ജിയയുടെ റിക്കാർഡുകൾക്ക് ഇരട്ടത്തിളക്കം
2022 മാ​ർ​ച്ച് 20നു ​പു​ല​ർ​ച്ചെ നാ​ലു​മ​ണി. ശ്രീ​ല​ങ്ക​യി​ലെ ത​ലൈ​മ​ന്നാ​ർ ക​ട​ൽ​ത്തീ​ര​ത്ത് ഇ​ന്ത്യ​യി​ൽ നി​ന്നു​ള്ള സം​ഘം അ​ക്ഷ​മ​രാ​യി നി​ൽ​ക്കു​ന്നു. കാ​റ്റും കോ​ളു​മാ​യി തി​ര​യു​യ​ർ​ത്തു​ന്ന ക​ട​ൽ. ഇ​വ​ർ​ക്കു ന​ടു​വി​ൽ നി​ശ്ച​യ​ദാ​ർ​ഢ്യ​ത്തി​ന്‍റെ മു​ഖ​ത്തോ​ടെ നി​ൽ​ക്കു​ന്ന ഒ​രു കൗ​മാ​ര​ക്കാ​രി. 4.22ന് ​ക​ട​ൽ അ​ൽ​പം ശ​മി​ച്ച​തോ​ടെ ജി​യ​റാ​യ് എന്ന ആ ​പെ​ണ്‍​കു​ട്ടി ക​ട​ലി​ലേ​ക്കി​റ​ങ്ങി. തു​ട​ർ​ന്നു​ള്ള മി​നി​റ്റു​ക​ളി​ൽ ഇ​വ​ൾ സൃ​ഷ്ടി​ച്ച​ത് ലോ​ക റി​ക്കാ​ർ​ഡാ​ണ്. പ്ര​മു​ഖ ഇ​ന്ത്യ​ൻ നീ​ന്ത​ൽ താ​രം ബു​ല ചൗ​ധ​രി 2004 ൽ 13 ​മ​ണി​ക്കൂ​റും 52 മി​നി​റ്റും കൊ​ണ്ടു നീ​ന്തി​ക്ക​ട​ന്ന പാ​ക് ക​ട​ലി​ടു​ക്ക് (ഗ​ൾ​ഫ് ഓ​ഫ് മാ​ന്നാ​ർ 29 കി​ലോ​മീ​റ്റ​ർ) ഈ ​കൗ​മാ​ര​ക്കാ​രി അ​തി​ലും കു​റ​ഞ്ഞ സ​മ​യ​ത്തി​ൽ ധ​നു​ഷ്കോ​ടി​യി​ലെ അ​രി​ച്ചാ​ൽ മു​നൈ ബീ​ച്ചി​ലേ​ക്ക് നീ​ന്തി​ക്ക​യ​റി. എ​ടു​ത്ത സ​മ​യം 13 മ​ണി​ക്കൂ​റും പ​ത്തു​മി​നി​റ്റും. ബു​ല ചൗ​ധ​രി​യു​ടെ സ​മ​യ​ത്തേ​ക്കാ​ൾ 42 മി​നി​റ്റി​ന്‍റെ കു​റ​വ്. ആ​ഹ്ലാ​ദ​ത്തി​ന്‍റെ പ​ര​കോ​ടി​യി​ൽ ത​മി​ഴ്നാ​ട് ഡി​ജി​പി ഡോ. ​സി. ശൈ​ലേ​ന്ദ്ര​ബാ​ബു​വി​ന്‍റെ നേ​തൃ​ത്വ​ത്തി​ലു​ള്ള സം​ഘം ആ​ഹ്ലാ​ദാ​ര​വ​ങ്ങ​ളോ​ടെ ജി​യ​റാ​യി​യെ സ്വീ​ക​രി​ച്ചു.

