അ​യാ​ളെ ഒ​രു മാ​സ​മാ​യി കാ​ണ്മാ​നി​ല്ല. ബാ​ങ്ക് ഉ​ദ്യോ​ഗ​സ്ഥ​നാ​ണ്. വി​വാ​ഹി​ത​നും ര​ണ്ട് മ​ക്ക​ളു​ടെ പി​താ​വു​മാ​ണ്. ഭാ​ര്യ സൗ​മ്യ, മ​ക്ക​ൾ ആ​ര്യ​യും സോ​നു​വും. ആ​ര്യ ഡി​ഗ്രി വി​ദ്യാ​ർ​ഥി​നി​യും സോ​നു എ​ൻ​ജി​നീ​യ​റി​ങ് വി​ദ്യാ​ർ​ഥി​യു​മാ​ണ്. അ​യാ​ൾ ഫി​ലി​പ്പ് എ​ന്ന ഫി​ലി​പ്പ് കു​ര്യ​ൻ. പി​താ​വ് കു​ര്യ​നും മാ​താ​വ് ശോ​ശാ​മ്മ​യും ജീ​വി​ച്ചി​രി​പ്പു​ണ്ട്. അ​യാ​ൾ​ക്കൊ​പ്പം കു​ടും​ബ വീ​ട്ടി​ലാ​ണ് താ​മ​സം.
ത​ന്‍റെ ഭ​ർ​ത്താ​വി​നെ കാ​ണ്മാ​നി​ല്ല എ​ന്ന് പ​റ​ഞ്ഞു സൗ​മ്യ സ്ഥ​ലം പോ​ലീ​സ് സ്റ്റേ​ഷ​നി​ൽ പ​രാ​തി​പ്പെ​ട്ട​തി​ന്‍റെ വെ​ളി​ച്ച​ത്തി​ൽ പോ​ലീ​സ് ഉ​ദ്യോ​ഗ​സ്ഥ​ർ അ​യാ​ൾ ജോ​ലി ചെ​യ്യു​ന്ന ബാ​ങ്കി​ലും അ​യാ​ളു​ടെ വീ​ട്ടി​ലും അ​ന്വേ​ഷ​ണ​ത്തി​നാ​യി ചെ​ന്നി​രു​ന്നു. ആ ​കു​ടും​ബ​നാ​ഥ​യും മ​ക്ക​ൾ ഇ​രു​വ​രും മാ​താ​പി​താ​ക്ക​ളാ​യ കു​ര്യ​നും ശോ​ശാ​മ്മ​യും അ​യാ​ളു​ടെ സ​ഹോ​ദ​ര​ങ്ങ​ളും കു​ടും​ബാം​ഗ​ങ്ങ​ളും ഒ​ക്കെ ഇ​പ്പോ​ൾ വ​ലി​യ മാ​ന​സി​ക വ്യ​ഥ​യി​ൽ ആ​ണ്. ഫി​ലി​പ്പി​നെ​തി​രേ മാ​സ​ങ്ങ​ൾ​ക്കു​മു​മ്പ് ബാ​ങ്ക് അ​ധി​കൃ​ത​ർ ഒ​രു കേ​സ് ഫ​യ​ൽ ചെ​യ്തി​രു​ന്നു. അ​ന്വേ​ഷ​ണ​വി​ധേ​യ​മാ​യി അ​യാ​ൾ ഇ​പ്പോ​ൾ സ​സ്പെ​ൻ​ഷ​നി​ലാ​ണ്.

