ചൈ​ന​ക്കാ​രു​ടെ നീ​ല മ​ണ്‍​പാ​ത്ര​ങ്ങ​ൾ
ഹാ​ൻ രാ​ജ​വം​ശ​ത്തി​ന്‍റെ കാ​ല​ത്തെ ശ​വ​കു​ടീ​ര​ങ്ങ​ൾ പ​രി​ശോ​ധി​ച്ച​പ്പോ​ൾ അ​ന്ന​ത്തെ പ​തി​വ​നു​സ​രി​ച്ച് ശ​വ​ശ​രീ​ര​ത്തി​നൊ​പ്പം അ​വ​രു​ടെ മ​ണ്‍​പാ​ത്ര​ങ്ങ​ളും മ​റ്റു പ​ല വ​സ്തു​ക്ക​ളും കു​ഴി​ച്ചി​ട്ട​ത് ക​ണ്ടെ​ടു​ത്തു. ഇ​ത് ചൈ​ന​യി​ലെ ചാ​ങ് നാ​ൻ എ​ന്ന സ്ഥ​ല​ത്താ​ണു ക​ണ്ട​ത്. അ​വി​ടെ ഈ ​പാ​ത്ര​ങ്ങ​ളു​ടെ ഒ​രു ക​ല​വ​റ ത​ന്നെ​യു​ണ്ട്.

ചൈ​ന​ക്കാ​ർ പ​ല കാ​ര്യ​ങ്ങ​ളി​ലും വ​ള​രെ​യ​ധി​കം പ്ര​ശ​സ്തി ക​ര​സ്ഥ​മാ​ക്കി​യ​വ​ർ ആ​ണ്. അ​തി​ൽ ഒ​ന്നാ​ണ് അ​വ​രു​ടെ നീ​ല മ​ണ്‍​പാ​ത്ര​ങ്ങ​ൾ. ബ്ലൂ ​പോ​ട്ട​റി എ​ന്ന് അ​റി​യ​പ്പെ​ടു​ന്ന ഈ ​പാ​ത്ര​ങ്ങ​ൾ നീ​ല പൂ​ക്ക​ളാ​ൽ അ​ല​ങ്ക​രി​ച്ച​വ​യാ​ണ്. ആ​രു ചൈ​ന​യ്ക്കു പോ​യി വ​ന്നാ​ലും അ​വ​ർ തീ​ർ​ച്ച​യാ​യും അ​വി​ട​ന്ന് ഒ​രു സു​ന്ദ​ര​മാ​യ നീ​ല പാ​ത്രം കൊ​ണ്ടു​വ​ന്നി​രി​ക്കും. ഇ​ത് ക​പ്പ് ആ​യാ​ലും പ്ലേ​റ്റാ​യാ​ലും ഒ​രു കൊ​ച്ചു ജ​ഗ് ആ​യാ​ലും വ​ള​രെ ലോ​ല​മാ​യ​തും കൗ​തു​ക​മേ​റി​യ​തു​മാ​ണ്. കൊ​ണ്ടു​വ​ന്നാ​ൽ അ​തു വ​ള​രെ സൂ​ക്ഷി​ച്ച് ചി​ല്ലു​കൂ​ട്ടി​ലാ​ക്കി​വ​യ്ക്കും. കാ​ര​ണം ഇ​വ ഏ​റെ വി​ല​പി​ടി​പ്പു​ള്ള​വ​യാ​ണ്.

ഇ​ങ്ങ​നെ​യു​ള്ള മ​നോ​ഹ​ര പാ​ത്ര​ങ്ങ​ളു​ടെ കാ​ര്യ​ത്തി​ൽ എ​ങ്ങ​നെ​യാ​യാ​ലും അ​തി​പു​രാ​ത​ന​മാ​യ ഒ​രു ച​രി​ത്ര​മു​ണ്ട്. 20,000 വ​ർ​ഷ​ങ്ങ​ൾ​ക്കു മു​ന്പ് തെ​ക്ക​ൻ ചൈ​ന​യി​ലെ ചി​ല മ​ല​ഞ്ചെ​രി​വു​ക​ളി​ലും ഗു​ഹ​ക​ളി​ലും പാ​റ​ക്കെ​ട്ടി​നി​ട​യ്ക്കും എ​ല്ലാം ആ​ൾ​പ്പാ​ർ​പ്പ് ഉ​ണ്ടാ​യി​രു​ന്നു​വ​ത്രേ. ഇ​തി​നു തെ​ളി​വാ​യി കി​ട്ടി​യ​ത് അ​ന്ന​ത്തെ മ​ണ്‍​പാ​ത്ര​ങ്ങ​ളു​ടെ ചി​ല പൊ​ട്ടി​യ ക​ഷ​ണ​ങ്ങ​ൾ ആ​യി​രു​ന്നു. അ​വ​ർ അ​ന്ന് വെ​ള്ളം നി​റ​ച്ചു​വ​ച്ചി​രു​ന്ന​തും ഭ​ക്ഷ​ണം പാ​കം​ചെ​യ്തി​രു​ന്ന​തു​മെ​ല്ലാം മ​ണ്‍​പാ​ത്ര​ങ്ങ​ളി​ലാ​യി​രു​ന്നു.

