കേരളം സൂപ്പറാ.. നിങ്ങടെ ഓ​ട്ടോ ഡ്രൈ​വ​ർ​മാരും: പ്രിയങ്കയും കൂട്ടുകാരും പറയുന്നു
കേ​ര​ള​വും കേ​ര​ള​ത്തി​ലെ ഓ​ട്ടോ ഡ്രൈ​വ​ർ​മാ​രും സൂ​പ്പ​റാ​ണെ​ന്നു മ​ഹാ​രാ​ഷ്ട്ര സ്വ​ദേ​ശി​ക​ളാ​യ പ്രി​യ​ങ്ക​യും കൂ​ട്ടു​കാ​രും. അ​വ​രെ​ക്കൊ​ണ്ട് അ​തു പ​റ​യി​ച്ചതു മ​നോ​ജ് എ​ന്ന ഓ​ട്ടോ ഡ്രൈ​വ​റു​ടെ ആ​ത്മാ​ർ​ഥ​ത​യും.

ക​ഥ ഇ​ങ്ങ​നെ: മും​ബൈ ടാ​റ്റാ ഇ​ൻ​സ്റ്റി​റ്റ്യൂ​ട്ട് വി​ദ്യാ​ർ​ഥി​ക​ളാ​യ പ്രി​യ​ങ്ക, സ​രോ​ജ്, അ​വ​ന്തി, മാ​യ എ​ന്നി​വ​ർ കി​ല​യി​ൽ ന​ട​ക്കു​ന്ന ഒ​രു കോ​ണ്‍​ഫ​റ​ൻ​സി​ൽ പ​ങ്കെ​ടു​ക്കാ​ൻ ക​ഴി​ഞ്ഞ ദി​വ​സ​മാ​ണ് തൃ​ശൂ​രി​ലെ​ത്തി​യ​ത്. ഇ​ന്ന​ലെ വൈ​കു​ന്നേ​രം ന​ഗ​ര​മൊ​ക്കെ ചു​റ്റി​ക്കാ​ണാ​നാ​യി കോ​ർ​പ​റേ​ഷ​ൻ പ​രി​സ​ര​ത്തേ​ക്കു വ​ന്ന​താ​ണ് നാ​ൽ​വ​ർസം​ഘം. ഓ​ട്ടോ​യി​ൽ കോ​ർ​പ​റേ​ഷ​ൻ ഓ​ഫീ​സി​നു മു​ന്നി​ൽ എ​ത്തി അ​ല്പസ​മ​യം ക​ഴി​ഞ്ഞ​പ്പോ​ഴാ​ണ് ത​ന്‍റെ ബാ​ഗ് ഓ​ട്ടോ​യി​ൽ മ​റ​ന്നു​വ​ച്ചെന്നു പ്രി​യ​ങ്ക​യ്ക്ക് ഓർമ വന്നത്.

പ​ണ​വും എ​ടി​എം കാ​ർ​ഡും സ​ർ​ട്ടി​ഫി​ക്ക​റ്റു​ക​ളും അ​ട​ങ്ങി​യ ബാ​ഗ് ന​ഷ്ട​പ്പെ​ട്ട​തോ​ടെ എ​ന്തു ചെ​യ്യ​ണ​മെ​ന്ന​റി​യാ​ത്ത അ​വ​സ്ഥ​യി​ലാ​യി വി​ദ്യാ​ർ​ഥി​ക​ൾ. ഉ​ട​ൻ കോ​ർ​പ​റേ​ഷ​നു മു​ന്നി​ൽ ട്രാ​ഫി​ക് ഡ്യൂ​ട്ടി​യി​ലു​ണ്ടാ​യി​രു​ന്ന പോ​ലീ​സു​കാ​ര​നോ​ടു വി​വ​രം പ​റ​ഞ്ഞു. പോ​ലീ​സു​കാ​ര​ൻ വ​യ​ർ​ലെ​സി​ലൂ​ടെ സ​ന്ദേ​ശം ന​ൽ​കാ​നൊ​രു​ങ്ങു​ന്പോ​ഴാ​ണ് അ​തു സം​ഭ​വി​ച്ച​ത്. അ​താ വ​രു​ന്നു, അ​വ​ർ യാ​ത്രചെ​യ്ത അ​തേ ഓ​ട്ടോറി​ക്ഷ.

പേ​രാ​മം​ഗ​ലം സ്വ​ദേ​ശി​യാ​യ മ​നോ​ജ് വീ​ട്ടി​ലേ​ക്കു തി​രി​കേ പോ​കു​ന്ന​തി​നി​ട​യി​ൽ ദ​യ ആ​ശു​പ​ത്രി​ക്കു സ​മീ​പം ചാ​യ കു​ടി​ക്കാ​ൻ നി​ർ​ത്തി​യ​പ്പോ​ഴാ​ണ് പി​ൻ​സീ​റ്റി​ൽ ഉ​ണ്ടാ​യി​രു​ന്ന ബാ​ഗ് ക​ണ്ട​ത്. ഉ​ട​ൻ വ​ണ്ടി​യെ​ടു​ത്തു വി​ദ്യാ​ർ​ഥി​ക​ളെ ഇ​റ​ക്കി​വി​ട്ട അ​തേ സ്ഥ​ല​ത്തേ​ക്കു വ​രു​ക​യാ​യി​രു​ന്നു. ന​ഷ്ട​പ്പെ​ട്ടു എ​ന്നു ക​രു​തി​യ ബാ​ഗ് നി​മി​ഷ​ങ്ങ​ൾ​ക്ക​കം തി​രി​ച്ചു​കി​ട്ടി​യ​പ്പോ​ൾ പ്രി​യ​ങ്ക​യ്ക്കും കൂ​ട്ടു​കാ​ർ​ക്കും അ​ട​ക്കാ​നാ​വാ​ത്ത സ​ന്തോ​ഷം.

കേ​ര​ള​ത്തി​ല​ല്ലാ​തെ മ​റ്റെ​വി​ടെ​യാ​ണെ​ങ്കി​ലും ചി​ല​പ്പോ​ൾ ബാ​ഗ് തി​രി​ച്ചു​കി​ട്ടി​യെ​ന്നു വ​രി​ല്ലെ​ന്നു വി​ദ്യാ​ർ​ഥി​ക​ൾ പ​റ​ഞ്ഞു. കേ​ര​ളം സൂ​പ്പ​റാ​ണെ​ന്നു പ​റ​ഞ്ഞ് മ​നോ​ജി​നൊ​പ്പം സെ​ൽ​ഫിയും എ​ടു​ത്താ​ണ് അ​വ​ർ മ​ട​ങ്ങി​യ​ത്.

ഗ​സൂ​ണ്‍​ജി
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.