പ​ന്ത്ര​ണ്ടാം സ്ഥ​ലം
ഇ​തൊ​രു യാ​ത്രാ​ക്കു​റി​പ്പാ​ണ്. പ​ഴ​യ ജ​റു​സ​ലേ​മി​ലെ ഗാ​ഗു​ൽ​ത്താ​മ​ല​യി​ലേ​ക്ക്. ലോ​ക​ത്ത് ഒ​രു വ​ർ​ഷം നാ​ലു ല​ക്ഷ​ത്തി​ലേ​റെ കൊ​ല​പാ​ത​ക​ങ്ങ​ൾ ന​ട​ക്കു​ന്പോ​ൾ, അ​ഞ്ചു കോ​ടി ഗ​ർ​ഭഛി​ദ്ര​ങ്ങ​ൾ ന​ട​ക്കു​ന്പോ​ൾ, ന്യൂ​ന​പ​ക്ഷ​മാ​യ​തി​ന്‍റെ പേ​രി​ൽ​മാ​ത്രം മ​നു​ഷ്യ​ർ ആ​ക്ര​മി​ക്ക​പ്പെ​ടു​ന്പോ​ൾ, പ​ല​ഹാ​ര​മെ​ടു​ത്തു തി​ന്ന​തി​നു ബാ​ല​ൻ കൊ​ല്ല​പ്പെ​ടു​ന്പോ​ൾ...​ ഈ പ​ഴ​യ കൊ​ല​ക്ക​ളം ര​ക്തം വി​യ​ർ​ക്കു​ന്നു. ഇ​വ​ർ ചെ​യ്യു​ന്ന​ത് എ​ന്തെ​ന്ന് ഇ​വ​ർ അ​റി​യു​ന്നി​ല്ലെ​ന്ന് ആ​വ​ർ​ത്തി​ച്ചു​കൊ​ണ്ട്...

ജ​റു​സ​ലേ​മി​ന്‍റെ ശി​ര​സി​ൽ ത​റ​യ്ക്ക​പ്പെ​ട്ട ഒ​രു മു​ള്ളു​പോ​ലെ​യാ​ണ് പ​ന്ത്ര​ണ്ടാം സ്ഥ​ലം ഉ​യ​ർ​ന്നു നി​ല്ക്കു​ന്ന​ത്. ഗാ​ഗു​ൽ​ത്താ​മ​ല​യു​ടെ ഏ​റ്റ​വും ഉ​യ​ർ​ന്ന ഭാ​ഗം. ഇ​വി​ടെ വ​ച്ചാ​ണ് ര​ണ്ടാ​യി​രം വ​ർ​ഷ​ങ്ങ​ൾ​ക്കു​മു​ന്പ് യേ​ശു​വി​നെ കു​രി​ശി​ലേ​റ്റി​യ​ത്.

സ​മ​യം രാ​വി​ല 11.

ഫെ​ബ്രു​വ​രി മാ​സ​ത്തി​ന്‍റെ തു​ട​ക്ക​മാ​യി​രു​ന്നു. ത​ണു​പ്പി​നു ശ​ക്തി​പ​ക​ർ​ന്ന് ചെ​റി​യൊ​രു ചാ​റ്റ​ൽ​മ​ഴ​യും രാ​വി​ലെ മു​ത​ൽ പെ​യ്യു​ക​യാ​ണ്. വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള ആ​യി​ര​ത്തോ​ളം ആ​ളു​ക​ളെ​ങ്കി​ലു​മു​ണ്ട് അ​വി​ടെ. പ​ക്ഷ, ക​ടു​ത്ത നി​ശ​ബ്ദ​ത​യാ​ണ്. എ​ല്ലാ​വ​രും ഒ​രു ചാ​ട്ട​വാ​റ​ടി​യു​ടെ ശ​ബ്ദ​വും അ​ട​ക്കി​പ്പി​ടി​ച്ച തേ​ങ്ങ​ലും കേ​ട്ട​തു​പോ​ലെ​യു​ള്ള മു​ഖ​ഭാ​വ​ത്തി​ലാ​ണ്.

