എ​ങ്ങ​നെ​യെ​ങ്കി​ലും മ​ദ്യാ​സ​ക്തി​യു​ടെ ക​ടും​കെ​ട്ടി​ൽ നി​ന്നു മോ​ച​നം നേ​ട​ണം. കു​ടി​ച്ചു ന​ശി​ക്കാ​നു​ള്ള​ത​ല്ല ജീ​വി​തം. മി​ന്നു ചാ​ർ​ത്തി​യ ഭാ​ര്യ​യ്ക്കും ദൈ​വം​ത​ന്ന ര​ണ്ടു കു​ഞ്ഞു​മ​ക്ക​ൾ​ക്കും ര​ക്ഷ​യു​ടെ ക​രു​ത​ലാ​കേ​ണ്ട​വ​നാ​ണ്. ക​ണ്ണീ​രി​ലും ദുഃ​ഖ​ഭാ​ര​ത്തി​ലും കു​റ്റ​ബോ​ധ​ത്തി​ലും ജോ​ണ്‍​സ​ണ്‍ തു​ട​ർ​ന്നു​ള്ള മൂ​ന്നു ദി​വ​സ​ങ്ങ​ൾ വീ​ടി​നു​ള്ളി​ൽ ത​ന്നെ കി​ട​ന്നു. പു​റ​ത്തി​റ​ങ്ങാ​ൻ അ​പ​ക​ർ​ഷ​ത​യും കു​റ്റ​ബോ​ധ​വു​മാ​യി​രു​ന്നു ഉ​ള്ളു​നി​റ​യെ.

കൃ​ഷി​യി​ടം പ​ക​ർ​ന്നു​ത​രു​ന്ന ആ​ന​ന്ദ​ത്തി​ന് മ​ദ്യ​ല​ഹ​രി​യെ തോ​ൽ​പി​ക്കാ​നാ​കു​മെ​ന്നാ​ണ് ജോ​ണ്‍​സ​ണ്‍ ജോ​സ​ഫ് സാ​ക്ഷ്യ​പ്പെ​ടു​ത്തു​ന്ന​ത്. കൃ​ഷി​യി​ലെ അ​ധ്വാ​നം ന​ൽ​കി​യ സം​തൃ​പ്തി​ക്കു മു​ന്നി​ൽ ഒ​ന്ന​ര പ​തി​റ്റാ​ണ്ട് ജോ​ൺ​സ​ണെ അ​ടി​മ​യാ​ക്കി​യി​രു​ന്ന മ​ദ്യ​ല​ഹ​രി കീ​ഴ​ട​ങ്ങി.

മ​ദ്യാ​സ​ക്തി​യി​ൽ ശ​രീ​ര​സു​ഖ​വും മ​ന​ശ്ശാ​ന്തി​യും ന​ഷ്ട​പ്പെ​ടു​ന്ന​വ​ർ ല​ഹ​രി​യു​ടെ വി​ല​ങ്ങി​ൽ​നി​ന്നു മോ​ച​നം നേ​ടാ​ൻ ഡീ ​അ​ഡി​ക്ഷ​ൻ സെ​ന്‍റ​റു​ക​ളി​ൽ ചി​കി​ത്സ തേ​ടു​ക പ​തി​വാ​ണ്. എ​ന്നാ​ൽ കു​മ​ളി അ​ണ​ക്ക​ര​യ്ക്ക​ടു​ത്ത് ച​ക്കു​പ​ള്ളം കാ​രി​ക്കാ​ട്ട് ജോ​ണ്‍​സ​ണ്‍ ജോ​സ​ഫ് മു​ഴു​ക്കു​ടി​യി​ൽ​നി​ന്നു മോ​ചി​ത​നാ​കാ​ൻ പ്ര​തി​ജ്ഞ​യെ​ടു​ത്ത് നേ​രേ ഇ​റ​ങ്ങി​ത്തി​രി​ച്ച​ത് കൃ​ഷി​യി​ട​ത്തി​ലേ​ക്കാ​ണ്.

കി​ള​ച്ചു​പ​ണി​തും ന​ട്ടു വി​ള​വെ​ടു​ത്തും സ​മൃ​ദ്ധി​യു​ടെ സം​തൃ​പ്തി മ​ന​സി​ൽ നി​റ​ഞ്ഞ​തോ​ടെ മ​ദ്യ​ല​ഹ​രി വി​ട്ട​ക​ന്നു. ഇ​ന്ന് സം​സ്ഥാ​ന പു​ര​സ്കാ​ര​ങ്ങ​ളു​ടെ​യും ആ​ദ​ര​വു​ക​ളു​ടെ​യും ലോ​ക​ത്ത് മാ​തൃ​കാ ക​ർ​ഷ​ക​നാ​ണ് ജോ​ണ്‍​സ​ണ്‍. മ​ദ്യ​വി​മോ​ച​ന​ത്തോ​ടെ കു​ടും​ബ​ജീ​വി​തം സ​ന്തോ​ഷ​ത്തി​ലാ​യി. സാ​ന്പ​ത്തി​കം ഭ​ദ്ര​മാ​യി.

