പു​തി​യ ജ​നു​സി​ൽ​പ്പെ​ട്ട വ​ള​ർ​ത്തു​മൃ​ഗ​ങ്ങ​ളെ എ​ത്ര പ​ണം കൊ​ടു​ത്തും സ്വ​ന്ത​മാ​ക്കു​ക​യെ​ന്ന​തു പ​ല​ർ​ക്കും ഇ​ന്നൊ​രു ഹ​ര​മാ​യി മാ​റി. മ​ക്ക​ളെ​പ്പോ​ലെ പ​രി​ച​രി​ക്കു​ന്നു. യാ​ത്ര​ക​ളി​ൽ ഇ​വ​യെ ഒ​പ്പം​കൂ​ട്ടു​ന്നു. മു​ൻ​പു പാ​ശ്ചാ​ത്യ​നാ​ടു​ക​ളി​ലാ​ണ് ഈ ​പ്ര​വ​ണ​ത​യെ​ങ്കി​ൽ ഇ​പ്പോ​ൾ ന​മ്മു​ടെ നാ​ട്ടി​ലും ഇ​തു പ​തി​വാ​യി​രി​ക്കു​ന്നു.

ക​ഴി​ഞ്ഞ​മാ​സം 15ന് ​മും​ബൈ​യി​ൽ​നി​ന്നു ചെ​ന്നൈ​യി​ലേ​ക്കു പറന്ന എ​യ​ർ ഇ​ന്ത്യ​യു​ടെ എ 321 ​ വി​മാ​ന​ത്തി​ൽ ഒ​രു അ​പ്ര​തീ​ക്ഷി​ത അ​തി​ഥി​യു​ണ്ടാ​യി​രു​ന്നു. അ​വ​ളു​ടെ സു​ഗ​മ​മാ​യ യാ​ത്ര​യ്ക്കാ​യി ഒ​ന്നും ര​ണ്ടും സീ​റ്റ​ല്ല ബിസിനസ് ക്ലാ​സി​ൽ പി​ൻനി​ര​യി​ലെ 12 സീ​റ്റു​ക​ളാണ് ബു​ക്ക് ചെ​യ്തി​രു​ന്നത്. പ​റ​ഞ്ഞു​വ​രു​ന്ന​ത് ഏ​തെ​ങ്കി​ലു​മൊ​രു സി​നി​മാ​താ​ര​ത്തെ​ക്കു​റി​ച്ചോ രാ​ഷ്്‌ട്രീയ​നേ​താ​വി​നെ​ക്കു​റി​ച്ചോ അ​ല്ല. കേ​വ​ല​ം ഒരു വ​ള​ർ​ത്തു​നാ​യ​യു​ടെ രാ​ജ​കീ​യ ആ​കാ​ശ​യാ​ത്ര​യെ​ക്കു​റി​ച്ചാ​ണ്.

രാ​വി​ലെ 11.30 നാ​ണ് വി​വി​ഐ​പി​യാ​യി ‘ബെ​ല്ല’ എ​ന്ന മ​ൾ​ട്ടീ​സ് ഇ​നം വ​ള​ർ​ത്തു​നാ​യ യ​ജ​മാ​ന​ത്തി​ക്കൊ​പ്പം സീ​റ്റി​ലി​രു​ന്നു യാ​ത്ര ചെ​യ്ത​ത്. മ​റ്റു യാ​ത്ര​ക്കാ​ർ​ക്ക് ബു​ദ്ധി​മു​ട്ടു​ണ്ടാ​കാ​തെ ബെ​ല്ലയെ ചെ​ന്നൈ​യി​ലെ​ത്തി​ക്കാ​നാ​ണ് ഉ​ട​മ ര​ണ്ടു ല​ക്ഷ​ത്തോ​ളം രൂ​പ മു​ട​ക്കി ഫ്ലൈറ്റിലെ ഒ​രു ഡ​സ​ൻ സീ​റ്റു​ക​ൾ കാ​ലി​യാ​ക്കി ഇത്തരത്തിലൊരു യാ​ത്ര നടത്തിയ​ത്. നാ​യ​യ്ക്കു​വേ​ണ്ടി ര​ണ്ട​ര ല​ക്ഷ​ത്തോ​ളം രൂ​പ ചെ​ല​വുചെ​യ്ത യ​ജ​മാ​ന​ത്തി​യു​ടെ പേ​രു​വി​വ​രം എ​യ​ർ ഇ​ന്ത്യ വെ​ളി​പ്പെ​ടു​ത്തി​യി​ട്ടി​ല്ല.

മും​ബൈ- ചെ​ന്നൈ റൂ​ട്ടി​ൽ 20,000 രൂ​പ​യാ​യി​രു​ന്നു ആ ​ദി​വ​സ​ത്തെ ബി​സി​ന​സ് ക്ലാ​സ് ടിക്കറ്റ് നി​ര​ക്ക്. പന്ത്രണ്ടു സീറ്റുകൾക്കായി 2.4 ല​ക്ഷം രൂ​പ​യാ​ണ് നാ​യ്ക്കൊ​പ്പ​മു​ള്ള യാ​ത്ര​യ്ക്കാ​യി ഇവർ മു​ട​ക്കി​യ​ത്. മു​പ്പ​തി​നാ​യി​രം രൂ​പ മു​ത​ൽ ഒ​രു ല​ക്ഷം രൂ​പ​വ​രെ വി​ല​യു​ള്ള നാ​യ്ക്ക​ളാ​ണ് മ​ൾ​ട്ടീ​സ്.

വ​ള​ർ​ത്തു​മൃ​ഗ​ങ്ങ​ളോ​ടു​ള്ള താ​ത്പ​ര്യം അ​നു​ദി​നം വ​ർ​ധി​ച്ചു​വ​രു​ന്ന ഇക്കാ​ല​ത്ത് വി​ല​യു​ടെ ഇ​ര​ട്ടി​യി​ലേ​റെ തു​ക ഓമനമൃഗത്തെ ഉ​പേ​ക്ഷി​ക്കാ​ൻ മ​ടി​യി​ല്ലാ​ത്ത സാ​ഹ​ച​ര്യ​ത്തി​ൽ ചെ​ല​വ​ഴി​ക്കാ​ൻ ഉ​ട​മ ത​യാ​റാ​കു​ന്നു.

