ചു​മ​ലി​ൽ ജീ​വി​ത​ഭാ​രം
പ​ല​രുകൂ​ടി സ​ഹാ​യി​ച്ചാ​ണ് അ​യാ​ൾ ആ ​സ്ഥ​ലം വാ​ങ്ങി​യ​ത്. ഒ​രു വീ​ടുവ​യ്ക്കാ​ൻ മാ​ത്രം സ്ഥ​ല​മേ ഉ​ള്ളൂ. അ​യാ​ൾ ഒ​രു ലോ​ട്ട​റി വി​ൽ​പ്പ​ന​ക്കാ​ര​നാ​ണ്. നേ​ര​ത്തെ ടാ​പ്പി​ംഗ് ആ​യി​രു​ന്നു പ​ണി. റ​ബറി​ന് വി​ല കു​റ​ഞ്ഞ​തോ​ടു​കൂ​ടി മ​ര​ങ്ങ​ൾ പ​ല​തും വെ​ട്ടി​ക്ക​ള​ഞ്ഞ​തി​നാ​ലും ടാ​പ്പിംഗ് സാ​ധ്യ​ത അ​ക്കാ​ര​ണ​ത്താ​ൽ ഇ​ല്ലാ​താ​യ​തി​നാ​ലു​മാ​ണ് അ​യാ​ൾ ലോ​ട്ട​റി വി​ൽ​പ്പ​ന​യി​ലേ​ക്കു പ്ര​വേ​ശി​ച്ച​ത്.
അ​യാ​ൾ കു​ഞ്ഞ്. കു​ഞ്ഞി​ന്‍റെ ഭാ​ര്യ മോ​ളി. കു​ഞ്ഞി​നും മോ​ളി​ക്കും നാ​ല് മ​ക്ക​ളാ​ണു​ള്ള​ത്. മൂ​ത്ത​ത് പെ​ണ്ണാ​ണ്. അ​വ​ൾ ഡി​ഗ്രി​ക്കാ​ണ് പ​ഠി​ക്കു​ന്ന​ത്. ര​ണ്ടാ​മ​ത്ത​വ​ൻ പ്ല​സ് ടൂ ​പ​ഠ​നം ക​ഴി​ഞ്ഞ് ഐടിഐ​ക്ക് പോ​കാ​ൻ ത​യാ​റാ​യി നി​ൽ​ക്കു​ക​യാ​ണ്. മൂ​ന്നാ​മ​ത്തേ​തും നാ​ലാ​മ​ത്തേ​തും പെ​ണ്‍​കു​ട്ടി​ക​ളാ​ണ്. അ​വ​ർ യ​ഥാ​ക്ര​മം പ​ത്തി​ലും എ​ട്ടി​ലു​മാ​ണ് പ​ഠി​ക്കു​ന്ന​ത്.

കു​ഞ്ഞ് ഒ​ന്നാ​ന്ത​രം ഒ​രു മ​ദ്യ​പാ​നി​യാ​ണ്. ലോ​ട്ട​റി വി​ൽ​പ്പ​ന​യി​ലൂ​ടെ അ​നു​ദി​നം ഇ​രു​നൂ​റ് രൂ​പ മു​ത​ൽ അ​ഞ്ഞൂ​റ് രൂ​പ വ​രെ അ​യാ​ൾ​ക്ക് ല​ഭി​ക്കാ​റു​ണ്ട്. അ​തി​ൽ ഏ​റി​യ പ​ങ്കും മ​ദ്യ​പാ​ന​ത്തി​നും അ​യാ​ളു​ടെ വ്യ​ക്തി​പ​ര​മാ​യ കാ​ര്യ​ങ്ങ​ൾ​ക്കു​മാ​യാ​ണ് അ​യാ​ൾ ചെ​ല​വ​ഴി​ക്കാ​റ്. മോ​ളി അ​യ​ൽ​പ​ക്ക​ത്തു​ള്ള ര​ണ്ടു വീ​ടു​ക​ളി​ൽ വീ​ട്ടുജോ​ലി​ക്കാ​യി പോ​കു​ന്നു​ണ്ട്. അ​വി​ടെ​നി​ന്നു ല​ഭി​ക്കു​ന്ന വ​രു​മാ​നം​കൊ​ണ്ടാ​ണ് ആ ​സ്ത്രീ ത​ന്‍റെ നാ​ലു മ​ക്ക​ളു​ടെ പ​ഠ​നകാ​ര്യ​ങ്ങ​ളും വീ​ട്ടു​കാ​ര്യ​ങ്ങ​ളും ന​ട​ത്തു​ന്ന​ത്.