മ​ന​സി​ന്‍റെ ക​ടി​ഞ്ഞാ​ണ്‍ തി​രി​കെ​ക്കി​ട്ടി​യ​തോ​ടെ ക​ഠി​ന​മാ​യി അ​ധ്വാ​നി​ക്കാ​നും നൂ​റു​മേ​നി വി​ള​വെ​ടു​ക്കാ​നും ദൈ​വം ക​രു​ത​ലാ​യി കൂ​ടെ​യു​ണ്ട്. 20 സെ​ന്‍റി​ൽ തു​ട​ങ്ങി​യ കാ​യി​കാ​ധ്വാ​ന​ത്തി​ൽ നി​ന്ന് ര​ണ്ടേ​ക്ക​ർ കൃ​ഷി​യി​ട​ത്തി​ന്‍റെ ഉ​ട​മ​യാ​യി പൊ​ന്നു​വി​ള​യി​ക്കു​ക​യാ​ണ് ഹൈ​റേ​ഞ്ചി​ലെ യു​വ​ക​ർ​ഷ​ക​ൻ.

വ​ഴി തെ​റ്റി​യ ജീ​വി​തം

ച​ക്കു​പ​ള്ളം ട്രൈ​ബ​ൽ സ്കൂ​ളി​നു സ​മീ​പം കാ​രി​ക്കാ​ട്ട് ജോ​ണ്‍​സ​നെ ഒ​ന്ന​ര പ​തി​റ്റാ​ണ്ടു മു​ൻ​പു​വ​രെ വീ​ട്ടു​കാ​രും നാ​ട്ടു​കാ​രും സ്ഥി​രം മ​ദ്യ​പ​നാ​യി മാ​ത്ര​മേ ക​ണ്ടി​ട്ടു​ള്ളു. രാ​ത്രി​യെ​ന്നോ പ​ക​ലെ​ന്നോ ഇ​ല്ലാ​ത്ത മ​ദ്യ​പാ​നം. വി​ദേ​ശ​മ​ദ്യം മു​ത​ൽ ക​ള്ളും വാ​റ്റു​ചാ​രാ​യ​വു​മൊ​ക്കെ എ​ത്ര കു​ടി​ച്ചാ​ലും തി​ക​യാ​ത്ത ആ​സ​ക്തി.

ഏ​ല​ക്കാ​ടു​ക​ളി​ൽ ജോ​ലി​ക​ൾ​ക്ക് ചെ​റി​യ പ്രാ​യ​ത്തി​ൽ ജോ​ണ്‍​സ​നും ഇ​റ​ങ്ങി​ത്തി​രി​ക്കേ​ണ്ടി​വ​ന്നു. മാ​ങ്ക​വ​ല​യി​ലേ​യും തെ​ങ്ങും​ക​വ​ല​യി​ലേ​യും ഏ​ല​ത്തോ​ട്ട​ങ്ങ​ളി​ൽ ജോ​ലി​ക്കി​റ​ങ്ങു​ന്പോ​ൾ രാ​വി​ലെ ത​ന്നെ അ​ല്പം മ​ദ്യം അ​ക​ത്തു​ണ്ടാ​വ​ണ​മെ​ന്ന​താ​യി ശീ​ലം. കോ​ട​മ​ഞ്ഞി​നും ത​ണു​പ്പി​നും പ്ര​തി​രോ​ധ​മാ​യി തു​ട​ങ്ങി​യ മ​ദ്യം പി​ൽ​ക്കാ​ല​ത്ത് കു​പ്പി​ക​ളി​ൽ മു​ക്കി​ത്താ​ഴ്ത്തു​ന്ന അ​ടി​മ​ത്ത​ത്തി​ലെ​ത്തി​ച്ചു.

കൂ​ടു​ത​ൽ വ​രു​മാ​നം തേ​ടി ത​ടി ലോ​ഡിം​ഗ് ജോ​ലി​യി​ൽ കൈ ​വെ​ച്ച​തോ​ടെ ഇ​രു​പ​ത്തി​യ​ഞ്ച് വ​യ​സി​നു മു​ൻ​പ് ഭ​ക്ഷ​ണ​ത്തി​നു മു​ക​ളി​ലാ​യി മ​ദ്യം. മു​ഴു​ക്കു​ടി​യി​ൽ മ​ക​ൻ വ​രു​ന്പോ​ൾ അ​പ്പ​ൻ ജോ​യി​ക്കും അ​മ്മ ത്രേ​സ്യാ​മ്മ​യ്ക്കും ക​ണ്ണീ​ർ പൊ​ഴി​ച്ചു വി​ല​പി​ക്കാ​നേ ക​ഴി​യു​മാ​യി​രു​ന്നു​ള്ളു. മ​ക​നെ വി​വാ​ഹം ക​ഴി​പ്പി​ച്ചാ​ൽ ക​ള്ളു​കു​ടി കു​റ​യു​മെ​ന്ന പ്ര​തീ​ക്ഷ​യി​ൽ വി​വാ​ഹാ​ലോ​ച​ന​ക​ൾ സ​ജീ​വ​മാ​ക്കി. ആ​ലോ​ച​ന​ക​ൾ​ക്കൊ​ടു​വി​ൽ ക​ൽ​ത്തൊ​ട്ടി സ്വ​ദേ​ശി​നി ഫി​ലോ​മി​ന​യെ ജോ​ണ്‍​സ​ന് വ​ധു​വാ​യി ല​ഭി​ച്ചു.

