മു​ത്തേ, പൊ​ന്നേ.., പി​ണ​ങ്ങ​ല്ലേ!!
ധാ​ന്യ​മ​ണി​ക​ളി​ൽ അ​വ​യോ​രോ​ന്നും ക​ഴി​ക്കേ​ണ്ട​യാ​ളു​ടെ പേ​രെ​ഴു​തി​യി​ട്ടു​ണ്ടാ​വും എ​ന്ന സ​ങ്ക​ല്പം പോ​ലെ​യാ​ണ്- ഓ​രോ പാ​ട്ടും ആ​രു പാ​ട​ണ​മെ​ന്ന് എ​വി​ടെ​യോ എ​ങ്ങ​നെ​യോ നി​ശ്ച​യി​ക്ക​പ്പെ​ട്ടി​രി​ക്കും. സി​നി​മാ​രം​ഗ​ത്തെ ച​ര​ടു​വ​ലി​ക​ൾ​ക്കും അ​ട്ടി​മ​റി​ക​ൾ​ക്കും അ​പ്പു​റം അ​ങ്ങ​നെ​യൊ​രു നി​യോ​ഗ​മു​ണ്ടാ​യി​രി​ക്ക​ണം. ഇ​തു പു​തി​യ ക​ഥ​യ​ല്ല. തി​ര​ശീ​ല​ക​ൾ പാ​ടി​ത്തു​ട​ങ്ങി​യ​കാ​ലം മു​ത​ൽ​ക്കേ​യു​ള്ള യാ​ഥാ​ർ​ഥ്യ​മാ​ണ്.

ധാ​ര​ണ​ക​ൾ, പി​ശ​കു​ക​ൾ

ഏ​താ​ണ്ടു ര​ണ്ടു​പ​തി​റ്റാ​ണ്ടു​കാ​ലം മ​ന​സി​ലൊ​തു​ക്കി​യ ഒ​രു സ​ങ്ക​ടം 1974ൽ ​ഗാ​യ​ക​ൻ മു​കേ​ഷ് തു​റ​ന്ന​ടി​ച്ചു. രാ​ജ്ക​പൂ​ർ ചി​ത്ര​മാ​യ ചോ​രി ചോ​രി(1956)​യി​ൽ ത​നി​ക്ക് പാ​ടാ​ൻ അ​വ​സ​രം കി​ട്ടാ​തി​രു​ന്ന​തി​ലെ അ​മ​ർ​ഷം മു​കേ​ഷ് അ​തു​വ​രെ മ​റ​ന്നി​രു​ന്നി​ല്ല. രാ​ജ് ക​പൂ​റി​ന്‍റെ ശ​ബ്ദ​മാ​യി അ​റി​യ​പ്പെ​ട്ട ത​നി​ക്ക് അ​വ​സ​രം നി​ഷേ​ധി​ക്ക​പ്പെ​ട്ട​തി​നു പി​ന്നി​ൽ ഏ​താ​നും പേ​രു​ടെ ക​റു​ത്ത കൈ​ക​ളു​ണ്ടെ​ന്നായിരുന്നു അ​ദ്ദേ​ഹം പറഞ്ഞത്. അ​വ​രി​ൽ രാ​ജ് ക​പൂ​ർ ഇ​ല്ലെ​ന്നു വ്യ​ക്ത​മാ​ക്കു​ക​യും ചെ​യ്തു. അ​പ്പോ​ൾ സം​ശ​യ​ത്തി​ന്‍റെ മു​ന നീ​ണ്ട​ത് സ്വാ​ഭാ​വി​ക​മാ​യും സം​ഗീ​ത​സം​വി​ധാ​യ​ക​രാ​യ ശ​ങ്ക​ർ-​ജ​യ്കി​ഷ​നി​ലേ​ക്കും ഗാ​യ​ക​ൻ മ​ന്നാ ഡേ​യി​ലേ​ക്കു​മാ​യി​രു​ന്നു.