വീ​ട് പ​ണി​തുതീ​ർ​ക്കു​ന്ന​തു​വ​രെ കു​ടി​ക്കാ​തി​രി​ക്കാ​നും ലോ​ട്ട​റി വി​റ്റ് കി​ട്ടു​ന്ന പ​ണം ധൂ​ർ​ത്ത​ടി​ക്കാ​തി​രി​ക്കാ​നും പ​ല​രും കു​ഞ്ഞി​നെ ഉ​പ​ദേ​ശി​ച്ചെ​ങ്കി​ലും അ​യാ​ൾ അ​തൊ​ന്നും ചെ​വി​ക്കൊ​ണ്ടി​ല്ല. ഇ​ക്കാ​ര്യ​ത്തച്ചൊ​ല്ലി മോ​ളി​യും കു​ഞ്ഞും ത​മ്മി​ൽ വ​ഴ​ക്കു​ണ്ടാ​യി. ത​ന്നെ ന​ന്നാ​ക്കാ​ൻ ത​ന്‍റെ ഭാ​ര്യ​യെ​ന്ന​ല്ല ആ​ര് ഉ​പ​ദേ​ശി​ച്ചാ​ലും ത​നി​ക്ക​തി​ഷ്ടമല്ലെ​ന്നും ഉ​പ​ദേ​ശി​ക്കു​ന്ന​വ​രൊ​ക്കെ ത​ന്ന​ത്താ​ൻ അ​ങ്ങ് ന​ന്നാ​യാ​ൽ മ​തി​യെ​ന്നും ത​നി​ക്കി​പ്പോ​ൾ വേ​ണ്ട​ത് ഉ​പ​ദേ​ശ​മ​ല്ല പ​ണ​മാ​ണെ​ന്നും അ​യാ​ൾ പ​റ​ഞ്ഞു. താ​ൻ വ​ർ​ഷ​ങ്ങ​ളാ​യി കു​ടും​ബ​ത്തി​ന്‍റെ ഭാ​രം മു​ഴു​വ​ൻ വ​ഹി​ക്കു​ക​യാ​ണെ​ന്നും എ​ടു​ക്കാ​ൻ മേ​ലാ​ത്ത ഭാ​ര​മാ​ണ് താ​ൻ ചു​മ​ക്കു​ന്ന​തെ​ന്നും ഇ​ങ്ങ​നെ പോ​യാ​ൽ അ​ധി​കം കാ​ലം മു​ന്നോ​ട്ടുപോ​കാ​ൻ ത​നി​ക്ക് ക​ഴി​യി​ല്ലെന്നും മോ​ളി പ​റ​ഞ്ഞു. അ​ങ്ങ​നെ ത​ന്‍റെ ഭാ​ര്യ​ക്ക് എ​ന്തെ​ങ്കി​ലും സം​ഭ​വി​ച്ചാ​ൽ താ​ൻ അ​ങ്ങ് സ​ഹി​ക്കു​മെ​ന്നും ആ ​വ​ഴി​ക്ക് താ​ൻ ഒ​ന്നാ​ന്ത​രം ഒ​രു പെ​ണ്ണി​നെ കെ​ട്ടു​മെ​ന്നും കു​ഞ്ഞ് പ്ര​തി​ക​രി​ച്ചു. പി​ന്നെ ആ ​വീ​ട്ടി​ൽ ഉ​ണ്ടാ​യ പു​കി​ലൊ​ന്നും എ​ഴു​താ​തി​രി​ക്കു​ന്ന​താ​ണ് ഭം​ഗി.