വി​വാ​ഹ​ശേ​ഷ​വും മ​ദ്യ​പാ​ന​ത്തി​നു കു​റ​വു​ണ്ടാ​യി​ല്ല. സ​ദാ​സ​മ​യം മ​ദ്യ​ത്തി​ന്‍റെ രൂ​ക്ഷ​ഗ​ന്ധ​ത്തി​നു ന​ടു​വി​ൽ ക​ഴി​യു​ന്ന ഭ​ർ​ത്താ​വി​നെ സ​ഹി​ക്കു​ക മാ​ത്ര​മാ​യി​രു​ന്നു വി​ധി. ര​ണ്ട് മ​ക്ക​ൾ ജ​നി​ച്ച​തി​നു ശേ​ഷ​വും മ​ദ്യ​പാ​നം കൂ​ടി​യ​ത​ല്ലാ​തെ കു​റ​വു​ണ്ടാ​യി​ല്ല.

മ​ക​ന്‍റെ പോ​ക്കി​ലും മ​രു​മ​ക​ളു​ടെ ക​ണ്ണീ​രി​ലും നീ​റു​ക​യാ​യി​രു​ന്നു വീ​ട്ടു​കാ​രും ബ​ന്ധു​ക്ക​ളു​മൊ​ക്കെ. കു​ഞ്ഞു​ങ്ങ​ളു​ടെ വി​ശ​പ്പ​ക​റ്റാ​നു​ള്ള വ​ക​തേ​ടി ഫി​ലോ​മി​ന ഏ​ല​ക്കാ​ട്ടി​ൽ കൂ​ലി​പ്പ​ണി ചെ​യ്തു തു​ട​ങ്ങി. 2004-ൽ ​ഇ​രു​പ​ത്തി​മൂ​ന്നാം വ​യ​സി​ൽ വി​വാ​ഹി​ത​നും വൈ​കാ​തെ ര​ണ്ടു കു​ഞ്ഞു​ങ്ങ​ളു​ടെ പി​താ​വു​മാ​യി​ത്തീ​ർ​ന്ന ജോ​ണ്‍​സ​ണ് മ​ദ്യ​പാ​നം​മൂ​ലം വീ​ടി​നു ക​രു​ത​ലാ​യി മാ​റാ​ൻ ക​ഴി​ഞ്ഞി​രു​ന്നി​ല്ല.

ക​ണ്ണീ​രൊ​ഴു​കി​യ രാ​ത്രി

2009 ജൂ​ണ്‍. കു​ടും​ബ​സു​ഹൃ​ത്താ​യ അ​യ​ൽ​വാ​സി മ​രി​ച്ച ദി​വ​സം. അ​ദ്ദേ​ഹ​ത്തി​ന്‍റെ മൃ​ത​ദേ​ഹം സ​ന്ദ​ർ​ശി​ക്കാ​ൻ ജോ​ണ്‍​സ​ണ്‍ വീ​ട്ടി​ൽ​നി​ന്നി​റ​ങ്ങി​യ​തു​ത​ന്നെ കു​ടി​ച്ചു​ല​ക്കു​കെ​ട്ടാ​ണ്. രാ​വി​ലെ മു​ത​ൽ മൃ​ത​സം​സ്കാ​രം വ​രെ കു​ടി തു​ട​ർ​ന്നു​കൊ​ണ്ടേ​യി​രു​ന്നു. ഉ​ച്ച​ക​ഴി​ഞ്ഞ് മൃ​ത​ദേ​ഹ​വു​മാ​യി അ​ണ​ക്ക​ര സെ​ന്‍റ് തോ​മ​സ് ഫൊ​റോ​നാ പ​ള്ളി​യി​ലേ​ക്കു​ള്ള വി​ലാ​പ​യാ​ത്ര​യി​ൽ ടി​യും നി​ലം​പൊ​ത്തി​യു​മൊ​ക്കെ​യാ​ണ് ജോ​ൺ​സ​ൺ പ​ങ്കു​ചേ​ർ​ന്ന​ത്.

