ഖത്തർ ലോകകപ്പ് : ഇറ്റലിക്ക് ഏകപക്ഷീയ ജയം : Deepika.com Sports News |

Click here for detailed news of all items

ഖത്തർ ലോകകപ്പ് : ഇറ്റലിക്ക് ഏകപക്ഷീയ ജയം

Thursday, September 9, 2021 11:44 PM IST

റോം: ഖത്തർ ലോകകപ്പ് ഫുട്ബോൾ യോഗ്യതാ റൗണ്ട് ഗ്രൂപ്പ് സിയിൽ ഇറ്റലിക്ക് ഏകപക്ഷീയ ജയം. ലിത്വാനിയയ്ക്കെതിരേ 5-0ന് അസൂറികൾ വെന്നിക്കൊടി പാറിച്ചു. ഇറ്റലി തോൽവിയറിയാതെ പൂർത്തിയാക്കുന്ന 37-ാം മത്സരമാണ്.

രാജ്യാന്തര ഫുട്ബോളിലെ അപരാജിത ലോക റിക്കാർഡ് നേരത്തേ സ്വന്തമാക്കിയ ഇറ്റലി കുതിപ്പ് തുടരുന്നു. ഗ്രൂപ്പിൽ തുടർച്ചയായ രണ്ട് സമനിലകൾക്കുശേഷമായിരുന്നു ഇറ്റലിയുടെ ജയം.

ഹൻസി ഫ്ളിക്കിന്‍റെ പരിശീലനത്തിനു കീഴിൽ ജർമനി തുടർച്ചയായ മൂന്നാം ജയം സ്വന്തമാക്കി. എവേ പോരാട്ടത്തിൽ ജർമനി 4-0ന് ഐസ്‌ലൻഡിനെ തകർത്തു. ഗ്രൂപ്പ് ജെയിൽ ജർമനിയാണ് ഒന്നാം സ്ഥാനത്ത്. ഗ്രൂപ്പ് ബിയിൽ സ്പെയിൻ 2-0ന് കൊസൊവൊയെ കീഴടക്കി.

ഗ്രൂപ്പ് ഇയിൽ ബെൽജിയം തുടർച്ചയായ നാലം ജയത്തിൽ. 1-0ന് ബെലാറസിനെയാണ് അവർ കീഴടക്കിയത്.

അതേസമയം, ഗ്രൂപ്പ് ഐയിൽ പോളണ്ടും ഇംഗ്ലണ്ടും 1-1 സമനിലയിൽ പിരിഞ്ഞു. ഇംഗ്ലണ്ടായിരുന്നു ആദ്യ ഗോൾ നേടിയത്. വെയ്ൽസ് x എസ്റ്റോണിയ, നോർത്തേണ്‍ അയർലൻഡ് x സ്വിറ്റ്സർലൻഡ് മത്സരങ്ങൾ ഗോൾരഹിത സമനിലയായി. ഗ്രൂപ്പ് ബിയിൽ സ്വീഡനെതിരേ ഗ്രീസ് 2-1ന്‍റെ ജയം സ്വന്തമാക്കി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.