പു​തി​യ ജ​നു​സി​ൽ​പ്പെ​ട്ട വ​ള​ർ​ത്തു​മൃ​ഗ​ങ്ങ​ളെ എ​ത്ര പ​ണം കൊ​ടു​ത്തും സ്വ​ന്ത​മാ​ക്കു​ക​യെ​ന്ന​ത് പ​ല​ർ​ക്കും ഇ​ന്നൊ​രു ഹ​ര​മാ​യി മാ​റിയിട്ടുണ്ട്. യാ​ത്ര​ക​ളി​ൽ ഇ​വ​യെ വാഹനത്തിൽ ഒ​പ്പം​കൂ​ട്ടു​ന്നു. മു​ൻ​പു പാ​ശ്ചാ​ത്യ​നാ​ടു​ക​ളി​ലാ​ണ് ഈ ​പ്ര​വ​ണ​ത​യെ​ങ്കി​ൽ ഇ​പ്പോ​ൾ ന​മ്മു​ടെ നാ​ട്ടി​ലും പ​തി​വാ​യി​രി​ക്കു​ന്നു.

അ​നു​മ​തി എ​യ​ർ ഇ​ന്ത്യ​യി​ൽ മാ​ത്രം

ഇ​ന്ത്യ​യി​ൽ യാ​ത്ര​ക്കാ​ർ​ക്കൊ​പ്പം വി​മാ​ന​ത്തി​ൽ വ​ള​ർ​ത്തു​മൃ​ഗ​ങ്ങ​ളെ കൊ​ണ്ടു​പോ​കാ​ൻ നി​ല​വി​ൽ അ​നു​മ​തി​യു​ള്ള​ത് എ​യ​ർ ഇ​ന്ത്യ​ ഫ്ളൈറ്റുകളിൽ മാ​ത്ര​മാ​ണ്. അ​താ​വ​ട്ടെ ആ​ഭ്യ​ന്ത​ര സ​ർ​വീ​സു​ക​ളി​ൽ മാ​ത്രം. മു​ന്പ് സ്പൈ​സ് ജെ​റ്റി​ൽ അ​നു​മ​തി​യു​ണ്ടാ​യി​രു​ന്നെ​ങ്കി​ലും യാ​ത്ര​ക്കാ​രി​ൽ​നി​ന്നു പ​രാ​തി ഉ​യ​ർ​ന്ന​തി​നെത്തു​ട​ർ​ന്ന് അ​വ​ർ അ​നു​മ​തി പി​ൻ​വ​ലി​ക്കു​ക​യാ​യി​രു​ന്നു. എ​ന്നാ​ൽ കേ​സ​ന്വേ​ഷ​ണ വി​ഭാ​ഗ​ത്തി​ലും സൈ​നി​ക സേ​വ​ന​ത്തി​ലു​മു​ള്ള സ​ർ​വീ​സ് നാ​യ​്ക്ക​ൾ​ക്ക് വി​വി​ധ വി​മാ​നക്ക​ന്പ​നി​ക​ൾ സൗ​ജ​ന്യ യാ​ത്രാ​നു​മ​തി ന​ൽ​കാ​റു​ണ്ട്.

ലോ​ക​ത്തി​ലെ മി​ക്ക വി​മാ​നക്ക​ന്പ​നി​ക​ളും നി​ബ​ന്ധ​ന​ക​ളോ​ടെ വ​ള​ർ​ത്തു​മൃ​ഗ​ങ്ങ​ളെ കൊ​ണ്ടു​പോ​കാ​ൻ അ​നു​വ​ദി​ക്കാ​റു​ണ്ട്. ഏ​റ്റ​വും വ​ലി​യ വി​മാ​ന​ക്ക​ന്പ​നി​ക​ളി​ലൊ​ന്നാ​യ അ​മേ​രി​ക്ക​ൻ എ​യ​ർ​ലൈ​ൻ​സാ​ണ് ഏ​റ്റ​വും മി​ക​ച്ച ‘പെ​റ്റ് സൗ​ഹൃ​ദ’ വി​മാ​നക്ക​ന്പ​നി​യാ​യി അ​റി​യ​പ്പെ​ടു​ന്ന​ത്. ഹ്ര​സ്വ​ദൂ​ര വി​മാ​ന​ങ്ങ​ളി​ൽ കാ​ബി​നു​ള്ളി​ൽ യാ​ത്ര​ക്കാ​ര​ന്‍റെ സീ​റ്റി​നുതാ​ഴെ മൃ​ഗ​ങ്ങ​ളെ കൊ​ണ്ടു​പോ​കാ​ൻ അ​നു​വ​ദി​ക്കും. എ​ന്നാ​ൽ, ദീ​ർ​ഘ​ദൂ​ര വി​മാ​ന​ങ്ങ​ളി​ൽ കാ​ർ​ഗോ​യി​ലൂ​ടെ മാ​ത്ര​മേ ഇ​വ​യെ കൊ​ണ്ടു​പോ​കാ​നാ​കൂ.

കാ​ർ​ഗോയി​ൽ പ്ര​ത്യേ​ക സ​ജ്ജീ​ക​ര​ണം​ത​ന്നെ ഇ​വ​യു​ടെ സു​ര​ക്ഷി​ത​യാ​ത്ര​യ്ക്കാ​യി ഒ​രു​ക്കി​യി​ട്ടു​ണ്ട്. ജെ​റ്റ് ബ്ല്യൂ, ​എ​യ​ർ കാ​ന​ഡ, ഡെ​ൽ​റ്റ എ​യ​ർ​ലൈ​ൻ​സ്, യു​ണൈ​റ്റ​ഡ് എ​യ​ർ​ലൈ​ൻ​സ്, എ​യ​ർ ഫ്രാ​ൻ​സ്, സ്വി​സ് ഇ​ന്‍റ​ർ​നാ​ഷ​ണ​ൽ എ​യ​ർ​ലൈ​ൻ​സ്, ഫ്രോ​ണ്ടി​യ​ർ എ​യ​ർ​ലൈ​ൻ​സ്, ലു​ഫ്താ​ൻ​സ എ​യ​ർ​ലൈ​ൻ​സ് തു​ട​ങ്ങി​യ വി​മാ​ന​ക്ക​ന്പ​നി​ക​ളും ‘പെ​റ്റ് സൗ​ഹൃ​ദ’​മാ​യി അ​റി​യ​പ്പെ​ടു​ന്നു.

