ഉ​ള്ള​തി​ൽ​നി​ന്നു പ​ങ്കു​വ​യ്ക്കാം. മി​ച്ച​മു​ണ്ടാ​കാ​ൻ വേ​ണ്ടി കാ​ത്തി​രി​ക്കേ​ണ്ട. അ​പ്പോ​ൾ മാ​ത്ര​മേ വി​ശ​പ്പ​റി​യാ​ത്ത ന​മു​ക്കു വി​ശ​പ്പു​ള്ള​വ​രു​ടെ വി​ശ​പ്പ​ക​റ്റാ​ൻ സാ​ധി​ക്കൂ.

ജ​ന്മി​യു​ടെ പു​ത്ര​ൻ റൈ​നോ​ൾ​ഡ്സ്. ദാ​സ​നാ​ക​ട്ടെ കു​ടി​യാ​ന്‍റെ പു​ത്ര​നും. ക്ലാ​സി​ൽ ദാ​സ​നോ​ടൊ​പ്പം ചാ​ണ​ക​ത്ത​റ​യി​ലി​രി​ക്കാ​നാ​ണു റൈ​നോ​ൾ​ഡ്സി​നു മോ​ഹം. എ​ന്നാ​ൽ, സ്കൂ​ളി​നു ഭൂ​ദാ​നം ചെ​യ്ത ഉ​ട​യോ​ന്‍റെ പു​ത്ര​ൻ ചാ​ണ​ക​ത്ത​റ​യി​ലി​രി​ക്കാ​ൻ മാ​ഷ് സ​മ്മ​തി​ക്കി​ല്ല. അ​വ​ൻ ബെ​ഞ്ചി​ൽ മ​റ്റു ജ​ന്മി​മാ​രു​ടെ മ​ക്ക​ളോ​ടു​കൂ​ടി ഇ​രി​ക്ക​ണം. അ​താ​ണു നി​യ​മം.

എ​ന്നാ​ൽ ക്ലാ​സ് ക​ഴി​ഞ്ഞാ​ൽ റൈ​നോ​ൾ​ഡ്സ് ദാ​സ​നോ​ടും മ​റ്റ് അ​ടി​യാ​ള​കു​ട്ടി​ക​ളോ​ടും​കൂ​ടി​യാ​ണു വീ​ട്ടി​ലേ​ക്കു​ള്ള മ​ട​ക്ക​യാ​ത്ര. അ​ത​വ​രു​ടെ ഓ​ട്ട​പ്പ​ന്ത​യ​ത്തി​ന്‍റെ സ​മ​യ​മാ​ണ്. ഒ​രു ദി​വ​സം വാ​ശി​യോ​ടെ​യു​ള്ള ഓ​ട്ടം ക​ഴി​ഞ്ഞു ക്ഷീ​ണി​ച്ച​വ​നാ​യി ത​ള​ർ​ന്നി​രി​ക്കു​ന്പോ​ൾ ദാ​സ​ൻ റൈ​നോ​ൾ​ഡ്സി​നോ​ടു ചോ​ദി​ച്ചു: "നീ​യെ​നി​ക്ക് എ​ന്തോ ത​രാ​ന്ന് പ​റ​ഞ്ഞി​ല്ലേ? തി​ന്ന​ണ വ​ല്ലോ​വാ​ണെ​ങ്കി​ൽ പെ​ട്ടെ​ന്നെ​ടു​ക്ക്?'

ഉ​ച്ച​യ്ക്ക് ക​ഴി​ക്കാ​തെ സൂ​ക്ഷി​ച്ചു​വ​ച്ചി​രു​ന്ന പൊ​തി​ച്ചോ​റ് റൈ​നോ​ൾ​ഡ്സി​ന്‍റെ കൈ​യി​ലു​ണ്ടാ​യി​രു​ന്നു. അ​വ​ൻ അ​തു ദാ​സ​നു​മു​ന്നി​ൽ തു​റ​ന്നു​വ​ച്ചു. വാ​ട്ടി​യ വാ​ഴ​യി​ല​യി​ൽ പൊ​തി​ഞ്ഞു​വ​ച്ചി​രു​ന്ന കു​ത്ത​റി​ച്ചോ​റും മ​ത്തി​ക്ക​റി​യും. അ​വ​യു​ടെ മ​ണ​മേ​റ്റ ദാ​സ​ൻ ഏ​ങ്ങ​ല​ടി​ച്ചു ക​ര​യാ​ൻ തു​ട​ങ്ങി.

