മുംബൈ മുന്നോട്ട് : Deepika.com Sports News |

Click here for detailed news of all items

മുംബൈ മുന്നോട്ട്

Thursday, May 25, 2023 1:07 AM IST

ചെന്നൈ: ഐപിഎൽ ട്വന്‍റി-20 ക്രിക്കറ്റ് 2023 സീസണിൽ മുംബൈ x ചെന്നൈ ഗ്രാൻഡ് ഫൈനൽ വരുമോ ? ചോദ്യത്തിനുള്ള ഉത്തരത്തിനായി വെള്ളിവരെ കാത്തിരിക്കണം.

ഐപിഎൽ എലിമിനേറ്റർ പോരാട്ടത്തിൽ ലക്നോ സൂപ്പർ ജയ്ന്‍റ്സിനെ 81 റൺസിന് തകർത്ത് മുംബൈ ഇന്ത്യൻസ് ക്വാളിഫയർ രണ്ടിന് യോഗ്യത നേടി.

മുംബൈ x ഗുജറാത്ത് ക്വാളിഫയർ വെള്ളിയാഴ്ച നടക്കും. അതിൽ ജയിക്കുന്ന ടീം ഫൈനലിൽ ചെന്നൈ സൂപ്പർ കിംഗ്സിനെ നേരിടും. സ്കോർ: മുംബൈ 20 ഓവറിൽ 182/8. ലക്നോ 16.3 ഓവറിൽ 101. 3.3 ഓവറിൽ അഞ്ച് റൺസിന് അഞ്ച് വിക്കറ്റ് വീഴ്ത്തിയ ആകാഷ് മധ് വൽ ആണ് മുംബൈക്ക് മിന്നും ജയമൊരുക്കിയത്.

ടോസ് നേടി ബാറ്റിംഗ് തെരഞ്ഞെടുത്ത മുംബൈയുടെ ആദ്യ വിക്കറ്റ് സ്കോർ 30ൽ നിൽക്കുന്പോൾ വീണു. 10 പന്തിൽ 11 റൺസ് നേടിയ ക്യാപ്റ്റൻ രോഹിത് ശർമയെ നവീൻ ഉൾ ഹഖ് പുറത്താക്കി. തൊട്ടുപിന്നാലെ ഇഷാൻ കിഷനും (12 പന്തിൽ 15) പവലിയൻപൂകി.

അതോടെ മുംബൈ 4.2 ഓവറിൽ രണ്ട് വിക്കറ്റ് നഷ്ടത്തിൽ 38. മൂന്നാം നന്പറായി ക്രീസിലെത്തിയ കാമറൂൺ ഗ്രീനും (23 പന്തിൽ 41), നാലാം നന്പർ ബാറ്ററായ സൂര്യകുമാർ യാദവും (20 പന്തിൽ 33) ചേർന്ന് മുംബൈ സ്കോർ 100 കടത്തി. മൂന്നാം വിക്കറ്റിൽ ഇരുവരും ചേർന്ന് 38 പന്തിൽ 66 റൺസ് നേടി.

22 പന്തിൽ 26 റൺസ് നേടിയ തിലക് വർമയും 12 പന്തിൽ 23 റൺസ് സ്വന്തമാക്കിയ നേഹൽ വധീരയുമാണ് മുംബൈ ഇന്നിംഗ്സിൽ പിന്നീട് ചെറുത്തുനിന്നത്. രോഹിത്, ഗ്രീൻ, സൂര്യകുമാർ, തിലക് വർമ എന്നിവരെ പുറത്താക്കിയ നവീൻ ഉൾ ഹഖാണ് ലക്നോയുടെ ബൗളിംഗ് ആക്രമണം മുന്നിൽനിന്ന് നയിച്ചത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.