ഗാ​ഗു​ൽ​ത്താ​മ​ല​യു​ടെ മു​ക​ൾ ഭാ​ഗ​ത്തു​ള്ളു പ​ള്ളി​യാ​ണി​ത്. ച​ർ​ച്ച് ഓ​ഫ് ഹോ​ളി സെ​പ​ൾ​ക്ക​ർ.

എ​ന്നു​വ​ച്ചാ​ൽ തി​രു​ക്ക​ല്ല​റ​യു​ടെ പ​ള്ളി. ഗ്രീ​ക്കു ഭാ​ഷ​യി​ൽ ഉ​യി​ർ​ത്തെ​ഴു​ന്നേ​ല്പി​ന്‍റെ ദേ​വാ​ല​യം എ​ന്ന​ർ​ഥം വ​രു​ന്ന ച​ർ​ച്ച് ഓ​ഫ് അ​ന​സ്താ​സി​സ് എ​ന്നും അ​റി​യ​പ്പെ​ടു​ന്നു. പ​ഴ​യ ജ​റു​സ​ലേ​മി​ൽ നാ​ലാം നൂ​റ്റാ​ണ്ടി​ൽ നി​ർ​മി​ച്ച​തും ക്രി​സ്ത്യാ​നി​ക​ളു​ടെ ഏ​റ്റ​വും പ്ര​ധാ​ന​പ്പെ​ട്ട ച​രി​ത്ര സ്മാ​ര​ക​വു​മാ​ണി​ത്. കാ​ൽ​വ​രി​യെ​ന്നും ഗൊ​ൽ​ഗോ​ഥ​യെ​ന്നും അ​റി​യ​പ്പെ​ടു​ന്ന ഈ ​പ​ള്ളി​ക്കു​ള്ളി​ലെ ഒ​രു ഭാ​ഗ​ത്താ​ണ് യേ​ശു​വി​ന്‍റെ കു​രി​ശാ​രോ​ഹ​ണം ന​ട​ന്ന സ്ഥ​ലം ഇ​പ്പോ​ഴു​ള്ള​ത്. അ​താ​ണ് പ​ന്ത്ര​ണ്ടാം സ്ഥ​ലം. ഞ​ങ്ങ​ളി​പ്പോ​ൾ അ​വി​ടെ​യാ​ണു നി​ല്ക്കു​ന്ന​ത്.

ജറു​സ​ലേം പ​ട്ട​ണ​ത്തി​ന്‍റെ ഉ​ള്ളി​ൽ​ത​ന്നെ​യാ​ണ് ഗാ​ഗു​ൽ​ത്താ. ഓ​ശാ​ന ദി​വ​സം ആ​ളു​ക​ൾ യേ​ശു​വി​നെ സ്വീ​ക​രി​ക്കാ​ൻ ഇ​രു​വ​ശ​ത്തു​മാ​യി തി​ങ്ങി​ക്കൂ​ടി​യ വ​ഴി​യും കു​രി​ശു​മ​ര​ണ​ത്തി​നു വി​ധി​ച്ച പീ​ലാ​ത്തോ​സി​ന്‍റെ അ​ര​മ​ന​യും യേ​ശു​വി​നെ മ​ർ​ദി​ക്കാ​ൻ ക​യ​റ്റി​യ ക​ൽ​ത്ത​ള​വു​മൊ​ക്കെ അ​ടു​ത്ത​ടു​ത്താ​ണ്. ഈ ​പ​ള്ളി​യി​ൽ​നി​ന്നു വി​ളി​പ്പാ​ട​ക​ലെ.

