സ്വ​ന്തം കാ​ലി​ൽ
ഇ​ത് തൊ​ടു​പു​ഴ​ക്കാ​ര​ൻ റെ​ജി ഏ​ബ്ര​ഹാം. ക​റ​ക്കം വീ​ൽ​ചെ​യ​റി​ലാ​ണ്. പ​ക്ഷേ ജീ​വി​തം സ്വ​ന്തം കാ​ലി​ലാ​ണ്. ത​നി​ക്കു മാ​ത്ര​മ​ല്ല, ത​ള​ർ​ന്നു​പോ​യ നി​ര​വ​ധി മ​നു​ഷ്യ​ർ​ക്ക് ആ​ത്മ​വി​ശ്വാ​സ​ത്തി​ന്‍റെ കാ​ലു​ക​ൾ പി​ടി​പ്പി​ച്ച മ​നു​ഷ്യ​ൻ...

സ്വ​ന്തം കാ​ലി​ൽ നി​ൽ​ക്ക​ണ​മെ​ന്നാ​യി​രു​ന്നു എ​ന്നും ആ​ഗ്ര​ഹം. അ​തി​ന് 22-ാമ​ത്തെ വ​യ​സി​ൽ ഒ​രു ബ​ന്ധു​വി​ന്‍റെ കൂ​ടെ വ​ർ​ക്ക്ഷോ​പ്പ് തു​ട​ങ്ങി. എ​ന്നാ​ൽ എ​ഴു​തി​വ​ച്ചി​രി​ക്കു​ന്ന നി​യോ​ഗം മാ​റ്റാ​ൻ ക​ഴി​യി​ല്ലെ​ന്ന് 23-ാമ​ത്തെ വ​യ​സി​ൽ അ​റി​ഞ്ഞു. 23-ാംവ​യ​സി​ലാ​യി​രു​ന്നു അ​പ​ക​ടം.

വ​ർ​ക്ക്ഷോ​പ്പി​ലെ ചെ​റി​യൊ​രു ഉ​പ​ക​ര​ണം തെ​ന്നി​പ്പോ​യ​താ​ണ്. ന​ട്ടെ​ല്ലു ത​ക​ർ​ന്നു ശ​രീ​ര​ത്തി​നു അ​ന​ക്ക​മി​ല്ലാ​ത്ത അ​വ​സ്ഥ, കൂ​ടു​ത​ൽ ഒ​ന്നും ചെ​യ്യാ​നി​ല്ല എ​ന്ന ഡോ​ക്ട​ർ​മാ​രു​ടെ വി​ധി​യെ​ഴു​ത്ത്. പ​ക്ഷേ, തോ​റ്റു കൊ​ടു​ക്കാ​നാ​വി​ല്ല.

ഒ​രു നി​യോ​ഗം പോ​ലെ ആ​ശു​പ​ത്രി​കി​ട​ക്ക​യി​ൽ നി​ന്നും ശ​രീ​രം​ത​ള​ർ​ന്ന​വ​ർ​ക്കു​വേ​ണ്ടി വീ​ൽ​ചെ​യ​ർ ഉ​രു​ട്ടി ഇ​റ​ങ്ങി. ഇ​ത് റെ​ജി ഏ​ബ്ര​ഹാം. തൊ​ടു​പു​ഴ പു​തു​പ്പ​രി​യാ​രം മാ​യ​ത്ത് പ​രേ​ത​നാ​യ ബേ​ബി​യു​ടെ​യും മേ​രി​യു​ടെ​യും ര​ണ്ട് ആ​ണ്‍​മ​ക്ക​ളി​ൽ മൂ​ത്ത​വ​ൻ. ഇ​ന്നു വീ​ൽ​ചെ​യ​റി​ലി​രു​ന്നു ത​ള​ർ​ന്നു കി​ട​ക്കു​ന്ന​വ​ർ​ക്കു ആ​ശ്ര​യ​മാ​കു​ന്ന വ​ലി​യൊ​രു അ​ഭ​യ​കേ​ന്ദ്ര​ത്തി​ന്‍റെ നാ​യ​ക​ൻ.

