2000-ൽ ​പു​റ​ത്തി​റ​ങ്ങി​യ ഒ​രു ഹോ​ളി​വു​ഡ് ച​ല​ച്ചി​ത്ര​മാ​ണു പേ ഇ​റ്റ് ഫോ​ർ വേ​ർ​ഡ് . ഇ​തേ​പേ​രി​ൽ കാ​ത​റൈ​ൻ ഹൈ​ഡ് എ​ഴു​തി​യ നോ​വ​ലി​നെ ആ​ധാ​ര​മാ​ക്കി മി​മി ലെ​ഡു ആ​ണ് ഈ ​ചി​ത്രം സം​വി​ധാ​നം ചെ​യ്ത​ത്. ബോ​ക്സ് ഓ​ഫീ​സി​ൽ സാ​മാ​ന്യം ന​ല്ല വി​ജ​യം ക​ര​സ്ഥ​മാ​ക്കി​യ ഈ ​ചി​ത്ര​ത്തി​നു ലെ​ഡ്‌ലി ഡി​ക്സ​ണ്‍ തി​ര​ക്ക​ഥ എ​ഴു​തി.
പ​തി​നൊ​ന്നു​ വ​യ​സു​ള്ള ട്രെ​വ​ർ മ​ക്കി​ന്നി​യാ​ണു ഈ ​സി​നി​മ​യി​ലെ പ്ര​ധാ​ന ക​ഥാ​പാ​ത്രം. ഏ​ഴാം​ക്ലാ​സ് വി​ദ്യാ​ർ​ഥി​യാ​ണ​വ​ൻ. ക്ലാ​സി​ന്‍റെ ആ​ദ്യ​ത്തെ ദി​വ​സം സോ​ഷ്യ​ൽ സ്റ്റ​ഡീ​സ് ടീ​ച്ച​ർ യൂ​ജി​ൻ സൈ​മ​ണ​റ്റ് ബോ​ർ​ഡി​ൽ ഇ​പ്ര​കാ​രം എ​ഴു​തി: ലോ​ക​ത്തി​നു മാ​റ്റം വ​രു​ത്താ​വു​ന്ന എ​ന്തെ​ങ്കി​ലും പു​തി​യ കാ​ര്യ​ത്തെ​ക്കു​റി​ച്ചു ചി​ന്തി​ക്കൂ. എ​ന്നി​ട്ട് അ​ത​നു​സ​രി​ച്ചു പ്ര​വ​ർ​ത്തി​ക്കൂ​.
മ​ക്കി​ന്നി​ക്ക് ഈ ​നി​ർ​ദേ​ശം ഇ​ഷ്ട​പ്പെ​ട്ടു. അ​വ​ൻ ത​ല​പു​ക​ഞ്ഞാ​ലോ​ചി​ച്ചു. ഒ​രു പ്രോ​ജ​ക്ടി​ന് രൂ​പം ന​ൽ​കി. അ​വ​ൻ ആ ​പ്രോ​ജ​ക്ടി​നെ ‘പേ ​ഇ​റ്റ് ഫോ​ർ​വേ​ർ​ഡ്’ എ​ന്നു​വി​ളി​ച്ചു. ഈ ​പ്രോ​ജ​ക്ട് അ​നു​സ​രി​ച്ച്, ഒ​രാ​ൾ മ​റ്റൊ​രാ​ളി​ൽ​നി​ന്ന് ഏ​തെ​ങ്കി​ലും രീ​തി​യി​ലു​ള്ള ഒ​രു സ​ഹാ​യം സ്വീ​ക​രി​ച്ചാ​ൽ, അ​തി​നു പ്ര​ത്യു​പ​കാ​രം ചെ​യ്യു​ന്ന​തി​നു പ​ക​ര​മാ​യി സ​ഹാ​യം സ്വീ​ക​രി​ച്ച​യാ​ൾ മ​റ്റ് മൂ​ന്നു​പേ​ർ​ക്ക് എ​ന്തെ​ങ്കി​ലും നൻമ ​പ്ര​വൃ​ത്തി ചെ​യ്യ​ണം. ആ ​മൂ​ന്നു​പേ​രും മ​റ്റു മൂ​ന്നു​പേ​ർ​ക്കു​വീ​തം നൻമ പ്ര​വൃ​ത്തി​ചെ​യ്യ​ണം. അ​ങ്ങ​നെ നൻമ പ്രവൃ​ത്തി​ക​ളു​ടെ ച​ങ്ങ​ല മു​ന്നോ​ട്ടു​നീ​ണ്ടു​പോ​ക​ണം.
