നാടക ലോകത്തെ വിസ്മയ ഗോപുരം
മ​ല​യാ​ള​ത്തി​ൽ ഒ​രു പ​ഴ​മൊ​ഴി​യു​ണ്ട്. ക​ണ്ടു വ​രേ​ണ്ട​ത് പ​റ​ഞ്ഞു -കേ​ട്ടാ​ൽ മ​തി​യോ? ഇ​ന്ന് ചോ​ദി​ക്കു​ന്ന​ത് കു​ട​ത്തി​ൽ വെ​ച്ച വി​ള​ക്കു​പോ​ലെ ടിവി​യി​ൽ ക​ണ്ടു​കൊ​ണ്ടി​രു​ന്നാ​ൽ മ​തി​യോ? ന​മ്മു​ടെ ഗം​ഗ ന​ദി​പോ​ലെ ഇം​ഗ്ല​ണ്ടി​ന്‍റെ ഐ​ശ്വ​ര്യ​ദേ​വ​ത​യാ​യ തേം​സ് ന​ദി​യു​ടെ തീ​ര​ത്ത് ശോ​ഭ​യാ​ർ​ജി​ച്ച് നി​ല്ക്കു​ന്ന ഷേ​ക്സ്​പി​യ​ർ ഗ്ലോ​ബ് തി​യറ്റ​ർ ഒ​രു വി​സ്മ​യ​മാ​ണ്. ല​ണ്ട​ൻ ന​ഗ​ര​ത്തി​ൽ തേം​സ് ന​ദി അ​ല​ത​ല്ലി​യൊ​ഴു​കു​ന്ന​തു​പോ​ലെ ലോ​ക​ത്ത് ഒ​ന്നാം സ്ഥാ​ന​ത്ത് നി​ൽ​ക്കു​ന്ന ഈ ​വി​സ്മ​യ ഗോ​പു​രം കാ​ണാ​ൻ ലോ​ക​മെ​ന്പാ​ടു​മു​ള്ള വി​ദ്യാ​ർ​ഥിക​ളും സ​ന്ദ​ർ​ശ​ക​രും ആ​യി​ര​ക്ക​ണ​ക്കി​നാ​ണ് നി​ത്യ​വും വ​ന്നുപോ​കു​ന്ന​ത്. ഒ​രു പൗ​ർ​ണമി​രാ​വി​ൽ "ക്ലി​യോ​പാ​ട്ര’ എ​ന്ന നാ​ട​കം കാ​ണാ​ൻ വ​ന്ന​പ്പോ​ൾ ആ​കാ​ശം നി​റ​യെ ച​ന്ദ്ര​ന് ചു​റ്റും വി​ള​ക്കു​ക​ളേ​ന്തി നി​ൽ​ക്കു​ന്ന ന​ക്ഷ​ത്ര​ങ്ങ​ളാ​യി​രു​ന്നെ​ങ്കി​ൽ ഇ​ന്ന​ത്തെ പ​ക​ൽ സൂ​ര്യ​ന് ചു​റ്റും വെ​ള്ള​യും നീ​ല​യു​മു​ള്ള വ​സ്ത്ര​ധാ​രി​ക​ളാ​യ മേ​ഘ​ങ്ങ​ളാ​ണ്.
ല​ണ്ട​ൻ ബ്രി​ഡ്ജ് ഭൂ​ഗ​ർ​ഭ​റ​യി​ൽ​വേ സ്റ്റേ​ഷ​നി​ലി​റ​ങ്ങി ഒ​രു മ​ല​ക​യ​റു​ന്ന​പോ​ലെ ക​ണ്‍​വെ​യ​ർ ബ​ൽ​റ്റി​ലൂ​ടെ മു​ക​ളി​ലെ​ത്തി. മു​ക​ളി​ലെ​ത്തി​യ​പ്പോ​ൾ കേ​ര​ള​ത്തി​ലെ നൂ​റു​തൊ​ടി​യി​ൽ കൂ​ടു​ത​ൽ താ​ഴ്ച​യു​ള്ള ഒ​രു കി​ണ​റ്റി​ൽ​നി​ന്ന് മു​ക​ളി​ലെ​ത്തി​യ പ്ര​തീ​തി. പു​റ​ത്തി​റ​ങ്ങി ബോ​റോ​മാ​ർ​ക്ക​റ്റി​ലൂ​ടെ ന​ട​ന്നു.