നി​ബ​ന്ധ​ന​ക​ൾ വ്യ​ത്യ​സ്തം

ഓ​രോ വി​മാ​ന ക​ന്പ​നി​യും നി​ഷ്ക​ർ​ഷി​ക്കു​ന്ന നി​ബ​ന്ധ​ന​ക​ൾ​ക്കു വി​ധേ​യ​മാ​യി മാ​ത്ര​മേ വ​ള​ർ​ത്തു​മൃ​ഗ​ങ്ങ​ളെ ഒ​പ്പം കൂ​ട്ടാ​നാ​കൂ. ചി​ല ക​ന്പ​നി​ക​ളാ​ക​ട്ടെ നി​ബ​ന്ധ​ന പൈ​ല​റ്റി​ന്‍റെ വി​വേ​ച​നാ​ധി​കാ​ര​ത്തി​ന് വി​ട്ടു​കൊ​ടു​ത്തി​രി​ക്കു​ക​യാ​ണ്. വ്യ​ക്ത​മാ​യ ആ​രോ​ഗ്യ സ​ർ​ട്ടി​ഫി​ക്ക​റ്റും പേ​വി​ഷബാ​ധമു​ക്ത സ​ർ​ട്ടി​ഫി​ക്ക​റ്റും ഉ​ണ്ടാ​യി​രി​ക്ക​ണ​മെ​ന്ന​താ​ണ് പ്ര​ധാ​ന നിർദേശം.

നി​ശ്ചി​ത ആ​കൃ​തി​യി​ലു​ള്ള മൃ​ദു​വാ​യ വെ​ന്‍റിലേ​റ്റ​ഡ് ബാ​ഗു​ക​ളി​ലോ കൂ​ടു​ക​ളി​ലോ വേ​ണം മൃ​ഗ​ങ്ങ​ളെ ഒ​പ്പം ക​രു​തേ​ണ്ട​ത്. വി​മാ​ന​ത്തി​ലെ കാ​ബി​നി​ലാ​ണ് യാ​ത്ര​യെ​ങ്കി​ൽ കൂ​ട് അ​ട​ക്കം വ​ള​ർ​ത്തു​മൃ​ഗ​ത്തി​ന് അ​ഞ്ചുകി​ലോ​യി​ൽ കൂ​ടു​ത​ൽ തൂ​ക്കം പാ​ടി​ല്ല. നാ​യ്ക്ക​ൾ​ക്കും പൂ​ച്ച​ക​ൾ​ക്കും ചു​രു​ങ്ങി​യ​ത് ര​ണ്ടു മാ​സ​മെ​ങ്കി​ലും പ്രാ​യ​മു​ണ്ടാ​യി​രി​ക്ക​ണം. ഗ​ർ​ഭി​ണി​ക​ളാ​യ വ​ള​ർ​ത്തു​മൃ​ഗ​ങ്ങ​ളെ യാ​ത്ര​യ്ക്ക് അ​നു​വ​ദി​ക്കി​ല്ല.

ഒ​രു യാ​ത്ര​ക്കാ​ര​നൊ​പ്പം പ​ര​മാ​വ​ധി ര​ണ്ടു വ​ള​ർ​ത്തു​മൃ​ഗ​ങ്ങ​ളെ മാ​ത്ര​മേ അ​നു​വ​ദി​ക്കൂ. മൃ​ഗ​ത്തി​ന്‍റെ​യും യാ​ത്ര​ക്കാ​ര​നാ​യ യ​ജ​മാ​ന​ന്‍റെ​യും സീ​റ്റ് വി​മാ​ന​ത്തി​ന്‍റെ ഏ​റ്റ​വും പിന്നി​ലെ നി​ര​യി​ലാ​യി​രി​ക്കും. വ​ള​ർ​ത്തു​മൃ​ഗ​ത്തിന്‍റെ പേ​രെ​ഴു​തി​യ ലേ​ബ​ൽ കൂ​ടി​നു പു​റ​ത്ത് പ​തി​ച്ചി​രി​ക്കും. വ​ള​ർ​ത്തു​മൃ​ഗ​ങ്ങ​ൾ​ക്ക് പാ​സ​ഞ്ച​ർ സീ​റ്റ് അ​നു​വ​ദി​ക്കി​ല്ല. കൂ​ടാ​തെ ബാ​ഗേ​ജു​ക​ൾ​ക്കൊ​പ്പ​മോ കാ​ർ​ഗോ മു​ഖേ​ന​യോ വ​ള​ർ​ത്തു​മൃ​ഗ​ങ്ങ​ളെ കൊ​ണ്ടു​പോ​കാം. ഇ​തി​ന് അ​ധി​കചാ​ർ​ജ് ഈ​ടാ​ക്കും.