മ​ക്കി​ന്നി​ത​ന്നെ ആ​ദ്യം ഈ ​പ്രോ​ജ​ക്ട​നു​സ​രി​ച്ചു പ്ര​വ​ർ​ത്തി​ക്കാ​ൻ തു​ട​ങ്ങി. ത​ന്‍റെ ഹോം​വ​ർ​ക്ക് ബു​ക്കി​ന്‍റെ ഒ​രു പേ​ജി​ൽ ഒ​രു വൃ​ത്തം വ​ര​ച്ചു. അ​തി​ന്‍റെ മ​ധ്യ​ത്തി​ൽ ത​ന്‍റെ പേ​ര് എ​ഴു​തി. അ​തി​നു​ശേ​ഷം ഈ ​വൃ​ത്ത​ത്തി​ൽ​നി​ന്നു മൂ​ന്നു വ​ര​ക​ൾ വ​ര​ച്ചു. അ​വ​യു​ടെ അ​റ്റ​ത്തു മൂ​ന്നു വൃ​ത്ത​ങ്ങ​ൾ​കൂ​ടി വ​ര​ച്ചു. അ​വ​യി​ൽ ആ​ദ്യ​ത്തേ​തി​ൽ ത​ന്‍റെ അ​മ്മ​യു​ടെ പേ​ര് ‘ആ​ർ​ലീൻ’ എ​ഴു​തി​വ​ച്ചു. മ​ദ്യ​ത്തി​ന്‍റെ അ​ടി​മ​യാ​യ ത​ന്‍റെ അ​മ്മ​യെ അ​തി​ൽ​നി​ന്നു മോ​ചി​പ്പി​ക്കു​വാ​ൻ വേ​ണ്ട സ​ഹാ​യം ചെ​യ്തു​കൊ​ടു​ക്കു​ക എ​ന്ന​താ​ണ് അ​വ​ന്‍റെ ല​ക്ഷ്യം.
ര​ണ്ടാ​മ​ത്തെ വൃ​ത്ത​ത്തി​ൽ ത​ന്‍റെ സ​ഹ​പാ​ഠി​യാ​യ ആ​ദ​ത്തി​ന്‍റെ പേ​ര് എ​ഴു​തി. ക്ലാ​സി​ലെ മ​ല്ലന്മാ​രാ​യ കു​ട്ടി​ക​ൾ ആദത്തിനെ നി​ര​ന്ത​രം ശ​ല്യ​പ്പെ​ടു​ത്തു​മായിരുന്നു. അ​വ​രുടെ ശ​ല്യം നേ​രി​ടാ​ൻ ആ​ദത്തി​നെ സ​ഹാ​യി​ക്കു​ക​യാ​ണ് അ​വ​ന്‍റെ ല​ക്ഷ്യം. മൂ​ന്നാ​മ​ത്തെ വൃ​ത്ത​ത്തി​ൽ ത​ന്‍റെ അ​ധ്യാ​പ​ക​നാ​യ സൈ​മ​ണി​ന്‍റെ​യും പേ​ര് എ​ഴു​തി. ത​ന്‍റെ അ​മ്മ​യു​മാ​യി പ്രേ​മ​ത്തി​ലാ​കു​വാ​ൻ അ​ദ്ദേ​ഹ​ത്തെ സ​ഹാ​യി​ക്കു​ക എ​ന്ന​താ​ണ് അ​വ​ന്‍റെ പ്ലാ​ൻ.
ഇ​തി​നി​ട​യി​ൽ തെ​രു​വി​ൽ ക​ഴി​ഞ്ഞി​രു​ന്ന, മ​യ​ക്കു​മ​രു​ന്നി​ന്‍റെ അ​ടി​മ​യാ​യ ജെ​റി എ​ന്നു​പേ​രു​ള്ള ഒ​രാ​ളെ സ​ഹാ​യി​ക്കാ​ൻ മ​ക്കി​ന്നി തീ​രു​മാ​നി​ച്ചു. അ​ങ്ങ​നെ​യാ​ണ് അ​മ്മ​യെ അ​റി​യി​ക്കാ​തെ മ​ക്കി​ന്നി അ​യാ​ളെ കാ​ർ പാ​ർ​ക്കു ചെ​യ്തി​രു​ന്ന ഗാ​രേ​ജി​ൽ താ​മ​സി​പ്പി​ക്കാ​നി​ട​യാ​യ​ത്. അ​യാ​ൾ​ക്കു വേ​റെ​യും സ​ഹാ​യ​ങ്ങ​ൾ ചെ​യ്തു കൊ​ടു​ത്തു. എ​ന്നാ​ൽ, അ​മ്മ അ​റി​ഞ്ഞ​പ്പോ​ൾ അ​വ​ർ മ​ക്കി​ന്നി​യു​ടെ അ​ധ്യാ​പ​ക​നാ​യ സൈ​മ​ണി​നോ​ടു പ​രാ​തി​പ്പെ​ട്ടു.