ഇ​ത് ക​ണ്ട​വ​ർ​ക്കൊ​ക്കെ സ​ങ്ക​ട​വും വെ​റു​പ്പും പു​ച്ഛ​വും. ഒ​രു​വി​ധം സെ​മി​ത്തേ​രി​വ​രെ എ​ത്തി​യ​പ്പോ​ഴേ​ക്കും ജോ​ണ്‍​സ​ണ്‍ അ​വി​ടെ വീ​ണു. നാ​ട്ടു​കാ​ർ ഓ​ട്ടോ​റി​ക്ഷ​യി​ൽ രാ​ത്രി​യോ​ടെ ഒ​രു വി​ധം വീ​ടി​ന്‍റെ മു​ന്നി​ലെ​ത്തി​ക്കു​ന്പോ​ൾ കോ​രി​ച്ചൊ​രി​യു​ന്ന മ​ഴ. ജോ​ണ്‍​സ​ണെ മു​റ്റ​ത്ത് കി​ട​ത്തി​യ​ശേ​ഷം അ​വ​ർ സ്ഥ​ലം വി​ട്ടു. ആ ​മ​ഴ രാ​വു​മു​ഴു​വ​ൻ നീ​ണ്ട് പു​ല​ർ​ച്ചെ ക​ണ്ണു തു​റ​ക്കു​ന്പോ​ൾ ജോ​ണ്‍​സ​ണ്‍ കാ​ണു​ന്ന​ത് ക​ര​ഞ്ഞു​ത​ള​ർ​ന്ന് അ​രു​കി​ൽ മ​ഴ​ന​ന​ഞ്ഞ് കോ​ച്ചി​വി​റ​ച്ച് കാ​വ​ലി​രി​ക്കു​ന്ന ഫി​ലോ​മി​ന​യെ​യാ​ണ്.

ഭാ​ര്യ താ​ങ്ങി​യേ​ൽ​പ്പി​ച്ചി​രു​ത്തു​ന്പോ​ഴാ​ണ് ത​ലേ​ന്നു പ​ക​ൽ ക​ല്ലി​ലും വ​ഴി​യി​ലും വീ​ണു​ണ്ടാ​യ മു​റി​വു​ക​ളും നീ​റ്റ​ലും തി​രി​ച്ച​റി​യു​ന്ന​ത്. കീ​റി ചെ​ളി​പു​ര​ണ്ട വ​സ്ത്ര​ങ്ങ​ൾ മാ​റ്റി മു​റി​വു​ക​ളി​ൽ മ​രു​ന്നു പു​ര​ട്ടി ഫി​ലോ​മി​ന ക​ണ്ണീ​രോ​ടെ ഒ​പ്പ​മി​രു​ന്നു. മി​ന്നു​കെ​ട്ടി​യ​ശേ​ഷം ക​രു​ത​ലും സ​ന്തോ​ഷ​വും ന​ൽ​കാ​തി​രു​ന്നി​ട്ടും ഇ​ത്ര​യേ​റെ സ​ഹി​ക്കു​ക​യും സ്നേ​ഹി​ക്കു​ക​യും ചെ​യ്യു​ന്ന ഭാ​ര്യ​യു​ടെ ക​രു​ത​ലാ​ണ് മു​റി​വു​ക​ളേ​ക്കാ​ൾ ജോ​ണ്‍​സ​നു മ​ന​സി​ൽ നീ​റ്റ​ലാ​യി മാ​റി​യ​ത്. ത​ന്നോ​ടു​ത​ന്നെ ജോ​ണ്‍​സ​ന് വെ​റു​പ്പു​തോ​ന്നി​ത്തു​ട​ങ്ങി​യി​രു​ന്നു.

എ​ങ്ങ​നെ​ങ്കി​ലും മ​ദ്യാ​സ​ക്തി​യു​ടെ ക​ടും​കെ​ട്ടി​ൽ നി​ന്നു മോ​ച​നം നേ​ട​ണം. കു​ടി​ച്ചു ന​ശി​ക്കാ​നു​ള്ള​ത​ല്ല ജീ​വി​തം. മി​ന്നു ചാ​ർ​ത്തി​യ ഭാ​ര്യ​യ്ക്കും ദൈ​വം​ത​ന്ന ര​ണ്ടു കു​ഞ്ഞു​ങ്ങ​ൾ​ക്കും ര​ക്ഷ​യു​ടെ ക​രു​ത​ലാ​കേ​ണ്ട​വ​നാ​ണ്. ക​ണ്ണീ​രി​ലും ദുഃ​ഖ​ഭാ​ര​ത്തി​ലും കു​റ്റ​ബോ​ധ​ത്തി​ലും ജോ​ണ്‍​സ​ണ്‍ തു​ട​ർ​ന്നു​ള്ള മൂ​ന്നു ദി​വ​സ​ങ്ങ​ൾ വീ​ടി​നു​ള്ളി​ൽ ത​ന്നെ കി​ട​ന്നു. പു​റ​ത്തി​റ​ങ്ങാ​ൻ അ​പ​ക​ർ​ഷ​ത​യും കു​റ്റ​ബോ​ധ​വു​മാ​യി​രു​ന്നു. ഇ​ക്കാ​ല​മ​ത്ര​യും മ​ദ്യം മ​ന​സി​നും ശ​രീ​ര​ത്തി​നും ന​ൽ​കി​ക്കൊ​ണ്ടി​രു​ന്ന പൈ​ശാ​ചി​ക ബ​ന്ധ​ന​ങ്ങ​ളെ​യോ​ർ​ത്ത് വി​തു​ന്പ​ലോ​ടെ പ​ശ്ചാ​ത്ത​പി​ച്ചു ക​ണ്ണീ​ര​രൊ​ഴു​ക്കി.

