മുംബൈ: ശരിക്കും ഞെട്ടി, എന്നാൽ ഞെട്ടറ്റില്ല... ഓസ്ട്രേലിയയ്ക്കെതിരായ ഏകദിന ക്രിക്കറ്റ് പരന്പരയിലെ ആദ്യ മത്സരത്തിൽ ഇന്ത്യ വിയർത്തു ജയിച്ചു.
189 റണ്‍സ് എന്ന ചെറിയ ലക്ഷ്യത്തിനായി ക്രീസിലെത്തിയ ഇന്ത്യ 40-ാം ഓവറിലാണ് അഞ്ച് വിക്കറ്റ് നഷ്ടത്തിൽ ജയത്തിലെത്തിയത്. 46 റണ്‍സ് വഴങ്ങി രണ്ടു വിക്കറ്റ് വീഴ്ത്തുകയും നിർണായകമായ 45 റണ്‍സുമായി പുറത്താകാതെ നിൽക്കുകയും ചെയ്ത രവീന്ദ്ര ജഡേജയാണ് പ്ലെയർ ഓഫ് ദ മാച്ച്. കെ.എൽ. രാഹുലും (75 നോട്ടൗട്ട്) മികച്ച ബാറ്റിംഗ് കാഴ്ചവച്ചു.
ടോസ് നഷ്ടപ്പെട്ട് ക്രീസിലെത്തിയ ഓസ്ട്രേലിയ 20 ഓവർ വരെ ശരിയായ ദിശയിലായിരുന്നു. എന്നാൽ, പിന്നീട് കാര്യമായൊന്നും ചെയ്യാൻ സാധിച്ചില്ല. കൃത്യമായ ഇടവേളയിൽ ഇന്ത്യൻ ബൗളർമാർ വിക്കറ്റ് വീഴ്ത്തി. 19.3 ഓവറിൽ രണ്ട് വിക്കറ്റ് നഷ്ടത്തിൽ 129 റണ്‍സ് എന്ന നിലയിൽനിന്നാണ് ഓസ്ട്രേലിയ 35.4 ഓവറിൽ 188നു പുറത്തായത്. രണ്ടാം വിക്കറ്റിൽ ക്യാപ്റ്റൻ സ്റ്റീവ് സ്മിത്തും (22) മിച്ചൽ മാർഷും (81) ചേർന്ന് 72 റണ്‍സിന്‍റെയും മൂന്നാം വിക്കറ്റിൽ മിച്ചൽ മാർഷും മാർകസ് ലബൂഷെയ്നും (15) ചേർന്ന് 52 റണ്‍സിന്‍റെയും കൂട്ടുകെട്ടുണ്ടാക്കി.
ചെറിയ സ്കോറിനായി ക്രീസിലെത്തിയ ഇന്ത്യക്ക് അഞ്ച് ഓവറിൽ 16 റണ്‍സ് എടുക്കുന്നതിനിടെ മൂന്ന് മുൻനിര വിക്കറ്റ് നഷ്ടപ്പെട്ടു. രോഹിത് കുമാറിനു പകരം ഓപ്പണിംഗിനെത്തിയ ഇഷാൻ കിഷൻ (3), വിരാട് കോഹ്ലി (4), സൂര്യകുമാർ യാദവ് (0) എന്നിവരെയാണ് ഓസീസ് തുടക്കത്തിലേ പറഞ്ഞയച്ചത്. അഞ്ചാം വിക്കറ്റിൽ ക്യാപ്റ്റൻ ഹാർദിക് പാണ്ഡ്യയും (25) കെ.എൽ. രാഹുലും (75 നോട്ടൗട്ട്) ചേർന്ന് 44 റണ്‍സിന്‍റെ കൂട്ടുകെട്ടിലൂടെ തിരിച്ചുവരവിനുള്ള വഴി തുറന്നു. അഞ്ചാം വിക്കറ്റിൽ ജഡേജയും രാഹുലും ചേർന്ന് 108 റണ്‍സിന്‍റെ അഭേദ്യമായ കൂട്ടുകെട്ടുണ്ടാക്കി.
സ്കോർ കാർഡ്
ഓസ്ട്രേലിയ ബാറ്റിംഗ്: ട്രാവിസ് ഹെഡ് ബി സിറാജ് 5, മിച്ചൽ മാർഷ് സി സിറാജ് ബി ജഡേജ 81, സ്മിത്ത് സി രാഹുൽ ബി ഹാർദിക് 22, ലബൂഷെയ്ൻ സി ജഡേജ ബി കുൽദീപ് 15, ഇന്നിംഗ്സ് ബി ഷമി 26, ഗ്രീൻ ബി സിറാജ് 12, മാക്സ്‌വെൽ സി ഹാർദിക് ബി ജഡേജ 8, സ്റ്റോയിൻസ് സി ഗിൽ ബി ഷമി 5, സീൻ അബൗട്ട് സി ഗിൽ ബി സിറാജ് 0, സ്റ്റാർക്ക് നോട്ടൗട്ട് 4, സാംപ സി രാഹുൽ ബി സിറാജ് 0, എക്സ്ട്രാസ് 10, ആകെ 188 (35.4).
വിക്കറ്റ് വീഴ്ച: 5/1, 77/2, 129/3, 139/4, 169/5, 174/6, 184/7, 184/8, 188/9, 188/10.
ബൗളിംഗ്: ഷമി 6-2-17-3, സിറാജ് 5.4-1-29-3, ഹാർദിക് 5-0-29-1, ഷാർദുൾ 2-0-12-0, ജഡേജ 9-0-46-2, കുൽദീപ് 8-1-48-1.
ഇന്ത്യ ബാറ്റിംഗ്: ഇഷാൻ എൽബിഡബ്ല്യു ബി സ്റ്റോയിൻസ് 3, ശുഭ്മാൻ ഗിൽ സി ലബൂഷെയ്ൻ ബി സ്റ്റാർക്ക് 20, കോഹ്ലി എൽബിഡബ്ല്യു ബി സ്റ്റാർക്ക് 4, സൂര്യകുമാർ എൽബിഡബ്ല്യു ബി സ്റ്റാർക്ക് 0, രാഹുൽ നോട്ടൗട്ട് 75, ഹാർദിക് സി കാമറൂണ്‍ ഗ്രീൻ ബി സ്റ്റോയിൻസ് 25, ജഡേജ നോട്ടൗട്ട് 45, എക്സ്ട്രാസ് 19, ആകെ 191/5 (39.5)
വിക്കറ്റ് വീഴ്ച: 5/1, 16/2, 16/3, 39/4, 83/5.
ബൗളിംഗ്: സ്റ്റാർക്ക് 9.5-0-49-3, സ്റ്റോയിൻസ് 7-1-27-2, സീൻ അബൗട്ട് 9-0-31-0, കാമറൂണ്‍ ഗ്രീൻ 6-0-35-0, സാംപ 6-0-37-0, മാക്സ്‌വെൽ 2-0-7-0.