മ​ക്കി​ന്നിയു​ടെ സ​ഹാ​യം സ്വീ​ക​രി​ച്ച ജെ​റി, മ​ക്കി​ന്നി ആ​ഗ്ര​ഹി​ച്ച​തു​പോ​ലെ മ​യ​ക്കു​മ​രു​ന്നി​ൽ​നി​ന്നു മോ​ച​നം നേ​ടി​യി​ല്ലെ​ങ്കി​ലും മ​റ്റു​ള്ള​വ​ർ​ക്കു നന്മ ​പ്ര​വൃ​ത്തി​ക​ൾ ചെ​യ്യാ​ൻ ത​യാ​റാ​യി. അ​യാ​ൾ മ​ക്കി​ന്നി​യു​ടെ അ​മ്മ​യു​ടെ കാ​ർ റി​പ്പ​യ​ർ ചെ​യ്തു​കൊ​ടു​ത്തു. അ​തു​പോ​ലെ, ആ​ത്മ​ഹ​ത്യ​യ്ക്ക് തു​നി​ഞ്ഞ ഒ​രു സ്ത്രീ​യെ അ​തി​ൽ​നി​ന്നു പി​ന്തി​രി​പ്പി​ക്ക​ുകയും ചെ​യ്തു.
ത​ന്‍റെ അ​മ്മ​യെ​യും അ​ധ്യാ​പ​ക​നെ​യും ഒ​ന്നി​പ്പി​ക്കു​വാ​നു​ള്ള മ​ക്കി​ന്നി​യു​ടെ പ​രി​ശ്ര​മം ആ​ദ്യ​മൊ​ന്നും വി​ജ​യി​ച്ചി​ല്ല. എ​ങ്കി​ലും നി​ര​ന്ത​ര​പ​രി​ശ്ര​മം​കൊ​ണ്ട് മ​ക്കി​ന്നി അ​തു നേ​ടി​യെ​ടു​ത്തു. അ​ങ്ങ​നെ​യാ​ണ്, ആ​ർ​ലീ​ൻ ത​ന്‍റെ അ​മ്മ​യു​ടെ തെ​റ്റു​ക​ൾ ക്ഷ​മി​ച്ചു​കൊ​ണ്ടു നൻമ പ്ര​വൃ​ത്തി​ക​ളു​ടെ ച​ങ്ങ​ല മു​ന്നോ​ട്ടു​കൊ​ണ്ടു​പോ​കു​വാ​ൻ ഇ​ട​യാ​യ​ത്. അ​തു​പോ​ലെ, മ​ദ്യ​പാ​നാ​സ​ക്തി​യി​ൽ​നി​ന്നു മോ​ച​നം നേ​ടു​വാ​നും ആ​ർ​ലീ​നു സാ​ധി​ച്ചു.
മ​ക്കി​ന്നി തു​ട​ങ്ങി​വ​ച്ച നൻമ ​പ്ര​വൃ​ത്തി​ക​ൾ​ക്കു വ​ള​രെ ഫ​ല​മു​ണ്ടാ​യി. മ​ക്കി​ന്നി​യി​ൽനിന്നു നൻമ ​സ്വീ​ക​രി​ച്ച​വ​ർ അ​വ​ർ വേ​റെ മൂ​ന്നു​പേ​ർ​ക്കു​വീ​തം നൻമ ​ചെ​യ്തു. അ​വ​ർ ഓ​രോ​രു​ത്ത​രും വേ​റെ മൂ​ന്നു​പേ​രെ സ​ഹാ​യി​ച്ചു. അ​ങ്ങ​നെ​യാ​ണ് ഒ​രു അ​പ​ക​ട​ത്തി​ൽ​പ്പെ​ട്ട് ഒ​രു പ​ത്ര​പ്ര​വ​ർ​ത്ത​ക​ന്‍റെ കാ​ർ പൂ​ർ​ണ​മാ​യി ത​ക​ർ​ന്നു​പോ​യ​പ്പോ​ൾ ഒ​രു അ​ഡ്വ​ക്കേ​റ്റ് ആ ​പ​ത്ര​പ്ര​വ​ർ​ത്ത​ക​നു വി​ല​യേ​റി​യ ഒ​രു കാ​ർ സ​മ്മാ​നി​ച്ച​ത്.