പ​ണ​പ​ര​മാ​യ തി​രി​മ​റി ന​ട​ത്തി​യെ​ന്നാ​ണ് അ​യാ​ളെ​ക്കു​റി​ച്ചു​ള്ള ആ​രോ​പ​ണം. സ​ത്യാ​വ​സ്ഥ എ​ന്താ​ണെ​ന്ന് അ​റി​യാ​ൻ പ്ര​സ്തു​ത ആ​രോ​പ​ണ​ത്തെ​ക്കു​റി​ച്ച് അ​യാ​ളു​ടെ ഭാ​ര്യ അ​യാ​ളോ​ട് ചോ​ദി​ച്ചെ​ങ്കി​ലും ത​ന്‍റെ ഭാ​ര്യ​യോ​ട് അ​യാ​ൾ അ​പ്പോ​ൾ ക​യ​ർ​ക്കു​ക മാ​ത്ര​മാ​ണ് ചെ​യ്ത​ത്. താ​ൻ അ​റി​യാ​ത്ത എ​ന്തോ ഒ​ക്കെ ഇ​ട​പാ​ടു​ക​ൾ ത​ന്‍റെ ഭ​ർ​ത്താ​വി​നു​ണ്ട് എ​ന്ന ബ​ല​മാ​യ സം​ശ​യ​ത്തി​ലാ​ണ് സൗ​മ്യ. അ​യാ​ളു​ടെ ഫോ​ണും മേ​ശ​യി​ൽ നി​ന്ന് കി​ട്ടി​യ ചി​ല രേ​ഖ​ക​ളും പ​രി​ശോ​ധി​ച്ച​തിന്‍റെ വെ​ളി​ച്ച​ത്തി​ൽ​കൂ​ടി​യാ​ണ് സൗ​മ്യ ഇ​ത്ത​രം ഒ​രു നി​ഗ​മ​ന​ത്തി​ലെ​ത്തി​യ​ത്.

വീ​ട്ടി​ൽ​നി​ന്ന് പോ​യ​തി​നു​ശേ​ഷം ബ​ന്ധു​വീ​ടു​ക​ളി​ലും അ​യാ​ളു​ടെ സു​ഹൃ​ത്തു​ക്ക​ളു​ടെ വീ​ടു​ക​ളി​ലും ഒ​ക്കെ അ​യാ​ളെ​ക്കു​റി​ച്ച് കു​ടും​ബാം​ഗ​ങ്ങ​ളും സു​ഹൃ​ത്തു​ക്ക​ളും ആ​യ പ​ല​രും അ​ന്വേ​ഷ​ണം ന​ട​ത്തി​യെ​ങ്കി​ലും അ​യാ​ളെ ക​ണ്ടെ​ത്താ​ൻ ക​ഴി​ഞ്ഞി​ല്ല. എ​ന്താ​യാ​ലും പോ​ലീ​സ് അ​യാ​ളെ ക​ണ്ടെ​ത്താ​നു​ള്ള അ​ന്വേ​ഷ​ണ​ത്തി​ൽ ആ​ണ് ഇ​പ്പോ​ൾ. ആ​ള​പാ​യം സം​ഭ​വി​ച്ചി​രി​ക്കു​മോ എ​ന്ന് പോ​ലീ​സും ഒ​പ്പം അ​യാ​ളു​ടെ കു​ടും​ബാം​ഗ​ങ്ങ​ളും ബ​ല​മാ​യി സം​ശ​യി​ക്കു​ന്നു​ണ്ട്.