പു​റ​ത്തേ​ക്കി​റ​ങ്ങി​യാ​ൽ വീ​ണ്ടും മ​ദ്യ​ത്തി​ൽ വീ​ണു​പോ​കു​മോ​യെ​ന്ന ആ​ശ​ങ്ക​യാ​യി​രു​ന്നു ദു​ർ​ബ​ല​മാ​യ മ​ന​സി​ൽ. അ​തി​നാ​ൽ ഒ​രാ​ഴ്ച്ച വീ​ടി​നു പു​റ​ത്തേ​ക്കി​റ​ങ്ങേ​ണ്ടെ​ന്നു തീ​രു​മാ​ന​മെ​ടു​ത്തു. ര​ണ്ടു​മൂ​ന്നു ദി​വ​സം ത​ള്ളി​നീ​ക്കി​യ​തോ​ടെ വീ​ണ്ടും മ​ദ്യാ​സ​ക്തി​യു​ടെ പ്ര​ലോ​ഭ​നം വി​ര​ലു​ക​ളെ വി​റ​പ്പി​ച്ചു​തു​ട​ങ്ങി. നാ​വു വ​ര​ളു​ന്ന​തു​പോ​ലെ. കൈ​കാ​ലു​ക​ൾ​ക്ക് വ​ല്ലാ​ത്ത പി​രി​മു​റു​ക്കം. അ​ൽ​പ​മെ​ങ്കി​ലും മ​ദ്യ​പി​ക്ക​ണ​മെ​ന്ന വ​ല്ലാ​ത്ത പ്ര​ലോ​ഭ​നം.

രാ​വും പ​ക​ലും ക​ണ്ണീ​രോ​ടെ ജോ​ണ്‍​സ​ണ്‍ പ്രാ​ർ​ഥി​ച്ചു. ഫി​ലോ​മി​ന​യു​ടെ​യും മ​ക്ക​ളു​ടെ​യും ദൈ​ന്യ​മാ​ർ​ന്ന മു​ഖം നോ​ക്കി ക്രി​സ്തു​വി​ന്‍റെ തി​രു​ഹൃ​ദ​യ​ചി​ത്രം സാ​ക്ഷി​യാ​ക്കി ജോ​ണ്‍​സ​ണ്‍ വ്ര​ത​മെ​ടു​ത്തു; ഇ​നി ജീ​വി​ത​ത്തി​ൽ തു​ള്ളി​പോ​ലും മ​ദ്യ​പി​ക്കി​ല്ല. മു​റ്റ​ത്തി​റ​ങ്ങി വീ​ട്ട​രു​കി​ലി​രു​ന്ന തൂ​ന്പ​യു​മാ​യി പി​താ​വി​ന്‍റെ കൃ​ഷി​യി​ട​ത്തി​ലേ​ക്ക് വേ​ഗം ന​ട​ന്നു. അ​ന്നേ വ​രെ സ്വ​ന്തം പു​ര​യി​ട​ത്തി​ൽ പ​ണി​ക്കി​റ​ങ്ങി​യി​ട്ടി​ല്ലാ​ത്ത ജോ​ണ്‍​സ​ന്‍റെ ഉ​ശി​രോ​ടെ​യു​ള്ള പു​റ​പ്പാ​ടി​ൽ വീ​ട്ടു​കാ​ർ ആ​ദ്യ​മൊ​ന്ന് ആ​ശ്ച​ര്യ​പ്പെ​ട്ടു. തു​ട​ർ​ന്നു​ള്ള ദി​വ​സ​ങ്ങ​ളി​ലും കൃ​ഷി​യി​ട​ത്തി​ൽ ക​ഠി​ന​മാ​യ ജോ​ലി തു​ട​ർ​ന്നു.

മ​ദ്യ​ത്തെ മ​റ​ന്നു; മ​ണ്ണ് ല​ഹ​രി​യാ​യി

ജോ​ണ്‍​സ​നി​ലു​ണ്ടാ​യ ആ​ശാ​വ​ഹ​മാ​യ മാ​റ്റം വീ​ട്ടു​കാ​രി​ലും ബ​ന്ധു​ക്ക​ളി​ലും ആ​ശ്വാ​സ​വും സ​ന്തോ​ഷ​വും ജ​നി​പ്പി​ച്ചു. മ​ക​ൻ മ​ദ്യ​പാ​നം നി​ർ​ത്തി ക​ഠി​നാ​ധ്വാ​നം തു​ട​ങ്ങി​യ വി​വ​രം മാ​താ​പി​താ​ക്ക​ൾ അ​ണ​ക്ക​ര സെ​ന്‍റ് തോ​മ​സ് ഫൊ​റോ​നാ വി​കാ​രി​യാ​യി​രു​ന്ന ഫാ. ​ജോ​ണ്‍ വെ​ട്ടു​വ​യ​ലി​ലി​നെ അ​റി​യി​ച്ചു. അ​ദ്ദേ​ഹ​ത്തി​ന്‍റെ ഉ​പ​ദേ​ശ​ത്തി​ൽ അ​ണ​ക്ക​ര മ​രി​യ​ൻ ധ്യാ​ന​കേ​ന്ദ്ര​ത്തി​ൽ ഒ​രാ​ഴ്ച്ച ധ്യാ​ന​ത്തി​ൽ പ​ങ്കെ​ടു​ത്ത​തോ​ടെ ജോ​ണ്‍​സ​ന്‍റെ മ​ദ്യാ​സ​ക്തി​ക്കു മോ​ച​ന​മാ​യി.

