ഷെഫാലി ടെസ്റ്റ് ടീമിൽ : Deepika.com Sports News |

Click here for detailed news of all items

ഷെഫാലി ടെസ്റ്റ് ടീമിൽ

Saturday, May 15, 2021 11:15 PM IST

മുംബൈ: ഇന്ത്യൻ വനിതാ ടീമിന്‍റെ ഇംഗ്ലണ്ട് പര്യടനത്തിനുള്ള ടീമിനെ ബിസിസിഐ പ്രഖ്യാപിച്ചു. പതിനേഴുകാരിയായ ഷെഫാലി വെർമ ടെസ്റ്റ്, ഏകദിന ക്രിക്കറ്റ് ടീമിൽ. ഇന്ത്യക്കായി 22 ട്വന്‍റി-20 കളിച്ചിട്ടുള്ള ഷെഫാലിക്ക് ഇതാദ്യമായാണ് ടെസ്റ്റ്, ഏകദിന ടീമിൽ ഇടം ലഭിക്കുന്നത്. വിക്കറ്റ് കീപ്പറായ ഇന്ദ്രാണി റോയിക്കും ദേശീയ ടീമിലേക്ക് ഇതാദ്യമായി ക്ഷണമെത്തി.

ടെസ്റ്റ്, ഏകദിന ടീമുകളെ മിതാലി രാജ് നയിക്കും. ഹർമൻപ്രീത് കൗർ ആണ് വൈസ് ക്യാപ്റ്റൻ. ട്വന്‍റി-20 ടീമിനെ ഹർമൻപ്രീത് നയിക്കുന്പോൾ ഉപനായികയായി സ്മൃതി മന്ദാനയുണ്ട്. ഒരു ടെസ്റ്റും മൂന്ന് വീതം ഏകദിനം, ട്വന്‍റി-20 പോരാട്ടങ്ങളുമാണ് പരന്പരയിലുള്ളത്.

വനിതാ ടീമിന്‍റെ പരിശീലകനായി ബിസിസിഐ രമേഷ് പൊവാറിനെ തിരികെ കൊണ്ടുവന്നു. 2018 ട്വന്‍റി-20 ലോകകപ്പിനിടെ മിതാലി രാജും പൊവാറും തമ്മിൽ അസ്വാരസ്യമുണ്ടായിരുന്നു. ചുരുക്കത്തിൽ മിതാലിയും പൊവാറും വീണ്ടും ഒന്നിക്കുന്ന ആദ്യ പരന്പരയുമാണ് ഇംഗ്ലണ്ടിനെതിരായത്. പുറത്താക്കപ്പെട്ട പരിശീലകൻ ഡബ്ല്യു.വി. രാമൻ ബിസിസിഐക്കെതിരേ രംഗത്തെത്തിയിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.