കിറോണ്‍ പൊള്ളാർഡ് 600 ട്വന്‍റി-20 മത്സരങ്ങളെന്ന നാഴികക്കല്ല് പിന്നിട്ടു : Deepika.com Sports News |

Click here for detailed news of all items

കിറോണ്‍ പൊള്ളാർഡ് 600 ട്വന്‍റി-20 മത്സരങ്ങളെന്ന നാഴികക്കല്ല് പിന്നിട്ടു

Wednesday, August 10, 2022 12:10 AM IST

ട്രിനിഡാഡ്: 600 ട്വന്‍റി-20 മത്സരങ്ങളെന്ന നാഴികക്കല്ല് പിന്നിട്ട് വെസ്റ്റ് ഇൻഡീസ് ക്രിക്കറ്റ് താരം കിറോണ്‍ പൊള്ളാർഡ്. ഈ നേട്ടം സ്വന്തമാക്കുന്ന ആദ്യ താരമാണു പൊള്ളാർഡ്. ദി ഹണ്‍ഡ്രഡ് ടൂർണമെന്‍റിൽ മാഞ്ചസ്റ്റർ ഒറിജിനൽസിനെതിരേ ലണ്ടൻ സ്പിരിറ്റ്സിനുവേണ്ടി കളിക്കാനിറങ്ങിയപ്പോഴാണു താരം ഈ നേട്ടം പേരിലെഴുതിയത്. 11 പന്തിൽനിന്നു ഒരു ബൗണ്ടറിയും നാലു സിക്സും ഉൾപ്പെടെ 34 റണ്‍സ് അടിച്ചുകൂട്ടി പൊള്ളാർഡ് നേട്ടം അവിസ്മരണീയമാക്കി.

600 ട്വന്‍റി-20 മത്സരങ്ങളിൽനിന്ന് 31.34 ശരാശരിയിൽ 11,723 റണ്‍സാണു പൊള്ളാർഡിന്‍റെ നേട്ടം. ഉയർന്ന സ്കോർ 104. 56 പന്തിൽനിന്നായിരുന്നു ഈ സെഞ്ചുറി. ബൗളിംഗിലും മികച്ച റിക്കാർഡുള്ള പൊള്ളാർഡിന്‍റെ പേരിൽ 309 വിക്കറ്റുകളുണ്ട്.

15/4 എന്നതാണു മികച്ച പ്രകടനം. രണ്ടാം സ്ഥാനത്തുള്ള ഡ്വെയ്ൻ ബ്രാവോ (543) യേക്കാൾ 57 മത്സരങ്ങൾ പൊള്ളാർഡ് കൂടുതൽ കളിച്ചു. ഷോയബ് മാലിക് (472), ക്രിസ് ഗെയിൽ (463), രവി ബൊപ്പാര (426) എന്നിവരാണു മത്സരങ്ങളിൽ മറ്റ് മുന്പന്മാർ.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.