ഓ​ശാ​ന​യും കൊ​ല​വി​ളി​യും

അ​ന്ന് ജ​റു​സ​ലേ​മി​ൽ അ​ടു​ത്ത​ടു​ത്ത ദി​വ​സ​ങ്ങ​ളി​ലാ​യി ര​ണ്ടു ഘോ​ഷ​യാ​ത്ര​ക​ൾ ന​ട​ന്നി​രു​ന്നു. അ​തി​ലൊ​ന്ന് ഓ​ശാ​ന ഞാ​യ​ർ. വ​ഴി​യോ​ര​ത്തെ​ങ്ങും തി​ങ്ങി​നി​റ​ഞ്ഞ ജ​ന​ക്കൂ​ട്ടം യേ​ശു​വി​നു ജ​യ് വി​ളി​ക്കു​ക​യാ​യി​രു​ന്നു. അ​ഞ്ചു ദി​വ​സ​ങ്ങ​ൾ​ക്ക​കം തൊ​ട്ട​ടു​ത്ത വ​ഴി​യി​ലൂ​ടെ തോ​ളി​ലൊ​രു കു​രി​ശും വ​ഹി​പ്പി​ച്ച് ജ​റു​സ​ലേ​മി​ലെ​ത​ന്നെ ജ​ന​ക്കൂ​ട്ടം യേ​ശു​വി​നെ കൊ​ല്ലാ​ൻ കൊ​ണ്ടു​പോ​യി.

ഒ​ലി​വി​ല​ക്കൊ​ന്പു​ക​ളു​മാ​യി ജ​യ് വി​ളി​ച്ച​വ​രി​ൽ പ​ല​രും അ​ക്കൂ​ട്ട​ത്തി​ലും ഉ​ണ്ടാ​യി​രു​ന്നി​രി​ക്കാം. ശി​ഷ്യ​ന്മാ​രു​ൾ​പ്പെ​ടെ ഭ​യ​ന്നു​വി​റ​ച്ച സ്നേ​ഹി​ത​ന്മാ​രൊ​ക്കെ എ​ങ്ങോ​ട്ടൊ​ക്കെ​യോ ഒ​ളി​ച്ചോ​ടു​ക​യും ചെ​യ്തി​രു​ന്നു. എ​ന്താ​യാ​ലും അ​ന്ന് ഇ​രു​ട്ടു​ന്ന​തി​നു​മു​ന്പ് ദേ​ശ​ദ്രോ​ഹ​വും മ​ത​നി​ന്ദ​യും ദൈ​വ​ദൂ​ഷ​ണ​വു​മൊ​ക്കെ ആ​രോ​പി​ച്ച് ഭ​ര​ണാ​ധി​കാ​രി​ക​ളും യ​ഹൂ​ദ​പ്ര​മാ​ണി​മാ​രും അ​വ​രു​ടെ വി​ഷ​ലി​പ്ത​മാ​യ വാ​ക്കു​ക​ൾ വി​ശ്വ​സി​ച്ച ആ​ൾ​ക്കു​ട്ട​വും ചേ​ർ​ന്ന് യേ​ശു​വി​നെ വ​ധി​ച്ചു. അ​വി​ടെ​യാ​ണ് നാ​മി​പ്പോ​ൾ നി​ല്ക്കു​ന്ന​ത്.

യ​ഥാ​ർ​ഥ കു​രി​ശി​ന്‍റെ വ​ഴി അ​ര​ങ്ങേ​റി​യ ജ​റു​സ​ലേം തെ​രു​വി​ലൂ​ടെ സ്ലീ​വാ​പ്പാ​ത ചൊ​ല്ലി​ക്കൊ​ണ്ട് ലോ​ക​മെ​ങ്ങും​നി​ന്നു​ള്ള തീ​ർ​ഥാ​ട​ക​ർ വി​ലാ​പ​യാ​ത്ര​യാ​യി സെ​പ​ൾ​ക്ക​ർ ദേ​വാ​ല​യ​ത്തി​ലേ​ക്ക് എ​ത്തു​ക​യാ​ണ്. യേ​ശു​വി​നെ കു​രി​ശു​മാ​യി ഇ​വി​ടേ​ക്കു കൊ​ണ്ടു​വ​ന്ന പാ​ത ഇ​പ്പോ​ൾ ഇ​ടു​ങ്ങി​യ തെ​രു​വാ​ണ്. ഇ​രു​വ​ശ​ത്തും ചെ​റു​തും വ​ലു​തു​മാ​യ നി​ര​വ​ധി ക​ട​ക​ൾ കാ​ണാം.