പ്ര​ത്യേ​ക സാ​ഹ​ച​ര്യ​ങ്ങ​ളി​ൽ ചി​ല വി​മാ​നക്ക​ന്പ​നി​ക​ൾ യാ​ത്ര​ക്കാ​ർ​ക്കൊ​പ്പം നാ​യ്ക്ക​ളെ സൗ​ജ​ന്യ​മാ​യി അ​നു​ഗ​മി​ക്കാ​ൻ അ​നു​വ​ദി​ക്കാ​റു​ണ്ട്. യാ​ത്ര​ക്കാ​ര​ന്‍റെ ഏ​ക ആ​ശ്ര​യം നാ​യ​യാ​ണെ​ന്നു വ്യ​ക്ത​മാ​യാ​ലും കാ​ഴ്ച​ശ​ക്തി​യി​ല്ലാ​ത്ത യാ​ത്ര​ക്കാ​ര​നാ​ണെ​ങ്കി​ൽ വ​ഴി​കാ​ട്ടി​യാ​യി നാ​യ മാ​ത്ര​മേ ഉ​ള്ളൂ​വെ​ന്ന് വ്യ​ക്ത​മാ​യാ​ലും സൗ​ജ​ന്യ​യാ​ത്രയ്ക്ക് അനുമതി നൽകും.

കോ​വി​ഡ് സു​വ​ർ​ണ കാ​ലം

വ​ർ​ഷ​ങ്ങ​ളാ​യി യാ​ത്ര​ക്കാ​ർ വി​മാ​ന​ത്തി​ൽ വ​ള​ർ​ത്തു​മൃ​ഗ​ങ്ങ​ളെ ഒ​പ്പം കൂ​ട്ടാ​റു​ണ്ടെ​ങ്കി​ലും ഇ​ക്കാ​ര്യ​ത്തി​ൽ കോ​വി​ഡ് ലോ​ക്ഡൗ​ണ്‍കാ​ലം ക​ണ്ട​ത് അ​ഭൂ​ത​പൂ​ർ​വ​മാ​യ വ​ർ​ധ​ന​യാ​ണ്. യാ​ത്ര​യ്ക്കൊ​പ്പം വ​ള​ർ​ത്തു​മൃ​ഗ​ങ്ങ​ളെ കൂ​ട്ടു​ന്ന​തി​ൽ ക​ഴി​ഞ്ഞ ര​ണ്ടു​വ​ർ​ഷ​മാ​യി 86 ശ​ത​മാ​നം വ​ർ​ധ​ന രേ​ഖ​പ്പെ​ടു​ത്തി​യെ​ന്നാ​ണ് ആ​ഗോ​ള ബി​സി​ന​സ് ഏ​വി​യേ​ഷ​ൻ ക​ന്പ​നി വി​സ്ത ജെ​റ്റ് പ​റ​യു​ന്ന​ത്.

ഇ​ക്കാ​ല​ത്ത് യാ​ത്ര​ക്കാ​ർ കൂ​ടു​ത​ലും ഒ​പ്പം കൂ​ട്ടി​യ​ത് വ​ള​ർ​ത്തു​പ​ക്ഷി​ക​ളെ​യാ​ണ്. യാ​ത്ര​യ്ക്ക് വ​ള​ർ​ത്തു​മൃ​ഗ​ങ്ങ​ളെ ഒ​പ്പം കൂ​ട്ടാ​ൻ പ്രോ​ത്സാ​ഹി​പ്പി​ക്കു​ന്ന​തി​നാ​യി അ​മേ​രി​ക്ക​യി​ലെ സ്വ​കാ​ര്യ ജെ​റ്റ് ക​ന്പ​നി​യാ​യ നെ​റ്റ് ജെ​റ്റ്സ് ‘നെ​റ്റ് പെ​റ്റ്സ്’ എ​ന്ന ഹാ​ഷ് ടാ​ഗി​ൽ പ്ര​ത്യേ​ക പ​ദ്ധ​തി​ത​ന്നെ ആ​വി​ഷ്ക​രി​ച്ചു.

ക​ഴി​ഞ്ഞ​ വർഷം മേ​യ് 25നും ​സെ​പ്റ്റം​ബ​റി​നു​മി​ട​യി​ൽ എ​യ​ർ ഇ​ന്ത്യ 2000 വ​ള​ർ​ത്തു​മൃ​ഗ​ങ്ങ​ളെ​യാ​ണ് ആ​ഭ്യ​ന്ത​ര സ​ർ​വീ​സു​ക​ളി​ൽ ല​ക്ഷ്യ​സ്ഥാ​ന​ത്തെ​ത്തി​ച്ച​ത്. പൂ​ച്ച, നാ​യ, ആ​മ, മു​യ​ൽ, വ്യ​ത്യ​സ്ത​യി​നം പ​ക്ഷി​ക​ൾ, അ​ല​ങ്കാ​ര മ​ത്സ്യ​ങ്ങ​ൾ, അ​ല​ങ്കാ​ര എ​ലി​ക​ൾ, ഗി​നി​പ്പ​ന്നി​ക​ൾ എ​ന്നി​വ ഇ​തി​ൽ​പ്പെ​ടു​ന്നു.

ഡ​ൽ​ഹി, മും​ബൈ തു​ട​ങ്ങി​യ ന​ഗ​ര​ങ്ങ​ളി​ൽ കോ​വി​ഡ് അ​തി​രൂ​ക്ഷ​മാ​യ​പ്പോ​ൾ സ്വ​ന്തം വീ​ടു​ക​ളി​ലേ​ക്കു മടങ്ങിയവരും ക​ന്പ​നി​ക​ൾ പൂ​ട്ടി​യ​തി​നെത്തുട​ർ​ന്ന് തൊ​ഴി​ൽ​ര​ഹി​ത​രാ​യ​വ​രും വീ​ട്ടി​ലി​രു​ന്ന് ജോ​ലിചെ​യ്യാ​ൻ അ​നു​മ​തി ല​ഭി​ച്ച​വ​രു​മെ​ല്ലാം ക​ഷ്ട​ന​ഷ്ട​ങ്ങ​ൾ സ​ഹി​ച്ചാ​ണെ​ങ്കി​ലും അ​രു​മ മൃ​ഗ​ങ്ങ​ളെ​യും ഒ​പ്പം കൂ​ട്ടി.

