ക​ണി​യൊ​രു​ക്കാ​നാ​യ് ക്ഷ​ണി​ച്ച​താ​ണോ...
സു​ഖ​മു​ള്ള ഓ​ർ​മ​ക​ൾ​ക്കു​മേ​ൽ സ്വ​ർ​ണ​നി​റം ചാ​ർ​ത്തു​ന്നു​ണ്ട് ക​ണി​ക്കൊ​ന്ന​പ്പൂ​ക്ക​ൾ. സ്വ​ർ​ണ​ത്തി​നി​ല്ലെ​ങ്കി​ലും സു​ഗ​ന്ധം​കൂ​ടി പൂ​ശു​ക​യാ​ണ് ആ ​സു​ന്ദ​ര​സ്മൃ​തി​ക​ളി​ൽ ചി​ല പാ​ട്ടു​ക​ൾ. അ​വ​യു​ടെ ഇ​ത​ളു​ക​ൾ ഒ​രു ഋ​തു​വി​ലും അ​ട​ർ​ന്നു​വീ​ഴാ​റി​ല്ല.

വി​ഷു​വെ​ത്തി. കൈ​വെ​ള്ള​യി​ൽ ചേ​രു​ന്ന നാ​ണ​യ​ത്തി​ന്‍റെ തി​ള​ക്കം​പോ​ലെ നി​മി​ഷാ​ർ​ധം​കൊ​ണ്ട് ഓ​ർ​മ​ക​ൾ മി​ന്നി​മ​റി​യു​ന്നു. പൊ​ട്ടി​ച്ചി​ത​റു​ന്ന പ​ട​ക്കം​പോ​ലെ നെ​ഞ്ചി​ടി​പ്പു​കൂ​ടു​ന്നു... ഒ​രു പാ​ട്ടി​ന്‍റെ വ​രി​യി​ലേ​ക്കു പോ​കാം- ക​ണി​യൊ​രു​ക്കാ​നാ​യ് ക്ഷ​ണി​ച്ച​താ​ണോ... എ​ന്നെ കെ​ണി​യി​ലാ​ക്കാ​നാ​യ് വി​ളി​ച്ച​താ​ണോ... പാ​ട്ടി​ന്‍റെ അ​ങ്ങേ​ത്ത​ല​യ്ക്ക​ൽ ഗാ​യ​ക​ൻ വി.​ടി. മു​ര​ളി​യി​രി​ക്കു​ന്നു​ണ്ട്. അ​ദ്ദേ​ഹം ആ ​വ​രി​ക​ൾ ആ​വ​ർ​ത്തി​ച്ചു​പാ​ടു​ക​യാ​ണ്.. കെ. ​രാ​ഘ​വ​ൻ മാ​സ്റ്റ​ർ എ​ന്ന അ​ന​ശ്വ​ര പ്ര​തി​ഭ ചൊ​വ്വ​ല്ലൂ​ർ കൃ​ഷ്ണ​ൻ​കു​ട്ടി​യെ​ഴു​തി​യ ആ ​വ​രി​യി​ൽ സം​ഗീ​തം​കൊ​ണ്ടു ചാ​ലി​ച്ചു​ചേ​ർ​ത്ത വി​സ്മ​യി​പ്പി​ക്കു​ന്ന കു​സൃ​തി​യോ​ർ​ക്കു​ക​യാ​ണ്...