2017 ജൂ​ണ്‍ മൂന്നിന് ​ഇ​വി​ടെ വെ​ച്ചാ​യി​രു​ന്നു ഒ​രു മ​ത​തീ​വ്ര​വാ​ദി ത​ന്‍റെ വാ​നി​ലെ​ത്തി ഏ​ഴു​പേ​രെ കൊ​ല​പ്പെ​ടു​ത്തി. ധാ​രാ​ളം പേരെ പ​രി​ക്കു​ക​ളോ​ടെയാണ് ആ​ശു​പ​ത്രി​യി​ലെ​ത്തി​ച്ച​ത്. പോ​ലീ​സ് ആ ​മ​ത​ഭ്രാ​ന്ത​നെ വെ​ടി​വച്ചു കൊ​ന്നെ​ങ്കി​ലും ബോ​റോ മാ​ർ​ക്ക​റ്റ് ഒ​രു നൊ​ന്പ​ര​മാ​യി മ​ന​സി​ൽ കി​ട​ന്നു. ഷേ​ക്സ്പി​യ​ർ തി​യറ്റ​റി​ന് അ​ടു​ത്തു ക​ണ്ട കാ​ഴ്ച 1588ൽ ​സ്പെ​യി​നി​ലെ ഫി​ലി​പ്പ് ര​ണ്ടാ​മ​ൻ രാ​ജാ​വും പോ​ർ​ത്തു​ഗീ​സും ചേ​ർ​ന്ന് ഒ​ന്നാം എ​ലി​സ​ബ​ത്ത് രാ​ജ്ഞി​യു​ടെ ഇം​ഗ്ല​ണ്ട് കീ​ഴ​ട​ക്കാ​ൻ വേ​ണ്ടി സ്പെ​യി​നി​ന്‍റെ വ​ലി​യ യു​ദ്ധ​ക്ക​പ്പ​ലാ​യ അ​ർ​മാ​ത​യ്ക്കൊ​പ്പം 130 ക​പ്പ​ലു​ക​ളും മു​പ്പ​തി​നാ​യി​രം നാ​വി​ക​പ്പ​ട​യു​മാ​യി​ട്ടാ​ണ് ഇം​ഗ്ല​ണ്ടി​ലേ​ക്ക് വ​ന്ന​ത്. ഇ​വ​ർ ഫ്ളൈ​മൗ​ത് ക​ട​ലി​ൽ​വെ​ച്ച് ഇം​ഗ്ലീ​ഷ് നാ​വി​ക​പ്പ​ട​യു​മാ​യി ഏ​റ്റു​മു​ട്ടി. സ്പെ​യി​ൻ പ​രാ​ജ​യ​പ്പെ​ട്ട് മ​ട​ങ്ങി​യ യു​ദ്ധ​ത്തി​ൽ പ​ങ്കെ​ടു​ത്ത ഗോ​ൾ​ഡ​ൻ ഹി​ന്‍റ എ​ന്ന പ​ട​ക​പ്പ​ൽ തേം​സി​ന്‍റെ തീ​ര​ത്ത് സ​ഞ്ചാ​രി​ക​ൾ​ക്കാ​യി ന​ങ്കൂ​ര​മി​ട്ട് കി​ട​ക്കു​ന്നു.