"എ​ന്താ, എ​ന്തു പ​റ്റി?' റൈ​നേ​ൾ​ഡ്സ് അ​വ​ന്‍റെ ചു​മ​ലി​ൽ പി​ടി​ച്ചു കു​ലു​ക്കി​ക്കൊ​ണ്ടു ചോ​ദി​ച്ചു. "നീ ​എ​നി​ക്കു ഒ​രു പി​ടി വാ​രി​ത്താ റൈ​നോ​ൾ​ഡ്സേ, എ​ന്‍റെ കൈ​യും കാ​ലും ത​ള​രു​ന്നു,' ദാ​സ​ൻ വി​ക്കി​വി​ക്കി​പ്പ​റ​ഞ്ഞു. ഒ​രു​പി​ടി ചോ​റ് മ​ത്തി​ച്ചാ​റു​മാ​യി കു​ഴ​ച്ച് ഉ​രു​ള​യാ​ക്കി റൈ​നോ​ൾ​ഡ്സ് ദാ​സ​നു ന​ൽ​കി. അ​വ​ൻ അ​തു ആ​ർ​ത്തി​യോ​ടെ വി​ഴു​ങ്ങി.

എ​ന്നാ​ൽ, അ​തു താ​ഴേ​ക്കു പോ​യി​ല്ല. തൊ​ണ്ട​ക്കു​ഴി​ക്കും ആ​മാ​ശ​യ​ത്തി​നു​മി​ട​യി​ൽ അ​ത​ങ്ങ​നെ വി​ല​ങ്ങ​നെ നി​ന്നു. അ​പ്പോ​ൾ അ​വ​ൻ ക​ണ്ണു തു​റി​ച്ചു​വ​ന്നു. റൈ​നോ​ൾ​ഡ്സ് ഉ​ട​നെ ഓ​ടി​പ്പോ​യി കു​ള​ത്തി​ൽ​നി​ന്ന് ചേ​ന്പി​ല​യി​ൽ വെ​ള്ളം കൊ​ണ്ടു​വ​ന്നു കൊ​ടു​ത്തു. വെ​ള്ള​മി​റ​ങ്ങി​യ​പ്പോ​ൾ നെ​ഞ്ചി​ൽ​നി​ന്നു ഭാ​ര​മൊ​ഴി​ഞ്ഞ ആ​ശ്വാ​സം. "നീ ​പേ​ടി​ച്ചോ? ഞാ​ൻ ചാ​കൂ​ന്നു വി​ചാ​രി​ച്ച്' ദാ​സ​ൻ ചോ​ദി​ച്ചു.

റൈ​നോ​ൾ​ഡ്സി​നു ക​ര​ച്ചി​ൽ വ​ന്നു. "നാ​ല​ഞ്ചൂ​സം തി​ന്നാ​ണ്ടി​രു​ന്നി​ട്ടു വാ​രി​ത്തി​ന്നാ നെ​ഞ്ചു​മ്മേ കെ​ട്ടും. ച​ങ്കു​പ​റി​യ​ണ വേ​ദ​ന​യാ. ഇ​പ്പ മാ​റീ​ട്ടാ,' ദാ​സ​ൻ പ​റ​ഞ്ഞു. "നാ​ല​ഞ്ചു​ദി​വ​സം തി​ന്നാ​ണ്ടി​രി​ക്കാ​ൻ പ​റ്റ്വോ ഒ​രാ​ൾ​ക്ക്?'​റൈ​നോ​ൾ​ഡ്സ് നി​ഷ്ക​ള​ങ്ക​ത​യോ​ടെ ചോ​ദി​ച്ചു. "എ​ടാ പൊ​ട്ടാ, ക​ല​ത്തി​ലു​ണ്ടെ​ങ്കി​ല​ല്ലേ തി​ന്നാ​ന്പ​റ്റൂ. ഇ​ല്ലാ​ണ്ടു​വ​ന്നാ പ​ച്ച​വെ​ള്ളം കു​ടി​ച്ചു ക​മി​ഴ്ന്നു കി​ട​ക്ക​ണം. കെ​ട​ന്നു കെ​ട​ന്നു ത​ഴ​പ്പാ വി​യ​ർ​പ്പി​ൽ കു​തി​രും. ന്നാ​ലും എ​ഴു​ന്നേ​ൽ​ക്ക​രു​ത്. എ​ഴു​ന്നേ​റ്റാ വെ​ശ​ക്കും.'