കാ​ലം നീ​ങ്ങി​യ​തോ​ടെ അ​വ​രു​ടെ ക​ഴി​വും ഈ ​മേ​ഖ​ല​യി​ൽ പു​രോ​ഗ​തി​യു​ണ്ടാ​ക്കി. ഹാ​ൻ രാ​ജ​വം​ശ​ത്തി​ന്‍റെ കാ​ല​ത്തെ ശ​വ​കു​ടീ​ര​ങ്ങ​ൾ പ​രി​ശോ​ധി​ച്ച​പ്പോ​ൾ അ​ന്ന​ത്തെ പ​തി​വ​നു​സ​രി​ച്ച് ശ​വ​ശ​രീ​ര​ത്തി​നൊ​പ്പം അ​വ​രു​ടെ മ​ണ്‍​പാ​ത്ര​ങ്ങ​ളും മ​റ്റു പ​ല വ​സ്തു​ക്ക​ളും കു​ഴി​ച്ചി​ട്ട​ത് ക​ണ്ടെ​ടു​ത്തു. ഇ​ത് ചൈ​ന​യി​ലെ ചാ​ങ് നാ​ൻ എ​ന്ന സ്ഥ​ല​ത്താ​ണു ക​ണ്ട​ത്. അ​വി​ടെ ഈ ​പാ​ത്ര​ങ്ങ​ളു​ടെ ഒ​രു ക​ല​വ​റ ത​ന്നെ​യു​ണ്ട്.

ചൈ​ന​ക്കാ​രു​ടെ മാ​ത്ര​മാ​യ ഈ ​ക​ണ്ടു​പി​ടി​ത്തം ഒ​രു പ്ര​ത്യേ​ക ക​ല​യാ​ണ്. ടാ​ങ് രാ​ജ​വ​ശ​ത്തി​ന്‍റെ കാ​ല​മാ​യ​പ്പോ​ൾ (618-907) അ​വ​ർ എ​ല്ലാ മേ​ഖ​ല​യി​ലും നി​പു​ണ​രാ​യി. ഈ ​ഒ​രു കാ​ല​ഘ​ട്ട​ത്തി​ലാ​ണ് അ​വ​ർ നീ​ല​യും വെ​ള്ള​യും ചേ​ർ​ന്ന പാ​ത്ര​ങ്ങ​ൾ നി​ർ​മി​ച്ച​ത്.

ടൂ​റി​സ്റ്റ് ഗൈ​ഡ് ഇ​ത്ര​യും പ​റ​ഞ്ഞു​ക​ഴി​ഞ്ഞ​പ്പോ​ൾ ഞ​ങ്ങ​ൾ അ​വ​രു​ടെ പ്ര​ധാ​ന ഷോ​റൂം ഹാ​ളി​ലെ​ത്തി. ത​റ​യി​ലും വാ​തി​ൽ​ക്ക​ലും എ​ല്ലാം പ​ല​ത​രം ടൈ​ൽ​സും പ്ലേ​റ്റു​ക​ളും​കൊ​ണ്ട് അ​ല​ങ്ക​രി​ച്ചി​രി​ക്കു​ക​യാ​ണ്.