തെ​രു​വി​ലെ ഭി​ത്തി​ക​ളി​ൽ കു​രി​ശു​വ​ര​ച്ച് പീ​ഡാ​നു​ഭ​വ​ത്തി​ന്‍റെ ഓ​രോ സ്ഥ​ല​ങ്ങ​ളും അ​ട​യാ​ള​പ്പെ​ടു​ത്തി​യി​രി​ക്കു​ന്നു. ആ ​സ്ഥ​ല​ങ്ങ​ളി​ൽ​നി​ന്നു​കൊ​ണ്ട് ആ​ളു​ക​ൾ സ്ലീ​വാ​പ്പാ​ത ചൊ​ല്ലു​ന്നു. ചി​ല ആ​ളു​ക​ൾ കു​രി​ശു​ചു​മ​ന്നാ​ണ് മു​ക​ളി​ലേ​ക്കു പോ​കു​ന്ന​ത്. ഗാ​ഗു​ൽ​ത്താ​മ​ല​യെ​ന്ന​ത് വ​ലി​യ പ​ർ​വ​ത​മോ കു​ത്ത​നെ​യു​ള്ള മ​ല​യോ ഒ​ന്നു​മ​ല്ല. അ​ത്ര വ​ലു​ത​ല്ലാ​ത്ത 600 മീ​റ്റ​റു​ള്ള ഒ​രു ക​യ​റ്റം.

കു​രി​ശി​ൻ ചു​വ​ട്ടി​ൽ

ഏ​റെ നേ​രം ക്യൂ​വി​ൽ​നി​ന്ന​ശേ​ഷ​മാ​ണ് യേ​ശു കു​രി​ശി​ൽ ത​റ​യ്ക്ക​പ്പെ​ട്ട സ്ഥ​ല​ത്തേ​ക്കു ഞ​ങ്ങ​ൾ പ്ര​വേ​ശി​ച്ച​ത്. വീ​തി കു​റ​ഞ്ഞ ന​ട​ക​യ​റി​വേ​ണം അ​വി​ടെ എ​ത്താ​ൻ. അ​വി​ടെ ഒ​രു അ​ൾ​ത്താ​ര​യു​ണ്ട്. പ​ശ്ചാ​ത്ത​ല​ത്തി​ൽ കു​രി​ശി​ലെ യേ​ശു. ചു​വ​രി​ൽ പീ​ഡാ​നു​ഭ​വ ദി​വ​സ​ത്തെ സം​ഭ​വ​ങ്ങ​ൾ ചി​ത്ര​ങ്ങ​ളാ​യി ആ​ലേ​ഖ​നം ചെ​യ്തി​രി​ക്കു​ന്നു. കു​രി​ശി​നു ചു​വ​ട്ടി​ൽ ഒ​രു ബ​ലി​പീ​ഠ​മാ​ണ്.

അ​തി​നി​രു​വ​ശ​വു​മു​ള്ള പാ​റ ചി​ല്ലു​കൂ​ട്ടി​ലാ​ക്കി​യി​രി​ക്കു​ന്നു. ബ​ലി​പീ​ഠ​ത്തി​ന്‍റെ അ​ടി​യി​ലാ​യി പാ​റ​യി​ലേ​ക്കു​ള്ള ചെ​റി​യ കു​ഴി​യി​ലേ​ക്ക് കൈ ​താ​ഴ്ത്തി ആ​ളു​ക​ൾ സ്പ​ർ​ശി​ക്കു​ക​യാ​ണ്. നി​ര​നി​ര​യാ​യി ആ​ളു​ക​ൾ കാ​ത്തു​നി​ല്ക്കു​ന്ന​തു​കൊ​ണ്ട് ഓ​രോ​രു​ത്ത​ർ​ക്കും കി​ട്ടു​ന്ന സ​മ​യം കു​റ​വാ​ണ്. എ​ങ്കി​ലും യേ​ശു​വി​ന്‍റെ കു​രി​ശു നാ​ട്ടി​യ പാ​റ​യി​ൽ തൊ​ടു​ന്ന ഫോ​ട്ടോ എ​ടു​ക്കാ​നു​ള്ള തി​ര​ക്കി​ലാ​ണ് എ​ല്ലാ​വ​രും.