ശ​ങ്ക​ർ-​ജ​യ്കി​ഷ​ൻ ദ്വ​യം അ​ന്നു​വ​രെ മു​കേ​ഷി​നു ന​ൽ​കി​യ അ​തി​സു​ന്ദ​ര​ഗാ​ന​ങ്ങ​ൾ അ​ദ്ദേ​ഹം മ​റ​ന്നു​പോ​യി​രി​ക്കു​മോ? ഹൃ​ദ​യ​ങ്ങ​ളു​ടെ അ​ടി​ത്ത​ട്ടു​തൊ​ട്ട ആ ​പാ​ട്ടു​ക​ൾ എ​ന്താ​യാ​ലും ആ​സ്വാ​ദ​ക​ർ മ​റ​ന്നു​പോ​കാ​നി​ട​യി​ല്ല.

സിം​ഫ​ണി​ക് ജേ​ണി ഓ​ഫ് ശ​ങ്ക​ർ ജ​യ്കി​ഷ​ൻ എ​ന്ന പു​സ്ത​കം ശ​ങ്ക​റി​നെ ഉദ്ധരി​ച്ച് ഇ​ങ്ങ​നെ പ​റ​യു​ന്നു: മു​കേ​ഷി​ന്‍റെ സ്വ​രം എ​ല്ലാ നാ​യ​കന്മാ​ർ​ക്കും ചേ​രു​ന്ന​താ​ണ്. യ​ഹൂ​ദി എ​ന്ന ചി​ത്ര​ത്തി​നു മു​ന്പ് ദി​ലീ​പ് കു​മാ​റി​നു​വേ​ണ്ടി ത​ല​ത് മെ​ഹ​മൂ​ദ് ആ​ണ് പാ​ടാ​റു​ള്ള​ത്. പ​ക്ഷേ, ആ ​ചി​ത്ര​ത്തി​ലെ യേ ​മേ​രാ ദീ​വാ​നാ​ പ​ൻ എ​ന്ന പാ​ട്ട് ഞ​ങ്ങ​ൾ മു​കേ​ഷി​നെ മ​ന​സി​ൽ​ക​ണ്ടാ​ണ് ഒ​രു​ക്കി​യ​ത്. യാ​ദൃ​ച്ഛി​ക​മാ​യി എ​ടു​ത്ത ഒ​രു തീ​രു​മാ​ന​മാ​യി​രു​ന്നു, അ​ത് മു​കേ​ഷി​ന് അ​നു​കൂ​ല​മാ​യി. ഞ​ങ്ങ​ൾ​ക്ക​ത് ഒ​രു വി​സ്മ​യ​മാ​യി​രു​ന്നു. മു​കേ​ഷി​നു​വേ​ണ്ടി ഞ​ങ്ങ​ളൊ​രു​ക്കി​യ പാ​ട്ടു​ക​ളി​ൽ ഏ​റ്റ​വും മി​ക​ച്ച​ത്, അ​ദ്ദേ​ഹം പാ​ടി​യ​വ​യി​ൽ ഏ​റ്റ​വും മി​ക​ച്ച​ത് ആ ​പാ​ട്ടാ​കു​മെ​ന്ന് ഞ​ങ്ങ​ൾ​ക്ക് ഉ​റ​പ്പാ​യി​രു​ന്നു.

അ​ത​ങ്ങ​നെ ആ​വു​ക​യും ചെ​യ്തു. കാ​ല​ത്തെ വെ​ല്ലു​ന്ന, ജീ​വ​ൻ ന​ഷ്ട​മാ​കാ​ത്ത മെ​ല​ഡി​യാ​ണ് യേ ​മേ​രാ ദീ​വാ​നാ പ​ൻ. അ​തു മ​ന്നാ ഡേ ​പാ​ടി​യി​രു​ന്നെ​ങ്കി​ൽ കൂ​ടു​ത​ൽ ന​ന്നാ​കു​മാ​യി​രു​ന്നോ, ഇ​ല്ലേ എ​ന്ന​തൊ​ക്കെ വെ​റു​തെ ചി​ന്തി​ക്കാ​മെ​ന്നു​മാ​ത്രം!