കാ​ർ ല​ഭി​ക്കാ​നി​ട​യാ​യ പ​ത്ര​പ്ര​വ​ർ​ത്ത​ക​ൻ അ​തേക്കു​റി​ച്ച് അ​ഡ്വ​ക്കേ​റ്റി​നോ​ട് അ​ന്വേ​ഷി​ച്ച​തിനെത്തുടർന്ന് ‘പേ ​ഇ​റ്റ് ഫോ​ർ​വേ​ർ​ഡ്’ എ​ന്ന പ്രോ​ജ​ക്ടി​ന്‍റെ ഉ​പ​ജ്ഞാ​താ​വാ​യ മ​ക്കി​ന്നി​യെ ക​ണ്ടു​പി​ടി​ച്ച് ഇ​ന്‍റ​ർ​വ്യൂ ചെ​യ്തത്. എ​ന്നാ​ൽ, ഇ​തു​ക​ഴി​ഞ്ഞ് അ​ധി​കം താ​മ​സി​യാ​തെ, സ​ഹ​പാ​ഠി​ക​ളു​ടെ ശ​ല്യ​ത്തി​ൽ​നി​ന്ന് അ​ദ്ദേ​ഹ​ത്തെ ര​ക്ഷി​ക്കാ​ൻ ശ്ര​മി​ക്കു​ന്ന​തി​നി​ടെ ഒ​രു വി​ദ്യാ​ർ​ഥി​യു​ടെ കു​ത്തേ​റ്റ് മ​ക്കി​ന്നി മ​ര​ണ​മ​ട​ഞ്ഞു.
ഇ​തു വ​ലി​യ വാ​ർ​ത്ത​യാ​യി. അ​തോ​ടൊ​പ്പം, മ​ക്ക​ിന്നി ആ​രം​ഭി​ച്ച പ്രോ​ജ​ക്ടി​നും വ​ലി​യ പ്രാ​ധാ​ന്യം ല​ഭി​ച്ചു. അ​ത് ഈ ​പ്രോ​ജ​ക്ടി​നെ വ​ലി​യ വി​ജ​യ​ത്തി​ലേ​ക്കു ന​യി​ക്കു​ന്ന​തോ​ടെ ക​ഥ അ​വ​സാ​നി​ക്കു​ന്നു.
ആ​രെ​ങ്കി​ലു​മൊ​രാ​ൾ ന​മു​ക്കു നൻമ ​ചെ​യ്താ​ൽ നാം ​പ്ര​ത്യു​പ​കാ​രം ചെ​യ്യാ​ൻ പ​രി​ശ്ര​മി​ക്കും. അ​തു ന​ല്ല​കാ​ര്യം​ത​ന്നെ​യാ​ണ്. എ​ന്നാ​ൽ, അ​തു​പോ​ലെ പ്ര​ധാ​ന​പ്പെ​ട്ട​താ​ണ് ന​മു​ക്കു ല​ഭി​ച്ച ഒ​രു നൻമ ​ന​മ്മു​ടെ നൻമ പ്ര​വൃ​ത്തി​ക​ളു​ടെ ഒ​രു ശൃം​ഖ​ല​യ്ക്ക് വ​ഴി​തെ​ളി​ക്കു​ക എ​ന്ന​തും. മ​ക്കി​ന്നി​യു​ടെ സ്വ​പ്നം അ​താ​യി​രു​ന്നു. ആ ​സ്വ​പ്നം ഒ​രു​പ​രി​ധി​വ​രെ പൂ​വ​ണി​യു​ക​യും ചെ​യ്തു. അ​ങ്ങ​നെ​യാ​ണ് മ​ക്കി​ന്നി​യു​ടെ അ​മ്മ​യു​ടെ​യും അ​വ​ന്‍റെ അ​ധ്യാ​പ​ക​ന്‍റെ​യും മ​ക്കി​ന്നി സ​ഹാ​യി​ച്ച ജെ​റി​യു​ടെ​യു​മൊ​ക്കെ ജീ​വി​തം ഏ​റെ മെ​ച്ച​പ്പെ​ടാ​നി​ട​യാ​യ​ത്.
