പിൻഗാമി പോര്
പിൻഗാമി പോര്
Sunday, August 1, 2021 12:50 AM IST
ടോ​ക്കി​യോ: ഉ​സൈ​ൻ ബോ​ൾ​ട്ട് എ​ന്ന ഇ​തി​ഹാ​സം ഒ​ഴി​ച്ചി​ട്ട, ഭൂ​ഗോ​ള​ത്തി​ലെ ഏ​റ്റ​വും വേ​ഗ​മേ​റി​യ മ​നു​ഷ്യ​ന്‍റെ സിം​ഹാ​സ​ന​ത്തി​ൽ ആ​ര് ഉ​പ​വി​ഷ്ട​നാ​കു​മെ​ന്ന ചോ​ദ്യ​ത്തി​ന് ഇ​ന്ന് ഉ​ത്ത​രം കി​ട്ടും. ബോ​ൾ​ട്ടി​ന്‍റെ പി​ൻ​ഗാ​മി ആ​രെ​ന്ന കാ​ത്തി​രി​പ്പ് ഇ​ന്ത്യ​ൻ സ​മ​യം ഇ​ന്ന് വൈ​കു​ന്നേ​രം 6.20ന് ​അ​വ​സാ​നി​ക്കും. ലോ​ക​കാ​യി​ക മാ​മാ​ങ്ക​ത്തി​ലെ സൂ​പ്പ​ർ ഡ്യൂ​പ്പ​ർ പോ​രാ​ട്ട​മാ​യ പു​രു​ഷ വി​ഭാ​ഗം 100 മീ​റ്റ​ർ ഫൈ​ന​ൽ ഇ​ന്ന്.

ഇ​ന്ന് ഉ​ച്ച​ക​ഴി​ഞ്ഞ് 3.45ന് ​ആ​രം​ഭി​ക്കു​ന്ന സെ​മി ഫൈ​ന​ലു​ക​ൾ​ക്കു​ശേ​ഷം മാ​ത്ര​മേ 6.20ന്‍റെ ഫൈ​ന​ലി​ൽ ആ​രൊ​ക്കെ​യെ​ന്ന ചി​ത്രം വ്യ​ക്ത​മാ​കൂ.

സൂ​പ്പ​ർ ഹീ​റ്റ്സ്

സെ​മി ഫൈ​ന​ലി​ലേ​ക്കു​ള്ള ടി​ക്ക​റ്റി​നാ​യി ഇ​ന്ന​ലെ ന​ട​ന്ന ഏ​ഴ് ഹീ​റ്റ്സി​ൽ 10 സെ​ക്ക​ൻ​ഡി​ൽ താ​ഴെ ഓ​ടി​യെ​ത്തി​യ​ത് നാ​ല് താ​ര​ങ്ങ​ൾ മാ​ത്രം. ഹീ​റ്റ്സി​ൽ ഏ​റ്റ​വും വേ​ഗ​മേ​റി​യ താ​ര​മാ​യ​ത് കാ​ന​ഡ​യു​ടെ ആ​ന്ദ്രെ ഡി ​ഗ്രേ​സ്, 9.91 സെ​ക്ക​ൻ​ഡ്. റി​യൊയിൽ വെ​ങ്ക​ലം നേ​ടി​യ താ​ര​മാ​ണ് ഗ്രേ​സ്. ഇ​റ്റ​ലി​യു​ടെ മാ​ഴ്സെ​ൽ ജേ​ക്ക​ബ്സാ​ണ് മി​ക​ച്ച ര​ണ്ടാ​മ​ത്തെ സ​മ​യ​ത്തി​ന് ഉ​ട​മ, 9.94 സെ​ക്ക​ൻ​ഡ്. അ​മേ​രി​ക്ക​യു​ടെ ഫ്രെ​ഡ് കെ​ർ​ലി (9.97), നൈ​ജീ​രി​യ​യു​ടെ എ​നോ​ച്ച് അ​ഡെ​ഗോ​ക് (9.98) എ​ന്നി​വ​രും 10 സെ​ക്ക​ൻ​ഡി​നു​ള്ളി​ൽ ഓ​ട്ടം പൂ​ർ​ത്തി​യാ​ക്കി​.


ജ​മൈ​ക്ക​യു​ടെ യൊ​ഹാ​ൻ ബ്ലേ​ക്കും സെ​മി​യി​ലേ​ക്ക് മു​ന്നേ​റി​യി​ട്ടു​ണ്ട്. ഏ​ഴാം ഹീ​റ്റി​ൽ 10.06 സെ​ക്ക​ൻ​ഡി​ൽ ര​ണ്ടാ​മ​ത് ഫി​നി​ഷ് ചെ​യ്താ​ണ് ബ്ലേ​ക്ക് സെ​മിയിലെത്തിയത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.