സ്നേഹത്തിന്‍റെ കിരീടം
രണ്ടാം ലോകമഹായുദ്ധകാലത്തു നിന്ന് ഒരു കഥ. ഡി​സം​ബ​ർ 20, 1943. അ​ന്ന് അ​മേ​രി​ക്ക​ൻ ബോം​ബ​ർ പൈ​ല​റ്റാ​യ ചാ​ർ​ളി ലെ​സ്റ്റ​ർ ബ്രൗ​ണി​ന് (1922-2008) 21 വ​യ​സ് മാ​ത്രം. എ​ങ്കി​ലും ജ​ർ​മ​നി​യി​ലെ ബ്രീ​മ​നി​ൽ ബോം​ബാ​ക്ര​മ​ണ​ത്തി​നാ​യി നി​യ​മി​ത​രാ​യ​വ​രി​ൽ ബ്രൗ​ണും ഉ​ണ്ടാ​യി​രു​ന്നു.
ബ്രൗ​ണും മ​റ്റു നാ​ലു​പേ​രും ഉ​ൾ​പ്പെ​ടെ ബ്രി​ട്ട​നി​ൽ​നി​ന്ന് ഒ​രു ബി-17 ​യു​ദ്ധ​വി​മാ​ന​ത്തി​ൽ ജ​ർ​മ​നി​ക്കു പ​റ​ന്നു. ഈ ​ദൗ​ത്യ​ത്തി​ൽ മ​റ്റു യു​ദ്ധ​വി​മാ​ന​ങ്ങ​ളും അ​വ​രോ​ടൊ​പ്പ​മു​ണ്ടാ​യി​രു​ന്നു. 27,300 അ​ടി ഉ​യ​ര​ത്തി​ൽ പ​റ​ന്ന ബ്രൗ​ണി​ന്‍റെ വി​മാ​നം ബ്രീ​മ​നി​ൽ ബോം​ബ് വ​ർ​ഷി​ച്ചു. പ​ക്ഷേ, അ​പ്പോ​ഴേ​ക്കും ജ​ർ​മ​നി​യു​ടെ യു​ദ്ധ​വി​മാ​ന​ങ്ങ​ൾ ബ്രൗ​ണി​ന്‍റെ​യും മ​റ്റു വി​മാ​ന​ങ്ങ​ളു​ടെ​യും നേ​രെ വെ​ടി​വ​യ്പ് തു​ട​ങ്ങി.

ജ​ർ​മ​ൻ യു​ദ്ധ​വി​മാ​ന​ത്തി​ൽ​നി​ന്നു​ള്ള വെ​ടി​യേ​റ്റ് ബ്രൗ​ണി​ന്‍റെ വി​മാ​ന​ത്തി​ലെ​ ഒ​രാ​ൾ മ​ര​ണ​മ​ട​ഞ്ഞു. മ​റ്റു മൂ​ന്നു​പേ​ർ​ക്കു സാ​ര​മാ​യ പ​രി​ക്കേ​ൽ​ക്കു​ക​യും ചെ​യ്തു. വി​മാ​നം പ​റ​പ്പി​ച്ചി​രു​ന്ന ബ്രൗ​ണി​ന്‍റെ വ​ല​തു​തോ​ള​ത്തു വെ​ടി​യേ​റ്റു. നാ​ല് എ​ൻ​ജി​നു​ക​ളു​ള്ള ബി-17 ​യു​ദ്ധ​വി​മാ​ന​ത്തി​ന്‍റെ മൂ​ന്ന് എ​ൻ​ജി​നു​ക​ളും വെ​ടി​യേ​റ്റു പ്ര​വ​ർ​ത്ത​ന​ര​ഹി​ത​മാ​യി. ജീ​വ​ൻ നി​ല​നി​ർ​ത്ത​ണ​മെ​ങ്കി​ൽ പ്ര​ത്യാ​ക്ര​മ​ണം ന​ട​ത്തി​യേ മ​തി​യാ​കൂ എ​ന്നു മ​ന​സി​ലാ​ക്കി​യ ബ്രൗ​ണ്‍ ജ​ർ​മ​ൻ യു​ദ്ധ​വി​മാ​ന​ങ്ങ​ളോ​ട് ഏ​ക​നാ​യി പോ​രാ​ടാ​ൻ തു​ട​ങ്ങി. അ​തി​നി​ട​യി​ൽ ഓ​ക്സി​ജ​ന്‍റെ കു​റ​വു​മൂ​ലം ബോ​ധം മ​ങ്ങി​യ ബ്രൗ​ണി​നു വി​മാ​നം നി​യ​ന്ത്രി​ക്കാ​നാ​വാ​തെ വ​ന്നു. തൻമൂലം വി​മാ​നം വേ​ഗം ഭൂ​മി​യി​ൽ​നി​ന്ന് ആയിരം അ​ടി​വ​രെ താ​ഴ്ന്നു.