മും​ബൈ സ്വ​ദേ​ശി​നി പ​തി​മൂ​ന്നു​കാ​രി​യാ​യ ജി​യ​റാ​യ് എ​ന്ന പാ​രാ​സ്വി​മ്മ​ർ നേ​വി ഉ​ദ്യോ​ഗ​സ്ഥ​ൻ മ​ദ​ൻ റാ​യി​യു​ടെ മ​ക​ൾ. ഒ​ന്ന​ല്ല പ​ല റി​ക്കാ​ർ​ഡു​ക​ളും പ​ല പ​രി​മി​തി​ക​ളു​മാ​യി ഇ​വി​ടെ മ​റി ക​ട​ന്ന​ത്. പാ​ക് ക​ട​ലി​ടു​ക്ക് നീ​ന്തി​ക്ക​ട​ന്ന ഏ​റ്റ​വും പ്രാ​യം കു​റ​ഞ്ഞ​തും വേ​ഗ​ത​യേ​റി​യ​തു​മാ​യ വ​നി​ത, ആ​ദ്യ​ത്തെ പാ​രാ സ്വി​മ്മ​ർ എന്നീ റിക്കാർഡുകൾ. ഇ​നി​യാ​ണ് ഏ​റ്റ​വും പ്ര​ധാ​ന വ​സ്തു​ത കൂ​ടി കേ​ൾ​ക്കേ​ണ്ടത്. ഓ​ട്ടി​സ​ത്തി​ന്‍റെ കു​രു​ക്കി​ൽ ഒ​റ്റ​മു​റി​യി​ൽ ഒ​തു​ങ്ങാ​തെ പ​രി​മി​തി​ക​ളെ മ​റി​ക​ട​ന്ന് അ​ഭി​മാ​നനേ​ട്ടം സ്വ​ന്ത​മാ​ക്കാ​ൻ ജി​യ​റാ​യി​ക്കു സാ​ധി​ച്ചു. ഇ​ത്ര​യേ​റെ വ​ലി​യ നേ​ട്ട​ത്തി​ലേ​ക്ക് മ​ക​ളെ പ​രി​ശീ​ലി​പ്പി​ച്ച മ​ദ​ൻ റാ​യി കു​ടും​ബ​ത്തി​ന് അ​തി​ലേ​റെ അ​ഭി​മാ​നം.

ഫ്ളാ​ഷ് ബാ​ക്ക്

ര​ണ്ടു​വ​യ​സു​ള്ള​പ്പോ​ഴാ​ണ് ജി​യ​യ്ക്ക് ബൗ​ദ്ധി​ക വൈ​ക​ല്യ​മു​ണ്ടെ​ന്ന്(​ഓ​ട്ടി​സം സ്പെ​ക്ട്രം ഡി​സോ​ർ​ഡ​ർ) മാ​താ​പി​താ​ക്ക​ൾ മ​ന​സി​ലാ​ക്കു​ന്ന​ത്. പി​ന്നീ​ട് ചി​കി​ത്സ​യാ​യി. മാ​സ​ങ്ങ​ൾ പി​ന്നി​ട്ട​പ്പോ​ൾ ജി​യ​യു​ടെ സ്വ​ഭാ​വ സ​വി​ശേ​ഷ​ത​യി​ലു​ള്ള ’ആ​വ​ർ​ത്തി​ച്ചു​ള്ള മു​ട്ട​ൽ’ തെ​റാ​പ്പി​യാ​യി മാ​റ്റാ​നു​ള്ള സാ​ധ്യ​ത ഡോ​ക്ട​ർ ആ​ലോ​ചി​ച്ചു. ഒ​ടു​വി​ൽ നീ​ന്ത​ൽ ഒ​രു തെ​റാ​പ്പി​യാ​യി എ​ടു​ക്കാ​നു​ള്ള തീ​രു​മാ​ന​ത്തി​ലെ​ത്തി. ഓ​ട്ടി​സം ഉ​ള്ള കു​ട്ടി​ക​ളി​ൽ ഏ​തെ​ങ്കി​ലും അ​പാ​ര​മാ​യ ഒ​രു പ്ര​ത്യേ​ക ക​ഴി​വ് ക​രു​ത​ലാ​യു​ണ്ടാ​കും. ജി​യ​യു​ടെ ആ ​ക​ഴി​വ് നീ​ന്ത​ലി​ലാ​യി​രു​ന്നു. നീ​ന്ത​ൽ ഇ​ഷ്ട​പ്പെ​ട്ടു തു​ട​ങ്ങി​യ ജി​യ​യ്ക്ക് അ​തൊ​രു അ​ഭി​നി​വേ​ശ​മാ​യി. ആ ​ക​ഴി​വി​നെ മ​ത്സ​ര​രം​ഗ​ത്തേ​ക്കു തി​രി​ച്ചു​വി​ടാ​ൻ മാ​താ​പി​താ​ക്ക​ൾ ഏ​റെ ബു​ദ്ധി​മു​ട്ടു​ക​ൾ അ​നു​ഭ​വി​ക്കേ​ണ്ടി വ​ന്നു. പ്ര​ത്യേ​കി​ച്ച് നീ​ന്ത​ൽ മ​ത്സ​ര​ങ്ങ​ളി​ലെ നി​യ​മ​വ​ശ​ങ്ങ​ളെ മ​ന​സി​ലാ​ക്കി​ക്കൊ​ടു​ക്കാ​ൻ. ജി​യ​യു​ടെ നി​ശ്ച​യ​ദാ​ർ​ഢ്യ​വും മാ​താ​പി​താ​ക്ക​ളു​ടെ അ​ശ്രാ​ന്ത്ര പ​രി​ശ്ര​മ​വു​മാ​ണ് അം​ഗീ​കാ​ര​ങ്ങ​ളി​ലേ​ക്ക് നീ​ന്തി​ക്ക​യ​റാ​ൻ ജി​യ​യ്ക്ക് കരുത്തായയത്. ടെ​ക്നി​ക്കു​ക​ൾ പെ​ട്ടെ​ന്ന് പ​ഠി​ച്ചെ​ടു​ത്ത​തോ​ടെ ജി​യ​യെ​ന്ന പാ​രാ സ്വി​മ്മ​ർ ഉ​ദ​യം കൊ​ണ്ടു.

