വൃ​ക്ക​ക​ളു​ടെ പ്ര​വ​ർ​ത്ത​നം മ​ന്ദീ​ഭ​വി​ച്ചു ഡ​യാ​ലി​സീ​സി​ലൂ​ടെ ആ​യു​സി​നു നീ​ളം കൂ​ട്ടി​ക്കൊ​ണ്ടി​രു​ന്ന ജോ​സ് എ​ന്ന ചെ​റു​പ്പ​ക്കാ​ര​ൻ. കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി വാ​ർ​ഡി​ൽ മ​ര​ണാ​സ​ന്ന​നാ​യി കി​ട​ന്ന ജോ​സി​നു ശു​ശ്രൂ​ഷ​യേ​ക്കാ​ൾ ആ​വ​ശ്യം സാ​ന്ത്വ​ന​മാ​യി​രു​ന്നു. വൈ​കു​ന്നേ​രം അ​ത്താ​ഴ​പ്പൊ​തി​യു​മാ​യി വാ​ർ​ഡി​ലെ​ത്തു​ന്പോ​ൾ ജോ​സ് വാ​വി​ട്ടു ക​ര​യു​ക​യാ​ണ്.
ത​നി​ക്ക് മ​ണി​ക്കൂ​റു​ക​ളു​ടെ ജീ​വി​തം​മാ​ത്ര​മേ ബാ​ക്കി​യു​ള്ളു​വെ​ന്നും ഭാ​ര്യ​യും ര​ണ്ട് ആ​ണ്‍​കു​ഞ്ഞു​ങ്ങ​ളു​മു​ള്ള കു​ടും​ബ​ത്തെ ആ​രു പോ​റ്റു​മെ​ന്നു​മാ​യി​രു​ന്നു ജോ​സി​ന്‍റെ ഉ​ത്ത​ര​മി​ല്ലാ​ത്ത ചോ​ദ്യം. പ്ര​ണ​യി​ച്ചു വി​വാ​ഹം ക​ഴി​ച്ച ജോ​സി​ന് ഭാ​ര്യ​യെ എ​ന്നേ​ക്കു​മാ​യി വി​ട്ടു​പി​രി​യു​ന്ന​തോ​ർ​ക്കു​ന്പോ​ൾ ഹൃ​ദ​യം പി​ള​രു​ന്ന വേ​ദ​ന.

താ​ൻ മ​രി​ച്ചാ​ൽ ദു​ഃഖം താ​ങ്ങാ​നാ​വാ​തെ ഭാ​ര്യ ജീ​വ​നൊ​ടു​ക്കു​മോ എ​ന്നു​പോ​ലും ജോ​സി​ന് ഭ​യം. കു​ഞ്ഞു​മ​ക്ക​ളെ​യോ​ർ​ത്ത് ആ ​രാ​ത്രി ജോ​സ് മു​ഖം​പൊ​ത്തി ക​ര​യു​ക​യാ​ണ്. വാ​രി​ക്കൊ​ടു​ത്ത ചോ​റ് അ​ൽ​പം മാ​ത്രം ക​ഴി​ച്ച് ആ ​ചെ​റു​പ്പ​ക്കാ​ര​ൻ വേ​ദ​ന​യു​ടെ കി​ട​ക്ക​യി​ൽ ക​ണ്ണീ​രൊ​ഴു​ക്കി കി​ട​ന്നു. ജോ​സി​നെ കെ​ട്ടി​പ്പു​ണ​ർ​ന്ന് പ്രാ​ർ​ഥ​ന​യും ആ​ശ്വാ​സ​വാ​ക്കു​ക​ളും പ​ക​ർ​ന്നു മ​ട​ങ്ങു​ന്പോ​ൾ മ​ന​സ് പ​റ​ഞ്ഞു, ജോ​സി​ന് മ​ണി​ക്കൂ​റു​ക​ളേ ബാ​ക്കി​യു​ള്ളു​വെ​ന്ന്.