ചി​ല​രാ​വ​ട്ടെ, മു​ട്ടി​ന്മേ​ൽ​നി​ന്നു കു​രി​ശി​ന്‍റെ വ​ഴി​യി​ലെ പ​ന്ത്ര​ണ്ടാം സ്ഥ​ലം ചൊ​ല്ലി പ്രാ​ർ​ഥി​ക്കു​ന്നു. പ​ല​രു​ടെ​യും ക​ണ്ണു​ക​ൾ നി​റ​ഞ്ഞൊ​ഴു​കു​ന്നു. ജീ​വി​തം​മു​ഴു​വ​ൻ ആ​ഗ്ര​ഹി​ച്ച ഒ​രു യാ​ത്ര​യ്ക്കൊ​ടു​വി​ലാ​വാം കാ​ൽ​വ​രി​യി​ൽ അ​വ​ർ എ​ത്തി​ച്ചേ​ർ​ന്ന​ത്. ഇ​നി​യൊ​രി​ക്ക​ലും വ​രാ​നു​മി​ട​യി​ല്ല. തി​ര​ക്കു കാ​ര​ണം താ​മ​സി​യാ​തെ ഞ​ങ്ങ​ൾ​ക്കും കാ​ൽ​വ​രി​യി​ൽ​നി​ന്നു താ​ഴേ​ക്ക് ഇ​റ​ങ്ങേ​ണ്ടി​വ​ന്നു.

മൃ​ത​ദേ​ഹം കി​ട​ത്തി​യ സ്ഥ​ലം

താ​ഴെ ഇ​റ​ങ്ങി​യാ​ൽ തൊ​ട്ട​ടു​ത്താ​യി യേ​ശു​വി​നെ കു​രി​ശി​ൽ​നി​ന്നി​റ​ക്കി കി​ട​ത്തി​യ സ്ഥ​ലം. യേ​ശു​വി​ന്‍റെ ര​ഹ​സ്യ​ശി​ഷ്യ​നാ​യി​രു​ന്ന അ​രി​മ​ത്യാ​ക്കാ​ര​ൻ ജോ​സ​ഫ് പീ​ലാ​ത്തോ​സി​ന്‍റെ അ​നു​മ​തി​യോ​ടെ യേ​ശു​വി​ന്‍റെ മൃ​ത​ദേ​ഹം ഏ​റ്റെ​ടു​ത്ത് സം​സ്ക​രി​ക്കു​ന്ന​തി​നു മു​ന്പ് കി​ട​ത്തി​യ സ്ഥ​ലം ഇ​താ​ണെ​ന്നു ക​രു​ത​പ്പെ​ടു​ന്നു. ഇ​ത് അ​ത്ര കൃ​ത്യ​മാ​യ സ്ഥ​ല​മാ​ണോ എ​ന്ന കാ​ര്യ​ത്തി​ൽ സം​ശ​യ​മു​ണ്ട്.

ചെ​റി​യ മാ​റ്റ​ങ്ങ​ളു​ണ്ടാ​വാം. ഒ​രു പ​ക്ഷേ, ഇ​വി​ടെ​ത്ത​ന്നെ​യാ​കാ​നും മ​തി. അ​ങ്ങ​നെ​യാ​ണെ​ങ്കി​ൽ ഒ​രു പ​ക​ൽ​മു​ഴു​വ​ൻ അ​വ​ഹേ​ളി​ക്കു​ക​യും മ​ർ​ദി​ക്കു​ക​യും ചെ​യ്തു മ​ര​ണാ​സ​ന്ന​നാ​ക്കി​യ​ശേ​ഷം കൊ​ല​പ്പെ​ടു​ത്തി​യ യേ​ശു​വി​ന്‍റെ മൃ​ത​ദേ​ഹം കി​ട​ത്തി​യ സ്ഥ​ല​ത്താ​ണ് നാം ​നി​ല്ക്കു​ന്ന​ത്.