ആ​കാ​ശ​വാ​ണി, കോ​ഴി​ക്കോ​ട്

മു​ന്പ് ഓ​ണം, വി​ഷു കാ​ല​ങ്ങ​ളി​ൽ ആ​കാ​ശ​വാ​ണി നി​ല​യം ക്ഷ​ണി​ക്ക​പ്പെ​ട്ട സ​ദ​സി​നു മു​ന്നി​ൽ ല​ളി​ത​ഗാ​ന​മേ​ള അ​വ​ത​രി​പ്പി​ക്കു​ക പ​തി​വു​ണ്ട്. വ​ർ​ഷ​ങ്ങ​ൾ​ക്കു​മു​ന്പാ​ണ്. അ​ന്ന് കോ​ഴി​ക്കോ​ട് ത​ളി സാ​മൂ​തി​രി ഹൈ​സ്കൂ​ൾ ഓ​ഡി​റ്റോ​റി​യ​ത്തി​ൽ ന​ട​ന്ന പ​രി​പാ​ടി​യി​ലാ​ണ് വി.​ടി. മു​ര​ളി ഒ​രു വി​ഷു​പ്പാ​ട്ടി​ന്‍റെ എ​ന്നു​തു​ട​ങ്ങു​ന്ന ഗാ​നം പാ​ടി​യ​ത്. രാ​ഘ​വ​ൻ മാ​സ്റ്റ​റെ​ക്കൂ​ടാ​തെ അ​ന്ന് ചി​ദം​ബ​ര​നാ​ഥി​ന്‍റെ പാ​ട്ടു​ക​ളും അ​വ​ത​രി​പ്പി​ച്ചി​രു​ന്നു.

പാ​ട്ടു​ക​ളു​ടെ റെ​ക്കോ​ർ​ഡിം​ഗ് നേ​ര​ത്തേ സ്റ്റു​ഡി​യോ​യി​ൽ ചെ​യ്തി​രി​ക്കും. അ​ത് ലൈ​വ് ആ​യി സ​ദ​സ്സി​നു മു​ന്നി​ൽ പാ​ടു​ക​യാ​ണ് ചെ​യ്യു​ന്ന​ത്. രാ​ഘ​വ​ൻ മാ​സ്റ്റ​റു​ടെ വീ​ട്ടി​ൽ പോ​യാ​ണ് മു​ര​ളി സാ​ധാ​ര​ണ പാ​ട്ടു​പ​ഠി​ക്കാ​റു​ള്ള​ത്. അ​തി​നു ര​ണ്ടു കാ​ര​ണ​ങ്ങ​ളു​ണ്ടെ​ന്ന് അ​ദ്ദേ​ഹം പ​റ​യു​ന്നു. ഒ​ന്ന് പാ​ട്ടു ന​ന്നാ​യി പ​ഠി​ക്കാ​ൻ പ​റ്റും. ര​ണ്ടാ​മ​ത്തേ​താ​ണ് പ്ര​ധാ​നം- മാ​സ്റ്റ​ർ പാ​ടു​ന്ന​തു കേ​ൾ​ക്കാം.
മു​ര​ളി പ​റ​യു​ന്നു:

രാ​ഘ​വ​ൻ മാ​ഷു​ടെ പാ​ട്ടു​ക​ൾ ന​മ്മ​ളൊ​ന്ന് ഉ​ള്ളി​ലേ​ക്ക് ആ​വാ​ഹി​ച്ചെ​ടു​ക്ക​ണം. കേ​ട്ട​മാ​ത്ര​യി​ൽ ഏ​റ്റു​പാ​ടി​യാ​ൽ അ​തി​ൽ ആ​ത്മാ​വു​ണ്ടാ​വി​ല്ല. വ​ള​രെ ല​ളി​ത​മെ​ന്നു തോ​ന്നു​ന്ന കാ​യ​ല​രി​ക​ത്ത് എ​ന്ന പാ​ട്ടു​പോ​ലും പാ​ടാ​ൻ പ്ര​യാ​സ​മാ​ണ്. അ​വ​സാ​നം​വ​രെ ഒ​രേ ട്യൂ​ണാ​ണ്. എ​ന്നാ​ൽ ആ ​ശ്രു​തി​യി​ലും കാ​ല​പ്ര​മാ​ണ​ത്തി​ലും പാ​ടി​യൊ​പ്പി​ക്കു​ക എ​ളു​പ്പ​മ​ല്ല.