പി​റ്റേ​ന്ന് പു​ല​ർ​ച്ചെ ജോ​സ് മ​രി​ച്ചു. ഞാ​ൻ വാ​ർ​ഡി​ൽ ഓ​ടി​യെ​ത്തു​ന്പോ​ൾ അ​ദ്ദേ​ഹ​ത്തി​ന്‍റെ ഭാ​ര്യ വാ​വി​ട്ടു നി​ല​വി​ളി​ക്കു​ന്നു​ണ്ട്. സ​മ​നി​ല തെ​റ്റി​യ​തു​പോ​ലെ അ​വ​ർ ഭി​ത്തി​യി​ൽ തു​ട​രെ ത​ല​യി​ടി​ക്കു​ന്നു. നെ​റ്റി പൊ​ട്ടി ചോ​ര വാ​ർ​ന്നൊ​ഴു​കു​ന്നു. ബോ​ധ​ര​ഹി​ത​യാ​യി വീ​ണ അ​വ​രു​ടെ മു​റി​വു​ക​ളി​ൽ നി​ര​വ​ധി തു​ന്ന​ലു​ക​ൾ വേ​ണ്ടി​വ​ന്നു. ക​ണ്ണു​തു​റ​ന്ന​പ്പോ​ൾ ആ​വു​ന്ന​ത്ര ആ​ശ്വാ​സ വാ​ക്കു​ക​ൾ അ​വ​രോ​ടു പ​റ​ഞ്ഞ് മൃ​ത​ദേ​ഹം ആം​ബു​ല​ൻ​സി​ൽ ക​യ​റ്റി നാ​ട്ടി​ലേ​ക്ക് അ​യ​ച്ചു. ഒ​രാ​ഴ്ച​യ്ക്കു​ശേ​ഷം അ​വ​ർ ക​ര​ഞ്ഞു​ക​ല​ങ്ങി​യ മു​ഖ​ത്തോ​ടെ ദു​ഃഖ​ഭാ​ര​ത്താ​ൽ ആർപ്പൂക്കര ന​വ​ജീ​വ​ൻ ഭ​വ​ന​ത്തി​ലെ​ത്തി. ആ​വും വി​ധ​മു​ള്ള സാ​ന്ത്വ​ന​വാ​ക്കു​ക​ളി​ൽ അ​വ​രെ ആ​ശ്വ​സി​പ്പി​ച്ചു, ഏ​റെ​പ്പേ​ർ അ​വ​ർ​ക്കാ​യി പ്രാ​ർ​ഥി​ച്ചു.

’ജോ​സി​ന്‍റെ മ​ര​ണ​മു​ണ്ടാ​ക്കി​യ ആ​ഘാ​തം നി​ങ്ങ​ൾ​ക്കു വ​ലു​താ​ണെ​ന്ന​റി​യാം. ഈ ​ത​ക​ർ​ച്ച​യി​ൽ ത​ള​ർ​ന്നു​പോ​ക​രു​ത്. ദൈ​വം നി​ങ്ങ​ൾ​ക്കു മു​ന്നേ തി​രി​കെ വി​ളി​ച്ച ജോ​സി​ന്‍റെ ആ​ത്മ​ശാ​ന്തി​ക്കാ​യി പ്രാ​ർ​ഥി​ക്കാ​നു​ള്ള നി​യോ​ഗം നി​ങ്ങ​ളി​ലു​ണ്ട്. ആ​ത്മ​ഹ​ത്യ മാ​പ്പി​ല്ലാ​ത്ത അ​പ​രാ​ധ​വും പാ​പ​വു​മാ​യ​തി​നാ​ൽ അ​തേ​ക്കു​റി​ച്ച് ഒരിക്കൽപോലും ചി​ന്തി​ക്ക​രു​ത്. തെ​റ്റു​ക​ൾ​ക്കും കു​റ്റ​ങ്ങ​ൾ​ക്കും ക്ഷ​മ​ചോ​ദി​ച്ച് പാ​പ​ക​ട​ങ്ങ​ൾ പോ​ക്കാ​ൻ നി​ങ്ങ​ൾ മ​ര​ണം വ​രെ ജോ​സി​നു​വേ​ണ്ടി പ്രാ​ർ​ഥി​ക്ക​ണം. ആ ​സ​ഹ​ന​പ്രാ​ർ​ഥ​ന ദൈ​വം കേ​ൾ​ക്കാ​തി​രി​ക്കി​ല്ല. നി​ങ്ങ​ൾ​ക്കും മ​ക്ക​ൾ​ക്കും സ​മാ​ധാ​ന​വും ആ​ശ്വാ​സ​വും ദൈ​വം ത​രും.’