ജ​ന​സാ​ഗ​രം

ഗ്ലോ​ബ് തി​യ​റ്റ​റി​നു മു​ന്നി​ൽ കു​ട്ടി​ക​ള​ട​ക്കം ജ​ന​ങ്ങ​ളെ​ക്കൊണ്ടു നി​റ​ഞ്ഞി​രു​ന്നു. തേം​സ് ന​ദി​യി​ലൂ​ടെ സ​ഞ്ചാ​രി​ക​ളെ വ​ഹി​ച്ചു​കൊ​ണ്ടു​ള്ള സു​ന്ദ​രി​മാ​രാ​യ ബോ​ട്ടു​ക​ൾ ഒ​ഴു​കു​ന്നു. അ​തി​നു മു​ക​ളി​ലൂ​ടെ പാ​റി​ക്ക​ളി​ച്ചു​കൊ​ണ്ട് പ​റ​ക്കു​ന്ന പ്രാ​വു​ക​ൾ. പു​റ​ത്തെ ഭി​ത്തി​ക​ളി​ലെ​ല്ലാം വി​ല്യ​മി​ന്‍റെ നാ​ട​ക​ങ്ങ​ളെ​പ്പ​റ്റി​യു​ള്ള പ​ര​സ്യ​ങ്ങ​ളാ​ണ്. തി​യ​റ്റ​റി​ന്‍റെ മൂ​ല​യ്ക്ക് സ്വാ​ൻ റ​സ്റ്റ​റ​ന്‍റും ബാ​റു​മു​ണ്ട്.

സെ​ക്യൂ​രി​റ്റി പ​രി​ശോ​ധ​ന ക​ഴി​ഞ്ഞ് അ​ക​ത്തു ക​യ​റി. മു​ന്നി​ൽ വി​ല്യ​മി​ന്‍റെ ക​റു​ത്ത മാ​ർ​ബി​ൾ പ്ര​തി​മ എ​ല്ലാ​വ​രെ​യും സ്വാ​ഗ​തം ചെ​യ്യു​ന്നു. എ.ഡി 1599 ൽ ​തീ​ർ​ത്ത ഗ്ലോ​ബ് തി​യ​റ്റ​ർ 1613ൽ ​തീ പി​ടി​ച്ച് ന​ശി​ച്ചു. 1614ൽ ​വീ​ണ്ടും തു​റ​ന്നു. പ്രേ​ക്ഷ​ക​രു​ടെ എ​ണ്ണം വ​ർ​ധിച്ച​പ്പോ​ൾ 1644ൽ ​പൊ​ളി​ച്ചു പ​ണി​തു. ഇ​രി​പ്പി​ടം 1,400ൽ​ നി​ന്ന് 3,000 ആയി.

അ​ക​ത്തേ​ക്കു ക​യ​റു​ന്ന​തി​ന്‍റെ ഇ​ട​ത്ത് ഭാ​ഗ​ത്താ​യി​ട്ടാ​ണ് നാ​ട​ക​വു​മാ​യി ബ​ന്ധ​പ്പെ​ട്ടു​ള്ള വ്യത്യ​സ്ത കാ​ഴ്ച​ക​ളു​ള്ള തി​യ​റ്റ​ർ മ്യൂ​സി​യം, വി​ല്യ​മി​ന്‍റെ നാ​ട​ക​ങ്ങ​ളി​ൽ അ​ഭി​ന​യി​ച്ച രാ​ജ്ഞി​മാ​ര​ട​ക്ക​മു​ള്ള​വ​രു​ടെ അ​ല​ങ്കാ​ര​വ​സ്ത്ര​ങ്ങ​ള​ട​ക്കം പ​ല​തും ഇ​വി​ടെ കാ​ണാം. അ​വി​ടെ​നി​ന്ന് അ​തി​ന്‍റെ ന​ടു​ത്ത​ള​ത്തി​ൽ വ​രു​ന്പോ​ഴാ​ണ് ഓ​രോ ഗ്രൂ​പ്പി​നൊ​പ്പം ഗൈ​ഡു​ക​ളു​മു​ണ്ട്. അ​വ​ർ വെ​റും ഗൈ​ഡു​ക​ള​ല്ല അ​ധ്യാ​പ​ക​രാ​ണ്. ടി​ക്ക​റ്റു​ക​ൾ കൂ​ടു​ത​ലും ഒ​രു മ​ണി​ക്കൂ​റി​നു​ള്ള​താ​ണ്.