അ​തി​നാ​യി റെ​ജി ത​ന്‍റെ ജീ​വി​തം അ​വ​ർ​ക്കു മു​ന്നി​ൽ തു​റ​ന്നി​ട്ടു. താ​ൻ ചെ​യ്യു​ന്ന​തും അ​തി​ലേ​റെ കാ​ര്യ​ങ്ങ​ളും ചെ​യ്യു​വാ​ൻ സാ​ധി​ക്കും എ​ന്ന ബോ​ധ്യം അ​വ​രു​ടെ മ​ന​സി​ലേ​ക്കു പാ​കി. ഓ​ട്ടോ ഓ​ടി​ച്ചും വി​ദേ​ശ​യാ​ത്ര​ന​ട​ത്തി​യും കാ​റോ​ടി​ച്ചും ഒ​രാ​ണി​നെ​പ്പോ​ലെ ഓ​ടി​ന​ട​ന്നും ജീ​വി​തം പ​ഠി​പ്പി​ച്ചു. പി​ന്നീ​ട് അ​വി​ടെ സം​ഭ​വി​ച്ച​ത് അ​ദ്ഭു​ത​ങ്ങ​ൾ നി​റ​ഞ്ഞ അ​നു​ഭ​വ​ങ്ങ​ളാ​ണ്. ഓ​ട്ടോ ഓ​ടി​ക്കാ​നും മെ​ക്കാ​നി​ക് വ​ർ​ക്ക് ചെ​യ്യാ​നും ഹൃ​ദ​യം തു​റ​ന്നു പാ​ടാ​നും അ​വ​ർ​ക്കും സാ​ധി​ച്ചു. റെ​ജി​യു​ടെ അ​ടു​ത്ത് എ​ത്തി​യ​പ്പോ​ൾ അ​വ​ർ​ക്കെ​ല്ലാം ഓ​രോ അ​നു​ഭ​വ​മു​ണ്ടാ​യി​രു​ന്നു. മു​റി​പ്പാ​ടു​ക​ളു​ണ്ടാ​യി​രു​ന്നു. എ​ന്നാ​ൽ റെ​ജി​യു​ടെ ഒ​പ്പം ചേ​ർ​ന്ന​പ്പോ​ൾ ഒ​രു അ​നു​ഭ​വ​മാ​യി, ഒ​രു ക​ഥ​യാ​യി, ഒ​രു ല​ക്ഷ്യ​ത്തി​ലേ​ക്ക് പ്ര​യാ​ണം തു​ട​രു​ന്നു.

വി​ധി മാ​റ്റി​യെ​ഴു​തി അ​പ​ക​ടം

1987 ജ​നു​വ​രി 31. ഈ ​തീ​യ​തി ആ​രു മ​റ​ന്നാ​ലും റെ​ജി മ​റ​ക്കി​ല്ല. വാ​ഹ​ന​ത്തെ പ്രേ​മി​ച്ച പ​യ്യ​ൻ ഓ​ട്ടോ​മൊ​ബൈ​ൽ പ​ഠ​നം ക​ഴി​ഞ്ഞു 1986ൽ ​ബ​ന്ധു​വി​നോ​ടൊ​പ്പം ചേ​ർ​ന്നു തൊ​ടു​പു​ഴ​യി​ൽ ഓ​ട്ടോ​മൊ​ബൈ​ൽ വ​ർ​ക്ക്ഷോ​പ്പ് ആ​രം​ഭി​ച്ചു. ബ​സി​ന്‍റെ ബോ​ഡി കെ​ട്ടും മെ​ക്കാ​നി​ക്ക​ൽ പ​ണി​യു​മാ​യി​രു​ന്നു. ഒ​രു വ​ർ​ഷം തി​ക​യു​ന്ന​തി​നു മു​ന്പ് അ​പ​ക​ടം സം​ഭ​വി​ച്ചു.

ഒ​രു വാ​ഹ​ന​ത്തി​ന്‍റെ കേ​ടു​പാ​ടു​ക​ൾ ന​ന്നാ​ക്കു​ന്ന​തി​നി​ടെ ജാ​ക്കി തെ​ന്നി വാ​ഹ​നം ശ​രീ​ര​ത്തേ​ക്കു പ​തി​ച്ചു. ന​ട്ടെ​ല്ലി​നു​ണ്ടാ​യ ക്ഷ​തം ജീ​വി​ത​ത്തി​ന്‍റെ ദി​ശ മാ​റ്റി​ക്ക​ള​ഞ്ഞു. വെ​ല്ലൂ​ർ സി​എം​സി ആ​ശു​പ​ത്രി​യി​ലാ​യി​രു​ന്നു പ്ര​വേ​ശി​പ്പി​ക്ക​പ്പെ​ട്ട​ത്. ഡോ​ക്ട​ർ​മാ​ർ റെ​ജി​യു​ടെ അ​വ​സ്ഥ തു​റ​ന്നു​പ​റ​ഞ്ഞു. സ്വ​ന്തം കാ​ലു​ക​ൾ​കൊ​ണ്ട് ന​ട​ക്കാ​ൻ സാ​ധി​ക്കി​ല്ല. തു​ട​ക്ക​ത്തി​ൽ എ​ല്ലാ കാ​ര്യ​ങ്ങ​ൾ​ക്കും മ​റ്റൊ​രാ​ളു​ടെ സ​ഹാ​യം ആ​വ​ശ്യ​മാ​ണ്. ന​ട്ടെ​ല്ലി​നു​ണ്ടാ​യ ക്ഷ​ത​മാ​ണ് ഈ ​അ​വ​സ്ഥ​യ്ക്കു​ള്ള കാ​ര​ണം. സ്വ​ന്തം കാ​ലി​ൽ നി​ൽ​ക്കാ​ൻ മോ​ഹി​ച്ച​വ​ൻ ത​ള​ർ​ന്നു പോ​യ നി​മി​ഷം.