ഇ​തി​നി​ട​യി​ൽ ബോ​ധം​വീ​ണു​കി​ട്ടി​യ ബ്രൗ​ണ്‍ വി​മാ​ന​ത്തി​ന്‍റെ നി​യ​ന്ത്ര​ണം വീ​ണ്ടെ​ടു​ത്തു സാ​വ​ധാ​നം ഉ​യ​ര​ത്തി​ലേ​ക്കു പ​റ​ന്നു​പൊ​ങ്ങി. ത​ന്‍റെ​യും സ​ഹ​പ്ര​വ​ർ​ത്ത​ക​രു​ടെ​യും ജീ​വ​ൻ ര​ക്ഷി​ക്കാ​നാ​യി ബ്രൗ​ണ്‍ ബ്രി​ട്ട​നി​ലേ​ക്കു തി​രി​ച്ചു​പ​റ​ക്കാ​ൻ തീ​രു​മാ​നി​ച്ചു. അ​പ്പോ​ൾ ഒ​രു ജ​ർ​മ​ൻ യു​ദ്ധ​വി​മാ​നം ത​ന്‍റെ വി​മാ​ന​ത്തോ​ടൊ​പ്പം പ​റ​ക്കു​ന്ന​താ​യി ബ്രൗ​ണി​ന്‍റെ ശ്ര​ദ്ധ​യി​ൽ​പ്പെ​ട്ടു. ബ്രൗ​ണ്‍ ആ ​വി​മാ​ന​ത്തി​ലേ​ക്കു നോ​ക്കു​ന്പോ​ൾ ജ​ർ​മ​ൻ പൈ​ല​റ്റ് കൈ​ക​ൾ വീ​ശി ബ്രൗ​ണി​നെ അ​ഭി​വാ​ദ്യം​ ചെ​യ്തു. അ​തി​നു​ശേ​ഷം ജ​ർ​മ​നി​യി​ൽ ലാ​ൻ​ഡ് ചെ​യ്യാ​ൻ കൈ​കൊ​ണ്ടു നി​ർ​ദേ​ശം ന​ൽ​കി.
എ​ന്നാ​ൽ, ബ്രൗ​ണ്‍ അ​തി​നു ത​യാ​റാ​യി​ല്ല. അ​ദ്ദേ​ഹം ബ്രി​ട്ട​ൻ ല​ക്ഷ്യ​മാ​ക്കി പ​റ​ന്നു. അ​പ്പോ​ൾ, ജ​ർ​മ​ൻ പൈ​ല​റ്റ് കു​റെ​ദൂ​രം ബ്രൗ​ണി​നെ അ​ക​ന്പ​ടി സേ​വി​ച്ചു പ​റ​ന്നു. അ​തി​നു​ശേ​ഷം ബ്രൗ​ണി​നെ സ​ല്യൂ​ട്ട് ചെ​യ്ത് അ​ദ്ദേ​ഹം തി​രി​കെ പോ​യി.