ത​റ ടി​ക്ക​റ്റ്

മൂ​ന്നു​നി​ല​ക​ൾ മൂ​ന്നു ഗാ​ല​റി​ക​ളാ​യി​ട്ടാ​ണ്. ഓ​രോ ഗാ​ല​റി​ക​ളും നാ​ല് ചെ​റു ഗാ​ല​റി​ക​ളാ​യി തി​രി​ച്ചി​രി​ക്കു​ന്നു. ഓ​രോ ഗാ​ല​റി​യു​ടെ പി​റ​കി​ലാ​ണ് ന​ട​പ്പാ​ത​ക​ൾ. അ​വി​ടെ​നി​ന്ന് ഗാ​ല​റി​യി​ലേ​ക്ക് ക​യ​റാ​ൻ അ​ഞ്ച് പ​ടി​ക​ളു​ണ്ട്. ഓ​രോ ഗാ​ല​റി​യും മു​ക​ളി​ലേ​ക്കു​യ​ർ​ത്തി​യി​രി​ക്കു​ന്ന​ത് ഇ​രു​ന്പു​ക​ന്പി​ക​ളു​ള്ള സി​മ​ന്‍റ് തൂ​ണു​ക​ൾക്കൊണ്ട​ല്ല. പ​തി​നാ​റ് ത​ടി​ത്തൂണു​ക​ൾ​ക്കൊ​ണ്ടാ​ണ്.

ഓ​രോ ചെ​റി​യ ഗാ​ല​റി​യി​ലും 8-10 പേ​ർ​ക്ക് ഇ​രി​ക്കാ​വു​ന്ന ആ​റു നി​ര ത​ടി​ബ​ഞ്ചു​ക​ൾ. ഇ​വ​ർ​ക്കെ​ല്ലാം ക​യ​റാ​നും ഇ​റ​ങ്ങാ​നു​മു​ള്ള വാ​തി​ലു​ക​ളു​ണ്ട്. ഏ​റ്റ​വും താ​ഴെ​യു​ള്ള ഗാ​ല​റി​യു​ടെ ന​ടു​മു​റ്റ​മാ​ണ്. ത​റയി​ലി​രു​ന്നും നി​ന്നും കാ​ണാ​നു​ള്ള സൗ​ക​ര്യ​മു​ണ്ട്. ഏ​റ്റ​വും താ​ഴെ​യു​ള്ള ഗാ​ല​റി​യു​ടെ ന​ടു​മു​റ്റ​ത്ത് ഇ​രു​ന്നും നാ​ട​കം കാ​ണാം. ന​മ്മു​ടെ നാ​ട്ടി​ലെ തി​യ​റ്റ​റി​ൽ കാ​ണു​ന്ന ത​റ​ എ​ന്ന ഇ​രി​പ്പി​ട​മാ​ണ്. എ​ന്‍റെ ചെ​റു​പ്പ​ത്തി​ൽ അ​റി​വി​ല്ലാ​തി​രു​ന്ന കാ​ല​ത്തു കു​റ​ഞ്ഞ ത​റ​ ടി​ക്ക​റ്റെ​ടു​ത്തു സി​നി​മ ക​ണ്ടി​ട്ടു​ണ്ട്.