നീ​ന്തി​യെ​ടു​ത്ത അം​ഗീ​കാ​ര​ങ്ങ​ൾ

ഇ​ന്ത്യാ മ​ഹാ​രാ​ജ്യ​ത്തി​നു ചു​റ്റു​മു​ള്ള ഒ​ട്ടേ​റെ മേ​ഖ​ല​യി​ലൂ​ടെ നീ​ന്തി​ക്ക​യ​റി​യ അ​നു​ഭ​വ​മു​ണ്ട് ഈ ​ചെ​റു​പ്രാ​യ​ത്തി​ൽ ജി​യ​യ്ക്ക് . 2021 ഫെ​ബ്രു​വ​രി​യി​ൽ അ​റ​ബി​ക്ക​ട​ലി​ലെ വ​ർ​ളി സീ​ലി​ങ്കി​ൽ നി​ന്നും ബാ​ന്ദ്ര വ​രെ 36 കി​ലോ​മീ​റ്റ​ർ എ​ട്ടു​മ​ണി​ക്കൂ​ർ 40 മി​നി​റ്റി​ൽ നീ​ന്തി​ക്ക​യ​റി. പ്ര​ധാ​ന​മ​ന്ത്രി​യു​ടെ മ​ൻ കി ​ബാ​ത്തി​ൽ ഇ​ടം പി​ടി​ച്ച​തു കൂ​ടാ​തെ രാ​ഷ്ട്രീ​യ ബാ​ൽ​പു​ര​സ്കാ​ര​വും (2022) തേ​ടി​യെ​ത്തി. ഓ​പ്പ​ണ്‍ വാ​ട്ട​ർ പാ​ര സ്വി​മ്മ​റും ഓ​പ്പ​ണ്‍ വാ​ട്ട​ർ സ്വി​മ്മിം​ഗി​ൽ വേ​ൾ​ഡ് റി​ക്കാ​ർ​ഡ് ഹോ​ൾ​ഡ​റു​മാ​ണ് ജി​യ. 2021ലെ ​സ്ത്രീ​സ​മ്മാ​ൻ പു​ര​സ്കാ​ര​വും യു​പി സ്റ്റേ​റ്റ് റോ​ൾ മോ​ഡ​ൽ പു​ര​സ്കാ​ര​വും ജി​യ നേ​ടി​യി​ട്ടു​ണ്ട്. 2021 ജ​നു​വ​രി​യി​ൽ അ​റ​ബി​ക്ക​ട​ലി​ലെ ക​ഠി​ന​വ​ഴി​ക​ളി​ലൊ​ന്നാ​യ അ​ർ​ണാ​ല ഫോ​ർ​ട്ടു​മു​ത​ൽ വ​സാ​യ് ഫോ​ർ​ട്ടു​വ​രെ 22 കി​ലോ​മീ​റ്റ​ർ ഏ​ഴു​മ​ണി​ക്കൂ​ർ നാ​ലു​മി​നി​റ്റി​ൽ നീ​ന്തി​ക്ക​യ​റി.
2019 ജ​നു​വ​രി​യി​ൽ പ​ത്തു​വ​യ​സും ഏ​ഴു​മാ​സ​വും പ്രാ​യ​മു​ള്ള​പ്പോ​ൾ പോ​ർ​ബ​ന്ത​റി​ൽ ന​ട​ന്ന നാ​ഷ​ണ​ൽ ഓ​പ്പ​ണ്‍ വാ​ട്ട​ർ സീ ​സ്വി​മ്മിം​ഗ് ചാ​ന്പ്യ​ൻ​ഷി​പ്പി​ൽ അ​ഞ്ചു കി​ലോ​മീ​റ്റ​റി​ലും 2020ൽ ​അ​ഞ്ചു കി​ലോ​മീ​റ്റ​ർ, ഒ​രു കി​ലോ​മീ​റ്റ​ർ വി​ഭാ​ഗ​ങ്ങ​ളി​ലും സ്വ​ർ​ണം നേ​ടി. 2020 ഫെ​ബ്രു​വ​രി​യി​ൽ എ​ലി​ഫ​ന്‍റ ഐ​ല​ൻ​ഡി​ൽ നി​ന്നും ഗേ​റ്റ് വേ ​ഓ​ഫ് ഇ​ന്ത്യ​യി​ലേ​ക്ക് മൂ​ന്നു​മ​ണി​ക്കൂ​ർ 27 മി​നി​റ്റ് 30 സെ​ക്ക​ൻ​ഡി​നു​ള്ളി​ൽ നീ​ന്തി​യെ​ത്തി.