എ​ന്തു​കൊ​ണ്ടാ​ണ് ബ്രൗ​ണി​നെ​യും സ​ഹ​പ്ര​വ​ർ​ത്ത​ക​രെ​യും വെ​ടി​വ​ച്ചി​ടാ​ൻ സു​വ​ർ​ണാ​വ​സ​രം ല​ഭി​ച്ചി​ട്ടും ജ​ർ​മ​ൻ പൈ​ല​റ്റ് അ​തു ചെ​യ്യാ​തെ​ പോ​യ​ത്? വ​ർ​ഷ​ങ്ങ​ൾ​ക്കു​ശേ​ഷ​മാ​ണ് ബ്രൗ​ണി​ന് അ​തി​ന്‍റെ ഉ​ത്ത​രം ല​ഭി​ച്ച​ത്. ബ്രൗ​ണ്‍ അ​ന്ന് സു​ര​ക്ഷി​ത​മാ​യി ബ്രി​ട്ട​നി​ൽ മ​ട​ങ്ങി​യെ​ത്തി. സം​ഭ​വി​ച്ച കാ​ര്യ​ങ്ങ​ൾ അ​ദ്ദേ​ഹം അ​ധി​കാ​രി​ക​ളെ അ​റി​യി​ച്ചു. എ​ന്നാ​ൽ, അ​തു ര​ഹ​സ്യ​മാ​ക്കി​വ​യ്ക്കാ​നാ​ണ് അ​വ​ർ തീ​രു​മാ​നി​ച്ച​ത്. ബ്രൗ​ണ്‍ യു​ദ്ധ​കാ​ല ജോ​ലി പൂ​ർ​ത്തി​യാ​ക്കി അ​മേ​രി​ക്ക​യി​ൽ മ​ട​ങ്ങി​യെ​ത്തി കോ​ള​ജ് വി​ദ്യാ​ഭ്യാ​സം പൂ​ർ​ത്തി​യാ​ക്കി എ​യ​ർ​ഫോ​ഴ്സി​ലും സ്റ്റേ​റ്റ് ഡി​പ്പാ​ർ​ട്ട്മെ​ന്‍റി​ലും ഉ​ന്ന​ത ​ജോ​ലി​ക​ൾ നി​ർ​വ​ഹി​ച്ചു. ഇ​തി​നി​ട​യി​ൽ, ത​ന്‍റെ ജീ​വ​ൻ എ​ടു​ക്കാ​തെ വെ​റു​തെ​വി​ട്ട ജ​ർ​മ​ൻ പൈ​ല​റ്റി​നെ അ​ദ്ദേ​ഹം മ​റ​ന്നു​പോ​യി​ല്ല.

1986 ൽ ​ആ ജ​ർ​മ​ൻ പൈ​ല​റ്റി​നെ ക​ണ്ടു​പി​ടി​ക്കാ​നു​ള്ള അ​ന്വേ​ഷ​ണം തു​ട​ങ്ങി. അ​വ​സാ​നം 1990ൽ ​ബ്രൗ​ണ്‍ അ​ദ്ദേ​ഹ​ത്തെ ക​ണ്ടെ​ത്തി. ഫ്രാ​ൻ​സ് സ്റ്റിഗ്ള​ർ എ​ന്ന ആ ​പൈ​ല​റ്റ് അ​പ്പോ​ൾ കാ​ന​ഡ​യി​ൽ താ​മ​സ​ക്കാ​ര​നാ​യി​രു​ന്നു. ബ്രൗ​ണ്‍ അ​ദ്ദേ​ഹ​ത്തെ സ​ന്ദ​ർ​ശി​ച്ച് ത​ന്‍റെ ന​ന്ദി അ​റി​യി​ച്ചു. അ​ന്നു​ മു​ത​ൽ അ​വ​ർ ആ​ത്മാ​ർ​ഥ സു​ഹൃ​ത്തു​ക്ക​ളാ​യി മാ​റി. ബ്രൗ​ണും സ്റ്റിഗ്ള​റും ആ​കാ​ശ​ത്തി​ൽ ഏ​റ്റു​മു​ട്ടു​ന്ന ആ ​അ​വ​സ​ര​ത്തി​ൽ ര​ണ്ടു വി​മാ​ന​ങ്ങ​ളെ അ​ദ്ദേ​ഹം