ഒ​രു വി​ഷു​പ്പാ​ട്ടി​ന്‍റെ എ​ന്നു​തു​ട​ങ്ങു​ന്ന പാ​ട്ട് 5/8 താ​ള​ത്തി​ലാ​ണ്. ഇ​ന്ന​ത്തെ​പ്പോ​ലു​ള്ള റെ​ക്കോ​ർ​ഡിം​ഗ് സാ​ങ്കേ​തി​ക​വി​ദ്യ​ക​ൾ ഒ​ന്നു​മി​ല്ലാ​ത്ത കാ​ല​ത്താ​ണ് അ​തി​ന്‍റെ പി​റ​വി. മാ​ഷ് വ​ള​രെ എ​ക്സ്പ്ര​ഷ​നോ​ടു​കൂ​ടി​യാ​ണു പ​റ​ഞ്ഞു​ത​രി​ക. അ​ദ്ദേ​ഹം ഒ​ന്നാം​ത​രം പാ​ട്ടു​കാ​ര​നു​മ​ല്ലേ. ഈ​ണ​ത്തി​ലാ​ണെ​ങ്കി​ൽ ക​ഠി​ന​മാ​യ ചി​ട്ട​യും. ഗാ​യ​ക​ർ എ​വി​ടെ​യെ​ങ്കി​ലും ആ​വ​ശ്യ​മി​ല്ലാ​തെ തൊ​ട്ടാ​ൽ അ​തി​ന്‍റെ ഭം​ഗി​പോ​കും. പ​ര​മാ​വ​ധി റി​ഹേ​ഴ്സ​ൽ ചെ​യ്തി​ട്ടേ ടേ​ക്കി​നു പോ​കൂ.
അ​ങ്ങ​നെ പ​ഠി​ച്ചു​പാ​ടി മ​നോ​ഹ​ര​മാ​യ പാ​ട്ടാ​ണ് അ​ത്.

ക​ണി​യി​ലെ കെ​ണി​യും കു​സൃ​തി​യും

തു​ട​ക്ക​ത്തി​ൽ കേ​ട്ട ക​ണി​യൊ​രു​ക്കാ​നാ​യ് ക്ഷ​ണി​ച്ച​താ​ണോ... എ​ന്നെ കെ​ണി​യി​ലാ​ക്കാ​നാ​യ് വി​ളി​ച്ച​താ​ണോ... എ​ന്ന വ​രി​ക​ളി​ൽ രാ​ഘ​വ​ൻ മാ​സ്റ്റ​ർ അ​സാ​ധാ​ര​ണ​മാ​യൊ​രു ഭം​ഗി​യൊ​രു​ക്കി. സം​ഗീ​തം​കൊ​ണ്ട് സൃ​ഷ്ടി​ച്ച​താ​ണ് ആ ​വി​സ്മ​യം. പ്ര​ണ​യ​ത്തി​ന്‍റെ കു​സൃ​തി​യാ​ണ് നോ​ട്ടു​ക​ളു​ടെ അദ്ഭു​ത​ക​ര​മാ​യ പ്ര​യോ​ഗം​കൊ​ണ്ട് സൃ​ഷ്ടി​ച്ചെ​ടു​ത്ത​ത്. കെ​ണി​യി​ലാ​ക്കാ​നാ​യ് എ​ന്ന​ഭാ​ഗം പാ​ടു​ന്പോ​ഴ​ത്തെ മ​നോ​ഹാ​രി​ത കേ​ട്ടു​ത​ന്നെ അ​റി​യ​ണം. പ്ര​ണ​യ​ത്തി​ന്‍റെ സു​ന്ദ​ര​മാ​യ കെ​ണി അ​വി​ടെ തെ​ളി​ഞ്ഞു​വ​രും. കെ​ണി എ​ന്ന​ത് ഇ​ന്നു​കേ​ൾ​ക്കു​ന്ന അ​ർ​ഥ​ത്തി​ല​ല്ലെ​ന്ന് പ്ര​ത്യേ​കം ഓ​ർ​ക്ക​ണം. ച​തി​യു​ടെ കെ​ണി​യ​ല്ല, പ്ര​ണ​യ​ത്തി​ന്‍റെ കൂ​ട്ടാ​ണ​ത്. ചൊ​വ്വ​ല്ലൂ​രി​ന്‍റെ വ​രി​ക​ളു​ടെ ഭം​ഗി​ക്ക് പൂ​ർ​ണ​ത ന​ൽ​കു​ക​യാ​യി​രു​ന്നു രാ​ഘ​വ​ൻ മാ​സ്റ്റ​ർ. അ​ദ്ദേ​ഹ​ത്തി​ന്‍റെ വ​ലി​യ ആ​രാ​ധ​ക​നു​മാ​ണ് ചൊ​വ്വ​ല്ലൂ​ർ കൃ​ഷ്ണ​ൻ​കു​ട്ടി.