കു​ഞ്ഞി​ന്‍റെ​യും മോ​ളി​യു​ടെ​യും കു​ടും​ബ​ത്തെ​ക്കു​റി​ച്ച് വാ​യി​ക്കു​ന്പോ​ൾ ഇ​ത്ത​ര​ത്തി​ലു​ള്ള കു​റെ​യേ​റെ കു​ടും​ബ​ങ്ങ​ളു​ടെ ചി​ത്ര​ങ്ങ​ൾ വാ​യ​ന​ക്കാ​രു​ടെ മ​ന​സി​ലേ​ക്ക് ക​ട​ന്നുവ​രു​ന്നു​ണ്ടാ​കും. കു​ടും​ബ​ത്തി​നു രൂ​പം ന​ൽ​കി​യി​ട്ട് അ​തി​ന്‍റെ ഉ​ത്ത​ര​വാ​ദി​ത്ത​ങ്ങ​ളി​ൽനി​ന്നു മാ​റി​നി​ൽ​ക്കാ​ൻ ആ​ർ​ക്കാ​ണ് ക​ഴി​യാ​ത്ത​ത്. ബു​ദ്ധി​മു​ട്ടു​ള്ള ആ ​ഒ​രു കാ​ര്യ​ത്തി​ൽ​നി​ന്ന് മു​ങ്ങി മാ​റു​വാ​നും തെ​ന്നി​മാ​റു​വാ​നും ആ​ർ​ക്കും എ​ളു​പ്പ​മാ​ണ്. കു​ഞ്ഞി​നെ​പ്പോ​ലെ മോ​ളി​കൂ​ടി ത​ന്‍റെ കു​ടും​ബ​ത്തി​ന്‍റെ ഉ​ത്ത​ര​വാ​ദി​ത്ത​ങ്ങ​ളി​ൽ​നി​ന്ന് ഒ​ഴി​ഞ്ഞു​മാ​റി​യാ​ലോ? പി​ന്നെ ആ ​കു​ടും​ബം വ​ഴി​യാ​ധാ​ര​മാ​കി​ല്ലേ?
കു​ടും​ബ​നാ​ഥന്മാ​ർ കു​ടും​ബ​ത്തി​ൽ നി​ർ​വ​ഹി​ക്കേ​ണ്ട ഉ​ത്ത​ര​വാ​ദി​ത്ത​ങ്ങ​ളി​ൽ​നി​ന്ന് വ​ഴി​മാ​റി​പ്പോ​കു​ന്പോ​ൾ അ​വ​യു​ടെ ഭാ​രം മു​ഴു​വ​ൻ വ​ഹി​ക്കേ​ണ്ടി​വ​രു​ന്ന മോ​ളി​യെ​പ്പോ​ലു​ള്ള കു​റെ​യേ​റെ കു​ടും​ബ​നാ​ഥ​ന്മാ​ർ ന​മ്മു​ടെ ഇ​ട​യി​ലു​ണ്ട്. പ​ല ന​ല്ല മ​നു​ഷ്യ​രു​ടെ​യും ഒൗ​ദാ​ര്യം​കൊ​ണ്ടാ​ണ് ഇ​ത്ത​രം കു​ടും​ബ​നാ​ഥ​ന്മാ​ർ ഭ​ർ​ത്താ​വ് ക​യ്യൊ​ഴി​ഞ്ഞ ത​ങ്ങ​ളു​ടെ കു​ടും​ബ​ത്തെ തു​ഴ​ഞ്ഞ് ക​ര​ക്കെ​ത്തി​ക്കു​ന്ന​ത്.