ര​ണ്ടു ചൈ​നീ​സ് സ്ത്രീ​ക​ൾ അ​വ​രു​ടെ പ​ര​ന്പ​രാ​ഗ​ത വേ​ഷ​ത്തി​ൽ​വ​ന്നു ഞ​ങ്ങ​ളെ അ​ക​ത്തേ​ക്കു സ്വീ​ക​രി​ച്ചു. ഹാ​ളി​ന്‍റെ നാ​ലു​വ​ശ​വും പ​ല ത​ട്ടു​ക​ൾ ത​രം​തി​രി​ച്ചി​ട്ടു​ണ്ട്. ഇ​വ ഓ​രോ​ന്നി​ലും അ​വ​യു​ടെ വ​ലു​പ്പ​ച്ചെ​റു​പ്പ​മ​നു​സ​രി​ച്ച് ക​പ്പു​ക​ൾ, പ്ലേ​റ്റു​ക​ൾ, ജ​ഗ്ഗു​ക​ൾ, കോ​പ്പ​ക​ൾ എ​ന്നി​വ നി​ര​നി​ര​യാ​യി ഇ​രി​ക്കു​ന്ന​തു ക​ണ്ട​പ്പോ​ൾ ക​ണ്ണ​ഞ്ചി​പ്പോ​യി.

അ​വി​ട​ത്തെ വ​ലി​യ ജാ​റു​ക​ളും അ​തി​ൽ ചെ​യ്തി​ട്ടു​ള്ള ചി​ത്ര​പ്പ​ണ​ക​ളും എ​ല്ലാം ക​ണ്ടു​നി​ന്നു​പോ​യി. എ​ല്ലാം ഒ​രു നീ​ല​മ​യം. ഇ​താ​ണു ശ​രി​ക്കും അ​വ​രു​ടെ നീ​ല പാ​ത്ര​ങ്ങ​ൾ. നീ​ല മാ​ത്ര​മ​ല്ല വേ​റെ​യും ചി​ല ക​ള​റു​ക​ൾ ഉ​ള്ള​തും ക​ണ്ടു. ചി​ല​തു പ്ര​ത്യേ​കം പ​റ​ഞ്ഞു​ചെ​യ്യി​ക്കു​ന്ന​തു​മു​ണ്ട്. ന​മു​ക്ക് ഏ​തു വേ​ണ​മെ​ങ്കി​ലും ചൂ​ണ്ടി​ക്കാ​ട്ടി​യാ​ൽ മ​തി ഉ​ട​നെ അ​വ​ർ അ​ത് എ​ടു​ത്ത് ന​മ്മെ കാ​ണി​ക്കും. ഇ​തു കൈ​കാ​ര്യം​ചെ​യ്യു​ന്ന​തു സൂ​ക്ഷി​ച്ചി​ല്ലെ​ങ്കി​ൽ പൊ​ട്ടാ​ൻ സാ​ധ്യ​ത​യു​ണ്ട്.

ന​മ്മ​ൾ വാ​ങ്ങി​യ സാ​ധ​ന​ങ്ങ​ൾ വ​ള​രെ ഭം​ഗി​യാ​യ പാ​ക്ക് ചെ​യ്തു​ത​രും. ഇ​തു കൈ​യി​ൽ ഒ​തു​ങ്ങാ​ത്ത​താ​ണെ​ങ്കി​ൽ അ​തു ന​മു​ക്കു വേ​ണ്ടി​ട​ത്ത് എ​ത്തി​ച്ചു​ത​രും. പി​ന്നീ​ട് ഇ​വ ഉ​ണ്ടാ​ക്കു​ന്ന​തു​കാ​ണാ​ൻ ഇ​വ​രു​ടെ പ​ണി​ശാ​ല​യി​ലേ​ക്കു പോ​യി. അ​വി​ടെ നി​ര​നി​ര​യാ​യി ഈ ​ക​ല അ​റി​യാ​വു​ന്ന ചെ​റു​പ്പ​ക്കാ​ർ ഓ​രോ ക​റ​ങ്ങു​ന്ന ച​ക്ര​ത്തി​ന് അ​ടു​ത്തി​രു​ന്നു ശ്ര​ദ്ധ തെ​റ്റാ​തെ പ​ണി​തു​കൊ​ണ്ടി​രു​ന്നു. അ​ല്പം നോ​ട്ടം തെ​റ്റി​യാ​ൽ എ​ല്ലാം പാ​ളി​പ്പോ​കും.