അ​മ്മ​യും സ​ഹോ​ദ​ര​ൻ റോ​യി​യു​മാ​യി​രു​ന്നു കൂ​ട്ടി​ന് ആ​ശു​പ​ത്രി​യി​ൽ. ആ​ശു​പ​ത്രി​യി​ൽ​നി​ന്നു പെ​ട്ടെ​ന്നൊ​ന്നും വീ​ട്ടി​ലേ​ക്ക് വി​ട്ടി​ല്ല. നാ​ലു മാ​സം നീ​ണ്ടു​നി​ന്ന പ​രി​ശീ​ല​ന​വും ഡോ​ക്ട​ർ​മാ​രു​ടെ സാ​മീ​പ്യ​വും പ​രി​ച​ര​ണ​വും റെ​ജി​ക്ക് ആ​ശ്വാ​സ​മാ​യി. ഫി​സി​യോ​തെ​റാ​പ്പി​യി​ലൂ​ടെ എ​ല്ലു​ക​ൾ​ക്കും കൗ​ണ്‍​സ​ലിം​ഗി​ലൂ​ടെ മ​ന​സി​നും അ​വ​ർ ബ​ലം ന​ൽ​കി. പു​തി​യൊ​രു മ​നു​ഷ്യ​നാ​ക്കി. പ​ക്ഷേ, എ​ല്ലാ​വ​രും ഓ​ടി​ന​ട​ക്കു​ന്ന ലോ​ക​ത്തി​ൽ അ​വ​രെ​പ്പോ​ലെ ഒ​രാ​ളാ​യി ജീ​വി​ക്കാ​ൻ ക​ഴി​യി​ല്ലെ​ന്ന തി​രി​ച്ച​റി​വ് റെ​ജി നേ​ടു​ക​യാ​യി​രു​ന്നു.

ഷ​ട്ട​റു​ക​ൾ വീ​ണ്ടും ഉ​യ​രു​ന്നു

ആ​ശു​പ​ത്രി​യി​ൽ​നി​ന്നു വ​ന്ന​തി​നു​ശേ​ഷം പ​ല ചി​കി​ത്സ​രീ​തി​ക​ളും പ​യ​റ്റി നോ​ക്കി. റെ​ജി​യു​ടെ ശ​രീ​രം പ്ര​തി​ക​രി​ക്കു​ന്നി​ല്ല. വ​ർ​ക്ക്ഷോ​പ്പ് മു​ന്നോ​ട്ടു പോ​കു​ന്നു​ണ്ട്. ബ​ന്ധു കാ​ര്യ​മാ​യി നോ​ക്കു​ന്നു​ണ്ട്. വീ​ട്ടി​ൽ ഇ​രു​ന്നു ജീ​വി​തം ന​ശി​പ്പി​ക്കാ​ൻ ഏ​താ​യാ​ലും ഇ​ല്ലെ​ന്നു തീ​രു​മാ​നി​ച്ചു. വീ​ണ്ടും വ​ർ​ക്ക്ഷോ​പ്പി​ലേ​ക്ക് ഇ​റ​ങ്ങാ​ൻ തീ​രു​മാ​നി​ച്ചു.

വ​ർ​ക്ക്ഷോ​പ്പി​ന്‍റെ ഷ​ട്ട​റു​ക​ൾ റെ​ജി തു​റ​ന്ന​പ്പോ​ൾ ത​ന്‍റെ ജീ​വി​ത​വും തു​റ​ക്കു​ക​യാ​യി​രു​ന്നു. ആ​ദ്യ​മൊ​ക്കെ എ​തി​ർ​ത്ത​വ​ർ, സ​ഹ​താ​പം കാ​ണി​ച്ച​വ​ർ പ്രോ​ത്സാ​ഹ​ന​വു​മാ​യി ക​ട​ന്നു​വ​ന്നു, 1990ൽ ​പാ​ർ​ട്ട​ണ​റാ​യ ബ​ന്ധു​വി​നു സ​ർ​ക്കാ​ർ ജോ​ലി ല​ഭി​ച്ചു. അ​തോ​ടെ വ​ർ​ക്ക്ഷോ​പ്പ് പൂ​ർ​ണ​മാ​യും റെ​ജി ഏ​റ്റെ​ടു​ത്തു. ഇ​തി​നി​ടെ ആ​ദ്യം ഓ​ട്ടോ​റി​ക്ഷ​യി​ൽ പ്ര​ത്യേ​ക സം​വി​ധാ​ന​മൊ​രു​ക്കി അ​തു​മാ​യി​വ​ഴി​യി​ലി​റ​ങ്ങി.

പി​ന്നീ​ട് ഹാ​ൻ​ഡ് ക​ണ്‍​ട്രോ​ളു​ള്ള കാ​റു ത​യാ​റാ​ക്കി ന​ല്കു​ന്ന മ​ല​പ്പു​റം സ്വ​ദേ​ശി മു​സ്ത​ഫ​യി​ൽ​നി​ന്ന് ആ​ദ്യ​ത്തെ കാ​റു​വാ​ങ്ങി. വ​ർ​ക്ക്ഷോ​പ്പ് ന​ന്നാ​യി പോ​കു​ന്ന സ​മ​യ​ത്തു​ത​ന്നെ ഒ​രു മാ​റ്റം വേ​ണ​മെ​ന്ന ചി​ന്ത ജീ​വി​ത​ത്തി​ൽ ഉ​ദി​ക്കു​ന്നു. ത​ന്‍റെ മ​ന​സി​ലെ സ്വ​പ്നം യ​ഥാ​ർ​ഥ്യ​മാ​ക്കാ​ൻ ഇ​റ​ങ്ങാ​ൻ തീ​രു​മാ​നി​ച്ചു. 2005വ​രെ 15 വ​ർ​ഷ​ക്കാ​ലം റെ​ജി വ​ർ​ക്ക്ഷോ​പ്പ് ന​ട​ത്തി. അ​ന്നു വാ​ട​ക​യ്ക്കു കൊ​ടു​ത്തി​ട്ട് അ​വി​ടെ​നി​ന്ന് ഇ​റ​ങ്ങി.

