പ​ക​ർ​ത്തി​യെ​ഴു​തി​യ ര​മ​ണ​നും ആ​ദ്യം വാ​യി​ച്ച നോ​വ​ലും
സ്കൂ​ൾ നാ​ളു​ക​ളു​ടെ തു​ട​ക്ക​ത്തി​ൽ നാ​ട്ടി​ലെ ഹോ​മി​യോ ഡോ​ക്ട​ർ എ​ത്തി​ച്ചുതന്ന വി​ക്ര​മാ​ദി​ത്യ​ൻ ക​ഥ​ക​ളും അ​റ​ബി​ക്ക​ഥ​ക​ളും പ​ഞ്ച​ത​ന്ത്രം ക​ഥ​ക​ളു​മാ​ണ് ആ​ദ്യ വാ​യ​നാ​നു​ഭ​വ​ങ്ങ​ളാ​യി മ​ന​സി​ലു​ള്ള​ത്. ഇ​തി​ൽ പ​ഞ്ച​ത​ന്ത്രം ക​ഥ​ക​ളു​ടെ വാ​യ​ന പി​ൽ​ക്കാ​ല​ത്ത് ഏ​റെ ഗു​ണം ചെ​യ്തു. അ​ന്നു നാ​ട്ടി​ൽ (ആ​ല​പ്പു​ഴ തു​ന്പോ​ളി) വാ​യ​ന​ശാ​ല​ക​ളൊ​ന്നു​മി​ല്ല. അ​ല്പം മു​തി​ർ​ന്ന​പ്പോ​ൾ അ​ക​ലെ​യു​ള്ള വാ​യ​ന​ശാ​ല​ക​ളി​ൽ പോ​യി പു​സ്ത​ക​ങ്ങ​ളും മ​റ്റു പ്ര​സി​ദ്ധീ​ക​ര​ണ​ങ്ങ​ളും വാ​യി​ക്കാ​ൻ തു​ട​ങ്ങി.
ച​ങ്ങ​ന്പു​ഴ​യു​ടെ ര​മ​ണ​ൻ പു​ന്ന​പ്ര​യി​ലെ ഗ്ര​ന്ഥ​ശാ​ല​യി​ൽ ഉ​ണ്ടെ​ന്ന​റി​ഞ്ഞ് ഞാ​ൻ എ​ട്ടാം ക്ലാ​സി​ലെ സു​ഹൃ​ത്തു​ക്ക​ളാ​യി​രു​ന്ന സു​ധാ​ക​ര​നും ജേ​ക്ക​ബ് വ​ർ​ഗീ​സു​മൊ​ത്ത് അ​വി​ടെ പോ​യ​തു മ​റ​ക്കാ​നാ​വാ​ത്ത ഓ​ർ​മ​യാ​ണ്. പു​സ്ത​കം വീ​ട്ടി​ലെ​ത്തി​ച്ചു വാ​യി​ക്കാ​ൻ അ​ന്ന് അ​നു​വാ​ദം ല​ഭി​ച്ചി​ല്ല. അ​തി​നാ​ൽ ഗ്ര​ന്ഥ​ശാ​ല​യി​ൽ ഇ​രു​ന്ന് ര​മ​ണ​ൻ പ​ക​ർ​ത്തി​യെ​ഴു​തി​യാ​യി​രു​ന്നു വാ​യ​ന.
1947 ൽ ​ഞാ​നും കൂ​ട്ടു​കാ​രും ചേ​ർ​ന്നാ​ണ് നാ​ട്ടി​ൽ ആ​ദ്യ​ത്തെ വാ​യ​ന​ശാ​ല ആ​രം​ഭി​ച്ച​ത്. യു​വ​ജ​ന​വാ​യ​ന​ശാ​ല എ​ന്നാ​യി​രു​ന്നു പേ​ര്. അ​തി​പ്പോ​ഴി​ല്ല. ക​വി​ത​യോ​ടു​ള്ള ഭ്ര​മം ചെ​റു​പ്പ​ത്തി​ലേ ഉ​ണ്ടാ​യി​രു​ന്നു. കു​ഞ്ഞു​നാ​ളി​ൽ അ​ച്ഛ​നാ​ണ് അ​ത്ത​ര​മൊ​രു വാ​യ​നാ​ഭി​രു​ചി രൂ​പ​പ്പെ​ടു​ത്തി​യ​തും വ​ള​ർ​ത്തി​യ​തും.
ജൗ​ളി​ക്ക​ട ന​ട​ത്തി​യി​രു​ന്ന അ​ച്ഛ​ൻ വൈ​കു​ന്നേ​ര​ം പു​രാ​ണ​ക​ഥ​ക​ൾ പ​റ​ഞ്ഞു ത​രും. അ​ച്ഛ​ന്‍റെ ക​ഥ​ക​ൾ കേ​ട്ടു വ​ള​ർ​ന്ന​താ​ണു പു​രാ​ണ​ക​ഥ​ക​ളോ​ട് ഇ​ഷ്ടം കൂ​ടി​യ​ത്.