കാ​ഴ്ച​ക്കാ​ർ വ​ന്നു​പോ​കു​ന്ന​ത് എ​ന്നും കാ​ണു​ന്ന​വ​രാ​യ​തു​കൊ​ണ്ട് അ​വ​ർ ആ​രെ​യും ശ്ര​ദ്ധി​ക്കാ​തെ അ​വ​രു​ടെ പ​ണി​യി​ൽ മു​ഴു​കി​യി​രു​ന്നു. ഇ​വ​ർ ഉ​ണ്ടാ​ക്കി​യെ​ടു​ത്ത പാ​ത്ര​ങ്ങ​ൾ മ​റ്റൊ​രു ഹാ​ളി​ൽ എ​ത്തി​ച്ച​തി​നു​ശേ​ഷം അ​വി​ടെ പെ​യി​ന്‍റിം​ഗും മ​റ്റും ചെ​യ്യു​ന്ന സ്ത്രീ​ക​ളെ ക​ണ്ടു. കൈ ​ഉ​യ​ർ​ത്താ​തെ​യാ​ണ് അ​വ​ർ പെ​യി​ന്‍റി​ൽ മു​ക്കി ക​ലാ​പ​ര​മാ​യി ഈ ​പാ​ത്ര​ങ്ങ​ൾ​ക്കു നി​റം കൊ​ടു​ക്കു​ന്ന​ത്. അ​തി​നു​ശേ​ഷം ഇ​തി​നു തി​ള​ക്കം കൊ​ടു​ക്കാ​ൻ 1200-1300 ഡി​ഗ്രി ചൂ​ടു​ള്ള ഇ​ല​ക്ട്രി​ക് ചൂ​ള​യി​ലേ​ക്ക് മാ​റ്റും.

പ​ണ്ടൊ​ക്കെ വി​റ​കും ക​രി​യും ഉ​പ​യോ​ഗി​ച്ചി​രു​ന്നു. ഇ​പ്പോ​ൾ ഇ​ങ്ങ​നെ​യാ​ണ്. അ​തോ​ടൊ​പ്പം പു​തി​യ സാ​ങ്കേ​തി​ക​വി​ദ്യ​ക​ളും ഉ​പ​യോ​ഗി​ച്ചു​തു​ട​ങ്ങി. പാ​ത്ര​ങ്ങ​ളു​ടെ ഗു​ണ​നി​ല​വാ​ര​വും മെ​ച്ച​പ്പെ​ട്ടു​തു​ട​ങ്ങി. കാ​ലാ​ന്ത​ര​ത്തി​ൽ അ​വ​രു​ടെ ചി​ത്ര​ങ്ങ​ളു​ടെ രീ​തി​ക​ളും മാ​റി​ക്കൊ​ണ്ടി​രു​ന്നു. ഒ​രു കാ​ല​ത്ത് ഡ്രാ​ഗ​ണും ഫീ​നി​ക്സ് പ​ക്ഷി​ക്കു​മാ​യി​രു​ന്നു പ്രാ​ധാ​ന്യം. പി​ന്നെ ക​ട​ൽ തി​ര​ക​ളും പ്ര​കൃ​തി​ദൃ​ശ്യ​ങ്ങ​ളും മ​റ്റും ഉ​ൾ​പ്പെ​ടു​ത്താ​ൻ തു​ട​ങ്ങി.

ഇ​തൊ​ക്കെ ധാ​രാ​ള​മാ​യി അ​വി​ടെ ഉ​ണ്ടാ​ക്കു​ന്നു​ണ്ടെ​ങ്കി​ലും അ​വി​ട​ത്തെ ച​ക്ര​വ​ർ​ത്തി​മാ​ർ ഓ​രോ​രു​ത്ത​ർ​ക്കും അ​വ​രു​ടേ​താ​യ പാ​ത്രം ഉ​ണ്ടാ​ക്കാ​നു​ള്ള ഫാ​ക്ട​റി​ക​ൾ ഉ​ണ്ടാ​യി​രു​ന്നു. അ​വ​രു​ടെ ഡി​സൈ​നും മ​റ്റും മ​റ്റാ​ർ​ക്കും കി​ട്ടു​ക​യി​ല്ല. കൂ​ടാ​തെ ക​യ​റ്റി അ​യ​യ്ക്കാ​നു​ള്ള കു​ട​ങ്ങ​ളും പാ​ത്ര​ങ്ങ​ളും വ​ള​രെ ശ്ര​ദ്ധ​യോ​ടെ​യാ​ണ് ഉ​ണ്ടാ​ക്കു​ന്ന​ത്. ഇ​തി​ൽ വ്യ​ത്യ​സ്ത​ത​യു​മു​ണ്ട്.