ആ​ശ്ര​യ​മാ​ണ് സ്വാ​ശ്ര​യ

ന​ല്ല​നി​ല​യി​ൽ​ത​ന്നെ വ​ർ​ക്ക്ഷോ​പ്പ് ന​ട​ത്തി. സാ​ന്പ​ത്തി​ക​മാ​യി മെ​ച്ച​വു​മാ​യി​രു​ന്നു. പ​ക്ഷേ, അ​പ്പോ​ഴും മ​ന​സി​ൽ​നി​ന്ന് ആ​രോ വ​ലി​ക്കു​ന്ന​തു പോ​ലെ. ഇ​ത​ല്ല നി​ന്‍റെ ല​ക്ഷ്യം. എ​ല്ലാം തു​റ​ന്നു പ​റ​യു​ന്ന ബ​ന്ധു കൂ​ടി​യാ​യ മ​ല​ങ്ക​ര ഓ​ർ​ത്ത​ഡോ​ക്സ് സു​റി​യാ​നി സ​ഭ​യു​ടെ ക​ണ്ട​നാ​ട് (ഈ​സ്റ്റ്) ഭ​ദ്രാ​സ​ന മെ​ത്രാ​പ്പോ​ലീ​ത്ത ഡോ. ​തോ​മ​സ് മാ​ർ അ​ത്ത​നാ​സി​യോ​സി​നോ​ടു മ​ന​സി​ന്‍റെ ആ​ഗ്ര​ഹം പ​റ​ഞ്ഞു. എ​ന്നെ​പ്പോ​ലെ ത​ള​ർ​ന്നു​പോ​യ​വ​രെ ര​ക്ഷി​ക്ക​ണം. ചി​കി​ത്സ ക​ഴി​ഞ്ഞി​റ​ങ്ങു​ന്ന പാ​വ​പ്പെ​ട്ട​വ​രു​ടെ അ​വ​സ്ഥ വ​ള​രെ ദ​യ​നീ​യ​മാ​ണ്. കു​ടും​ബ​ത്തി​ന്‍റെ സ​ഹാ​യം പോ​ലും ല​ഭി​ക്കാ​ത്ത​വ​രു​ണ്ട്.

എ​ന്താ​ണ് ഉ​ദ്ദേ​ശ്യ​മെ​ന്നാ​യി തി​രു​മേ​നി. ഒ​രു സെ​ന്‍റ​ർ തു​ട​ങ്ങ​ണം. അ​താ​ണ് ആ​ശ​യം. എ​ങ്കി​ൽ മു​ള​ന്തു​രു​ത്തി വെ​ട്ടി​ക്ക​ൽ സെ​ന്‍റ് തോ​മ​സ് ദ​യ​റാ​യ്ക്കു സ​മീ​പം പു​ളി​ക്ക​മാ​ലി റോ​ഡി​ൽ ത​ന്‍റെ വ​ക ഒ​ന്നേ​കാ​ൽ ഏ​ക്ക​ർ സ്ഥ​ലം ഏ​റ്റെ​ടു​ത്തു​കൊ​ള്ളാ​ൻ തീ​രു​മേ​നി.

അ​ദ്ദേ​ഹം ന​ൽ​കി​യ സ്ഥ​ല​ത്ത് 2005 മേ​യ് 15 നു ​സ്വാ​ശ്ര​യ ആ​രം​ഭി​ച്ചു. അ​തൊ​രു ചാ​രി​റ്റ​ബി​ൾ ട്ര​സ്റ്റാ​യി രൂ​പീ​ക​രി​ച്ചു. സ്ഥാ​പ​ക​ട്ര​സ്റ്റി​യാ​യി റെ​ജി മാ​റി. മാ​നേ​ജിം​ഗ് ട്ര​സ്റ്റി​യാ​യി തി​രു​മേ​നി​യെ വ​ച്ചു. കൂ​ടെ കു​റ​ച്ചു സു​ഹൃ​ത്തു​ക്ക​ളും ക​മ്മി​റ്റി​യി​ലു​ണ്ട്. കെ​ട്ടി​ട സൗ​ക​ര്യ​മു​ണ്ട്. ചി​കി​ത്സാ​സൗ​ക​ര്യ​മു​ണ്ട്. കൗ​ണ്‍​സ​ലിം​ഗി​നും പ​രി​ശീ​ല​ന​ത്തി​നും സൗ​ക​ര്യ​മു​ണ്ട്. ഇ​താ​ണ് സ്വാ​ശ്ര​യ​യെ ആ​ശ്ര​യി​ക്കാ​ൻ പ്രേ​രി​പ്പി​ക്കു​ന്ന​ത്.

