എലേന x അരിന ഫൈനൽ ഇന്ന് : Deepika.com Sports News |

Click here for detailed news of all items

എലേന x അരിന ഫൈനൽ ഇന്ന്

Saturday, January 28, 2023 1:10 AM IST

മെൽബണ്‍: 2023 സീസണിലെ ആദ്യ ഗ്രാൻസ്‌ലാം വനിതാ സിംഗിൾസ് ചാന്പ്യനാകാനുള്ള കിരീടപോരാട്ടം ഇന്ന്. അഞ്ചാം സീഡായ ബെലാറൂസിന്‍റെ അരിന സബലെങ്കയും 22-ാം സീഡായ കസാക്കിസ്ഥാന്‍റെ എലെന റബാകിനയും തമ്മിലാണ് കിരീടപോരാട്ടം. അരിന സബലെങ്കയുടെ കന്നി ഗ്രാൻസ്‌ലാം ഫൈനലാണിത്.

അതേമയം, 2022 വിംബിൾഡണ്‍ ചാന്പ്യനാണ് എലെന. സെമിയിൽ 24-ാം സീഡായ വിക്ടോറിയ അസരെങ്കയെ 6-7 (4-7), 3-6 ന് കീഴടക്കിയാണ് എലെന ഫൈനലിൽ പ്രവേശിച്ചത്. പോളണ്ടിന്‍റെ സീഡില്ലാത്ത മഗ്ദ ലിനെറ്റിനെ 6-7 (1-7), 2-6നു സെമിയിൽ മറികടന്നായിരുന്നു സബലെങ്കയുടെ ഫൈനൽ പ്രവേശം.

ജോക്കോ x സിറ്റ്സിപാസ്

പുരുഷവിഭാഗം സിംഗിൾസ് ഫൈനലിൽ സെർബിയയുടെ നൊവാക് ജോക്കോവിച്ചും ഗ്രീസിന്‍റെ സ്റ്റെഫാനോസ് സിറ്റ്സിപാസും കൊന്പുകോർക്കും. മൂന്നാം സീഡായ സ്റ്റെഫാനോസ് കന്നി ഗ്രാൻസ്‌ലാം കിരീടമാണ് ലക്ഷ്യമിടുന്നത്. അതേസമയം, റിക്കാർഡ് നേട്ടമായ 22-ാം ഗ്രാൻസ്‌ലാം കിരീടത്തിനാണ് ജോക്കോവിച്ചിന്‍റെ ശ്രമം. നാളെയാണ് പുരുഷ ഫൈനൽ.

സെമിയിൽ മൂന്നാം സീഡായ സിറ്റ്സിപാസ് 7-6 (7-2), 6-4, 6-7 (6-8), 6-3ന് റഷ്യയുടെ കരെൻ ഖാചനോവിനെയാണ് തോൽപ്പിച്ചത്. അമേരിക്കയുടെ ടോമി പോളിനെ 5-7, 1-6, 2-6ന് മറികടന്നായിരുന്നു നൊവാക് ജോക്കോവിച്ചിന്‍റെ ഫൈനൽ പ്രവേശം.

ഓസ്ട്രേലിയൻ ഓപ്പണിൽ തുടർച്ചയായ ജയം എന്ന റിക്കാർഡും ഇതോടെ നൊവാക് ജോക്കോവിച്ച് കുറിച്ചു. ഓസ്ട്രേലിയൻ ഓപ്പണിൽ ജോക്കോവിച്ചിന്‍റെ 27-ാം തുടർ ജയമാണിത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.