നാ​ലു​ത​രം പാ​ത്ര​ങ്ങ​ൾ ആ​ണു​ള്ള​ത്. ഇ​തി​നു​വേ​ണ്ടി ഒ​രു പ്ര​ത്യേ​ക​ത​രം ക​ളി​മ​ണ്ണ് ന​ദീ​തീ​ര​ത്തു​നി​ന്ന് എ​ടു​ക്കും. ഇ​തി​ൽ അ​ന്ന് ഉ​ണ്ടാ​യി​രു​ന്ന ചെ​ടി​ക​ളു​ടെ​യും മൃ​ഗ​ങ്ങ​ളു​ടെ​യും അ​വ​ശി​ഷ്ട​ങ്ങ​ൾ അ​ലി​ഞ്ഞു​ചേ​ർ​ന്നി​ട്ടു​ണ്ട്. ഇ​തി​ൽ​നി​ന്ന് അ​നാ​വ​ശ്യ​മാ​യ​വ നീ​ക്കി നി​റ​ക്കൂ​ട്ടു​ക​ൾ ചേ​ർ​ത്ത് ആ​ളു​ക​ൾ​ചേ​ർ​ന്ന് ച​വു​ട്ടി​ക്കു​ഴ​യ്ക്കും. ഏ​റെ ക​രു​ത്തോ​ടെ ചെ​യ്യേ​ണ്ട ഈ ​ജോ​ലി​ക്ക് സ​മ​യ​മേ​റെ എ​ടു​ക്കും.

അ​ങ്ങ​നെ പ​ല ഘ​ട്ട​ങ്ങ​ൾ​കൂ​ടി ക​ട​ന്നു​പോ​യ​തി​നു​ശേ​ഷ​മാ​ണ് ഒ​രു സു​ന്ദ​ര​രൂ​പ​മാ​ക്കി ഇ​തു മാ​റ്റു​ന്ന​ത്. ഓ​രോ പാ​ത്ര​ത്തി​ന്‍റെ പു​റ​കി​ലും ശ​ക്ത​മാ​യ കൈ​വേ​ല​യു​ണ്ട്. ചൈ​ന​യി​ൽ ഇ​ത്ത​രം ഫാ​ക്ട​റി​ക​ൾ ധാ​രാ​ള​മു​ണ്ട്. എ​ന്നാ​ൽ പെ​യി​ന്‍റിം​ഗി​ലാ​ണ് ഇ​തി​നു പൂ​ർ​ണ തി​ള​ക്ക​വും ഭം​ഗി​യും കി​ട്ടു​ന്ന​ത്. പ​ല ത​ര​ത്തി​ൽ ഇ​വ​യെ ത​രം​തി​രി​ച്ചി​ട്ടു​ണ്ട്. ആ​ദ്യം കൊ​ട്ടാ​ര​ത്തി​ന്‍റെ ആ​വ​ശ്യ​ങ്ങ​ൾ​ക്ക്. പി​ന്നീ​ടു പൂ​ജാ​മു​റി​ക​ളി​ൽ ഉ​പ​യോ​ഗി​ക്കാ​ൻ​വേ​ണ്ടി​യു​ള്ള​വ, ബാ​ക്കി നാ​ട്ടു​കാ​ർ​ക്കും വീ​ട്ടു​കാ​ർ​ക്കും.

ക​യ​റ്റി അ​യ​യ്ക്കാ​നു​ള്ള വ​ലി​യ ആ​റ​ടി പൊ​ക്കം വ​രു​ന്ന​വ ഉ​ണ്ടാ​ക്കു​ന്ന​ത് പ്ലാ​സ്റ്റ​ർ ഓ​ഫ് പാ​രീ​സി​ന്‍റെ മോ​ൾ​ഡു​ക​ൾ ഉ​പ​യോ​ഗി​ച്ചാ​ണ്. എ​ങ്ങ​നെ നോ​ക്കി​യാ​ലും ഇ​തി​നു പു​റ​കി​ൽ പ​ല​രു​ടെ​യും ക​ര​വി​രു​തു തെ​ളി​ഞ്ഞു​കാ​ണാം.

ഞ​ങ്ങ​ൾ ഇ​തെ​ല്ലാം വി​സ്മ​യ​ത്തോ​ടെ ക​ണ്ടു​ക​ഴി​ഞ്ഞ് പു​റ​ത്തേ​ക്ക് ഇ​റ​ങ്ങാ​റാ​യ​പ്പോ​ൾ ഓ​രോ​രു​ത്ത​രും വാ​ങ്ങി​യ പാ​ത്ര​ങ്ങ​ൾ വ​ള​രെ കാ​ര്യ​മാ​യി പൊ​ട്ടാ​ത്ത രീ​തി​യി​ൽ പാ​ക്ക് ചെ​യ്തു​ത​ന്നു.

ഓ​മ​ന ജേ​ക്ക​ബ്


Copyright @ 2021 , Rashtra Deepika Ltd.