ബാഴ്സലോണ: സ്പാനിഷ് ലാ ലിഗ ഫുട്ബോളിൽ ഹോം മത്സരത്തിൽ ബാഴ്സലോണയ്ക്കു തോൽവി. റയൽ സോസിദാദ് 2-1ന് ബാഴ്സലോണയെ കീഴടക്കി. മൈക്കൽ മെറിനൊ (5’), അലക്സാണ്ടർ സൂർലത്ത് (72’) എന്നിവർ സോസിദാദിനായി ഗോൾ നേടിയപ്പോൾ റോബർട്ട് ലെവൻഡോവ്സ്കി (90’) യുടെ വകയായിരുന്നു ബാഴ്സയുടെ മറുപടി.
അതേസമയം, തോൽവിയിലും ബാഴ്സലോണ 2022-23 സീസണ് ലാ ലിഗ കിരീടം ആഘോഷമാക്കി. കഴിഞ്ഞ മത്സരത്തിൽ എസ്പാന്യോളിനെതിരേ ജയം നേടിയ ബാഴ്സലോണ കിരീടം ഉറപ്പാക്കിയിരുന്നു. റയൽ സോസിദാദിനെതിരായ ഹോം മത്സരശേഷം ബാഴ്സലോണയ്ക്ക് സ്പാനിഷ് ലാ ലിഗ ട്രോഫി സമ്മാനിച്ചു. 2018-19നുശേഷം ബാഴ്സലോണയുടെ ആദ്യ ലാ ലിഗ കിരീടമാണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.