ഇ​ങ്ങ​നെ ഭൂ​മി​യോ​ളം ക്ഷ​മി​ക്കേ​ണ്ടി​വ​രു​ന്ന കു​റെ​യേ​റെ സ്ത്രീജന്മ​ങ്ങ​ൾ ന​മ്മു​ടെ കു​ടും​ബ​ങ്ങ​ളി​ലു​ണ്ട്. "ദൈ​വം യോ​ജി​പ്പി​ച്ച​ത്' "ദൈ​വം ഭ​ര​മേ​ൽ​പ്പി​ച്ച​ത്,' എ​ന്നൊ​ക്കെ​യു​ള്ള ചി​ന്ത​ക​ളു​ടെ വെ​ളി​ച്ച​ത്തി​ലാ​ണ് മോ​ളി​യെ​പ്പോ​ലു​ള്ള സ്ത്രീ​ക​ൾ നി​ശബ്ദ​രാ​യി എ​ല്ലാം സ​ഹി​ച്ചും ക്ഷ​മി​ച്ചും മു​ന്നോ​ട്ടുപോ​കു​ന്ന​ത്. അ​വ​രു​ടെ ക്ഷ​മ​യെ പ​രീ​ക്ഷി​ക്കാ​ൻ പി​ന്നെ​യും കു​ഞ്ഞി​നെ​പ്പോ​ലു​ള്ള ഭ​ർ​ത്താ​ക്കന്മാ​ർ മു​തി​ര​രു​ത് എ​ന്നൊ​ര​ഭ്യ​ർ​ഥന മാ​ത്ര​മാ​ണ് എ​നി​ക്കു​ള്ള​ത്.

ഭാ​ര്യാ​ഭ​ർ​ത്താ​ക്കന്മാ​ർ​ക്ക് ത​ങ്ങ​ളോ​ടു മാ​ത്ര​മ​ല്ല​ല്ലോ ക​ട​മ​ക​ളു​ള്ള​ത്. കു​ടും​ബം മു​ഴു​വ​നോ​ടും മ​ക്ക​ളോ​ടും വ​രും ത​ല​മു​റ​ക​ളോ​ടും ഉ​ണ്ട​ല്ലൊ. അ​തി​നാ​ൽ​ത​ന്നെ ക​ണ​ക്ക് കൂ​ട്ടി​യും അ​ച്ച​ട​ക്ക​ത്തോ​ടു കൂ​ടി​യും വേ​ണം ത​ങ്ങ​ളു​ടെ ജീ​വി​തം അ​വ​ർ ന​യി​ക്കു​വാ​ൻ. തോ​ന്നും വി​ധ​വും, സ്വാ​ർ​ഥപ​ര​മാ​യും, സ്വ​ന്തം സു​ഖ​ങ്ങ​ൾ​ക്കും ഇ​ഷ്ട​ങ്ങ​ൾ​ക്കും മാ​ത്രം പ്രാ​ധാ​ന്യം ന​ൽ​കി​യും ത​ങ്ങ​ളു​ടെ ജീ​വി​തം ന​യി​ച്ചാ​ൽ കു​ടും​ബ ത​ക​ർ​ച്ച​യും ത​ല​മു​റ​ക​ളു​ടെ നാ​ശ​വു​മാ​യി​രി​ക്കും ഫ​ലം. ഇ​ന്ന് മാ​താ​പി​താ​ക്ക​ൾ നി​സ്വാ​ർ​ഥ​ത​യോ​ടെ മ​ക്ക​ൾ​ക്കും ഭാ​വി ത​ല​മു​റ​ക​ൾ​ക്കും വേ​ണ്ടി ജീ​വി​ച്ചാ​ൽ അ​തി​ന്‍റെ ഫ​ലം അ​വ​രു​ടെ കാ​ല​ത്തുത​ന്നെ കാ​ണാ​ൻ ക​ഴി​യും. വി​രു​ദ്ധ​മാ​യ രീ​തി​യി​ലാ​ണ് അ​വ​ർ പ്ര​വ​ർ​ത്തി​ക്കു​ന്ന​തെ​ങ്കി​ൽ കു​ടും​ബ​ത്തി​ന്‍റെ​യും ത​ല​മു​റ​ക​ളു​ടെ​യും നാ​ശ​മാ​യി​രി​ക്കും ഫ​ലം.

സി​റി​യ​ക് കോ​ട്ട​യി​ൽ


Copyright @ 2022 , Rashtra Deepika Ltd.