ഗ്ലോ​ബ് തി​യ​റ്റ​റി​ൽ ആ ​ത​റ ടി​ക്ക​റ്റു​ണ്ട്. പ​ണ​മി​ല്ലാ​ത്ത​വ​ർ​ക്ക് ഒ​രു പെ​ൻസ് കൊ​ടു​ത്ത് നാ​ട​കം കാ​ണാം. ഒ​രു പെ​ൻ​സി​നു ഒ​ന്നും വാ​ങ്ങാ​ൻ പ​റ്റി​ല്ല. ഗാ​ല​റി​യു​ടെ ഓ​രോ ഭാ​ഗ​ത്തും വീ​ൽ​ചെ​യ​റി​ലി​രു​ന്നു നാ​ട​കം കാ​ണാ​നു​ള്ള സൗ​ക​ര്യ​മു​ണ്ട് എ​ല്ലാ​യി​ട​ത്തും ക​ണ്ട​ത് കു​ട്ടി​ക​ളും സ​ഞ്ചാ​രി​ക​ളും അ​ധ്യാ​പ​ക​ര​ട​ക്ക​മു​ള്ള പ​ഠ​ന ക്ലാ​സു​ക​ളാ​ണ്. നാ​ട​ക ശി​ല്പ​ശാ​ല​ക​ൾ. സ്റ്റേ​ജി​ന്‍റെ ഇ​രുഭാ​ഗ​ങ്ങ​ളി​ലാ​യി​ട്ടാ​ണ് ക​സേ​ര​യു​ള്ള ഗാ​ല​റി​ക​ളു​ള്ള​ത്. അ​ത് ഉ​ന്ന​ത​ർ​ക്കു​ള്ള ഇ​രി​പ്പി​ട​ങ്ങ​ളാ​ണ്.

രാ​ജ​സ​ദ​സു​പോ​ലെ സ്റ്റേ​ജ്


ആ ​ഗാ​ല​റി​ക​ളി​ൽ മ​നോ​ഹ​ര​ങ്ങ​ളാ​യ ചി​ത്ര​ര​ച​ന​ക​ളു​ണ്ട്. സ്റ്റേ​ജ് ഒ​രു രാ​ജ​സ​ദ​സു​പോ​ലെ ത​ങ്ക​നി​റ​ത്താ​ൽ അ​ലം​കൃ​ത​മാ​ണ്. അ​ത് ഓ​രോ രം​ഗ​ത്തി​ന​നു​സ​രി​ച്ച് മാ​റി​ക്കൊ​ണ്ടി​രി​ക്കും. അ​ക​ത്തി​രു​ന്നു കാ​ണു​ന്പോ​ൾ ഞാ​ൻ ഇ​റ്റ​ലി​യി​ൽ ക​ണ്ട ആ​ന്പി തി​യ​റ്റ​ർ പോ​ലെ തോ​ന്നി. അ​തി​ന് മേ​ൽ​ക്കൂ​ര​യി​ല്ല. ഈ ​തി​യ​റ്റ​റി​നും മേ​ൽ​ക്കൂ​ര​യി​ല്ല.

റോ​മി​ലെ കൊ​ളേ​സി​യം ആ​ന്പി തി​യേ​റ്റ​റി​ൽ 50,000 പേ​ർ​ക്ക് ഇ​രി​ക്കാ​മെ​ങ്കി​ൽ ഇ​വി​ടെ 3000 പേ​ർ​ക്ക് മാ​ത്ര​മേ ഇ​രി​ക്കാ​ൻ സാ​ധി​ക്കൂ. അ​വി​ടെ വ​ന്യ​മൃ​ഗ​ങ്ങ​ളാ​യ സിം​ഹം, ക​ര​ടി ക​ടു​വ​യു​മാ​യി ഏ​റ്റു​മു​ട്ടി​യ​ത് യൂ​റോ​പ്പി​ലെ ധൈ​ര്യ​ശാ​ലി​ക​ളാ​യ മ​ല്ല​ന്മാ​രും കൊ​ടും​കു​റ്റ​വാ​ളി​ക​ളു​മാ​യി​രു​ന്നു.