ഹു​സേ​നി ഛായ​യി​ലാ​ണെ​ങ്കി​ലും രാ​ഗാ​ധി​ഷ്ഠി​ത​മ​ല്ല ഈ ​പാ​ട്ടെ​ന്ന് മു​ര​ളി പ​റ​യു​ന്നു. പി​ന്നീ​ട​തി​ൽ രാ​ഗം ക​ണ്ടെ​ത്തു​ന്നു​വെ​ന്നേ​യു​ള്ളൂ. ഒ​രു നാ​ട​ൻ ചേ​ലി​ലാ​ണ് മാ​ഷ് പാ​ട്ടൊ​രു​ക്കി​യ​ത്. ഒ​രു വി​ഷു​പ്പാ​ട്ടി​ന്‍റെ എ​ന്ന​തി​ലെ പാ ​എ​ന്ന ശ​ബ്ദം ആ​ല​പി​ക്കു​ന്ന​തി​ൽ​ത്ത​ന്നെ ഒ​രു ഫോ​ക് സ്പ​ർ​ശം വ​ന്നു. അ​തു ന​ൽ​കി​യ ഭം​ഗി​യു​മൊ​ന്നു വേ​റെ.

അ​ന്ന​ത്തെ വി​ഷു, ഇ​ന്ന​ത്തെ പാ​ട്ട്

എ​ന്‍റെ ചെ​റു​പ്പ​ത്തി​ലൊ​ക്കെ വി​ഷു ആ​ഘോ​ഷം പ്ര​ധാ​ന​മാ​ണ്. അ​ന്നു ദാ​രി​ദ്ര്യമു​ണ്ട​ല്ലോ. ന​മു​ക്ക് അ​നു​ഭ​വി​ക്കേ​ണ്ടി​വ​ന്നി​ട്ടി​ല്ലെ​ങ്കി​ലും ദാ​രി​ദ്ര്യ​മു​ള്ള​വ​രെ ധാ​രാ​ളം ക​ണ്ടി​ട്ടു​ണ്ട്. അ​ധ്യാ​പ​ക​നാ​യി​രു​ന്ന അ​ച്ഛ​ൻ സ​മൂ​ഹ​ത്തെ നോ​ക്കി​ക്കാ​ണാ​നും പ​ഠി​പ്പി​ച്ചി​ട്ടു​ണ്ട്. അ​തി​ലൂ​ടെ രാ​ഷ്ട്രീ​യ​ബോ​ധ​വും വ​ള​ർ​ന്നു. ഇ​ത്ത​രം ദി​വ​സ​ങ്ങ​ളി​ലാ​ണ് പ​ട്ടി​ണി​പ്പാ​വ​ങ്ങ​ളാ​യ പ​ല​രും വ​യ​റു​നി​റ​യെ ഭ​ക്ഷ​ണം​ക​ഴി​ക്കു​ന്ന​ത്. അ​ക്കാ​ല​ത്ത് പ​ട​ക്കം​പോ​ലും ക​ട​യി​ൽ​നി​ന്നു വാ​ങ്ങാ​റി​ല്ല. ഓ​ല​പ്പ​ട​ക്ക​വും എ​റി​ഞ്ഞു​പൊ​ട്ടി​ക്കു​ന്ന പ​ട​ക്ക​വും വീ​ട്ടി​ൽ​ത്ത​ന്നെ കെ​ട്ടി​യു​ണ്ടാ​ക്കു​ക​യാ​ണ് പ​തി​വ്- മു​ര​ളി ഓ​ർ​ക്കു​ന്നു.

