ജോക്കോ ക്വാർട്ടറിൽ
Sunday, June 4, 2023 11:31 PM IST
പാരീസ്: ഫ്രഞ്ച് ഓപ്പണ് ടെന്നീസ് പുരുഷ സിംഗിൾസിൽ സെർബിയയുടെ നൊവാക് ജോക്കോവിച്ച് ക്വാർട്ടർ ഫൈനലിൽ. പെറുവിന്റെ ഹ്വാൻ പാബ്ലൊ വരിയ്യസിനെ നേരിട്ടുള്ള സെറ്റുകൾക്കു കീഴടക്കിയാണ് ജോക്കോവിച്ച് അവസാന എട്ടിൽ ഇടംപിടിച്ചത്. മൂന്നാം സീഡായ ജോക്കോവിച്ചിനു വെല്ലുവിളിയുയർത്താൻ പെറു താരത്തിനു സാധിച്ചില്ല. സ്കോർ: 6-3, 6-2, 6-2.
റഷ്യയുടെ കരെണ് ഖാച്ചനോവും ക്വാർട്ടറിൽ പ്രവേശിച്ചിട്ടുണ്ട്. ഇറ്റലിയുടെ ലോറെൻസൊ സൊനെഗൊയെ നാല് സെറ്റ് നീണ്ട പോരാട്ടത്തിനൊടുവിൽ കീഴടക്കിയാണ് ഖാചനോവ് ക്വാർട്ടർ ഫൈനലിൽ ഇടംപിടിച്ചത്. സ്കോർ: 1-6, 6-4, 7-6 (9-7), 6-1. ക്വാർട്ടറിൽ ഖാചനോവാണ് ജോക്കോവിച്ചിന്റെ എതിരാളി.
വനിതാ സിംഗിൾസിൽ റഷ്യയുടെ അനസ്തസ്യ പവ്ല്യുചെങ്കോവ ക്വാർട്ടറിൽ പ്രവേശിച്ചു. 28-ാം സീഡായ ബെൽജിയത്തിന്റെ എലിസ് മെർട്ടിനെസിനെ മൂന്ന് സെറ്റ് നീണ്ട പോരാട്ടത്തിൽ കീഴടക്കിയാണ് റഷ്യൻ താരം ക്വാർട്ടർ ബെർത്ത് ഉറപ്പിച്ചത്. സ്കോർ: 3-6, 7-6 (7-3), 6-3.