ചെ​റി​യ കു​റ്റം ചെ​യ്ത​വ​ർ നേ​രി​ട്ട​ത് കാ​ട്ടു​നാ​യ്, കു​റു​ക്ക​ൻ തു​ട​ങ്ങി​യ മൃ​ഗ​ങ്ങ​ളു​മാ​യി​ട്ടാ​ണ്. മൃ​ഗ​ത്തെ കൊ​ല​പ്പെ​ടു​ത്തി പു​റ​ത്തു​വ​രു​ന്ന​വ​ർ കു​റ്റ​വി​മു​ക്ത​രാ​കും. റോ​മ​ൻ ച​ക്ര​വ​ർ​ത്തി​മാ​ർ​ക്ക് ഈ ​ര​ക്ത​ക്ക​ളി ഒ​രു വി​നോ​ദ​മാ​യി​രു​ന്നു. അ​ന്ന​ത്തെ കാ​ട്ടു​മൃ​ഗ നാ​ട​ക​ത്തി​ൽ 100 ദി​വ​സ​ത്തി​ൽ 5000 മൃ​ഗ​ങ്ങ​ളും 2000 മ​നു​ഷ്യ​രും കൊ​ല്ല​പ്പെ​ട്ട​താ​യി​ട്ടാ​ണ് ക​ണ​ക്ക്. റോ​മ​ൻ ച​ക്ര​വ​ർ​ത്തി​മാ​രു​ടെ കാ​ല​ത്ത് ത​ന്നെ ഗ്രീ​സി​ൽ മ​നു​ഷ്യ ജീ​വി​ത​ത്തി​ന്‍റെ ക​ഥ പ​റ​യു​ന്ന സം​ഘ​ട്ട​ന​ങ്ങ​ൾ നി​റ​ഞ്ഞ മ​നു​ഷ്യനാ​ട​ക​ങ്ങ​ൾ അ​ര​ങ്ങേ​റി. അ​ത് യൂ​റോ​പ്പി​ലെ​ങ്ങും പ​ട​ർ​ന്നു പ​ന്ത​ലി​ച്ചു.

വി​ല്യം ഷേ​ക്സ്പി​യ​ർ ബ്രി​ട്ട​ന്‍റെ മ​ണ്ണി​ൽ ജ​നി​ച്ച​തി​നാ​ൽ ആ ​നാ​ട​ക​ഗോ​പു​ര​ത്തി​ന്‍റെ ഈ​റ്റി​ല്ലം ഇ​വി​ടെ​യാ​യി. പ​തി​നെ​ട്ടാ​മ​ത്തെ വ​യ​സി​ൽ വി​വാ​ഹി​ത​നാ​യ വി​ല്യം ഭാ​ര്യ​ക്കൊ​പ്പം താ​മ​സി​ക്കാ​തെ ജ​ന്മ​നാ​ടാ​യ സ്റ്റാ​റ്റ് ഫോ​ർ​ട്ടി​ൽ​നി​ന്ന് ല​ണ്ട​നി​ലെ ലോ​ർ​ഡ് ചേ​ന്പ​ർ​ലാ​ൻ​സ് നാ​ട​ക​ട്രൂ​പ്പി​ൽ ഒ​രു ന​ട​നാ​യി ചേ​ർ​ന്നു. ഒ​ന്നാം എ​ലി​സ​ബ​ത്ത് രാ​ജ്ഞി​യും നാ​ട​കം ക​ണ്ടി​ട്ടു​ണ്ട്. ന​മ്മു​ടെ ഫ്രാ​ൻ​സി​സ് ടി. ​മാ​വേ​ലി​ക്ക​ര കെ​പി​എസി​ക്കാ​യി നാ​ട​ക​ങ്ങ​ൾ എ​ഴു​തി​യ​തു​പോ​ലെ ഗ്ലോ​ബ് തി​യ​റ്റ​റി​നു​വേ​ണ്ടി നാ​ട​ക​ങ്ങ​ൾ എ​ഴു​തി. വി​ല്യ​മി​ന്‍റെ 28 നാ​ട​ക​ങ്ങ​ളി​ൽ കൂ​ടു​ത​ലും ഗ്ലോ​ബ് തി​യ​റ്റ​റി​ലാ​ണ് അ​വ​ത​രി​പ്പി​ച്ച​ത്. ആ ​സ​മ​യ​ത്ത് ധാ​രാ​ളം ക​വി​ത​ക​ളും എ​ഴു​തി​യി​രു​ന്നു. അ​തി​നാ​ലാ​ണ് ഗ്ലോ​ബ് തി​യ​റ്റ​ർ 1997-ൽ ​ഷേ​ക്സ്പി​യ​ർ തിയ​റ്റ​റാ​യി മാ​റി​യ​ത്.

