ബ്ലാസ്റ്റേഴ്‌സ് താരത്തിനെതിരേ വംശീയാധിക്ഷേപം നടത്തിയതായി പരാതി : Deepika.com Sports News |

Click here for detailed news of all items

ബ്ലാസ്റ്റേഴ്‌സ് താരത്തിനെതിരേ വംശീയാധിക്ഷേപം നടത്തിയതായി പരാതി

Saturday, September 23, 2023 1:14 AM IST

കൊച്ചി: കലൂര്‍ ജവഹര്‍ലാല്‍ നെഹ്‌റു സ്റ്റേഡിയത്തില്‍ കഴിഞ്ഞ ദിവസം നടന്ന ഐഎസ്എല്‍ ഉദ്ഘാടന മത്സരത്തിനിടെ ബ്ലാസ്റ്റേഴ്‌സ് താരത്തിനെ തിരേ വംശീയാധിക്ഷേപം നടത്തിയതായി പരാതി. ബ്ലാസ്റ്റേഴ്‌സ് താരം ഐബാന്‍ബ ഡോഹ്‌ലിംഗിനെതിരേ, ബംഗളൂരുവിന്‍റെ വിദേശതാരം റയാന്‍ വില്യംസ് വംശീയ അധിക്ഷേപം നടത്തിയതായാണു പരാതി.

സംഭവത്തിന്‍റെ ദൃശ്യങ്ങള്‍ സമൂഹമാധ്യമങ്ങളിൽ പ്രചരിക്കുന്നുണ്ട്. വംശീയമായി അപമാനിക്കുന്ന തരത്തിലുള്ള ആംഗ്യങ്ങള്‍ ഐബാന്‍ബക്കെതിരേ വില്യംസ് കാണിക്കുന്നതായി വീഡിയോയില്‍ വ്യക്തമാണെന്ന് ആരാധകര്‍ പറയുന്നു.

കളിയുടെ 82-ാമത്തെ മിനിറ്റില്‍ പന്തിനായി പോരാടുന്നതിനിടെ ഐബാന്‍ വില്യംസുമായി കൊമ്പുകോര്‍ത്തു. തൊട്ടുപിന്നാലെ മൂക്ക് പൊത്തി വായ്‌നാറ്റം സൂചിപ്പിക്കുന്നതു പോലെ വില്യംസ് പരിഹസിക്കുന്നതാണു ദൃശ്യങ്ങളിലുള്ളത്. താരത്തിനെതിരേ നടപടി വേണമെന്ന് ബ്ലാസ്റ്റേഴ്‌സ് ആരാധകര്‍ ഐഎസ്എലിന്‍റെ ഔദ്യോഗിക സമൂഹമാധ്യമ പേജുകളിലടക്കം ആവശ്യമുയര്‍ത്തുന്നുണ്ട്.

മുമ്പ് വംശീയതയ്ക്കെതിരേ സോഷ്യല്‍മീഡിയയില്‍ ഉള്‍പ്പെടെ പ്രതികരിച്ച താരമാണ് വില്യംസ്. ഈ സീസണിലാണ് ഓസ്‌ട്രേലിയക്കാരനായ വിംഗര്‍ ബംഗളൂരു എഫ്‌സിയിലെത്തുന്നത്. സംഭവത്തില്‍ ബ്ലാസ്റ്റേഴ്‌സ് സംഘാടകര്‍ക്കു ഔദ്യോഗികമായി പരാതി നൽകി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.