രോ​ഗ​ത്താ​ലും അ​പ​ക​ട​ങ്ങ​ളാ​ലും ന​ട്ടെ​ല്ലി​നു ക്ഷ​ത​മേ​റ്റ് ശ​യ്യാ​വ​ലം​ബ​രാ​യി​ത്തീ​ർ​ന്ന​വ​ർ​ക്ക് അ​വ​രു​ടെ ദി​ന​ച​ര്യ​ക​ൾ പ​രാ​ശ്ര​യം കൂ​ടാ​തെ നി​ർ​വ​ഹി​ക്കു​ന്ന​തി​ന് പ​രി​ശീ​ല​നം ന​ൽ​കു​ക​യാ​ണ് സ്വാ​ശ്ര​യ റീ​ഹാ​ബി​ലി​റ്റേ​ഷ​ൻ സെ​ന്‍റ​ർ. മൂ​ന്നു മാ​സ​ത്തെ പ​രി​ശീ​ല​ന​മാ​ണ് ഇ​വി​ടെ ന​ല്കു​ന്ന​ത്. 160 പേ​ർ പ​രി​ശീ​ല​നം ക​ഴി​ഞ്ഞു പോ​യി. എ​ന്നാ​ൽ വീ​ട്ടി​ൽ പോ​കാ​തെ ഏ​ഴു പേ​ർ ഇ​വി​ടെ റെ​ജി​ക്കൊ​പ്പ​മു​ണ്ട്. ഒ​രേ​സ​മ​യം, ഇ​രു​പ​തു പേ​രെ മൂ​ന്നു മാ​സ​ക്കാ​ലം താ​മ​സി​പ്പി​ച്ചു​കൊ​ണ്ടു​ള്ള പ​രി​ശീ​ല​ന​മാ​ണ് ന​ൽ​കു​ന്ന​ത്.

കു​ടും​ബാം​ഗ​ങ്ങ​ൾ​ക്ക് നി​ത്യ​ഭാ​ര​മാ​യി​ത്തീ​രു​മോ എ​ന്ന ആ​ശ​ങ്ക​യും വീ​ട്ടി​ലെ പ​രി​മി​തി​ക​ളു​മാ​ണ് പ​ല​രും വീ​ടു​ക​ളി​ലേ​ക്കു പോ​കാ​ൻ മ​ടി​ക്കു​ന്ന​തി​ന്‍റെ മു​ഖ്യ​കാ​ര​ണം. പ​രി​ശീ​ല​ന​ത്തി​നു പു​റ​മെ നി​രാ​ശ​യും അ​പ​ക​ർ​ഷ​ത​യു​മ​ക​റ്റി ആ​ത്മ ധൈ​ര്യം ന​ൽ​കി അ​ന്തേ​വാ​സി​ക​ളെ സാ​ധാ​ര​ണ ജീ​വി​ത​ത്തി​ലേ​ക്കു വ​ഴി​ന​ട​ത്തു​ക​യാ​ണ്. കൗ​ണ്‍​സ​ലിം​ഗ് കൂ​ടാ​തെ ഫി​സി​യോ​തെ​റാ​പ്പി​യും ഓ​ക്കു​പ്പേ​ഷ​ണ​ൽ തെ​റാ​പ്പി​യും പ്ര​യോ​ജ​ന​പ്പെ​ടു​ത്തു​ന്നു.

റെ​ജി ക​ണ്ടെ​ത്തി​യ​വ​ർ

തി​രു​വ​ന​ന്ത​പു​രം സ്വ​ദേ​ശി സ്റ്റെ​ല്ല​സും കോ​ട്ട​യം​സ്വ​ദേ​ശി ബീ​ന​യും കൊ​ല്ലം സ്വ​ദേ​ശി ബോ​ബ​നും ഗം​ഗ​പ്ര​സാ​ദും ജോ​ളി ജോ​സ​ഫും ഉ​മേ​ഷു​മൊ​ക്കെ ഒ​രി​ക്ക​ൽ ത​ങ്ങ​ളു​ടെ ജീ​വി​ത​ങ്ങ​ളെ മ​റ​ന്ന​വ​രാ​യി​രു​ന്നു. ഇ​വ​രി​ൽ ഭൂ​രി​പ​ക്ഷ​വും വി​ദേ​ശ​ത്ത് ഉ​ണ്ടാ​യ അ​പ​ക​ട​ത്തി​ൽ ശ​രീ​രം ത​ള​ർ​ന്ന​വ​രാ​ണ്.

ഭാ​ര്യ ഭ​ർ​ത്താ​വി​നെ ഉ​പേ​ക്ഷി​ച്ചു ക​ട​ന്നു ക​ള​യു​ന്നു. ഭ​ർ​ത്താ​വ് വി​വാ​ഹ​മോ​ച​നം നേ​ടി ഓ​ടി ര​ക്ഷ​പ്പെ​ടു​ന്നു. എ​ന്നാ​ൽ ഭ​ർ​ത്താ​വി​നെ ജീ​വ​നു തു​ല്യം സ്നേ​ഹി​ച്ചു പ​രി​ച​രി​ച്ചു കൂ​ടെ​നി​ൽ​ക്കു​ന്ന ഭാ​ര്യ​മാ​രും ഇ​വി​ടെ​യു​ണ്ട്. ഈ ​വേ​ദ​ന​ക​ളെ അ​വ​ർ ഇ​വി​ടെ മാ​റ്റി​വ​യ്ക്കു​ക​യാ​ണ്. ഇ​വി​ടെ വ​ന്ന​തി​നു​ശേ​ഷം ഇ​വ​ർ ജീ​വി​തം ആ​സ്വ​ദി​ക്കാ​ൻ തു​ട​ങ്ങി​യി​രി​ക്കു​ന്നു. ഇ​തൊ​രു കു​ടും​ബ​മാ​ണ്.​പ​രാ​തി​ക​ളോ പ​രി​ഭ​വ​ങ്ങ​ളോ ഇ​ല്ലാ​ത്ത കു​ടും​ബം.