വെ​ടി​വ​ച്ചു വീ​ഴ്ത്തി​യി​രു​ന്നു. ഒ​രു വി​മാ​നം​കൂ​ടി വെ​ടി​വ​ച്ച് വീ​ഴ്ത്തി​യാ​ൽ അ​ദ്ദേ​ഹ​ത്തി​നു ജ​ർ​മ​ൻ ഗ​വ​ണ്‍​മെ​ന്‍റി​ന്‍റെ വ​ലി​യ ആ​ദ​രം ല​ഭി​ക്കു​മാ​യി​രു​ന്നു. എ​ങ്കി​ലും, അ​ദ്ദേ​ഹം അ​തി​നു ത​യാ​റാ​യി​ല്ല. ശ​ത്രു​വി​മാ​ന​ത്തെ വെ​ടി​വ​ച്ചി​ടാ​ൻ കി​ട്ടി​യ അ​വ​സ​രം വി​നി​യോ​ഗി​ച്ചി​ല്ല എ​ന്ന് അ​ധി​കാ​രി​ക​ൾ അ​റി​ഞ്ഞാ​ൽ അ​തി​നു വ​ൻ ശി​ക്ഷ​യും ഉ​ണ്ടാ​കു​മാ​യി​രു​ന്നു. ഈ ​പ​ശ്ചാ​ത്ത​ല​ത്തി​ലാ​യി​രു​ന്നു സ്റ്റി​ഗ്ള​ർ ബ്രൗ​ണി​നെ ര​ക്ഷ​പ്പെ​ടാ​ൻ അ​നു​വ​ദി​ച്ച​ത്.

എ​ന്തു​കൊ​ണ്ടാ​ണ് യു​ദ്ധ​ത്തി​ന്‍റെ അ​വ​സ​ര​മാ​യി​രു​ന്നു​വെ​ങ്കി​ലും സ്റ്റി​ഗ്ള​ർ ബ്രൗ​ണി​നോ​ടും ബ്രൗ​ണി​ന്‍റെ വി​മാ​ന​ത്തി​ൽ പ​രി​ക്കേ​റ്റ് അ​വ​ശ​രാ​യ മ​റ്റു പോ​രാ​ളി​ക​ളോ​ടും ക​രു​ണ കാ​ണി​ച്ച​ത്.
​ഏ​തു നി​മി​ഷ​വും നി​ലം​പ​തി​ക്കാ​വു​ന്ന രീ​തി​യി​ൽ ത​ക​ർ​ന്നി​രി​ക്കു​ന്ന വി​മാ​നം. സ്റ്റി​ഗ്ള​ർ ഒ​രി​ക്ക​ൽ പ​റ​ഞ്ഞു. അ​ർ​ഥ​മൃ​ത​രാ​യ മൂ​ന്നു​പേ​ർ. പ​രി​ക്കേ​റ്റ് പൈ​ല​റ്റും. അ​വ​രെ വെ​ടി​വ​ച്ചി​ടു​ന്ന​തി​നെ​ക്കു​റി​ച്ച് എ​നി​ക്കു ചി​ന്തി​ക്കാ​ൻ​പോ​ലും സാ​ധി​ച്ചി​ല്ല.​ സ്റ്റി​ഗ്ള​ർ യു​ദ്ധ​പോ​രാ​ളി​യാ​യി​രു​ന്നെ​ങ്കി​ലും ഹൃ​ദ​യ​മു​ള്ള മ​നു​ഷ്യ​നാ​യി​രു​ന്നു. തൻമൂല​മാ​ണ്, യു​ദ്ധ​രം​ഗ​ത്തു​പോ​ലും അ​ദ്ദേ​ഹം ക​രു​ണ കാ​ണി​ച്ച​ത്. അ​ദ്ദേ​ഹം ക​രു​ണ കാ​ണി​ച്ച​തു​മൂ​ലം അ​ന്നു നാ​ലു മ​നു​ഷ്യ​രു​ടെ ജീ​വ​ൻ ര​ക്ഷ​പ്പെ​ട്ടു. അ​തെ​ക്കു​റി​ച്ച് അ​വ​ർ എ​ന്നും