ഡ​ൽ​ഹി-​മും​ബൈ, ഡ​ൽ​ഹി-​ബം​ഗ​ളൂ​രു റൂ​ട്ടു​ക​ളി​ലാ​ണ് വ​ള​ർ​ത്തു​ജീ​വി​ക​ളു​ടെ യാ​ത്ര കൂ​ടു​ത​ലാ​യി ന​ട​ന്ന​ത്. മും​ബൈ-​കോ​ൽ​ക്ക​ത്ത വി​മാ​ന​ത്തി​ൽ കാ​ബി​നി​ലും കാ​ർ​ഗോ​യി​ലു​മാ​യി 12 വ​ള​ർ​ത്തു​മൃ​ഗ​ങ്ങ​ളെവ​രെ കൊ​ണ്ടു​പോ​യ ദി​വ​സ​ങ്ങ​ളു​ണ്ട്.

സ്വ​കാ​ര്യ ക​ന്പ​നി​ക​ളും

വ​ള​ർ​ത്തു​മൃ​ഗ​ങ്ങ​ളെ ല​ക്ഷ്യ​സ്ഥാ​ന​ത്തെ​ത്തി​ക്കു​ന്ന സ്വ​കാ​ര്യ ക​ന്പ​നി​ക​ളും പ്ര​വ​ർ​ത്തി​ക്കു​ന്നു​ണ്ട്. ഇ​ത്ത​രം ക​ന്പ​നി​ക​ൾ ലോ​ക​മെ​ന്പാ​ടും കോ​വി​ഡ് കാ​ല​ത്ത് ത​ഴ​ച്ചു​വ​ള​ർ​ന്നു. ഇ​ങ്ങ​നെ വ​ള​ർ​ച്ച നേ​ടി​യ സ്ഥാ​പ​ന​ങ്ങ​ളി​ൽ ശ്ര​ദ്ധേ​യ​മാ​ണ് മും​ബൈ ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന ഗ്ലോ​ബ​ൽ പെ​റ്റ് റി​ഹാ​ബി​ലി​റ്റേ​ഷ​ൻ സ​ർ​വീ​സ് ക​ന്പ​നി​യാ​യ ബാ​ർ​ക്ക് ട്രാ​വ​ല​ർ.

പ്ര​ത്യേ​ക കാ​മ​റ​ക​ളും ജി​പി​എ​സ് സം​വി​ധാ​ന​വു​മു​ള്ള ശീ​തീ​ക​രി​ച്ച ആം​ബു​ല​ൻ​സു​ക​ളാ​ണ് റോ​ഡ് മാ​ർ​ഗം ഇ​തി​നാ​യി ഉ​പ​യോ​ഗി​ക്കു​ന്ന​ത്. രാ​ജ്യാ​ന്ത​ര വി​മാ​ന​ങ്ങ​ളി​ലും ക​ന്പ​നി വ​ള​ർ​ത്തു​മൃ​ഗ​ങ്ങ​ളെ ല​ക്ഷ്യ​സ്ഥാ​ന​ത്തെ​ത്തി​ച്ചു.

ആ​ദ്യ ലോ​ക്ഡൗ​ണി​നു​ശേ​ഷം അ​ണ്‍ലോ​ക് പ്ര​ഖ്യാ​പി​ച്ച​പ്പോ​ൾ ഇ​ന്ത്യ​യി​ൽ​നി​ന്ന് അ​മേ​രി​ക്ക, സിം​ഗ​പ്പു​ർ തു​ട​ങ്ങി​യ രാ​ജ്യ​ങ്ങ​ളി​ലേ​ക്ക് രാ​ജ്യാ​ന്ത​ര വി​മാ​ന​ങ്ങ​ളി​ൽ 17 വ​ള​ർ​ത്തു​മൃ​ഗ​ങ്ങ​ളെ എ​ത്തി​ച്ച​താ​യി ക​ന്പ​നി ഉ​ട​മ ശ്യാ​മാ​ക്സ് പ്ര​സ്വാ​ല പ​റ​ഞ്ഞു. അ​തു​പോ​ലെ നാ​ലു വ​ള​ർ​ത്തു​മൃ​ഗ​ങ്ങ​ളെ കാ​ന​ഡ​യി​ൽ​നി​ന്നും ര​ണ്ടെ​ണ്ണ​ത്തി​നെ ഇ​റ്റ​ലി​യി​ൽ​നി​ന്നും ഒ​ന്നി​നെ അ​മേ​രി​ക്ക​യി​ൽ​നി​ന്നും ഇ​ന്ത്യ​യി​ലെ​ത്തി​ക്കു​ക​യും ചെ​യ്തു.

മ​ധ്യ​പ്ര​ദേ​ശി​ലെ ഇ​ൻ​ഡോ​ർ ആ​സ്ഥാ​ന​മാ​യി രാ​ഹു​ൽ മു​ച്ചാ​ലിന്‍റെ ഉ​ട​മ​സ്ഥ​ത​യി​ൽ പ്ര​വ​ർ​ത്തി​ക്കു​ന്ന ഓ​ണ്‍​ലൈ​ൻ ഹെ​ലി ടാ​ക്സി ക​ന്പ​നി അ​ക്രി​ഷ​ൻ ഏ​വി​യേ​ഷ​ൻ ക​ഴി​ഞ്ഞ ജൂ​ണി​നും സെ​പ്റ്റം​ബ​റി​നു​മി​ട​യി​ൽ യാ​ത്ര​ക്കാ​ർ​ക്കൊ​പ്പം വ​ള​ർ​ത്തു​മൃ​ഗ​ങ്ങ​ളു​മാ​യി 12 ചാ​ർ​ട്ട​ർ വി​മാ​നസ​ർ​വീ​സു​ക​ൾ ന​ട​ത്തി.