എ​റ​ണാ​കു​ള​ത്തു​ള്ള ജോ​ളി എ​ന്ന ചെ​റു​പ്പ​ക്കാ​ര​ൻ ഇ​വി​ടെ എ​ത്തി​യി​ട്ട് മൂ​ന്നു വ​ർ​ഷ​ങ്ങ​ളാ​കു​ന്നു. ഗ്രാ​ഫി​ക് ഡി​സൈ​ന​റാ​യ ജോ​ളി​യു​ടെ ന​ട്ടെ​ല്ലി​ൽ രൂ​പ​പ്പെ​ട്ട ട്യൂ​മ​റാ​ണ് വി​ല്ല​നാ​യ​ത്. ചി​കി​ത്സ​ക​ൾ പ​ല​തു ന​ട​ത്തി​യെ​ങ്കി​ലും ഓ​പ്പ​റേ​ഷ​നു ശേ​ഷം സം​ഭ​വി​ച്ചേ​ക്കാ​നി​ട​യു​ള്ള പ​ക്ഷാ​ഘാ​ത​ത്തി​ൽ അ​ര​യ്ക്കു താ​ഴെ അ​ന​ക്ക​മി​ല്ലാ​താ​യി. യു​വ​ത്വ​ത്തി​ൽ ജീ​വി​തം വ​ഴി​മു​ട്ടി​യ അ​വ​സ്ഥ​യി​ൽ ജോ​ളി ത​ക​ർ​ന്നു പോ​യി. സ്വാ​ശ്ര​യ​യി​ൽ എ​ത്തി​യ​തോ​ടെ ജീ​വി​തം എ​ന്താ​ണെ​ന്ന് അ​റി​ഞ്ഞു.

സ്വ​ന്തം കാ​ര്യ​ങ്ങ​ൾ പ​ര​സ​ഹാ​യം കൂ​ടാ​തെ ചെ​യ്യു​ന്പോ​ൾ​ത​ന്നെ ഭി​ന്ന​ശേ​ഷി​ക്കാ​രാ​യ വി​ദ്യാ​ർ​ഥി​ക​ളെ പ​രി​ശീ​ലി​പ്പി​ക്കു​ക​യും തൊ​ഴി​ൽ സാ​ധ്യ​ത​ക​ൾ ക​ണ്ടെ​ത്തി​ക്കൊ​ടു​ക്കു​ക​യും ചെ​യ്യു​ന്നു. വെ​ണ്ണ​ല​യി​ലെ ’ഉൗ​ർ​ജ’ എ​ന്ന സ്ഥാ​പ​ന​ത്തി​ൽ അ​ധ്യാ​പ​ക​ൻ​കൂ​ടി​യാ​ണ് ജോ​ളി. ലേ​സ​ർ എ​ൻ​ഗ്രേ​വിം​ഗി​ലൂ​ടെ ത​ടി​യി​ലും മെ​റ്റ​ലി​ലും ശി​ൽ​പ​ങ്ങ​ൾ രൂ​പ​പ്പെ​ടു​ത്തു​ന്ന നി​ർ​മാ​ണ യൂ​ണി​റ്റ് സ്വാ​ശ്ര​യ​യി​ൽ ആ​രം​ഭി​ച്ചു​ക​ഴി​ഞ്ഞു.

2004 ലാ​യി​രു​ന്നു ബി​ന്ദു​വി​ന്‍റെ​യും ഗം​ഗാ പ്ര​സാ​ദി​ന്‍റെ​യും വി​വാ​ഹം. ക​ല്യാ​ണം ക​ഴി​ഞ്ഞു ഗ​ൾ​ഫി​ൽ ജോ​ലി​യു​ണ്ടാ​യി​രു​ന്ന ഗം​ഗാ​പ്ര​സാ​ദ് അ​ങ്ങോ​ട്ടു പോ​യി. ഗ​ൾ​ഫി​ലെ​ത്തി ഒ​രു​മാ​സം ക​ഴി​ഞ്ഞ​പ്പോ​ൾ ഗം​ഗ ഒ​ര​പ​ക​ട​ത്തി​ൽ പെ​ട്ടു. ക​ന്പ​നി​വ​ണ്ടി​യി​ൽ മ​രു​ഭൂ​മി​യി​ലൂ​ടെ യാ​ത്ര ചെ​യ്യു​ന്പോ​ൾ ഒ​ട്ട​ക​വ്യൂ​ഹ​ത്തി​ലി​ടി​ച്ചാ​യി​രു​ന്നു അ​പ​ക​ടം. ആ​റാം ദി​വ​സം നാ​ട്ടി​ലെ​ത്തി​ക്കു​ന്പോ​ൾ ഗം​ഗ ശ​രീ​രം ത​ള​ർ​ന്ന അ​വ​സ്ഥ​യി​ലാ​യി​രു​ന്നു. ഏ​ഴു വ​ർ​ഷ​ങ്ങ​ൾ​ക്കു മു​ന്പാ​ണ് ഗം​ഗ​യെ സ്വാ​ശ്ര​യ​യി​ൽ കൊ​ണ്ടു​വ​രു​ന്ന​ത്.