ന​ന്ദി​യു​ള്ള​വ​രാ​യി​രു​ന്നു. സ്നേ​ഹ​ത്തി​ന്‍റെ കി​രീ​ടം ക​രു​ണ​യി​ലാ​ണെ​ന്ന് ആ​രോ പ​റ​ഞ്ഞി​ട്ടു​ണ്ട്. ഹൃ​ദ​യ​ത്തി​ൽ സ്നേ​ഹ​മു​ള്ള​വ​ർ​ക്കേ മ​റ്റു​ള്ള​വ​രോ​ട് കാ​ണി​ക്കാ​ൻ സാ​ധി​ക്കൂ. പ്ര​ത്യേ​കി​ച്ചും മ​റ്റു​ള്ള​വ​ർ ക​രു​ണ​യ്ക്ക് അ​ർ​ഹ​ര​ല്ല എ​ന്നു തോ​ന്നു​ന്ന അ​വ​സ​ര​ങ്ങ​ളി​ൽ. സ്റ്റി​ഗ്ള​റു​ടെ കാ​രു​ണ്യം ല​ഭി​ക്കു​ന്ന​തി​നു ബ്രൗ​ണി​ന് എ​ന്തെ​ങ്കി​ലും അ​ർ​ഹ​ത ഉ​ണ്ടാ​യി​രു​ന്നോ? ഒ​രി​ക്ക​ലു​മി​ല്ല. കാ​ര​ണം, ബ്രൗ​ണ്‍ സ്റ്റി​ഗ്ള​റെ​യും അ​ദ്ദേ​ഹ​ത്തി​ന്‍റെ സ​ഹ​പോ​രാ​ളി​ക​ളെ​യും വ​ധി​ക്കാ​നാ​യി​രു​ന്ന​ല്ലോ ശ്ര​മി​ച്ച​ത്.

ദൈ​വ​ത്തി​ന്‍റെ ഏ​റ്റ​വും വ​ലി​യ സ്വ​ഭാ​വ ​പ്ര​ത്യേ​ക​ത ക​രു​ണ​യാ​ണെ​ന്നു പ​ര​മ​കാ​രു​ണി​ക​നാ​യ യേ​ശു​ക്രി​സ്തു​ത​ന്നെ ഒ​രി​ക്ക​ൽ സെ​ന്‍റ് ഫൗ​സ്റ്റീ​ന​യോ​ട് ഒ​രു ദ​ർ​ശ​ന​ത്തി​ൽ പ​റ​ഞ്ഞി​ട്ടു​ണ്ട്. ​നി​ങ്ങ​ളു​ടെ സ്വ​ർ​ഗ​സ്ഥ​നാ​യ പി​താ​വ് ക​രു​ണ​യു​ള്ള​വ​നാ​യി​രി​ക്കു​ന്നതുപോ​ലെ നി​ങ്ങ​ളും ക​രു​ണ​യു​ള്ള​വ​രാ​യി​രി​ക്കു​വി​ൻ​ (ലൂ​ക്കാ 6:36) എ​ന്ന് അ​വി​ടു​ന്നു മു​ൻ​പ് പ​ഠി​പ്പി​ച്ചി​ട്ടു​ണ്ട​ല്ലോ. മ​ധു​ര​മാ​യ ക​രു​ണ ആ​ഢ്യ​ത്വത്തി​ന്‍റെ ല​ക്ഷ​ണ​മാ​ണെ​ന്നു വി​ല്യം ഷെ​യ്ക്സ്പി​യ​ർ പ​റ​ഞ്ഞി​രി​ക്കു​ന്ന​തു വെ​റു​തെ​യ​ല്ല. അ​ങ്ങ​നെ​യു​ള്ള ഒ​രു ക​രു​ണ​യാ​യി​രി​ക്ക​ട്ടെ നാം ​ന​മ്മു​ടെ ജീ​വി​ത​ത്തി​ൽ കാ​ണി​ക്കു​ന്ന​ത്.

ഫാ. ജോസ് പന്തപ്ലാംതൊട്ടിയിൽ


Copyright @ 2022 , Rashtra Deepika Ltd.