സ​മാ​ന​മാ​യ മ​ര​ണ വേ​ർ​പാ​ടു​ക​ളി​ൽ ദൈ​വം പ​ല കു​ടും​ബ​ങ്ങ​ളെ​യും കൈ​പി​ടി​ച്ചു ന​യി​ച്ച​തി​ന്‍റെ സാ​ക്ഷ്യ​ങ്ങ​ൾ പ​ങ്കു​വെ​ച്ച​തോ​ടെ അ​വ​രി​ൽ ആ​ശ്വാ​സ​വും പ്ര​ത്യാ​ശ​യും ജ​നി​ച്ചു​തു​ട​ങ്ങി. സാ​ന്പ​ത്തി​ക ഞെ​രു​ക്കം അ​വ​രെ വ​ല്ലാ​തെ അ​ല​ട്ടു​ന്നു​ണ്ടാ​യി​രു​ന്നു. ആ​വു​ന്ന സ​ഹാ​യ​ങ്ങ​ൾ ന​വ​ജീ​വ​നി​ൽ നി​ന്ന് ന​ൽ​കു​ക​യും ചെ​യ്തു. വേ​ദ​ന​ക​ളെ സ​ഹി​ച്ചും ത​ക​ർ​ച്ച​ക​ളെ ത​ര​ണം ചെ​യ്തും അ​വ​ർ മ​ക്ക​ളെ വ​ള​ർ​ത്തി, കു​ടും​ബം പോ​റ്റി.

ഇ​രു​പ​തു വ​ർ​ഷം പി​ന്നി​ടു​ന്പോ​ൾ ആ ​കു​ടും​ബം സാ​ന്പ​ത്തി​ക​മാ​യി ഭ​ദ്ര​ത​യി​ലാ​ണെ​ന്നു കാ​ണു​ന്ന​തി​ൽ ദൈ​വ​ത്തി​നു ന​ന്ദി. ര​ണ്ടു മ​ക്ക​ൾ​ക്കും ജോ​ലി ല​ഭി​ച്ചിരിക്കുന്നു. ക​ട​ബാ​ധ്യ​ത​ക​ളില്ല. രോ​ഗി​ക​ൾ​ക്കും അ​ഗ​തി​ക​ൾ​ക്കും സ​ഹാ​യ​ങ്ങ​ളു​മാ​യി ആ ​കു​ടും​ബം ന​വ​ജീ​വ​നി​ൽ ഇ​ട​യ്ക്കി​ടെ വ​രാ​റു​ണ്ട്. വേ​ദ​ന​യി​ലും ന​ഷ്ട​ത്തി​ലും ത​ക​ർ​ച്ച​യി​ലും ദൈ​വ​ത്തെ മു​റു​കെ​പ്പി​ടി​ച്ചാ​ൽ അ​വി​ടു​ന്നു കൈ​വി​ടി​ല്ലെ​ന്ന​തി​ന് എ​ത്ര​യോ അ​നു​ഭ​വ​ങ്ങ​ൾ ഓ​ർ​മ​യി​ലു​ണ്ട്.

പി.​യു. തോ​മ​സ്, ന​വ​ജീ​വ​ൻ