ഏ​ഷ്യ ബു​ക്ക് ഓ​ഫ് റിക്കാ​ർ​ഡ്സി​ലും ഇ​ന്ത്യ ബു​ക്ക് ഓ​ഫ് റി​ക്കാ​ർ​ഡ്സി​ലും ജി​യ​യു​ടെ പേ​രു​ണ്ട്. 2021 മാ​ർ​ച്ചി​ൽ ന​ട​ന്ന പാ​രാ​സ്വി​മ്മിം​ഗ് ചാ​ന്പ്യ​ൻ​ഷി​പ്പി​ൽ മൂ​ന്നു​സ്വ​ർ​ണ​വും ക​ര​സ്ഥ​മാ​ക്കി. ഇക്കഴി​ഞ്ഞ മൂ​ന്നു​വ​ർ​ഷ​ത്തി​നി​ടെ 24 സ്വ​ർ​ണ​വും ഒ​രു വെ​ള്ളി​യു​മാ​ണ് സ്വ​ന്തം അ​ക്കൗ​ണ്ടി​ലേ​ക്കെ​ത്തി​ച്ച​ത്. മും​ബൈ നേ​വി ചി​ൽ​ഡ്ര​ൻസ് സ്കൂ​ളി​ൽ എ​ട്ടാം ക്ലാ​സ് വി​ദ്യാ​ർ​ഥി​നി​യാണ് ജി​യ. ഏ​ഴു​ ഭൂ​ഖ​ണ്ഡ​ങ്ങ​ളി​ലു​മാ​യി ഏ​ഴു​ക​ട​ലു​ക​ൾ നീ​ന്തി​ക്ക​ട​ക്കു​ന്ന ആ​ദ്യ​സ്വി​മ്മ​റും പ്രാ​യം​കു​റ​ഞ്ഞ പാ​രാ​സ്വി​മ്മ​റും ആ​കാ​നു​ള്ള കാ​ത്തി​രി​പ്പി​ലും പ​രി​ശ്ര​മ​ത്തി​ലു​മാ​ണ് ഈ നീന്തൽതാരം.

വി.​എ​സ്. ഉ​മേ​ഷ്


Copyright @ 2022 , Rashtra Deepika Ltd.