ധ്യാ​ന​കേ​ന്ദ്ര​ത്തി​ൽ നി​ന്നു മ​ട​ങ്ങി​യെ​ത്തി തു​ട​ർ​ന്നും കൃ​ഷി തു​ട​ർ​ന്നു. മ​ക​നു​ണ്ടാ​യ മാ​റ്റ​ത്തി​ൽ സ​ന്തോ​ഷ​ഭ​രി​ത​നാ​യ പി​താ​വ് ജോ​യി ഇ​രു​പ​തു സെ​ന്‍റ് സ്ഥ​ലം മ​ക​നു വി​ഹി​തം ന​ല്കി. ആ ​ഇ​രു​പ​തു​സെ​ന്‍റ്ി​ലെ ഏ​ല​കൃ​ഷി​യി​ൽ​നി​ന്നാ​ണ് ജോ​ണ്‍​സ​ണ്‍ കാ​ർ​ഷി​ക നേ​ട്ട​ങ്ങ​ളു​ടെ ജൈെ​ത്ര​യാ​ത്ര തു​ട​ങ്ങു​ന്ന​ത്.

ആ ​വ​ർ​ഷം ഓ​ണാ​ഘോ​ഷ​ത്തി​ൽ പ​ങ്കാ​ളി​യാ​യാ​ൽ മ​ദ്യ​പ്ര​ലോ​ഭ​ന​മു​ണ്ടാ​യേ​ക്കു​മെ​ന്ന ആ​ശ​ങ്ക​യി​ൽ അ​ണ​ക്ക​ര മ​രി​യ​ൻ ധ്യാ​ന കേ​ന്ദ്ര​ത്തി​ൽ ചെ​ല​വ​ഴി​ച്ചു. ഓ​ണം ക​ഴി​ഞ്ഞെ​ത്തി​യ​ത് വീ​ണ്ടും കൃ​ഷി​യി​ട​ത്തി​ലേ​ക്ക്. മ​ദ്യ​ത്തി​ന്‍റെ ദു​രാ​ശ​യും ആ​സ​ക്തി​യും വി​ട്ടൊ​ഴി​ഞ്ഞ​തോ​ടെ ജീ​വി​ത​ത്തെ​ക്കു​റി​ച്ച് കാ​ഴ്ച്ച​പ്പാ​ടു​ക​ളു​ണ്ടാ​യി. കൂ​ടു​ത​ൽ അ​ധ്വാ​നി​ക്കാ​ൻ ആ​ഗ്ര​ഹം ജ​നി​ച്ചു.

മ​ന​സി​ൽ പ്രാ​ർ​ഥ​ന​യു​ടെ​യും പ്ര​ത്യാ​ശ​യു​ടെ​യും വി​ള​ക്കു​ക​ൾ പ്ര​കാ​ശം നി​റ​ച്ചു. വീ​ടു​പോ​റ്റു​ക മാ​ത്ര​മ​ല്ല കു​ടും​ബ​ത്തി​ന് അ​ഭി​മാ​ന​മാ​യി മാ​റ​ണ​മെ​ന്ന​താ​യി​രു​ന്നു ഉ​റ​ച്ച തീ​രു​മാ​നം. ഇ​രു​പ​തു സെ​ന്‍റ് സ്ഥ​ലം കി​ള​ച്ചും പ​ണി​തും തീ​ർ​ന്ന​തോ​ടെ ഇ​നി കി​ള​യ്ക്കാ​ൻ അ​ധി​ക​മാ​യി മ​ണ്ണി​ല്ലെ​ന്ന​താ​യി അ​സ്വ​സ്ഥ​ത. മ​ദ്യ​ചി​ന്ത ഒ​രി​ക്ക​ലും മ​ന​സി​നെ പ്ര​ലോ​ഭി​പ്പി​ക്കാ​തി​രി​ക്കാ​ൻ മു​ഴു​വ​ൻ സ​മ​യം ജോ​ലി ചെ​യ്യാ​നാ​യി പാ​ട്ട​ത്തി​ന് കൂ​ടു​ത​ൽ സ്ഥ​ല​മെ​ടു​ത്തു ഏ​ലം, വാ​ഴ, പ​ച്ച​ക്ക​റി, നെ​ല്ല് എ​ന്നി​വ​യൊ​ക്കെ കൃ​ഷി ചെ​യ്തു. വീ​ട്ടി​ൽ നി​ന്നി​റ​ങ്ങി​യാ​ൽ കൃ​ഷി​യി​ടം എ​ന്ന​തു​മാ​ത്ര​മാ​യി ജോ​ണ്‍​സ​ണു ജീ​വി​തം.

