കേരളം പൊരുതി വീണു : Deepika.com Sports News |

Click here for detailed news of all items

കേരളം പൊരുതി വീണു

Monday, November 29, 2021 1:03 AM IST

കോഴിക്കോട്: ദേശീയ വനിതാ ഫുട്ബോളില്‍ കന്നിക്കിരീടം ലക്ഷ്യമിട്ട് ഇറങ്ങിയ കേരളം ആദ്യ മത്സരത്തിൽ പൊരുതിവീണു. ഗ്രൂപ്പ് ജിയിലെ പോരാട്ടത്തില്‍ കരുത്തരായ മിസോറമാണു രണ്ടിനെതിരേ മൂന്നു ഗോളുകള്‍ക്ക് ആതിഥേയരെ കീഴടക്കിയത്.

90-ാം മിനിറ്റിലായിരുന്നു മിസോറം വിജയഗോള്‍ കണ്ടെത്തിയത്. പെനല്‍റ്റി കിക്കിലൂടെ ഗോകുലം കേരള മുന്‍ താരം ഗ്രെയ്സ് (39’) മിസോറമിനായി ആദ്യഗോള്‍ നേടി. എന്നാൽ, പ്രതിരോധതാരങ്ങളായ കെ.വി. അതുല്യ (44’), ഫെമിന രാജ് (45’) എന്നിവരിലൂടെ കേരളം 2-1നു മുന്നിൽ കടന്നു. ലീഡുമായി രണ്ടാം പകുതിക്കിറങ്ങിയ കേരളത്തിനെ എലിസബത്തിലൂടെ (79’) മിസോറം സമനിലയിൽ പിടിച്ചു.

തുടർന്ന് 90-ാം മിനിറ്റിൽ ലാല്‍നുന്‍സുമിയിലൂടെ വിജയം സ്വന്തമാക്കി.
മധ്യനിര താരവും ക്യാപ്റ്റനുമായ ടി. നിഖില 30-ാം മിനിറ്റിൽ പരിക്കേറ്റുപിന്‍വാങ്ങിയതു കേരളത്തിനു തിരിച്ചടിയായി. 18-ാം മിനിറ്റില്‍ മിസോറമിനു ലഭിച്ച പെനല്‍റ്റി എലിസബത്ത് നഷ്ടപ്പെടുത്തിയിരുന്നു. നാളെ ഉത്തരാഖണ്ഡിനെതിരേയാണു കേരളത്തിന്‍റെ അടുത്ത മത്സരം.

ഗ്രൂപ്പ് എഫില്‍ ഗോള്‍മഴ പെയ്യിച്ച് ഒഡീഷ എതിരില്ലാത്ത ഒമ്പതുഗോളുകള്‍ക്ക് ആന്ധ്രപ്രദേശിനെ തറപറ്റിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.