ന​ഷ്ടം, നേ​ട്ടം, മ​റ​വി

ചോ​രി ചോ​രി​യി​ലെ പാ​ട്ടു​ക​ൾ മ​ന്നാ ഡേ​യ്ക്ക് ന​ൽ​കി​യ​ത് അ​ക്ഷ​രാ​ർ​ഥ​ത്തി​ൽ പു​തു​ജീ​വ​നാ​ണ്. ആ ​പാ​ട്ടു​ക​ൾ മു​കേ​ഷ് ത​ന്നെ​യാ​ണ് പാ​ടി​യി​രു​ന്ന​തെ​ങ്കി​ൽ താ​ൻ ക​ട​ന്നു​പോ​യി​രു​ന്ന മോ​ശം സ​മ​യ​ത്തി​ൽ വീ​ണ്ടും ആ​ഴ്ന്നു​പോ​കു​മാ​യി​രു​ന്നു മ​ന്നാ ഡേ. ​എ​ന്നാ​ൽ ശ​ങ്ക​ർ-​ജ​യ്കി​ഷ​ൻ നീ​ട്ടി​ക്കൊ​ടു​ത്ത കൈ​ക​ളെ പി​ന്നീ​ട് മ​ന്നാ ഡേ​യും മ​റ​ന്നു. ത​ന്‍റെ ഏ​റ്റ​വും പ്രി​യ​പ്പെ​ട്ട പാ​ട്ടു​ക​ളി​ൽ അ​ദ്ദേ​ഹം ഒ​രി​ക്ക​ലും അ​വ​രു​ടെ പാ​ട്ടു​ക​ൾ എ​ടു​ത്തു​പ​റ​ഞ്ഞി​ല്ല!

എ​ന്തു​കൊ​ണ്ടാ​വും ചോ​രി ചോ​രി​യി​ൽ രാ​ജ് ക​പൂ​റി​നു​വേ​ണ്ടി മു​കേ​ഷി​ന്‍റെ ശ​ബ്ദം ശ​ങ്ക​ർ-​ജ​യ്കി​ഷ​ൻ ഉ​പ​യോ​ഗി​ക്കാ​തി​രു​ന്ന​ത്? അ​തി​നു​ള്ള ഉ​ത്ത​ര​വും ശ​ങ്ക​ർ പ​റ​ഞ്ഞി​ട്ടു​ണ്ട്: ആ ​സ​മ​യ​ത്ത് മു​കേ​ഷ് സ്വ​ന്തം സി​നി​മ​യു​ടെ നി​ർ​മാ​ണ​വു​മാ​യി ബ​ന്ധ​പ്പെ​ട്ട വ​ലി​യ തി​ര​ക്കു​ക​ളി​ലാ​യി​രു​ന്നു. ത​നി​ക്കൊ​രു ഗാ​യ​ക​നാ​യി തു​ട​ര​ണോ അ​ഭി​നേ​താ​വാ​ക​ണോ അ​തോ സം​ഗീ​ത​സം​വി​ധാ​യ​ക​നാ​വ​ണോ എ​ന്നീ കാ​ര്യ​ങ്ങ​ളി​ൽ ഒ​രു തീ​രു​മാ​ന​മെ​ടു​ക്കാ​ൻ​പോ​ലും അ​പ്പോ​ൾ അ​ദ്ദേ​ഹ​ത്തി​നു ക​ഴി​ഞ്ഞി​രു​ന്നി​ല്ല. അ​തു​കൊ​ണ്ടു​മാ​ത്ര​മാ​ണ് അ​ന്ന് ആ ​പാ​ട്ടു​ക​ൾ മ​ന്നാ ഡേ ​പാ​ട​ട്ടെ​യെ​ന്നു ഞ​ങ്ങ​ൾ തീ​രു​മാ​നി​ച്ച​ത്.

ഈ​ണ​ങ്ങ​ളു​ടെ ബാ​ങ്ക്!