യേ​ശു​വി​ന്‍റെ മൃ​ത​ദേ​ഹം കി​ട​ത്തി​യ​തെ​ന്നു ക​രു​തു​ന്ന പൊ​ട്ട​ലു​ക​ൾ വീ​ണ ഒ​രു ക​ൽ​പ്പാ​ളി വ​ച്ചി​ട്ടു​ണ്ട്. അ​തി​നു​മു​ക​ളി​ൽ ചി​ത്രാ​ലം​കൃ​ത​മാ​യ ചി​ല്ലു​വി​ള​ക്കു​ക​ൾ തൂ​ക്കി​യി​രി​ക്കു​ന്നു. തീ​ർ​ഥാ​ട​ക​ർ കൊ​ണ്ടു​വ​ന്ന കൊ​ന്ത​യും മ​റ്റു സാ​ധ​ന​ങ്ങ​ളും ആ ​ക​ല്ലി​ൽ വ​ച്ച് പ്രാ​ർ​ഥി​ക്കു​ന്നു​ണ്ട്. ഒ​പ്പ​മു​ള്ള വൈ​ദി​ക​ർ അ​വ വെ​ഞ്ച​രി​ക്കു​ന്ന​തും കാ​ണാം.

അ​തി​ന​ടു​ത്ത് ചു​വ​രി​ൽ മൊ​സൈ​ക് ചി​ത്ര​ങ്ങ​ൾ. യേ​ശു​വി​ന്‍റെ മൃ​ത​ദേ​ഹം സു​ഗ​ന്ധ​തൈ​ല​ങ്ങ​ൾ പൂ​ശി​യ​ശേ​ഷം ക​ല്ല​റ​യി​ലേ​ക്കു കൊ​ണ്ടു​പോ​കാ​ൻ എ​ടു​ക്കു​ന്ന​താ​ണ് ഒ​രു ചി​ത്രം. അ​വ​ർ മൃ​ത​ദേ​ഹം വ​ഹി​ക്കു​ന്ന​താ​യി ചി​ത്ര​ത്തി​ൽ കാ​ണി​ക്കു​ന്ന ദി​ക്കി​ൽ​ത​ന്നെ ഏ​താ​നും മീ​റ്റ​ർ അ​ക​ലെ​യാ​യി സെ​പ​ൾ​ക്ക​ർ ദേ​വാ​ല​യ​ത്തി​നു​ള്ളി​ൽ​ത​ന്നെ​യാ​ണ് യേ​ശു​വി​ന്‍റെ ക​ല്ല​റ​യും. ര​ണ്ടാ​മ​ത്തെ ചി​ത്ര​ത്തി​ൽ യേ​ശു​വി​ന്‍റെ മൃ​ത​ദേ​ഹ​ത്തി​ന​ടു​ത്ത് മാ​താ​വി​നെ​യും മ​റ്റു സ്ത്രീ​ക​ളെ​യും കാ​ണാം. ത​ല അ​ല്പം ഉ​യ​ർ​ത്തി​പ്പി​ടി​ച്ച് മ​റി​യം മ​ക​ന്‍റെ മു​ഖ​ത്തേ​ക്ക് ത​ന്‍റെ മു​ഖം ചേ​ർ​ത്തു​വ​ച്ചി​രി​ക്കു​ന്നു. സ്ത്രീ​ക​ളി​ലൊ​രാ​ൾ യേ​ശു​വി​ന്‍റെ നി​ശ്ച​ല​മാ​യ ഇ​ട​തു​കൈ ഉ​യ​ർ​ത്തി ചും​ബി​ക്കു​ക​യാ​ണെ​ന്നു തോ​ന്നു​ന്നു.