ജാ​ഗ്ര​തക്കു​റ​വ് പ്ര​ശ്ന​മാ​യേ​ക്കാം

വ​ള​ർ​ത്തു​മൃ​ഗ​ങ്ങ​ളെ വി​മാ​ന​യാ​ത്ര​യി​ൽ ഒ​പ്പം കൂ​ട്ടു​ന്ന​വ​ർ ജാ​ഗ്ര​ത പാ​ലി​ച്ചി​ല്ലെ​ങ്കി​ൽ വ​ലി​യ സു​ര​ക്ഷാ​പ്ര​ശ്ന​മാ​യി മാ​റി​യേ​ക്കാം. ക​ഴി​ഞ്ഞ​വ​ർ​ഷം സെ​പ്റ്റം​ബ​റി​ൽ ഡ​ൽ​ഹി വി​മാ​ന​ത്താ​വ​ള​ത്തി​ൽ യാ​ത്ര​ക്കാ​ര​നൊ​പ്പ​മെ​ത്തി​യ പൂ​ച്ച​ത​ന്നെ ഉ​ദാ​ഹ​ര​ണം. വി​മാ​നം ലാ​ൻ​ഡ് ചെ​യ്ത​യു​ട​ൻ ജ​നാ​ലവ​ഴി പൂ​ച്ച പു​റ​ത്തേ​ക്കു ചാ​ടി ഓ​ടി അ​പ്ര​ത്യ​ക്ഷ​മാ​യി.

അ​തീ​വ സു​ര​ക്ഷാ​മേ​ഖ​ല​യാ​യ വി​മാ​ന​ത്താ​വ​ള​ത്തി​ൽ ഇ​തു വ​ലി​യ പ​രി​ഭ്രാ​ന്തി​യാ​ണ് സൃ​ഷ്ടി​ച്ച​ത്. സു​ര​ക്ഷാ​ജീ​വ​ന​ക്കാ​ർ അ​രി​ച്ചു​പെ​റു​ക്കി​യി​ട്ടും പൂ​ച്ച​യെ ക​ണ്ടെ​ത്താ​നാ​യി​ല്ല. ഒ​ടു​വി​ൽ വ​നം​വ​കു​പ്പി​ന്‍റെ സ​ഹാ​യം തേ​ടി. അ​വ​ർ ന​ട​ത്തി​യ നാ​ലു ദി​വ​സം നീ​ണ്ട തെ​ര​ച്ചി​ലി​നൊ​ടു​വി​ൽ വി​മാ​ന​ത്താ​വ​ള​ത്തി​ലെ വി​ശാ​ല​മാ​യ കാ​ർ​ഗോ മേ​ഖ​ല​യി​ൽ​നി​ന്നാ​ണ് പൂ​ച്ച​യെ ക​ണ്ടെ​ത്താ​നാ​യ​ത്.

ആ​ന​യും വി​മാ​ന​ത്തി​ൽ പ​റ​ന്നു

ഇ​ന്ത്യ​യി​ൽ​നി​ന്ന് സ്പെ​യി​നി​ലേ​ക്ക് ആ​ന​ക്കു​ട്ടി​യെ കൊ​ണ്ടു​പോ​യ ച​രി​ത്രം എ​യ​ർ ഇ​ന്ത്യ​ക്കു​ണ്ട്. 1967 ലാ​ണു സം​ഭ​വം. ഫ​സ്റ്റ് ക്ലാ​സ് യാ​ത്ര​ക്കാ​ർ​ക്കു ന​ൽ​കാ​നാ​യി എ​യ​ർ ഇ​ന്ത്യ​ക്ക് പ്ര​ത്യേ​ക ത​ര​ത്തി​ലു​ള്ള ആ​ഷ് ട്രേക​ൾ (സി​ഗ​ര​റ്റി​ന്‍റെയും മ​റ്റും ചാ​രം ഇ​ടു​ന്ന പാ​ത്രം) നി​ർ​മി​ച്ചു​ന​ൽ​കി​യ വി​ഖ്യാ​ത സ്പാ​നി​ഷ് ക​ലാ​കാ​ര​ൻ സാ​ൽ​വ​ദോ​ർ ദാ​ലി​ക്കു ന​ൽ​കാ​നാ​യി​രു​ന്നു ആ​ന​ക്കു​ട്ടി​യെ അ​യ​ച്ച​ത്. മ​ധ്യ​ഭാ​ഗ​ത്ത് ഷെ​ൽ ആ​കൃ​തി​യി​ലും ചു​റ്റി​ലും സ​ർ​പ്പ​ത്തി​ന്‍റെ ആ​കൃ​തി​യി​ലു​മു​ള്ള ആ​ഷ്‌ട്രേ​യാ​ണ് സാ​ൽ​വ​ദോ​ർ ദാ​ലി രൂ​പ​ക​ല്പ​ന ചെ​യ്ത് അ​ണ്‍ ഗ്ലെ​യ്സ്ഡ് പൊ​ർ​സെ​ലി​നി​ൽ നി​ർ​മി​ച്ചു​ന​ൽ​കി​യ​ത്.

പ്ര​തി​ഫ​ല​മാ​യി അ​ദ്ദേ​ഹം ആ​വ​ശ്യ​പ്പെ​ട്ട​ത് ഒ​രു ആ​ന​ക്കു​ട്ടി​യെ​യാ​യി​രു​ന്നു. ദി​വ​സ​ങ്ങ​ൾ നീ​ണ്ട അ​ന്വേ​ഷ​ണ​ത്തി​നൊ​ടു​വി​ൽ ബം​ഗ​ളു​രു കാ​ഴ്ച​ബം​ഗ്ലാ​വി​ൽ​നി​ന്ന് ആ​ന​ക്കു​ട്ടി​യെ വാ​ങ്ങി​ എ​യ​ർ ഇ​ന്ത്യ വി​മാ​ന​മാ​ർ​ഗം അ​യ​യ്ക്കു​ക​യാ​യി​രു​ന്നു. ര​ണ്ടു​ദി​വ​സം രാ​ജ്യ​ത്ത് പൊ​തു​അ​വ​ധി പ്ര​ഖ്യാ​പി​ച്ചാ​ണ് സ്പെ​യി​ൻ ആ​ന​ക്കു​ട്ടി​യെ വ​ര​വേ​റ്റ​ത്.

