു....


ഐ.​എം.​ വി​ജ​യ​ൻ
(ഇന്ത്യൻ ഫുട്ബോൾ ടീം മുൻ ക്യാപ്റ്റൻ)

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.