പ​ത്താം ജൻമദി​ന​ത്തി​ൽ അ​ച്ഛ​ൻ ത​ന്ന സ​മ്മാ​നം പു​സ്ത​ക​മാ​യി​രു​ന്നു. ലി​യോ ടോ​ൾ​സ്റ്റോ​യി​യു​ടെ ’23 ടെ​യി​ൽ​സ്’ എ​ന്ന പു​സ്ത​കം. ഗു​ണ​പാ​ഠ​ക​ഥ​ക​ളാ​യി​രു​ന്നു ഉ​ള്ള​ട​ക്കം. ഞാ​ൻഇപ്പോഴും ഭ​ദ്ര​മാ​യി സൂ​ക്ഷി​ക്കു​ന്ന ഈ ​പു​സ്ത​കം പേ​ര​ക്കു​ട്ടി​ക​ളെ വ​രെ വാ​യി​പ്പി​ക്കാ​നാ​യെ​ന്ന​ത് സ​ന്തോ​ഷ​മു​ള്ള വാ​യ​നാ​സ്മൃ​തി​യാ​ണ്.
അ​ച്ഛ​ന്‍റെ പ​ക്ക​ൽ കു​മാ​ര​നാ​ശാ​ന്‍റെ ക​വി​ത​ക​ൾ ഉ​ണ്ടാ​യി​രു​ന്നു. അ​തു വാ​യി​ക്കാ​ൻ ത​രും. വീ​ട്ടി​ൽ പ്രാ​ർ​ഥ​ന​യാ​യും ആ​ശാ​ന്‍റെ ര​ച​ന​ക​ൾ ഉ​പ​യോ​ഗി​ച്ചി​രു​ന്നു.
അ​തി​ലൊ​ന്ന് ഇ​പ്പോ​ഴും ഓ​ർ​മ​യി​ൽ മാ​യാ​തെ കി​ട​ക്കു​ന്നു:
ഗു​ണ​മെ​ന്നി​യൊ​രാ​ൾ​ക്കു​മെ​ന്നി​ൽ നി​ന്ന-
ണ​യാ​യ്വാ​ൻ​ത​ര​മാ​ക​ണം വി​ഭോ
അ​ണു​ജീ​വി​യി​ലും സ​ഹോ​ദ​ര​പ്ര​ണ​യം
ത്വ​ൽ കൃ​പ​യാ​ലെ തോ​ന്ന​ണം
ഉ​ള​വാ​ക​ണ​മാ​ത്മ​തു​ഷ്ടി​യീ​യെ​ളി​
യോ​നി​ങ്ങ​നെ പോ​ക​ണം
ദി​നം ഇ​ള​കാ​തെ​യു​മി​ന്ദ്രി​യാ​ർ​ത്തി​യാ​ൽ
ക​ളി​യാ​യും ക​ള​വോ​തി​ടാ​തെ​യും
അ​ഖി​ലോ​പ​രി​യെ​ന്‍റെ ബു​ദ്ധി​യി​ൽ സു​ഖ ദു:​ഖ​ങ്ങ​ളി​ൽ
മാ​റ്റ​മെ​ന്നി​യേ ജ​ഗ​ദീ​ശ ഹ​രി നാ​രാ​യ​ണ
തെ​ളി​ഞ്ഞു നി​ൽ​ക്ക​ണം നി​ഗ​മം
തേ​ടി​ന നി​ൻ​പ​ദാം​ബു​ജം.
ഈ ​ശ്ലോ​കം പ​ല​വ​ട്ടം എ​ന്നെ​ക്കൊ​ണ്ടു ചൊ​ല്ലി​ച്ച​തോ​ർ​ക്കു​ന്നു. എ​ന്നി​ൽ​നി​ന്ന് ഗു​ണ​മ​ല്ലാ​തെ മ​റ്റൊ​ന്നും മ​റ്റു​ള്ള​വ​ർ​ക്കു​ണ്ടാ​ക​രു​തെ​ന്നാ​യി​രു​ന്നു ശ്ലോ​ക​ത്തി​ന്‍റെ സാ​രം. പ്രാ​ർ​ഥ​ന​യ്ക്കാ​യു​ള്ള വാ​യ​ന​ക​ളും ക​വി​ത​ക​ളോ​ടും ഭാ​ഷ​യോ​ടും ആ​ഭി​മു​ഖ്യ​മു​ണ്ടാ​കാ​ൻ കാ​ര​ണ​മാ​യി. എ​ന്‍റെ പ​തി​നൊ​ന്നാം വ​യ​സി​ൽ അ​ച്ഛ​ൻ വി​ട​പ​റ​യു​വോ​ളം ക​വി​ത​ക​ൾ വാ​യി​ക്കാ​ൻ അ​ദ്ദേ​ഹം പ്രേ​രി​പ്പി​ക്കു​മാ​യി​രു​ന്നു. അ​ച്ഛ​ൻ യാ​ത്ര​യാ​യ ശേ​ഷം അ​മ്മ​യും എ​ന്നെ വാ​യ​ന​യി​ൽ വ​ള​രാ​ൻ പ്രോ​ത്സാ​ഹി​പ്പി​ച്ചി​രു​ന്നു.