കേ​ൾ​ക്കു​ന്ന​തു വി​ശ്വ​സി​ക്കാ​നാ​വാ​തെ റൈ​നോ​ൾ​ഡ്സ് പ​റ​ഞ്ഞു: "പ​തു​ക്കെ തി​ന്നാ മ​തി. ഇ​തു മു​ഴു​വ​ൻ തി​ന്നോ.' അ​പ്പോ​ൾ ദാ​സ​ൻ പ​റ​ഞ്ഞു: "നെ​ന​ക്ക് ത​ന്നാ​ൻ നി​ന്‍റ​മ്മ ത​ന്നു​വി​ടു​ന്ന​ത​ല്ലേ. അ​മ്മ​റി​ഞ്ഞാ പി​ണ​ങ്ങു​വോ?' റൈ​നോ​ൾ​ഡ്സ് ഒ​ന്നും മി​ണ്ടാ​തെ ചോ​റും മ​ത്തി​ച്ചാ​റും​കൂ​ട്ടി ഉ​രു​ള​ക​ളാ​ക്കി ദാ​സ​നു കൊ​ടു​ത്തു​കൊ​ണ്ടി​രു​ന്നു. അ​ല്പം ക​ഴി​ഞ്ഞ​പ്പോ​ൾ റൈ​നോ​ൾ​ഡ്സ് പ​റ​ഞ്ഞു: "വെ​ശ​പ്പെ​ന്താ​ണെ​ന്ന് എ​നി​ക്ക​റി​യി​ല്ല ദാ​സാ.'

"തി​ന്നാ​ണ്ടി​രു​ന്നാ​പ്പോ​രാ. അ​ടു​പ്പി തി​ന്നാ​നൊ​ന്നും ഇ​ല്ലാ​ണ്ടു​വ​ര​ണം. അ​പ്പ​ഴാ വി​ശ​പ്പ്...' ദാ​സ​ൻ പ​റ​ഞ്ഞു.
ഫ്രാ​ൻ​സി​സ് നൊ​റോ​ണ​യു​ടെ "അ​ശ​ര​ണ​രു​ടെ സു​വി​ശേ​ഷം' എ​ന്ന അ​തി​മ​നോ​ഹ​ര​മാ​യ നോ​വ​ലി​ന്‍റെ ആ​ദ്യ​ഭാ​ഗ​ത്തു​നി​ന്നു പ​ക​ർ​ത്തി​യ ക​ഥ​യും സം​ഭാ​ഷ​ണ​വു​മാ​ണു മു​ക​ളി​ൽ കൊ​ടു​ത്തി​രി​ക്കു​ന്ന​ത്. ബാ​ല​നാ​യ റൈ​നോ​ൾ​ഡ്സാ​ണ് ഈ ​നോ​വ​ലി​ലെ പ്ര​ധാ​ന ക​ഥാ​പാ​ത്ര​മാ​യ ഫാ. ​റൈ​നോ​ൾ​ഡ്സ് ആ​യി പി​ന്നീ​ട് മാ​റു​ന്ന​ത്. അ​നാ​ഥ​ർ​ക്കു പി​താ​വാ​യി മാ​റു​ന്ന റൈ​നോ​ൾ​ഡ്സ​ച്ച​ന്‍റെ ഈ ​ക​ഥ​യി​ൽ നാം ​കാ​ണു​ന്ന​തി​ലേ​റെ​യും ദാ​രി​ദ്ര്യം ച​വ​ച്ചു​തു​പ്പി​യ ജീ​വി​ത​ങ്ങ​ളു​ടെ കാ​ഴ്ച​ക​ളാ​ണ്.

ആ​ല​പ്പു​ഴ ക​ട​ൽ​ത്തീ​ര​ത്തെ പ​ശ്ചാ​ത്ത​ല​മാ​ക്കി എ​ഴു​ത​പ്പെ​ട്ട ഈ ​നോ​വ​ൽ നൂ​റി​ലേ​റെ വ​ർ​ഷം മു​ന്പു​ള്ള ക​ഥ​യാ​യി​ട്ടാ​ണു തു​ട​ങ്ങു​ന്ന​ത്. അ​ന്നു​ണ്ടാ​യി​രു​ന്ന ദാ​രി​ദ്ര്യ​വും ക​ഷ്ട​പ്പാ​ടും ഇ​ന്നു​ള്ള​തു​മാ​യി തു​ല​നം​ചെ​യ്യു​ക അ​ത്ര എ​ളു​പ്പ​മ​ല്ല. എ​ങ്കി​ലും കൊ​ടും പ​ട്ടി​ണി​യും ദാ​രി​ദ്ര്യ​വും ഇ​ന്നും ലോ​ക​ത്തെ​ന്പാ​ടു​മു​ണ്ട്.