യേ​ശു​വി​ന്‍റെ ക​ല്ല​റ​യി​ലേ​ക്കു പ്ര​വേ​ശി​ക്കു​ന്ന​തി​നു​ള്ള വ​ലി​യ ക്യൂ​വി​ൽ നൂ​റു​ക​ണ​ക്കി​നാ​ളു​ക​ൾ കാ​ത്തു​നി​ല്ക്കു​ക​യാ​ണ്. അ​ര​മ​ണി​ക്കൂ​റെ​ങ്കി​ലും അ​വി​ടെ നി​ന്നാ​ലേ യേ​ശു​വി​നെ സം​സ്ക​രി​ച്ച സ്ഥ​ല​ത്തേ​ക്കു പ്ര​വേ​ശി​ക്കാ​നാ​കൂ. ക്യൂ​വി​ൽ പി​ന്നി​ൽ നി​ന്ന​യാ​ളോ​ടു പ​റ​ഞ്ഞി​ട്ട് ഞാ​ൻ പ​ള്ളി​യി​ലൂ​ടെ വെ​റു​തെ ന​ട​ന്നു. ഒ​രി​ക്ക​ൽ​കൂ​ടി പ​ന്ത്ര​ണ്ടാം സ്ഥ​ല​ത്തി​നു താ​ഴെ​യെ​ത്തി.

കു​റ​ച്ചു​സ​മ​യം മു​ന്പു ക​ണ്ട തി​ര​ക്കൊ​ന്നു​മി​ല്ല. അ​ത് അ​വി​ശ്വ​സ​നീ​യ​മാ​യി തോ​ന്നി. ഒ​ട്ടും താ​മ​സി​ച്ചി​ല്ല. ക​ൽ​പ്പ​ട​വു​ക​ൾ ക​യ​റി വീ​ണ്ടും മു​ക​ളി​ലേ​ക്ക്. യേ​ശു​വി​നെ കു​രി​ശി​ൽ ത​റ​ച്ചി​ട​ത്ത് ആ​രു​മി​ല്ല. അ​തൊ​രു അ​സാ​ധാ​ര​ണ അ​നു​ഭ​വ​മാ​യി​രു​ന്നു. ബ​ലി​പീ​ഠ​ത്തി​നു ചു​വ​ട്ടി​ലു​ള്ള പാ​റ​യി​ൽ ഒ​രി​ക്ക​ൽ​കൂ​ടി തൊ​ട്ടു​നോ​ക്കി. ഇ​ന്നു​വ​രെ അ​റി​യാ​ത്ത​വി​ധ​മു​ള്ള ഒ​രു നി​ശ​ബ്ദ​ത ശ​രീ​ര​ത്തെ പൊ​തി​യു​ന്നു. മു​ക​ളി​ൽ കു​രി​ശി​ലെ ദൈ​വം. താ​ഴെ​യൊ​രു മ​നു​ഷ്യ​ൻ മാ​ത്രം.

ദൈ​വ​ത്തി​ന്‍റെ ക​ണ്ണീ​ർ വീ​ണ സ്ഥ​ലം

ഇ​വി​ടെ​വ​ച്ചാ​ണ് വ​സ്ത്ര​ങ്ങ​ൾ ഉ​രി​ഞ്ഞെ​ടു​ത്ത​ശേ​ഷം യേ​ശു​വി​നെ കു​രി​ശി​ൽ ത​റ​ച്ച​ത്. ഒ​രു പ​ക്ഷേ, പി​താ​വാ​യ ദൈ​വം ഭൂ​മി​യി​ലേ​ക്കു നോ​ക്കി ക​ര​ഞ്ഞു​പോ​യ ഒ​രേ​യൊ​രു സ്ഥ​ലം ഇ​താ​യി​രി​ക്കാം. വേ​ദ​ന​യാ​ൽ ചോ​ര​വി​യ​ർ​ത്തു പി​ട​യു​ന്ന മ​ക​നെ മ​നു​ഷ്യ​ർ ഒ​രു കു​രി​ശി​ൽ ഉ​യ​ർ​ത്തി​യ സ്ഥ​ലം. ദൈ​വ​ത്തി​ന്‍റെ ക​ണ്ണീ​ർ ഭൂ​മി​യി​ൽ എ​വി​ടെ​യെ​ങ്കി​ലും വീ​ണി​ട്ടു​ണ്ടെ​ങ്കി​ൽ അ​ത് ഇ​വി​ടെ​യാ​ണ്. എ​ന്‍റെ ദൈ​വ​മേ എ​ന്‍റെ ദൈ​വ​മേ എ​ന്തു​കൊ​ണ്ടു നീ​യെ​ന്നെ ഉ​പേ​ക്ഷി​ച്ചു... എ​ന്നു യേ​ശു നി​ല​വി​ളി​ച്ച​ത് ഇ​തേ സ്ഥ​ല​ത്തു​വ​ച്ചാ​ണ്. ഈ ​മ​ര​ണ​ത്തെ തു​ട​ർ​ന്നാ​ണ് രാ​ത്രി​യ​ല്ലാ​തി​രി​ക്കെ ഭൂ​മി​യെ​ങ്ങും അ​ന്ധ​കാ​രം നി​റ​ഞ്ഞ​ത്.