ദൈ​വ​മേ! കാ​ത്തു​കൊ​ൾ​ക
കൈ​വി​ടാ​തി​ങ്ങു ഞ​ങ്ങ​ളെ;
എ​ന്നാ​രം​ഭി​ക്കു​ന്ന ശ്രീ​നാ​രാ​യ​ണ​ഗു​രു​വി​ന്‍റെ ദൈ​വ​ദ​ശ​കം കു​ട്ടി​ക്കാ​ല​ത്തുത​ന്നെ മ​ന​പാ​ഠ​മാ​ക്കി. അ​ർ​ഥം മ​ന​സി​ലാ​ക്കി​യ​ല്ല വാ​യി​ച്ച​തെ​ങ്കി​ലും മു​തി​ർ​ന്ന​പ്പോ​ൾ, ആ ​വാ​യ​ന​ക​ൾ പ്ര​യോ​ജ​നം ചെ​യ്തു.
കോ​ള​ജി​ലെ​ത്തി​യ​പ്പോ​ൾ ഗൗ​ര​വ​മാ​യ വാ​യ​ന​യ്ക്ക് അ​വ​സ​രം ല​ഭി​ച്ചു. 1945 ൽ ​തി​രു​വ​ന​ന്ത​പു​രം യൂ​ണി​വേ​ഴ്സി​റ്റി കോ​ള​ജി​ൽ ഇ​ന്‍റ​ർ​മീ​ഡി​യ​റ്റി​നെ​ത്തു​ന്പോ​ൾ ദ​സ്ത​യേ​വ്സ്കി​യെ വാ​യി​ക്കാ​നാ​യി. കു​റ്റ​വും ശി​ക്ഷ​യു​മാ​ണ് ആ​ദ്യം വാ​യി​ച്ച നോ​വ​ൽ. ഇം​ഗ്ലീ​ഷ് സാ​ഹി​ത്യ​സൃ​ഷ്ടി​ക​ൾ വാ​യി​ക്കാ​ൻ അ​ന്നും ഒ​ട്ടും പ്ര​യാ​സ​മി​ല്ലാ​യി​രു​ന്നു. ഭാ​വ​ന​ക​ളെ ഉ​ണ​ർ​ത്താ​നും അ​തേ​റെ സ​ഹാ​യി​ച്ചു. തി​യ​റ​റ്റി​ക്ക​ൽ ബു​ക്കു​ക​ൾ ഏ​റെ വാ​യി​ക്കാ​നും കോ​ള​ജ് ലൈ​ബ്ര​റി അ​വ​സ​ര​മൊ​രു​ക്കി.
വാ​യി​ച്ച കാ​ര്യ​ങ്ങ​ൾ പ​ങ്കു​വ​യ്ക്കാ​നു​ള്ള അ​വ​സ​രം ഇ​ന്‍റ​ർ​മീ​ഡി​യ​റ്റ് കാ​ല​ത്ത് ഇ​ല്ലാ​യി​രു​ന്നു​വെ​ന്ന​ത് സ​ങ്ക​ട​ക​ര​മാ​ണ്. ഒ.​എ​ൻ.​വി. കു​റു​പ്പും പ​റ​വൂ​ർ ദേ​വ​രാ​ജ​നും സ​ഹ​പാ​ഠി​ക​ളാ​യി​രു​ന്നെ​ങ്കി​ലും എ​ന്‍റെ വാ​യ​നയു​ടെ ശൈ​ലി​യാ​യി​രു​ന്നി​ല്ല അ​വ​രു​ടേ​ത്. ആ​ദ്യ​ത്തെ വാ​യ​നാ​നു​ഭ​വ​ങ്ങ​ൾ പി​ൽ​ക്കാ​ല​ത്ത് ആ​ഴ​ത്തി​ലു​ള്ള വാ​യ​ന​യ്ക്കും എ​ഴു​ത്തു​വ​ഴി​ക​ൾ​ക്കും പ്ര​ചോ​ദ​ന​മാ​യി​ട്ടു​ണ്ട്.
വാ​യ​ന​യു​ടെ​യും എ​ഴു​ത്തി​ന്‍റെ​യും മ​ഹാ​സാ​ഗ​രം ക​ണ​ക്കു​ള്ള അ​നു​ഭ​വ​ങ്ങ​ളു​ടെ അ​ധ്യാ​യ​ങ്ങ​ൾ എ​ന്നും ആ​വേ​ശം ത​ന്നെ.

പ്ര​ഫ. എം.​കെ. സാ​നു

ത​യാ​റാ​ക്കി​യ​ത്: സി​ജോ പൈ​നാ​ട​ത്ത്


Copyright @ 2022 , Rashtra Deepika Ltd.