ഇ​പ്പോ​ൾ ല​ഭ്യ​മാ​യി​രി​ക്കു​ന്ന ക​ണ​ക്ക​നു​സ​രി​ച്ചു ലോ​ക​ജ​ന​സം​ഖ്യ​യി​ൽ പ​ത്തി​ലൊ​രാ​ൾ​വ​ച്ച് ദാ​രി​ദ്ര്യം അ​നു​ഭ​വി​ക്കു​ന്ന​വ​രാ​ണ്. അ​വ​രി​ൽ പ​കു​തി​പ്പേ​രാ​ക​ട്ടെ പ​ര​മ​ദ​രി​ദ്ര​രും. അ​വ​ർ മു​പ്പ​ത്തി​മൂ​ന്നു കോ​ടി​യി​ലേ​റെ വ​രും. ഇ​ന്ത്യ​യി​ലെ സ്ഥി​തി എ​ടു​ത്താ​ലും കാ​ര്യ​ങ്ങ​ൾ അ​ത്ര മെ​ച്ച​മ​ല്ല. ന​മ്മു​ടെ ജ​ന​സം​ഖ്യ​യു​ടെ പ​തി​ന​ഞ്ചു ശ​ത​മാ​നം പേ​ർ ഇ​പ്പോ​ഴും കൊ​ടും പ​ട്ടി​ണി​ക്കാ​രാ​ണ​ത്രേ. കേ​ര​ള​ത്തി​ന്‍റെ കാ​ര്യം പൊ​തു​വേ മെ​ച്ച​മാ​ണെ​ന്നു ക​ണ​ക്കു​ക​ൾ പ​റ​ഞ്ഞേ​ക്കാം. എ​ന്നാ​ൽ, ന​മ്മു​ടെ നാ​ട്ടി​ലും ദാ​രി​ദ്ര്യം അ​നു​ഭ​വി​ക്കു​ന്ന​വ​രു​ടെ എ​ണ്ണം അ​ത്ര കു​റ​വ​ല്ല.

ലോ​കം മൊ​ത്ത​മാ​യി കൈ​വ​രി​ച്ചി​രി​ക്കു​ന്ന ശാ​സ്ത്ര-​സാ​ന്പ​ത്തി​ക-​സാ​മൂ​ഹി​ക നേ​ട്ട​ങ്ങ​ളു​ടെ​യൊ​ക്കെ പ​ശ്ചാ​ത്ത​ല​ത്തി​ൽ ലോ​ക​ത്തി​ൽ ആ​രെ​ങ്കി​ലും പ​ട്ടി​ണി​കി​ട​ക്കു​ന്നു​ണ്ടെ​ങ്കി​ൽ അ​തി​നു നീ​തീ​ക​ര​ണ​മി​ല്ല എ​ന്ന​ത​ല്ലേ സ​ത്യം? ലോ​ക​ത്തി​ലെ മൊ​ത്തം ആ​ളു​ക​ളെ​യും പോ​റ്റാ​ൻ വേ​ണ്ടു​ന്ന​തി​ല​ധി​ക​മാ​ണു ലോ​ക​മെ​ന്പാ​ടു​മാ​യി ഉ​ത്പാ​ദി​ക്ക​പ്പെ​ടു​ന്ന വി​ഭ​വ​ങ്ങ​ൾ. എ​ന്നാ​ൽ അ​വ ന്യാ​യ​മാ​യ രീ​തി​യി​ൽ എ​ല്ലാ​വ​ർ​ക്കും സം​ല​ഭ്യ​മാ​ക്കു​ന്ന​തി​ൽ ലോ​കം പ​രാ​ജ​യ​പ്പെ​ടു​ന്നു എ​ന്നു വേ​ണം പ​റ​യാ​ൻ.

എ​ന്നാ​ൽ, നാം ​എ​ന്തി​നു ലോ​ക​ത്തെ കു​റ്റം പ​റ​യ​ണം? ന​മ്മു​ടെ ചു​റ്റും കാ​ണു​ന്ന ദാ​രി​ദ്ര്യ​മ​ക​റ്റാ​ൻ ന​മ്മി​ലെ​ത്ര പേ​ർ ഒ​രു ചെ​റു​വി​ര​ൽ​പോ​ലും അ​ന​ക്കു​ന്നു​ണ്ട്? ന​മു​ക്കു മി​ച്ച​മു​ണ്ടാ​യി​ട്ട് അ​ല്ലെ​ങ്കി​ൽ ഉ​ണ്ടാ​യി​ട്ടു​വേ​ണ്ടേ എ​ന്നാ​യി​രി​ക്കാം പ​ല​രും ചോ​ദി​ക്കു​ക. എ​ന്നാ​ൽ, ന​മു​ക്ക് ഉ​ണ്ടാ​യി​ട്ടും മി​ച്ച​മു​ണ്ടാ​യി​ട്ടും ആ​രെ​യെ​ങ്കി​ലും സ​ഹാ​യി​ക്കാ​മെ​ന്നു വ​ച്ചാ​ൽ അ​തെ​ന്നെ​ങ്കി​ലും ന​ട​ക്കു​മോ?