ഇ​വി​ടെ ത​നി​ച്ചു​നി​ല്ക്കു​ന്ന​ത് അ​ത്ര എ​ളു​പ്പ​മു​ള്ള കാ​ര്യ​മ​ല്ല. യാ​ത്ര ര​ണ്ടാ​യി​രം വ​ർ​ഷ​ങ്ങ​ൾ​ക്കു പി​ന്നി​ലേ​ക്ക്...​ഒ​രു ദു​ഖ​വെ​ള്ളി​യി​ലേ​ക്ക് എ​ടു​ത്തെ​റി​യ​പ്പെ​ട്ട​തു​പോ​ലെ​യാ​യി.

അ​തി​വേ​ഗം താ​ഴെ​യി​റ​ങ്ങി ഞ​ങ്ങ​ളു​ടെ സം​ഘ​ത്തി​ൽ ഏ​ർ​പ്പെ​ടു​ത്തി​യി​ട്ടു​ള്ള ഫോ​ട്ടോ​ഗ്രാ​ഫ​റെ കൂ​ട്ടി​ക്കൊ​ണ്ടു​വ​ന്നു. പ​ന്ത്ര​ണ്ടാം സ്ഥ​ലം അ​പ്പോ​ഴും വി​ജ​ന​മാ​യി കി​ട​ക്കു​ക​യാ​ണ്. കു​രി​ശി​നു ചു​വ​ട്ടി​ൽ​നി​ന്ന് ഒ​രു ഫോ​ട്ടോ​യെ​ടു​ത്തു. അ​പൂ​ർ​വ​മാ​യ സ​മ​യം. ഞ​ങ്ങ​ൾ തി​രി​ച്ചി​റ​ങ്ങു​ന്പോ​ഴേ​ക്കും പു​തി​യ സം​ഘ​ങ്ങ​ൾ പ​ന്ത്ര​ണ്ടാം സ്ഥ​ല​ത്തേ​ക്കു ക​യ​റാ​നെ​ത്തി​യി​രി​ക്കു​ന്നു.

ഒ​ലി​വു​മ​ല​യി​ൽ​നി​ന്ന് ഓ​ശാ​ന​വീ​ഥി​യും കു​രി​ശി​ന്‍റെ വ​ഴി​ക​ളും ക​ട​ന്ന് മ​ര​വി​ച്ച കാ​റ്റ് ഗാ​ഗു​ൽ​ത്താ​യി​ലേ​ക്കു വീ​ശു​ക​യാ​ണ്.

പ​ടു​കൂ​റ്റ​ൻ ക​ൽ​ത്തൂ​ണു​ക​ളി​ൽ സെ​പ​ൾ​ക്ക​ൽ ദേ​വാ​ല​യം ഉ​യ​ർ​ന്നു നി​ല്ക്കു​ന്നു. അ​തി​നു പ​റ​യാ​ൻ ഒ​രു വാ​ക്കേ​യു​ള്ളു. കൊ​ല്ല​രു​ത്.

ജോ​സ് ആ​ൻ​ഡ്രൂ​സ്


Copyright @ 2022 , Rashtra Deepika Ltd.