ഏ​ലം​കൃ​ഷി​യി​ലെ വ​രു​മാ​ന​ത്തി​ൽ​നി​ന്നും ഭാ​ര്യ​വീ​ടി​ന് സ​മീ​പം ഇ​രു​തു സെ​ന്‍റ് സ്ഥ​ലം കൂ​ടി വാ​ങ്ങി. ച​ക്കു​പ​ള്ള​ത്തെ പാ​ട്ട​കൃ​ഷി വ​രു​മാ​ന​ത്തി​ൽ​നി​ന്നും ഫി​ലോ​മി​ന​യ്ക്കും മ​ക്ക​ൾ​ക്കും സ്വ​ർ​ണാ​ഭ​ര​ണ​ങ്ങ​ൾ വാ​ങ്ങി​ന​ൽ​കി. ര​ണ്ടു വ​ർ​ഷ​ത്തി​നു​ശേ​ഷം പ​ശു​വി​നേ​യും കു​റെ ആ​ടു​ക​ളെ​യും വാ​ങ്ങി. വൈ​കാ​തെ കൂ​ടു​ത​ൽ സ്ഥ​ലം പാ​ട്ട​ത്തി​നെ​ടു​ത്ത് ഞാ​ലി​പ്പൂ​വ​ൻ വാ​ഴ കൃ​ഷി തു​ട​ങ്ങി. വി​ത്തും വ​ള​വും വി​ള​വും മെ​ച്ച​മാ​യ​തോ​ടെ ജോ​ണ്‍​സ​ണ്‍ നാ​ട്ടി​ലെ അ​റി​യ​പ്പെ​ടു​ന്ന ക​ർ​ഷ​ക​നാ​യി​മാ​റി. കു​ടി​യു​ടെ കു​പ്ര​സി​ദ്ധി​യി​ൽ​നി​ന്നും കി​ള​യു​ടെ ക​ർ​ഷ​ക​തി​ല​ക​മാ​യു​ള്ള ഉ​യ​ർ​ച്ച.

ക​ർ​ഷ​ക തി​ല​കം

മാ​ങ്ക​വ​ല​യി​ലും തെ​ങ്ങി​ൻ​ക​വ​ല​യി​ലും ജോ​ണ്‍​സ​ണെ കാ​ണാ​നി​ല്ലാ​താ​യ​തു നാ​ട്ടി​ൽ സം​സാ​ര​മാ​യി. ഗ്രാ​മ​പ​ഞ്ചാ​യ​ത്തം​ഗം ലൗ​ലി ഈ​ശോ വീ​ട്ടി​ലെ​ത്തി​യ​പ്പോ​ഴാ​ണ് ജോ​ണ്‍​സ​ണ്‍ കൃ​ഷി​യു​ടെ ലോ​ക​ത്ത് വി​സ്മ​യം തീ​ർ​ക്കു​ന്ന​താ​യി ക​ണ്ട​റി​യു​ന്ന​ത്. ത​ന്‍റെ വി​ള​വു​ക​ളു​ടെ വി​സ്മ​യ വൈ​വി​ധ്യം ഗ്രാ​മ​പ​ഞ്ചാ​യ​ത്ത് അം​ഗ​ങ്ങ​ളെ ജോ​ണ്‍​സ​ണ്‍ അ​ഭി​മാ​ന​ത്തോ​ടെ കാ​ണി​ച്ചു കൊ​ടു​ത്തു.

ഞാ​ലി​പ്പൂ​വ​ൻ വാ​ഴ​ക്കൃ​ഷി​ക്ക് ഇ​ൻ​ഷ്വ​റ​ൻ​സ് പ​രി​ര​ക്ഷ ആ​വ​ശ്യ​പ്പെ​ട്ട് കൃ​ഷി​ഓ​ഫീ​സ​ർ മ​നോ​ജി​നെ സ​മീ​പി​ച്ച​തോ​ടെ അ​ദ്ദേ​ഹ​മെ​ത്തി കൃ​ഷി​യി​ടം സ​ന്ദ​ർ​ശി​ച്ചു. കൃ​ഷി ഓ​ഫീ​സ​റു​ടെ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ 2014 ലെ ​മി​ക​ച്ച യു​വ ക​ർ​ഷ​ക​നു​ള്ള ബ്ലോ​ക്ക്, സം​സ്ഥാ​ന​ത​ല കാ​ർ​ഷി​ക അ​വാ​ർ​ഡു​ക​ൾ ച​ക്കു​പ​ള്ളം ഗ്രാ​മ​ത്തി​ലെ ജോ​ണ്‍​സ​ണ്‍ സ്വ​ന്ത​മാ​ക്കി.