അ​തി​നു ശേ​ഷം വ​ലി​യ മാ​റ്റ​ങ്ങ​ൾ ഉ​ണ്ടാ​യ​താ​യി ഭാ​ര്യ ബി​ന്ദു പ​റ​ഞ്ഞു. മോ​ട്ടോ​ർ വീ​ൽ​ചെ​യ​റി​ൽ സ​ഞ്ച​രി​ക്കും, കാ​റി​ൽ ക​യ​റ്റി പു​റ​ത്തൊ​ക്കെ കൊ​ണ്ടു​പോ​കും. മൊ​ബൈ​ലി​ൽ ആ​ത്മീ​യ ഗീ​ത​ങ്ങ​ളും പ്ര​ഭാ​ഷ​ണ​ങ്ങ​ളും കേ​ൾ​ക്കു​ന്ന​താ​ണ് ഗം​ഗ​യ്ക്ക് ഏ​റെ ഇ​ഷ്ടം. ആ​രു​ടെ​യും സ​ഹ​താ​പം ആ​ഗ്ര​ഹി​ക്കു​ന്നി​ല്ല. നി​ഴ​ൽ​പോ​ലെ എ​പ്പോ​ഴും കൂ​ടെ​യു​ള്ള ബി​ന്ദു​വാ​ണ് അ​യാ​ളു​ടെ ഉൗ​ർ​ജം.

വ​ല​തു​കൈ​യി​ലെ ത​ള്ള​വി​ര​ലും ചൂ​ണ്ടു​വി​ര​ലും മാ​ത്രം അ​ന​ക്കാ​ൻ ക​ഴി​യു​ന്ന​ത്ര ശാ​രീ​രി​ക അ​വ​ശ​ത​യു​ള്ള കോ​ട്ട​യം സ്വ​ദേ​ശി​നി ബീ​ന ഇ​വി​ടു​ത്തെ അ​ന്തേ​വാ​സി​യാ​ണ്. ബീ​ന അ​ക്ഷ​യ​കേ​ന്ദ്രം ന​ട​ത്തു​ക​യാ​ണ്. ക​ന്പ്യൂ​ട്ട​റി​നു മു​ന്നി​ലി​രു​ന്നു ര​ണ്ടു വി​ര​ലു​ക​ൾ മാ​ത്രം ച​ലി​പ്പി​ച്ച് 17 വ​ർ​ഷ​ങ്ങ​ൾ​ക്കു മു​ന്പ് ത​ള​ർ​ന്നു പോ​യ ശ​രീ​ര​ത്തെ ആ​വു​ന്ന​ത്ര സ്നേ​ഹി​ക്കു​ക​യാ​ണി​വ​ർ.

ലോ​റി ഡ്രൈ​വ​റാ​യി​രു​ന്നു ജോ​ണ്‍​സ​ണ്‍ റാ​ഫേ​ൽ എ​ന്ന ബോ​ബ​ൻ. വ​ണ്ടി​ക​ൾ അ​യാ​ൾ​ക്കെ​ന്നും ഹ​ര​മാ​യി​രു​ന്നു. ലോ​റി​യി​ൽ​നി​ന്നു ടോ​റ​സി​ന്‍റെ​യും പി​ന്നീ​ട് അ​തി​ലും വ​ലി​യ ട്രെ​യ് ല​റി​ന്‍റെ​യും ഡ്രൈ​വിം​ഗ് സീ​റ്റി​ലേ​ക്കു ക​യ​റി. ട്രെ​യ്‌​ല​റി​ൽ​നി​ന്ന് ഉ​രു​ക്കു ബീ​മു​ക​ൾ അ​ണ്‍​ലോ​ഡ് ചെ​യ്യു​ന്പോ​ൾ ക​ണ്ണൂ​രി​ൽ​വ​ച്ചാ​ണ് ബോ​ബ​ന് അ​പ​ക​ട​മു​ണ്ടാ​യ​ത്. ഇ​ടു​പ്പി​നു താ​ഴെ ത​ള​ർ​ന്നു​പോ​യി. ചി​കി​ത്സ​ക​ൾ​ക്കൊ​ടു​വി​ൽ ആം​ബു​ല​ൻ​സി​ലാ​ണ് സ്വാ​ശ്ര​യ​യി​ൽ കൊ​ണ്ടു​വ​ന്ന​ത്. ഇ​വ​രെ​ല്ലാം ജീ​വി​ത​ത്തെ സ്നേ​ഹി​ക്കാ​ൻ പ​ഠി​ക്കു​ക​യാ​ണ്. സ്വ​ന്തം അ​വ​സ്ഥ​യെ ആ​ദ്യം സ്നേ​ഹി​ക്കാ​നാ​ണ് ഇ​വി​ടെ പ​ഠി​പ്പി​ക്കു​ന്ന​ത്.