‘പേ ​ഇ​റ്റ് ഫോ​ർ​വേ​ർ​ഡ്’ എ​ന്ന ഗ്ര​ന്ഥ​ത്തി​ൽ​നി​ന്നു പ്ര​ചോ​ദ​നം ഉ​ൾ​ക്കൊ​ണ്ടു പേ ​ഇ​റ്റ് ഫോ​ർ​വേ​ഡ് ഡേ ​ആ​ച​ര​ണം 2007-ൽ ​ആ​രം​ഭി​ച്ചു. ഇ​തി​നു മു​ന്പ് 2000-ൽ ​പേ ഇ​റ്റ് ഫോ​ർ​വേ​ഡ് ഫൗ​ണ്ടേ​ഷ​നും പ്ര​വ​ർ​ത്ത​നം ആ​രം​ഭി​ച്ചി​രു​ന്നു. ഇ​തി​ന്‍റെ​യൊ​ക്കെ ല​ക്ഷ്യം അ​ർ​ഹ​രാ​യ​വ​ർ​ക്ക് കാ​രു​ണ്യ​പ്ര​വൃ​ത്തി​ക​ൾ ചെ​യ്തു​കൊ​ടു​ക്കു​ക എ​ന്ന​താ​ണ്. എ​ന്നാ​ൽ, അ​തോ​ടൊ​പ്പം കാ​രു​ണ്യ​പ്ര​വൃ​ത്തി​ക​ളു​ടെ ഫ​ലം അ​നു​ഭ​വി​ക്കു​ന്ന​വ​ർ മൂ​ന്നി​ര​ട്ടി​യാ​യി അ​തു കൈ​മാ​റു​ക​യും വേ​ണം.
ഒ​ന്ന് ആ​ലോ​ചി​ച്ചു നോ​ക്കൂ. ന​മു​ക്ക് ഒ​രു നൻമ ​പ്ര​വൃ​ത്തി​യു​ടെ ഫ​ലം ല​ഭി​ച്ചാ​ൽ ഉ​ട​നെ​ത​ന്നെ നാം ​മൂ​ന്നു നൻമ പ്ര​വൃ​ത്തി​ക​ൾ​ക്കു ശ്ര​മി​ക്കു​ക​യാ​ണെ​ന്നു ക​രു​തു​ക. അ​വ​യു​ടെ ഫ​ലം അ​നു​ഭ​വി​ക്കു​ന്ന​വ​ർ വേ​റേ മൂ​ന്നു പേ​ർ​ക്കു വീ​ത​വും നൻമ ​ചെ​യ്യാ​ൻ ശ്ര​മി​ക്കു​ന്നു. അ​ങ്ങ​നെ നൻമ ​പ്ര​വൃ​ത്തി​ക​ളു​ടെ ശൃം​ഖ​ല നീ​ണ്ടു​പോ​കു​ന്നു. അ​പ്പോ​ൾ ന​മ്മു​ടെ ലോ​ക​ത്തി​നു മാ​റ്റം​വ​രി​ല്ലേ? തീ​ർ​ച്ച​യാ​യും മാ​റ്റം​വ​രും. ആ ​മാ​റ്റം പു​തി​യൊ​രു ലോ​ക​സൃ​ഷ്ടി​ക്കു വ​ഴി​തെ​ളി​ക്കു​ന്ന​തു​മാ​യി​രി​ക്കും.
എ​ന്നാ​ൽ, ഇ​തു പ​റ​യു​ന്ന​തു​പോ​ലെ അ​ത്ര എ​ളു​പ്പ​മാ​യി​രി​ക്കു​ക​യി​ല്ല. എ​ങ്കി​ലും ന​മു​ക്ക് ശ്ര​മി​ച്ചു​നോ​ക്കാം. നാം ​ആ​ർ​ക്കെ​ങ്കി​ലും നന്മ ചെ​യ്യു​ന്പോ​ൾ അ​തി​നു പ്ര​ത്യു​പ​കാ​രം സ്വീ​ക​രി​ക്കു​ന്ന​തി​നു പ​ക​രം അ​വ​ർ മ​റ്റു​ള്ള​വ​ർ​ക്കു നൻമ ​ചെ​യ്യാ​ൻ ന​മു​ക്ക് അ​വ​രെ ഓ​ർ​മി​പ്പി​ക്കാം. അ​പ്പോ​ൾ നൻമ പ്ര​വൃ​ത്തി​ക​ളു​ടെ ച​ങ്ങ​ല മു​ന്നോ​ട്ടു നീ​ണ്ടു​പൊ​യ്ക്കൊ​ള്ളും.

ഫാ. ജോസ് പന്തപ്ലാംതൊട്ടിയിൽ