ഷേ​ക്സ്പി​യ​ർ ദി ​കം​പ്ലീ​റ്റ്

ആ​ദ്യ​കാ​ല​ത്ത് വി​ല്യ​മ​ട​ക്കം ആ​റ് ഓ​ഹ​രി​ക്കാ​രാ​യി​രു​ന്നു തി​യ​റ്റ​റി​ലു​ണ്ടാ​യി​രു​ന്ന​ത്. ഇ​ന്ന് ഇ​തി​ന്‍റെ ചു​മ​ത​ല ദി ​ഷേ​ക്സി​പി​യ​ർ ഗ്ലോ​ബ് ട്ര​സ്റ്റി​നാ​ണ്. ലോ​ക​ത്തി​ന്‍റെ പ​ല ഭാ​ഗ​ത്തു​നി​ന്നും വി​ജ്ഞാ​ന​ദാ​ഹി​ക​ളാ​യ ക​ലാ​പ്രേ​മി​ക​ൾ എ​ത്തി​ക്കൊ​ണ്ടി​രി​ക്കു​ന്നു. ഗാ​ല​റി​ക​ൾ​ക്ക് താ​ഴെ​യു​ള്ള ഭാ​ഗ​ത്താ​ണ് ഇ​ൻ​ഫ​ർ​മേ​ഷ​ൻ സെ​ന്‍റ​റും ബു​ക്കു​ക​ളും സോ​വ​നീ​റും മ​റ്റും ല​ഭി​ക്കു​ക. അ​തി​ൽ ഒ​രു മൂ​ന്നു കി​ലോ​യി​ൽ കൂ​ടു​ത​ൽ ഭാ​ര​മു​ള്ള വി​ല്യ​മി​ന്‍റെ സ​ന്പൂ​ർ​ണര​ച​ന​ക​ളു​ടെ ഒ​രു പു​സ്ത​കം ഷേ​ക്സ്പി​യ​ർ ദി ​കം​പ്ലീ​റ്റ് ക​ണ്ടു. ഇ​ത് എ​ഴു​തി​യി​രി​ക്കു​ന്ന​ത് മി​ഖാ​യേ​ൽ കോ​ണ്‍​വേ​യും പീ​റ്റ​ർ ഡെ​സ്ലേ​യു​മാ​ണ്.