റൈ​നോ​ൾ​ഡ്സ​ച്ച​ന്‍റെ ക​ഥ​യി​ലേ​ക്കു മ​ട​ങ്ങി​വ​ര​ട്ടെ. റൈ​നോ​ൾ​ഡ്സ് മാ​ന്നാ​ന​ത്തു കൊ​വേ​ന്ത വ​ക ബോ​ർ​ഡിം​ഗി​ൽ താ​മ​സി​ച്ചു പ​ഠി​ക്കു​ന്ന കാ​ലം. ഒ​രു ദി​വ​സം ബോ​ർ​ഡിം​ഗി​ന്‍റെ ചു​മ​ത​ല വ​ഹി​ക്കു​ന്ന അ​ച്ച​നും സ​ഹാ​യി റ​പ്പാ​യി​യും റൈ​നോ​ൾ​ഡ്സും കൂ​ടി മാ​ന്നാ​നം കു​ന്നി​റ​ങ്ങി പാ​വ​ങ്ങ​ളു​ടെ കു​ടി​ലു​ക​ളി​ൽ ഭ​ക്ഷ​ണ​വു​മാ​യി എ​ത്തി.

ആ ​കു​ടി​ലു​ക​ളി​ലെ മ​നു​ഷ്യ​ർ ഒ​രു പു​ഞ്ചി​രി​യോ​ടെ അ​വ​രു​ടെ വി​ശ​പ്പ​ക​റ്റു​ന്ന​തു ക​ണ്ട​ശേ​ഷം മ​ട​ങ്ങു​ന്പോ​ൾ റൈ​നോ​ൾ​ഡ്സ് ത​ന്‍റെ റെ​ക്ട​റ​ച്ച​നോ​ടു പ​റ​ഞ്ഞു: "ഉ​ള്ള​തീ​ന്ന് പ​കു​ത്തു​കൊ​ടു​ക്കു​ന്പോ​ഴു​ള്ള സ​ന്തോ​ഷം മ​നു​ഷ്യ​ൻ അ​നു​ഭ​വി​ക്കാ​ന​ല്ലേ അ​ച്ചാ ഈ ​ദാ​രി​ദ്ര്യം.'

ഫ്രാ​ൻ​സി​സ് നൊ​റോ​ണ​യു​ടെ ഭാ​വ​ന സൃ​ഷ്ടി​ച്ച റൈ​നോ​ൾ​ഡ്സ​ച്ച​ൻ ചെ​യ്ത​തു ക​ല​ത്തി​ലി​ല്ലാ​ത്ത​വ​ർ​ക്ക് ഉ​ള്ള​തീ​ന്നു പ​ങ്കു​വ​യ്ക്കു​ക​യാ​യി​രു​ന്നു. അ​ങ്ങ​നെ​യാ​ണ് അ​ദ്ദേ​ഹം ത​ന്‍റെ ജീ​വി​ത​ത്തി​ന​ർ​ഥം ക​ണ്ട​ത്. അ​തു​വ​ഴി ഒ​ട്ടേ​റെ അ​ഗ​തി​ക​ളെ അ​തി​ജീ​വ​ന​ത്തി​നു സ​ഹാ​യി​ച്ച​ത്. ന​മു​ക്കും ഉ​ള്ള​തീ​ന്നു പ​ങ്കു​വ​യ്ക്കാം. മി​ച്ച​മു​ണ്ടാ​കാ​ൻ വേ​ണ്ടി കാ​ത്തി​രി​ക്കേ​ണ്ട. അ​പ്പോ​ൾ മാ​ത്ര​മേ വി​ശ​പ്പ​റി​യാ​ത്ത ന​മു​ക്കു വി​ശ​പ്പു​ള്ള​വ​രു​ടെ വി​ശ​പ്പ​ക​റ്റാ​ൻ സാ​ധി​ക്കൂ.

ഫാ. ​ജോ​സ് പ​ന്ത​പ്ലാം​തൊ​ട്ടി​യി​ൽ