വനിതാ പ്രീമിയർ ലീഗ് ട്വന്‍റി-20യിൽ ഡൽഹി ഫൈനലിൽ : Deepika.com Sports News |

Click here for detailed news of all items

വനിതാ പ്രീമിയർ ലീഗ് ട്വന്‍റി-20യിൽ ഡൽഹി ഫൈനലിൽ

Wednesday, March 22, 2023 12:12 AM IST

മുംബൈ: പ്രഥമ വനിതാ പ്രീമിയർ ലീഗ് ട്വന്‍റി-20 ക്രിക്കറ്റിൽ ഡൽഹി ക്യാപ്പിറ്റൽസ് ഫൈനലിൽ. ലീഗ് റൗണ്ടിൽ പോയിന്‍റ് ടേബിളിൽ ഒന്നാം സ്ഥാനത്ത് ഫിനിഷ് ചെയ്താണു ഡൽഹി നേരിട്ടു ഫൈനലിൽ പ്രവേശിച്ചത്.

ലീഗ് റൗണ്ടിലെ അവസാന മത്സരത്തിൽ യുപി വാരിയേഴ്സിനെ അഞ്ച് വിക്കറ്റിന് കീഴടക്കിയാണ് ഡൽഹി ക്യാപ്പിറ്റൽസ് പോയിന്‍റ് ടേബിളിൽ ഒന്നാം സ്ഥാനത്ത് ഫിനിഷ് ചെയ്തത്. മുംബൈ ഇന്ത്യൻസിനും 12 പോയിന്‍റാണെങ്കിലും നെറ്റ് റണ്‍റേറ്റിന്‍റെ ബലത്തിൽ ഡൽഹി ക്യാപ്പിറ്റൽസ് ഒന്നാം സ്ഥാനം സ്വന്തമാക്കി ഫൈനലിലേക്കു മുന്നേറി. സ്കോർ: യുപി വാരിയേഴ്സ് 138/6 (20), ഡൽഹി ക്യാപ്പിറ്റൽസ് 142/5 (17.5).

ടോസ് നഷ്ടപ്പെട്ട് ക്രീസിലെത്തിയ യുപിക്കുവേണ്ടി താഹ്‌ലിയ മഗ്രാത്ത് (32 പന്തിൽ 58 നോട്ടൗട്ട്) അർധസെഞ്ചുറി നേടി. അലീസ ഹീലിയും (36) തിളങ്ങി. മെഗ് ലാന്നിംഗ് (39) ആണു ഡൽഹിയുടെ ടോപ് സ്കോറർ.

മുംബൈ x യുപി പ്ലേ ഓഫ്

ലീഗ് പോയിന്‍റ് ടേബിളിൽ രണ്ടും മൂന്നും സ്ഥാനം നേടിയ മുംബൈ ഇന്ത്യൻസും യുപി വാരിയേഴ്സും തമ്മിൽ പ്ലേ ഓഫ് എലിമിനേറ്റർ കളിക്കും. എലിമിനേറ്ററിൽ ജയിക്കുന്ന ടീം ഫൈനലിൽ ഡൽഹിയുമായി കൊന്പുകോർക്കും. 26നു ബ്രാബോണ്‍ സ്റ്റേഡിയത്തിലാണു ഫൈനൽ. പ്ലേ ഓഫ് എലിമിനേറ്റർ 24നു ഡി.വൈ. പാട്ടീൽ സ്റ്റേഡിയത്തിൽ നടക്കും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.