ഏ​താ​യാ​ലും വ​ലി​യ മ​നോ​വി​ഷ​മ​ത്തി​ൽ ആ​ണ് ആ ​ഭാ​ര്യ​യും മ​ക്ക​ളും അ​യാ​ളു​ടെ മാ​താ​പി​താ​ക്ക​ളും. ഇ​ന്ന് ഇ​ത്ത​രം കെ​യ്സു​ക​ൾ ന​മ്മു​ടെ ഇ​ട​യി​ൽ സാ​ധാ​ര​ണ​മാ​ണെ​ന്ന് പ​റ​യാ​ൻ വ​യ്യ. എ​ങ്കി​ലും ഇ​ത്ത​ര​മൊ​രു അ​വ​സ്ഥ​യി​ലേ​ക്ക് എ​ത്താ​ൻ കാ​ര​ണ​മാ​യേ​ക്കാ​വു​ന്ന കൈ​വി​ട്ട ക​ളി​ക​ൾ ന​ട​ത്തു​ന്ന കു​റെ​യേ​റെ കു​ടും​ബ​നാ​ഥ​ൻ​മാ​ർ ന​മ്മു​ടെ ഇ​ട​യി​ൽ ഉ​ണ്ട്. അ​വ​രു​ടെ പെ​രു​മാ​റ്റ​വും പ്ര​കൃ​ത​വും ക​ണ്ടാ​ൽ ആ​ർ​ക്കും ഒ​ന്നും പി​ടി കി​ട്ടു​ക​യി​ല്ല. എ​ല്ലാം കൈ​വി​ട്ടു​പോ​യി ക​ഴി​യു​മ്പോ​ൾ ആ​യി​രി​ക്കും ബ​ന്ധ​പ്പെ​ട്ട​വ​ർ​ക്ക് സം​ഗ​തി​യു​ടെ ഗൗ​ര​വം പി​ടി​കി​ട്ടു​ന്ന​ത്. അ​വി​വേ​ക​ത്തോ​ടെ ഇ​ത്ത​ര​ക്കാ​ർ കാ​ട്ടി​ക്കൂ​ട്ടു​ന്ന ചെ​യ്തി​ക​ളു​ടെ ദു​ര​ന്ത​ഫ​ലം അ​നു​ഭ​വി​ക്കേ​ണ്ടി​വ​രു​ന്ന​ത് സൗ​മ്യ​യെ​പ്പോ​ലു​ള്ള ഭാ​ര്യ​മാ​രും മ​ക്ക​ളും ഭാ​വി ത​ല​മു​റ​ക​ളും ആ​യി​രി​ക്കും.

ആ​ലോ​ച​ന​യി​ല്ലാ​ത്ത പ്ര​വൃ​ത്തി​ക​ൾ എ​ന്നേ ഇ​ത്ത​രം ചെ​യ്തി​ക​ളെ​ക്കു​റി​ച്ചു പ​റ​യാ​ൻ ക​ഴി​യൂ. കു​ടും​ബ​ജീ​വി​ത​ത്തി​ന് നേ​തൃ​ത്വം ന​ൽ​കു​ന്ന ഒ​രു കു​ടും​ബ​നാ​ഥ​ന്‍റെയോ കു​ടും​ബ​നാ​ഥ​യു​ടെ​യോ പ്ര​വൃ​ത്തി​ക​ളു​ടെ പ​രി​ണി​ത​ഫ​ലം ആ ​കു​ടും​ബ​ത്തി​ലെ മ​ക്ക​ൾ ഉ​ൾ​പ്പെ​ടെ എ​ല്ലാ​വ​രും അ​നു​ഭ​വി​ക്കേ​ണ്ടി​വ​രു​മ​ല്ലോ എ​ന്ന ബോ​ധം ഉ​ണ്ടാ​ക​ണ​മെ​ങ്കി​ൽ ആ ​പ്ര​വൃ​ത്തി​ക്കു മു​മ്പേ ബു​ദ്ധി​പൂ​ർ​വ​മാ​യ ആ​ലോ​ച​ന അ​ത്ത​ര​ക്കാ​ർ ന​ട​ത്ത​ണ​മ​ല്ലോ. ഇ​തി​നൊ​ക്കെ ക​ഴി​യ​ണ​മെ​ന്നു​ണ്ടെ​ങ്കി​ൽ അ​നു​ഭ​വ​സ്ഥ​രു​ടെ​യും കൂ​ടെ ക​ഴി​യു​ന്ന​വ​രു​ടെ​യു​മൊ​ക്കെ വാ​ക്കു​ക​ൾ കേ​ൾ​ക്കു​ക​യും കാ​ര്യ​ങ്ങ​ളൊ​ക്കെ അ​വ​രോ​ട് ആ​ത്മാ​ർ​ഥ​മാ​യി തു​റ​ന്നു പ​റ​യു​ക​യും ചെ​യ്യ​ണം. ഫി​ലി​പ്പ് കു​ര്യ​ന്‍റെ ആ​ലോ​ച​ന​യും പു​ന​രാ​ലോ​ച​ന​യും ഒ​ന്നും ഇ​ല്ലാ​ഞ പ്ര​വൃ​ത്തി​മൂ​ലം അ​യാ​ളു​ടെ മാ​താ​പി​താ​ക്ക​ൾ​ക്കും ഭാ​ര്യ​യ്ക്കും മ​ക്ക​ൾ ഇ​രു​വ​ർ​ക്കും ഉ​ണ്ടാ​യ മാ​ന​സി​കാ​ഘാ​ത​ത്തി​നും നാ​ണ​ക്കേ​ടി​നും പ്ര​തി​വി​ധി ചെ​യ്യാ​ൻ അ​യാ​ൾ​ക്കോ മ​റ്റൊ​രാ​ൾ​ക്കോ ആ​കു​മോ?

ത​ല​മു​റ​ക​ളോ​ളം നീ​ണ്ടു​നി​ൽ​ക്കാ​ൻ ഇ​ട​യാ​യേ​ക്കാ​വു​ന്ന നാ​ണ​ക്കേ​ട് അ​യാ​ളു​ടെ അ​പ്ര​ത്യ​ക്ഷ​പ്പെ​ട​ൽ മൂ​ല​മോ ആ​ത്മ​ഹ​ത്യ മൂ​ല​മോ നീ​ങ്ങിപ്പോ​കാ​ൻ ഇ​ട​യാ​കു​മോ? ക​ണ്ണ​ട​ച്ച് ഇ​രു​ട്ടാ​ക്കു​ന്ന​വ​ർ എ​ന്നേ ഇ​ത്ത​ര​ക്കാ​രെ​പ്പ​റ്റി പ​റ​യാ​ൻ ക​ഴി​യൂ. ഇ​ത്ത​രം സാ​ഹ​ച​ര്യ​ങ്ങ​ൾ ഒ​ന്നും പെ​ട്ടെ​ന്നൊ​രു ദി​വ​സം ആ​രു​ടെ​യും ജീ​വി​ത​ത്തി​ൽ പ്ര​ത്യ​ക്ഷ​പ്പെ​ടു​ന്ന​വ​യ​ല്ല​ല്ലോ. അ​വയ്​ക്കൊ​ക്കെ ഒ​രു തു​ട​ക്ക​വും വ​ള​ർ​ച്ച​യും ഉ​ണ്ടാ​കി​ല്ലേ? കാ​ര്യ​ങ്ങ​ളു​ടെ നി​ജ​സ്ഥി​തി ആ​രം​ഭ​ത്തി​ൽ​ത​ന്നെ ബ​ന്ധ​പ്പെ​ട്ട​വ​ർ​ക്കു​കൂ​ടി അ​റി​യാ​ൻ ക​ഴി​ഞ്ഞാ​ൽ, അ​വ​രു​ടെ വാ​ക്കു​ക​ൾ​കൂ​ടി അ​ത്ത​ര​ക്കാ​ർ​ക്ക് കേ​ൾ​ക്കാ​ൻ ക​ഴി​ഞ്ഞാ​ൽ, എ​ത്ര വ​ലി​യ ദു​ര​ന്ത​ങ്ങ​ളാ​കും കു​ടും​ബ​ങ്ങ​ളി​ൽ​നി​ന്ന് ഒ​ഴി​വാ​യി​പ്പോ​വു​ക.

സി​റി​യ​ക് കോ​ട്ട​യി​ൽ
ഫോൺ: 9447343828
E-mail: [email protected]