ടി.​എ.​ ജോ​ർ​ജ്

പോ​ൾ പെ​ൻ ഫാ​ർ​തിം​ഗി​ന്‍റെ അ​ഫ്ഗാ​ൻ മൃ​ഗ​ദൗ​ത്യം



പാ​ശ്ചാ​ത്യ​രു​ടെ മൃ​ഗ​സ്നേ​ഹം പേ​രു​കേ​ട്ട​താ​ണ്. ഇ​തി​ന്‍റെ ഒ​ടു​വി​ല​ത്തെ ഉ​ദാ​ഹ​ര​ണ​മാ​ണ് മു​ൻ ബ്രി​ട്ടീ​ഷ് റോ​യ​ൽ മ​റീ​ൻ ക​മാ​ൻ​ഡോ​യാ​യ പോ​ൾ പെ​ൻ ഫാ​ർ​തിം​ഗി​ന്‍റെ (52) അ​ഫ്ഗാ​ൻ മൃ​ഗര​ക്ഷാ​ദൗ​ത്യം. ക​ഴി​ഞ്ഞ ഓ​ഗ​സ്റ്റി​ൽ താ​ലി​ബാ​ൻ ഭീ​ക​ര​ർ അ​ഫ്ഗാ​നി​സ്ഥാനിൽ ഭ​ര​ണം പി​ടി​ച്ച​ട​ക്കി​യ​തി​നെത്തുട​ർ​ന്ന് പ്ര​ത്യേ​ക ചാ​ർ​ട്ട​ർ വി​മാ​ന​ത്തി​ൽ 100 നാ​യ്ക്ക​ളെ​യും 70 പൂ​ച്ച​ക​ളെ​യു​മാ​ണ് പോ​ൾ ല​ണ്ട​നി​ലെ ഹീ​ത്രു വി​മാ​ന​ത്താ​വ​ള​ത്തി​ലെ​ത്തി​ച്ച​ത്.

അ​ല​ഞ്ഞു​തി​രി​യു​ന്ന​തും ആ​ളു​ക​ൾ ഉ​പേ​ക്ഷി​ക്കു​ന്ന​തു​മാ​യ നാ​യ്ക്ക​ളെ​യും പൂ​ച്ച​ക​ളെ​യും ക​ഴു​ത​ക​ളെ​യും സം​ര​ക്ഷി​ക്കു​ന്ന​തി​നാ​യി 2007 ൽ ​കാ​ബൂ​ൾ ന​ഗ​ര​ത്തി​ൽ താ​ൻ സ്ഥാ​പി​ച്ച ‘നൗ​സാ​ദ്’ ഷെ​ൽ​ട്ട​റി​ലെ അ​ന്തേ​വാ​സി​ക​ളെ​യാ​ണ് പോ​ൾ ഓ​ഗ​സ്റ്റ് 31 നു ​ര​ക്ഷ​പ്പെ​ടു​ത്തി​യ​ത്. മു​ൻ​പ് താ​ലി​ബാ​ൻ ഭ​ര​ണം പി​ടി​ച്ചെ​ടു​ത്ത​പ്പോ​ൾ അഫ്ഗാനിസ്ഥാനിൽ നാ​യ്ക്ക​ളെ വ​ള​ർ​ത്തു​ന്ന​ത് നി​രോ​ധി​ച്ചി​രു​ന്നു. ഇ​ക്കു​റി​യും നി​രോ​ധ​ന​മു​ണ്ടാ​കു​മെ​ന്നു ഭ​യ​ന്നാ​ണ് പോ​ൾ ര​ക്ഷാ​ദൗ​ത്യം ഏ​റ്റെ​ടു​ത്ത​ത്.

ഇ​തി​നു​ള്ള ഫ​ണ്ട് ശേ​ഖ​ര​ണാ​ർ​ഥം ‘ഓ​പ്പ​റേ​ഷ​ൻ ആ​ർ​ക്ക്’ എ​ന്ന പേ​രി​ൽ അ​ദ്ദേ​ഹം തു​ട​ക്ക​മി​ട്ട ഓ​ണ്‍​ലൈ​ൻ പ്ര​ചാ​ര​ണ​ത്തി​ന് പൊ​തു​ജ​ന​ങ്ങ​ളി​ൽ​നി​ന്ന് വ​ലി​യ പി​ന്തു​ണ ല​ഭി​ച്ചു. പ​ണം ഒ​ഴു​കി​യെ​ത്തി. ചു​രു​ങ്ങി​യ ദി​വ​സങ്ങൾകൊ​ണ്ട് ര​ണ്ടു​ല​ക്ഷം പൗ​ണ്ടാ​ണ് ല​ഭി​ച്ച​ത്. ല​ണ്ട​നി​ലെ​ത്തി​ച്ച മൃ​ഗ​ങ്ങ​ളെ​യെ​ല്ലാം രാ​ജ്യ​ത്തെ വി​വി​ധ കേ​ന്ദ്ര​ങ്ങ​ളി​ൽ ക്വാ​റ​ന്‍റൈനി​ൽ പ്ര​വേ​ശി​പ്പി​ച്ചി​രു​ന്നു. ഇ​വ​യെ​യെ​ല്ലാം സം​ര​ക്ഷി​ക്കു​ന്ന​തി​നാ​യി ആ​ളു​ക​ൾ മു​ന്നോ​ട്ടു​വ​ന്നി​ട്ടു​ണ്ട്. മൃ​ഗ​ങ്ങ​ൾ​ക്കു​പി​ന്നാ​ലെ ഷെ​ൽ​ട്ട​ർ ഹോ​മി​ലെ 68 ജീ​വ​ന​ക്കാ​രെ​യും 25 കു​ട്ടി​ക​ള​ട​ക്ക​മു​ള്ള അ​വ​രു​ടെ കു​ടും​ബാം​ഗ​ങ്ങ​ളെ​യും പോ​ൾ ഫാ​ർ​തിം​ഗ് ബ്രി​ട്ട​നി​ലെ​ത്തി​ച്ച് ജീ​വി​ത​സൗ​ക​ര്യം ഒ​രു​ക്കി ന​ൽ​കി.

താ​ലി​ബാ​ൻ ഭീ​ക​ര​ർ​ക്കെ​തി​രേ​യു​ള്ള പോ​രാ​ട്ട​ത്തി​നാ​യി 2000ത്തി​ൽ അ​മേ​രി​ക്ക​യു​ടെ നേ​തൃ​ത്വ​ത്തി​ലു​ള്ള ദൗ​ത്യ​സേ​ന​യു​ടെ ഭാ​ഗ​മാ​യി അ​ഫ്ഗാ​നി​സ്ഥാ​നി​ലെ നാ​സാ​ദ് ടൗ​ണി​ൽ എ​ത്തി​യ​പ്പോ​ഴു​ണ്ടാ​യ സം​ഭ​വ​മാ​ണ് പോ​ളി​ലെ മൃ​ഗ​സ്നേ​ഹി​യെ ഉ​ണ​ർ​ത്തി​യ​ത്. ര​ണ്ടു നാ​യ്ക്ക​ൾ ത​മ്മി​ലു​ള്ള ഏ​റ്റു​മു​ട്ട​ലി​ൽ ഇ​ട​പെ​ട്ട പോൾ ഇ​രു നാ​യ്ക്ക​ളെ​യും ഓ​ടി​ച്ച​ക​റ്റി. എ​ന്നാ​ൽ, ഇ​തി​ലൊ​രു നാ​യ് സ്നേ​ഹ​പൂ​ർ​വം പോ​ളി​ന്‍റെ അ​രി​കി​ലെ​ത്തി വാ​ലാ​ട്ടി ന​ന്ദി പ്ര​ക​ടി​പ്പി​ച്ചു.

ഇ​തൊ​രു ദൃ​ഢ​ബ​ന്ധ​ത്തി​ന്‍റെ തു​ട​ക്ക​മാ​യി​രു​ന്നു. ഈ ​നാ​യ​യ്ക്ക് ‘നൗ​സാ​ദ്’ എ​ന്നു പേ​രി​ട്ട പോ​ൾ ആ​റു മാ​സ​ത്തോ​ളം ഇ​തി​നെ സം​ര​ക്ഷി​ച്ചു. ഒ​ടു​വി​ൽ അ​ഫ്ഗാ​നി​സ്ഥാ​നി​ലെ സേ​വ​ന​കാ​ലാ​വ​ധി അ​വ​സാ​നി​ച്ച് നാ​ട്ടി​ലേ​ക്ക് മ​ട​ങ്ങി​യ​പ്പോ​ൾ നാ​യ​യെ​യും ഒ​പ്പം​കൂ​ട്ടി. ഈ ​നാ​യ​യോ​ടു​ള്ള സ്നേ​ഹ​മാ​ണ് പോ​ളി​നെ അ​ല​ഞ്ഞു​തി​രി​യു​ന്ന മൃ​ഗ​ങ്ങ​ളെ സം​ര​ക്ഷി​ക്കു​ന്ന​തി​നാ​യി ഈ ​നാ​യ​യു​ടെ പേ​രി​ൽ​ത്ത​ന്നെ കാ​ബൂ​ളി​ൽ ‘നൗ​സാ​ദ്’ എ​ന്ന​പേ​രി​ൽ മൃ​ഗ​സം​ര​ക്ഷ​ണകേ​ന്ദ്രം തു​ട​ങ്ങാ​ൻ പ്രേ​രി​പ്പി​ച്ച​ത്.

ആ​ഭ്യ​ന്ത​രയു​ദ്ധ​ത്തെ തു​ട​ർ​ന്ന് ജ​ന​ങ്ങ​ൾ പ​ലാ​യ​നം ചെ​യ്ത​പ്പോ​ൾ നി​ര​വ​ധി വ​ള​ർ​ത്തു​മൃ​ഗ​ങ്ങ​ളാ​ണ് രാ​ജ്യ​ത്ത് അ​നാ​ഥ​മാ​യ​ത്. ഇ​വ​യെ ക​ണ്ടെ​ത്തി സം​ര​ക്ഷി​ക്കു​ക​യാ​യി​രു​ന്നു ല​ക്ഷ്യം. ഇ​തി​നോ​ട​കം 1600 മൃ​ഗ​ങ്ങ​ളെ ര​ക്ഷ​പ്പെ​ടു​ത്തി സം​ര​ക്ഷി​ച്ച​ശേ​ഷം ആ​വ​ശ്യ​ക്കാ​ർ​ക്കു ന​ൽ​കി. മൃ​ഗ​പ​രി​പാ​ല​ന​ത്തി​നാ​യി വെ​റ്റ​റി​ന​റി ഡോ​ക്ട​ർ​മാ​രെ​യും അ​ദ്ദേ​ഹം നി​യ​മി​ച്ചി​രു​ന്നു.

വ​ൻ​തോ​തി​ൽ ഫ​ണ്ട് ശേ​ഖ​രി​ച്ച് മൃ​ഗ​ങ്ങ​ളെ ര​ക്ഷ​പ്പെ​ടു​ത്തി​യെ​ങ്കി​ലും ദു​രി​ത​മ​നു​ഭ​വി​ക്കു​ന്ന ജ​ന​ങ്ങ​ളെ മ​റ​ന്ന പോ​ളി​ന്‍റെ നി​ല​പാ​ടി​നെ​തി​രേ വ്യാ​പ​ക വി​മ​ർ​ശ​ന​മു​യ​രു​ന്നു​ണ്ട്. ക്ര​മ​ക്കേ​ടു​ക​ൾ ഉ​യ​ർ​ന്ന​തി​നെത്തു​ട​ർ​ന്ന് ‘നൗ​സാ​ദി’​നെ​തി​രേ ബ്രി​ട്ടീ​ഷ് ചാ​രി​റ്റി ക​മ്മീ​ഷ​ൻ അ​ന്വേ​ഷ​ണം പ്ര​ഖ്യാ​പി​ക്കു​ക​യും ചെ​യ്തി​രി​ക്കു​ക​യാ​ണ്.