സം​ഗീ​ത​ത്തെ​ക്കു​റി​ച്ച് സം​സാ​രി​ക്കാ​നൊ​ന്നും ഇ​പ്പോ​ൾ ആ​ർ​ക്കും സ​മ​യ​മി​ല്ല. ആ​ളു​ക​ൾ ഒ​റ്റ​പ്പെ​ടു​ന്ന​ത് ന​മ്മു​ടെ ചു​റ്റും മ​നു​ഷ്യ​രി​ല്ലാ​ത്ത​തു​കൊ​ണ്ട​ല്ല, ആ​ശ​യ​വി​നി​മ​യ​മി​ല്ലാ​ത്ത​തു​കൊ​ണ്ടാ​ണ്. അ​ങ്ങ​നെ സം​വ​ദി​ക്കു​ന്ന​ത​ര​ത്തി​ലു​ള്ള പ്രോ​ജ​ക്ടു​ക​ൾ മ​ന​സി​ലു​ണ്ട്. എ​ന്നാ​ൽ അ​തൊ​ന്നും ന​ട​പ്പി​ലാ​ക്കാ​ൻ എ​ളു​പ്പ​മ​ല്ല. ഒ​രു സെ​ലി​ബ്രി​റ്റി സം​സ്കാ​രം ന​മ്മു​ടെ നാ​ട്ടി​ൽ വ​ള​ർ​ന്നു​ക​ഴി​ഞ്ഞു. സം​ഘാ​ട​ക​ർ ആ​സ്വാ​ദ​മ​ന​സു​ക​ളെ അ​ങ്ങ​നെ പാ​ക​പ്പെ​ടു​ത്തി​യ​താ​ണ്. പാ​ട്ടെ​ന്ന​ത് സി​നി​മ​യി​ൽ പാ​ടു​ന്ന​വ​രു​ടെ​യും നൃ​ത്തം സി​നി​മ​യി​ൽ ചെ​യ്യു​ന്ന​വ​രു​ടെ​യും മാ​ത്രം എ​ന്ന നി​ല​യ്ക്കു ചി​ന്തി​ക്കു​ന്ന​വ​രാ​ണ് ഇ​പ്പോ​ൾ കൂ​ടു​ത​ലും. ക​ലാ​സ്വാ​ദ​നം ഷോ​ക​ളി​ലേ​ക്ക് ഒ​തു​ങ്ങി. സം​ഗീ​തം​പോ​ലും ഷോ ​എ​ന്ന് അ​റി​യ​പ്പെ​ട്ടു​തു​ട​ങ്ങി. ഞാ​ൻ വ​ള​രെ ല​ളി​ത​മാ​യി ഒ​രു ശ്രു​തി​പ്പെ​ട്ടി​വ​ച്ച് പാ​ട്ടു​പാ​ടാ​നും പ​റ​യാ​നു​മി​രു​ന്നാ​ൽ കേ​ൾ​വി​ക്കാ​ർ ഉ​ണ്ടാ​കു​മെ​ന്ന് എ​നി​ക്കു​റ​പ്പു​ണ്ട്. നൂ​റു​പേ​ർ മ​തി​യാ​വും. പ​ക്ഷേ അ​തു​പോ​ലൊ​രു പ​രി​പാ​ടി​ക്ക് സം​ഘാ​ട​ക​ർ മു​ന്നോ​ട്ടു​വ​രാ​ൻ വ​ലി​യ ബു​ദ്ധി​മു​ട്ടാ​ണ്. ക​ല​യി​ൽ മാ​ത്ര​മ​ല്ല, ഏ​തി​ട​ത്തെ​യും പ്ര​ശ്നം ഇ​ത്ത​രം സം​ഘാ​ട​ക​രാ​ണ്- മു​ര​ളി പ​റ​യു​ന്നു.
അ​തു​കേ​ട്ട് പാ​ട്ടു​ക​ളി​ലെ മാ​ത​ള​ത്തേ​നു​ണ്ട് ന​മ്മ​ളി​രി​ക്കു​ന്നു..

ഹരിപ്രസാദ്‌


Copyright @ 2022 , Rashtra Deepika Ltd.