സ്വാ​ശ്ര​യ ഫ്ര​ണ്ട്സ് സ​ർ​ക്കി​ൾ

സ്വാ​ശ്ര​യ​യ്ക്ക് സ്ഥി​ര​മാ​യ ആ​ദാ​യ​മാ​ർ​ഗ​ങ്ങ​ളൊ​ന്നു​മി​ല്ല. ഉ​ദാ​ര​മ​തി​ക​ളു​ടെ സം​ഭാ​വ​ന​ക​ളും സ്വാ​ശ്ര​യ​യു​ടെ സു​ഹൃ​ത്തു​ക്ക​ളു​ടെ ധ​ന​സ​ഹാ​യ​വു​മാ​ണ് ആ​കെ​യു​ള്ള വ​രു​മാ​നം. വീ​ൽ​ചെ​യ​റി​ലി​രു​ന്നു ചെ​യ്യാ​നാ​വു​ന്ന തൊ​ഴി​ലു​ക​ളി​ലൂ​ടെ ഉ​പ​ജീ​വ​നം തേ​ടാ​ൻ സ്വാ​ശ്ര​യ​യി​ലെ അ​ന്തേ​വാ​സി​ക​ളെ പ​രി​ശീ​ലി​പ്പി​ക്കു​ന്നു​ണ്ട്.​അ​നു​ദി​ന ചെ​ല​വു​ക​ൾ​ക്ക് സ്വാ​ശ്ര​യ ഫ്ര​ണ്ട്സ് സ​ർ​ക്കി​ൾ എ​ന്ന കൂ​ട്ടാ​യ്മ​യു​ടെ സ​ഹാ​യം ല​ഭി​ക്കു​ന്നു​ണ്ട്. മു​ത്തൂ​റ്റ് പാ​പ്പ​ച്ച​ൻ ഗ്രൂ​പ്പ് സ്വാ​ശ്ര​യ​യ്ക്കു​വേ​ണ്ടി ഒ​രു കെ​ട്ടി​ട​വും പ​ണി​തു- ഓ​ശാ​ന പ്രോ​ജ​ക്ട്. ഇ​വ​രു​ടെ സേ​വ​ന​വും ല​ഭി​ക്കു​ന്നു​ണ്ട്. കോ​ല​ഞ്ചേ​രി മെ​ഡി​ക്ക​ൽ കോ​ള​ജി​ൽ നി​ന്നു ഡോ​ക്ട​ർ​മാ​രു​ടെ സേ​വ​ന​വും ല​ഭി​ക്കു​ന്നു.

പു​ഞ്ചി​രി​ക്കു​ന്ന മു​ഖ​ങ്ങ​ൾ

ഇ​വ​ർ ശ​രീ​രം ത​ള​ർ​ന്ന​വ​രാ​ണ്. മ​ന​സി​ലും ത​ള​ർ​ച്ച സം​ഭ​വി​ച്ച​വ​ർ. എ​ന്നാ​ൽ ഇ​ന്ന് ഇ​വ​ർ പു​ഞ്ചി​രി​ക്കു​ന്നു. മ​റ്റു​ള്ള​വ​രെ നോ​ക്കി ചി​രി​ക്കാ​നും മ​ന​സ് നി​റ​ഞ്ഞു പാ​ടാ​നും വീ​ൽ​ചെ​യ​റി​ൽ ഇ​രു​ന്നു ജോ​ലി​ചെ​യ്യാ​നും ക​ഴി​യു​ന്നു. ഇ​തെ​ല്ലാം ഇ​വ​ർ ക​ണ്ടു പ​ഠി​ച്ച​ത് റെ​ജി​യി​ൽ നി​ന്നാ​ണ്. വീ​ൽ​ചെ​യ​റി​ൽ പു​ണ്യം നി​റ​ച്ച് ഓ​ടി ന​ട​ക്കു​ന്ന​വ​നെ ക​ണ്ട്.

റെ​ജി ഒ​രു ശ​ക്തി​യാ​യി, ധൈ​ര്യ​മാ​യി ഇ​വ​രു​ടെ കൂ​ടെ​യു​ണ്ട്. എ​ന്നാ​ൽ റെ​ജി​യു​ടെ ശ​ക്തി അ​മ്മ​യാ​ണ്. സു​ഹൃ​ത്തു​ക്ക​ളാ​ണ്. ആ​ഴ്ച​യി​ൽ ഒ​രു ദി​വ​സം വീ​ട്ടി​ൽ അ​മ്മ​യ്ക്കൊ​പ്പം ഉ​ണ്ടാ​കും. പി​ന്നെ സു​ഹൃ​ത്തു​ക്ക​ൾ.​ആ​രെ​യും പി​ണ​ക്കാ​തെ സം​സാ​രി​ച്ചു മു​ന്നോ​ട്ടു വീ​ൽ​ചെ​യ​ർ ഉ​രു​ട്ടു​ന്പോ​ൾ റെ​ജി​യു​ടെ പു​ഞ്ചി​രി അ​ത്ഭു​ത​ക​ര​മാ​യ പോ​സി​റ്റി​വ് എ​ന​ർ​ജി​യാ​ണ് പ​ക​രു​ന്ന​ത്.

ജോ​ണ്‍​സ​ണ്‍ വേ​ങ്ങ​ത്ത​ടം


Copyright @ 2022 , Rashtra Deepika Ltd.