സം​സ്ഥാ​ന സ​ർ​ക്കാ​രി​ന്‍റെ അ​വാ​ർ​ഡി​ൽ നി​ന്നു ല​ഭി​ച്ച ഒ​രു ല​ക്ഷം രൂ​പ​യ്ക്ക് ഇ​രു​പ​ത് സെ​ന്‍റ് ഭൂ​മി വാ​ങ്ങി അ​വി​ടെ​യും ഏ​ലം കൃ​ഷി ചെ​യ്തു. തു​ട​ർ​ന്ന് വ​ർ​ഷം മു​പ്പ​ത്ത​യ്യാ​യി​രം രൂ​പ നി​ര​ക്കി​ൽ എ​ട്ടു വ​ർ​ഷ​ത്തേ​യ്ക്ക് ആ ​കൃ​ഷി​യി​ടം പാ​ട്ട​ത്തി​നും ന​ല്കി. ഓ​രോ വ​ർ​ഷ​ത്തെ​യും വ​രു​മാ​ന​ത്തി​ൽ​നി​ന്നും മി​ച്ചം പി​ടി​ച്ച് ജോ​ണ്‍​സ​ണ്‍ ചെ​റി​യ ഭൂ​മി​ക​ൾ വാ​ങ്ങു​ന്നു. ഇ​തോ​ട​കം പ​ല​ഘ​ട്ട​ങ്ങ​ളി​ലാ​യി ര​ണ്ട് ഏ​ക്ക​ർ ഭൂ​മി ജോ​ണ്‍​സ​ണ്‍ സ്വ​ന്ത​മാ​ക്കി കൃ​ഷി​യി​ട​വും വി​ള​വെ​ടു​പ്പും വി​പു​ല​മാ​ക്കി. കു​രു​മു​ള​ക്, ഏ​ലം, കാ​പ്പി, വാ​ഴ ഉ​ൾ​പ്പെ​ടെ നി​റ​യെ കൃ​ഷി​യാ​ണ്.

വീ​ടി​നോ​ടു ചേ​ർ​ന്ന തൊ​ഴു​ത്തി​ൽ മൂ​ന്നു പ​ശു​ക്ക​ളും ഇ​രു​പ​തി​ലേ​റെ ആ​ടു​ക​ളു​മു​ണ്ട്. കൃ​ഷി ലാ​ഭ​ക​ര​മാ​ണോ​യെ​ന്ന ചോ​ദ്യ​ത്തി​ന് ത​നി​ക്ക് ര​ണ്ടേ​ക്ക​റോ​ളം സ്ഥ​ലം വാ​ങ്ങാ​ൻ ക​ഴി​ഞ്ഞ​ത് കൃ​ഷി​യി​ൽ നി​ന്നു​മാ​ത്ര​മാ​ണെ​ന്നു ജോ​ൺ​സ​ന്‍റെ മ​റു​പ​ടി. കൃ​ഷി​യി​ലെ ലാ​ഭ​വും ന​ഷ്ട​വും എ​ഴു​തി​വെ​യ്ക്കാ​റി​ല്ല. പ​ക്ഷേ വി​യ​ർ​പ്പി​ന്‍റെ ഫ​ലം കൃ​ഷി​യി​ൽ നി​ന്നു ല​ഭി​ക്കു​ന്ന​തി​ലെ സ​ന്തോ​ഷം മ​റ്റൊ​ന്നി​നു​മി​ല്ല. കൃ​ഷി പ​ക​രു​ന്ന തീ​ക്ഷ്ണ​മാ​യ ല​ഹ​രി വേ​റെ ഒ​രു ലെ​വ​ലാ​ണ്.

ത​ന്‍റെ ജീ​വി​തം മാ​തൃ​ക​യാ​ക്കി മ​ദ്യ​പാ​നി​ക​ൾ ല​ഹ​രി​യി​ൽ നി​ന്നു മോ​ചി​ത​രാ​യി അ​ധ്വാ​ന​ത്തി​ൽ അ​ഭി​മാ​നി​ക​ളാ​ക​ണ​മെ​ന്നാ​ണ് പു​തു​വ​ർ​ഷ​ത്തി​ൽ ജോ​ണ്‍​സ​ണ് പ​റ​യാ​നു​ള്ള​ത്. ചെ​റി​യ തോ​തി​ൽ തു​ട​ങ്ങു​ന്ന കു​ടി മു​ഴ​നീ​ള മ​ദ്യ​പാ​ന​ത്തി​ലേ​ക്ക് വ​ള​രും. അ​ത് കാ​ലാ​ന്ത​ര​ത്തി​ൽ ശ​രീ​ര​ത്തെ​യും മ​ന​സി​നെ​യും ജീ​വി​ത​ത്തെ​യും ആ​രോ​ഗ്യ​ത്തെ​യും കാ​ർ​ന്നു​തി​ന്നു​മെ​ന്നാ​ണ് ജോ​ണ്‍​സ​ന്‍റെ സാ​ക്ഷ്യം.

ക​ട്ട​പ്പ​ന ഓ​സാ​നം ഇം​ഗ്ലീ​ഷ് മീ​ഡി​യം പ്ല​സ് വ​ണ്‍ വി​ദ്യാ​ർ​ഥി ജെ​റി​ൻ, ച​ക്കു​പ​ള്ളം മേ​രീ​മാ​താ സ്കൂ​ൾ പ​ത്താം ക്ലാ​സ് വി​ദ്യാ​ർ​ഥി ജെ​സ്ബി​ൻ എ​ന്നി​വ​രാ​ണ് മ​ക്ക​ൾ.

തോ​മ​സ് വ​ർ​ഗീ​സ്