ഏ​തു സ​ന്ദ​ർ​ഭ​ത്തി​നും അ​നു​യോ​ജ്യ​മാ​യ ഈ​ണ​ങ്ങ​ൾ കൊ​ണ്ടു​ന​ട​ക്കു​ന്ന ബാ​ങ്കാ​യി​രു​ന്നു ശ​ങ്ക​ർ-​ജ​യ്കി​ഷ​ൻ ദ്വ​യം എ​ന്നു പ​റ​യാ​റു​ണ്ട്. ചോ​രി ചോ​രി​യു​ടെ സ​മ​യ​വും അ​ങ്ങ​നെ​യാ​യി​രു​ന്നു. ശൈ​ലേ​ന്ദ്ര​യും ഹ​സ്ര​ത് ജ​യ്പു​രി​യും വ​രി​ക​ൾ എ​ഴു​തേ​ണ്ട താ​മ​സ​മേ ഉ​ണ്ടാ​യി​രു​ന്നു​ള്ളൂ., പാ​ട്ടു​ക​ൾ റിക്കാ​ർ​ഡിം​ഗി​ന് റെ​ഡി! തി​ര​ക്കു​മൂ​ലം മു​കേ​ഷി​നെ വി​ളി​ച്ചി​ല്ലെ​ന്നു ശ​ങ്ക​ർ വ്യ​ക്ത​മാ​ക്കു​ന്പോ​ഴും ചോ​രി ചോ​രി​യി​ലെ പാ​ട്ടു​ക​ളു​ടെ സ്കെ​യി​ൽ മു​കേ​ഷി​നു ചേ​രു​ന്ന​ത​ല്ലെ​ന്നു സ​മ​ർ​ഥി​ക്കു​ന്ന വി​മ​ർ​ശ​ക​രു​മു​ണ്ട്. ഉ​യ​ർ​ന്ന ഒ​ക്ടേ​വു​ക​ളി​ലു​ള്ള പാ​ട്ടു​ക​ൾ മു​കേ​ഷി​നു യോ​ജി​ച്ച​ത​ല്ലെ​ന്നാ​ണ് അ​വ​രു​ടെ പ​ക്ഷം. യെ ​രാ​ത് ഭീ​ഗീ ഭീ​ഗി, ആ​ജാ സ​നം എ​ന്നീ പാ​ട്ടു​ക​ൾ ഫ്ളാ​റ്റ് സ്കെ​യി​ലി​ൽ എ​ങ്ങ​നെ കേ​ൾ​ക്കു​മെ​ന്ന് അ​വ​ർ ചോ​ദി​ക്കു​ന്നു!

ചോ​രി ചോ​രി​യു​ടെ കാ​ര്യ​ത്തി​ൽ നി​ർ​ഭാ​ഗ്യ​ക​ര​മാ​യ മ​റ്റൊ​ന്നു​കൂ​ടി സം​ഭ​വി​ച്ചു. മി​ക​ച്ച സം​ഗീ​ത സം​വി​ധാ​യ​ക​നു​ള്ള അ​ക്കൊ​ല്ല​ത്തെ ഫി​ലിം​ഫെ​യ​ർ അ​വാ​ർ​ഡ് ഈ ​ചി​ത്ര​ത്തി​ലെ ഗാ​ന​ങ്ങ​ൾ​ക്ക് ശ​ങ്ക​ർ-​ജ​യ്കി​ഷ​നാ​യി​രു​ന്നു. അ​തി​ലെ പാ​ട്ടു​ക​ൾ പാ​ടി​യ ല​താ മ​ങ്കേ​ഷ്ക​റെ പു​ര​സ്കാ​ര​ദാ​ന​ച്ച​ട​ങ്ങി​ലേ​ക്കു ക്ഷ​ണി​ച്ചി​ട്ടും അ​വ​ർ പ​ങ്കെ​ടു​ത്തി​ല്ല. അ​വാ​ർ​ഡ് അ​വ​ർ​ക്ക​ല്ലേ, അ​വ​ർ പോ​യി വാ​ങ്ങ​ട്ടെ, അ​തി​ൽ എ​നി​ക്കെ​ന്തു​കാ​ര്യം എ​ന്നു പ​റ​ഞ്ഞത്രേ ല​ത! ശാ​ര​ദ എ​ന്ന പു​തി​യ ഗാ​യി​ക​യ്ക്ക് അ​വ​സ​രം കൊ​ടു​ത്ത​തി​ന്‍റെ പേ​രി​ൽ ഇ​ട​ക്കാ​ല​ത്ത് ശ​ങ്ക​ർ-​ജ​യ്കി​ഷ​നു​വേ​ണ്ടി പാ​ടു​ന്ന​ത് നി​ർ​ത്തു​ക​യും ചെ​യ്തു അ​വ​ർ.

പി​ണ​ക്ക​ങ്ങ​ളും തെ​റ്റി​ദ്ധാ​ര​ണ​ക​ളും ഈ​ണ​ങ്ങ​ളു​ടെ ലോ​ക​ത്തെ അ​പ​സ്വ​ര​ങ്ങ​ളാ​കു​ന്ന​ത് ഇ​ങ്ങ​നെ​യൊ​ക്കെ​!!

ഇൻ ഹാർമണി-
ഹരിപ്രസാദ്‌


Copyright @ 2022 , Rashtra Deepika Ltd.