എൻബിടിസി ക്യാമ്പ് തീപിടിത്തം: മരണപ്പെട്ടവരിൽ പകുതിയും മലയാളികൾ
അബ്ദുള്ള നാലുപുരയിൽ
Thursday, June 13, 2024 10:16 PM IST
കുവൈറ്റ് സിറ്റി: എൻബിടിസി ക്യാമ്പിലുണ്ടായ തീപിടിത്തത്തിൽ മരണപ്പെട്ടവരിൽ 46 പേരും ഇന്ത്യക്കാർ. അതിൽ പകുതിയും മലയാളികളാണ്.
തമിഴ്നാട്ടിലുള്ള ഏഴ് പേരും ഉത്തർപ്രദേശിലുള്ള നാലു പേരും ആന്ധ്രായിലുള്ള മൂന്ന് പേരും ബിഹാറിലും ഒഡീഷയിലുമുള്ള രണ്ട് പേരും ജാർഖണ്ഡ്, കർണാടക, മഹാരാഷ്ട്ര, പഞ്ചാബ്, പശ്ചിമബംഗാൾ എന്നീവിടങ്ങളിലുള്ള ഓരോരുത്തരുമാണ് അപകടത്തിൽ മരിച്ചത്.
മൃതദേഹങ്ങൾ ഇന്ത്യയിലെത്തിക്കാൻ സ്പെഷൽ വിമാനം വിട്ടു തരാൻ തായാറാണെന്ന് കുവൈറ്റ് അമീർ ഷെയ്ഖ് മിഷേൽ അൽ അഹ്മദ് അൽ ജാബിർ അൽ സബാഹ് പറഞ്ഞു. എന്നാൽ ഇന്ത്യൻ വ്യോമസേനയുടെ പ്രത്യേക വിമാനത്തിലാണ് മൃതദേഹങ്ങൾ കൊണ്ടുവരുന്നത്.