ഇ​തി​ന്‍റെ പ്ര​സാ​ധ​ക​ർ ബാ​ർ​ന​സ് ആ​ൻ​ഡ് നോ​ബി​ൾ ഇ​ങ്ക് ക​ന്പ​നി​യാ​ണ്. ആ ​കൂ​ട്ട​ത്തി​ൽ നാ​ട​ക​ത്തി​ന്‍റെ പേ​രു​ള്ള മാ​ക്ബ​ത്ത് വീ​ഞ്ഞു​കു​പ്പി​യും ക​ണ്ടു. അ​തി​ന്‍റെ ഒ​രു ഭാ​ഗ​ത്തു​ള്ള സ്റ്റേ​ജി​ൽ ഏ​തോ നാ​ട​ക​ത്തി​ന്‍റെ റി​ഹേ​ഴ്സ​ൽ ന​ട​ക്കു​ന്നു​ണ്ട്. അ​ക​ത്തും പു​റ​ത്തു​മു​ള്ള എ​ല്ലാ​റ്റി​ലും ഗ്ലാ​സ് ചി​ല്ലു​ക​ളി​ൽ​പോ​ലും വി​ല്യ​മി​ന്‍റെ നാ​ട​ക​ങ്ങ​ളു​ടെ പേ​രു​ക​ളാ​ണ്. വി​ല്യ​മി​നെ​പ്പ​റ്റി ധാ​രാ​ളം അ​പ​വാ​ദ​ങ്ങ​ൾ പ്ര​ച​രി​ച്ചി​ട്ടു​ണ്ട്. അ​തി​ലെ ക​ക്ഷി​ക​ൾ വി​ല്യ​മി​നോ​ട് അ​സൂ​യ​യു​ള്ള മ​നു​ഷ്യ​രാ​ണ്. വി​ല്യം ഗ്ലോ​ബ് തി​യ​റ്റ​റി​ലെ താ​ഴ്ന്ന ജോ​ലി​ക്കാ​ര​ൻ, ലൈ​റ്റ് മാ​ൻ, കു​തി​ര​യെ നോ​ക്കു​ന്ന​വ​ൻ ഈ ​നാ​ട​ക​ങ്ങ​ൾ സ്വ​ന്ത​മാ​യി എ​ഴു​തി​യ​ത​ല്ല. ആ​രു​ടെ​യോ മോ​ഷ്ടി​ച്ച​താ​ണ്. ഇ​ങ്ങ​നെ​യു​ള്ള പ്ര​ചാ​ര വേ​ല​ക​ളാ​ണ് ഒ​രു സ​ർ​ഗ​പ്ര​തി​ഭ​യ്ക്കു നേ​രേ ഉ​യ​ർ​ന്ന​ത്.

1970 ക​ളി​ൽ അ​മേ​രി​ക്ക​യി​ൽനി​ന്നെ​ത്തി​യ സം​വി​ധാ​യ​ക​നും ന​ട​നു​മാ​യി​രു​ന്ന ശ​മു​വേ​ൽ വാ​ന​മേ​ൽ​ക്ക​റാ​ണ് ഷേ​ക്സ്പി​യ​ർ ഗ്ലോ​ബി​ന് താ​ങ്ങും ത​ണ​ലു​മാ​യ​ത്. ല​ണ്ട​നി​ൽ 230-ല​ധി​കം തി​യ​റ്റ​റു​ക​ളു​ണ്ട്. ഇ​വി​ടെ​യെ​ല്ലാം ആ​യി​ര​ക്ക​ണ​ക്കി​നാ​ളു​ക​ളാ​ണ് നാ​ട​ക​ങ്ങ​ൾ ക​ണ്ടി​റ​ങ്ങു​ന്ന​ത്. ഈ ​സ​മ​യം ന​മ്മു​ടെ കേ​ര​ള​ത്തി​ലെ നാ​ട​ക​ തി​യ​റ്റ​റു​ക​ളു​ടെ ദു​ര​വ​സ്ഥ ഓ​ർ​ത്തു​പോ​യി. ഗ്ലോ​ബ് തി​യ​റ്റ​റി​ലെ കു​ട്ടി​ക​ളു​ടെ പ​ഠ​ന താ​ത്പ​ര്യം ക​ണ്ട​പ്പോ​ൾ നാ​ട​ക​ത്തെ മാ​ത്ര​മ​ല്ല പു​സ്ത​ക​ത്തെ​യും അ​വ​ർ പൊ​ന്നു​പോ​ലെ സൂ​ക്ഷി​ക്കു​ന്ന​വ​രെ​ന്ന് മ​ന​സി​ലാ​ക്കി. നാ​ട​ക​ത്തെ അ​വ​ർ വ​ള​ർ​ത്തു​ന്നു. വ​ള​ച്ചൊ​ടി​ക്കു​ന്നി​ല്ല.

കാ​രൂ​ർ സോ​മ​ൻ


Copyright @ 2022 , Rashtra Deepika Ltd.