തി​രു​വ​ന​ന്ത​പു​രം: വി​ഴി​ഞ്ഞം പോ​ർ​ട്ട് ക​മ്മീ​ഷ​ൻ ച​ട​ങ്ങു​മാ​യി ബ​ന്ധ​പ്പെ​ട്ട വി​വാ​ദ​ത്തി​ൽ പ്ര​തി​പ​ക്ഷ നേ​താ​വ് വി.​ഡി.​സ​തീ​ശ​ന് മ​റു​പ​ടി​യു​മാ​യി തു​റ​മു​ഖ വ​കു​പ്പ് മ​ന്ത്രി വി.​എ​ൻ.​വാ​സ​വ​ൻ. പ്ര​തി​പ​ക്ഷ നേ​താ​വ് പ​രി​പാ​ടി​യി​ൽ പ​ങ്കെ​ടു​ക്കു​ന്നു​ണ്ടോ എ​ന്ന് ത​ങ്ങ​ൾ​ക്ക് അ​റി​യി​ല്ല, ച​ട​ങ്ങി​ൽ പ​ങ്കെ​ടു​ക്കു​ന്ന​തി​നാ​യി ത‌​ന്‍റെ ലെ​റ്റ​ർ പാ​ഡി​ൽ നി​ന്ന് ക​ത്ത് കൊ​ടു​ത്തി​ട്ടു​ണ്ടെ​ന്ന് മ​ന്ത്രി പ്ര​തി​ക​രി​ച്ചു.

പ​രി​പാ​ടി​യി​ൽ ആ​രൊ​ക്കെ സം​സാ​രി​ക്ക​ണം സം​സാ​രി​ക്കേ​ണ്ട എ​ന്ന് കേ​ന്ദ്ര​ത്തി​ൽ നി​ന്നാ​ണ് തീ​രു​മാ​നി​ക്കു​ന്ന​ത്. കേ​ന്ദ്ര​ത്തി​ന് ന​ൽ​കി​യ പ​ട്ടി​ക​യി​ൽ പ്ര​തി​പ​ക്ഷ നേ​താ​വി​ന്‍റെ പേ​രു​ണ്ടാ​യി​രു​ന്നു.

പ​ട്ടി​ക പ​രി​ശോ​ധി​ച്ച് വേ​ദി​യി​ൽ ഇ​രി​ക്കു​ന്ന​വ​രു​ടെ പേ​രും പ്ര​സം​ഗി​ക്കു​ന്ന​വ​രു​ടെ പേ​രും നി​ർ​ദേ​ശി​ക്കു​ക പ്ര​ധാ​ന​മ​ന്ത്രി​യു​ടെ ഓ​ഫീ​സി​ൽ നി​ന്നാ​ണ്. സം​സാ​രി​ക്കേ​ണ്ട​വ​രു​ടെ ലി​സ്റ്റ് ഇ​തു​വ​രെ കി​ട്ടി​യി​ട്ടി​ല്ലെ​ന്നും മ​ന്ത്രി പ​റ​ഞ്ഞു.

ബി​ജെ​പി സം​സ്ഥാ​ന അ​ധ്യ​ക്ഷ​ൻ രാ​ജീ​വ് ച​ന്ദ്ര​ശേ​ഖ​റി​നെ ചടങ്ങിന് വി​ളി​ക്ക​ണം എ​ന്ന് നി​ർ​ദേ​ശി​ച്ച​ത് പ്ര​ധാ​ന​മ​ന്ത്രി​യു​ടെ ഓ​ഫീ​സാ​ണ്. പ്ര​തി​പ​ക്ഷ​നേ​താ​വി​നെ നി​ർ​ദേ​ശി​ച്ച​ത് ത​ങ്ങ​ളാ​ണ്. ഗ​വ​ർ​ണ​ർ, മു​ഖ്യ​മ​ന്ത്രി, കേ​ന്ദ്ര തു​റ​മു​ഖ മ​ന്ത്രി, കേ​ന്ദ്ര​മ​ന്ത്രി സു​രേ​ഷ് ഗോ​പി , കേ​ന്ദ്ര​മ​ന്ത്രി ജോ​ർ​ജ് കു​ര്യ​ൻ, സം​സ്ഥാ​ന തു​റ​മു​ഖ മ​ന്ത്രി, തി​രു​വ​ന​ന്ത​പു​ര​ത്ത് നി​ന്നു​ള്ള മ​ന്ത്രി​മാ​ർ, എംപി​മാ​ർ, എംഎ​ൽ​എ​മാ​ർ, പ്ര​തി​പ​ക്ഷ നേ​താ​വ്, മു​ൻ കേ​ന്ദ്ര മ​ന്ത്രി രാ​ജീ​വ് ച​ന്ദ്ര​ശേ​ഖ​ർ തു​ട​ങ്ങി​യ​വ​രു​ടെ പേ​രു​ക​ളാ​ണ് ഈ ​ച​ട​ങ്ങി​ലേ​ക്ക് ത​ങ്ങ​ൾ ആ​ലോ​ചി​ച്ച് ന​ൽ​കി​യ​തെന്നും മ​ന്ത്രി കൂ​ട്ടി​ച്ചേ​ർ​ത്തു.