Cinema
മ​ല​യാ​ള സി​നി​മ​യോ​ട് ‘പ്രേ​മ​ലു' കു​റ​ഞ്ഞ് ഒ​ടി​ടി ബോ​യ്‌​സ്
Thursday, July 11, 2024 11:39 AM IST
പ്ര​മേ​യം​കൊ​ണ്ട് ലോ​ക​ത്തെ​യും അ​വ​ത​ര​ണ​മി​ക​വു​കൊ​ണ്ട് രാ​ജ്യ​ത്തെ​യും ഞെ​ട്ടി​ച്ചു വി​ജ​യം കൈ​വ​രി​ച്ച​വ​രാ​ണ് മ​ല​യാ​ള സി​നി​മാ​ക്കാ​ര്‍. ഇ​വി​ടു​ത്തെ മി​ക​ച്ച ന​ടീ​ന​ട​ന്‍​മാ​രും സം​വി​ധാ​യ​ക​രും അ​ന്യ​ഭാ​ഷാ പ്രേ​ക്ഷ​ക​രു​ടെ​യും മ​നം എ​ത്ര​യോ​വ​ട്ടം ക​വ​ര്‍​ന്നി​രി​ക്കു​ന്നു. മ​ഞ്ഞു​മ്മ​ല്‍ ബോ​യ്‌​സ് പോ​ലെ​യു​ള്ള ചി​ത്ര​ങ്ങ​ള്‍ അ​ന്യ​നാ​ട്ടി​ലെ തി​യ​റ്റ​റു​ക​ളി​ല്‍ ഹൗ​സ്ഫു​ള്‍ ബോ​ര്‍​ഡു​യ​ര്‍​ത്തു​മ്പോ​ള്‍ ന​മു​ക്ക് അ​ഭി​മാ​നി​ക്കാ​നേ​റെ.

എ​ന്നാ​ല്‍, കൈ​യ​ടി​ക​ള്‍​ക്കി​ട​യി​ലും മ​ല​യാ​ള സി​നി​മ​ക​ള്‍ ഓ​വ​ര്‍ ദ ​ടോ​പ് മീ​ഡി​യ പ്ലാ​റ്റ്‌​ഫോ​മു​ക​ള്‍​ക്ക് അ​ത്ര പ്രി​യ​പ്പെ​ട്ട​ത​ല്ല എ​ന്ന​താ​ണ് സ​മീ​പ​കാ​ല കാ​ഴ്ച​ക​ള്‍ ന​ൽ​കു​ന്ന സൂ​ച​ന. ജ​ന​പ്രി​യ താ​ര​ങ്ങ​ളു​ടെ അ​ട​ക്കം ഒ​ട്ട​ന​വ​ധി സി​നി​മ​ക​ൾ​ക്ക് ഒ​ടി​ടി അ​വ​കാ​ശം വി​റ്റു​പോ​കാ​ത്ത അ​വ​സ്ഥ​യാ​ണി​പ്പോ​ള്‍. വി​ജ​യ​ചി​ത്ര​ങ്ങ​ള്‍ മാ​ത്രം ചെ​റി​യ തു​ക​യ്ക്ക് എ​ടു​ക്കു​ന്ന പ്ര​വ​ണ​ത മാ​ത്ര​മാ​ണ് ഒ​ടി​ടി​യി​ല്‍ നി​ല​വി​ല്‍ കാ​ണാ​നാ​കു​ന്ന​ത്.

ഒ​ടി​ടി വ​ര​വ്

2008ല്‍ ​ആ​ണ് ഇ​ന്ത്യ​യി​ല്‍ ഓ​വ​ര്‍ ദ ​ടോ​പ് മീ​ഡി​യ അ​ഥ​വാ ഒ​ടി​ടി പ്ലാ​റ്റ്‌​ഫോ​മു​ക​ള്‍ സ​ജീ​വ​മാ​കു​ന്ന​ത്. റി​ല​യ​ന്‍​സി​ന്‍റെ 'ബി​ഗ് ഫ്ലി​ക്സ്' ആ​യി​രു​ന്നു ഇ​ന്ത്യ​യി​ലെ ആ​ദ്യ ഒ​ടി​ടി പ്ലാ​റ്റ്‌​ഫോം. പി​ന്നീ​ട് ചെ​റു​തും വ​ലു​തു​മാ​യി നൂ​റോ​ളം പ്ലാ​റ്റ്ഫോ​മു​ക​ള്‍ ഉ​ദ​യം​കൊ​ണ്ടു.



കേ​ര​ള​സ​ര്‍​ക്കാ​രി​ന്‍റെ 'സി ​സ്‌​പേ​സ്'​വ​രെ എ​ത്തി​നി​ല്‍​ക്കു​ന്നു ഒ​ടി​ടി പ്ലാ​റ്റ്‌​ഫോ​മു​ക​ള്‍. ഒ​രു കു​ടും​ബം മൊ​ത്ത​മാ​യി ഒ​രു​വ​ട്ടം തി​യ​റ്റ​റി​ല്‍ പോ​കു​ന്ന പ​ണ​ത്തി​ന് ഒ​രു വ​ര്‍​ഷം കൈ​നി​റ​യെ സി​നി​മ കാ​ണാം എ​ന്ന​താ​യി​രു​ന്നു ഒ​ടി​ടി​യു​ടെ ആ​ക​ര്‍​ഷ​ണീ​യ​ത.

മാ​ത്ര​മ​ല്ല കോ​വി​ഡ് കാ​ല​വും ഒ​ടി​ടി​യെ ജ​ന​പ്രി​യ​മാ​ക്കി. അ​ക്കാ​ല​ത്ത് ഒ​രു കോ​ടി​യി​ല്‍ താ​ഴെ ചെ​ല​വി​ല്‍ മൊ​ബൈ​ല്‍​ഫോ​ണി​ല്‍ ചി​ത്രീ​ക​രി​ച്ച 'സീ ​യൂ സൂ​ണ്‍' എ​ന്ന മ​ഹേ​ഷ് നാ​രാ​യ​ണ​ന്‍- ഫ​ഹ​ദ് ഫാ​സി​ല്‍ ചി​ത്രം ആ​മ​സോ​ണ്‍ പ്രൈം ​എ​ട്ടു കോ​ടി​യോ​ളം തു​ക​യ്ക്കു വാ​ങ്ങി​യ​ത് സി​നി​മാ​ലോ​ക​ത്തു വ​ലി​യ ച​ര്‍​ച്ച​യാ​യി.



പി​ന്നീ​ട് പ്രീ​മി​യ​ര്‍​ഷോ​യ്ക്കാ​യി ദൃ​ശ്യം - 2 മു​പ്പ​ത് കോ​ടി​യോ​ളം രൂ​പ മു​ട​ക്കി ഒ​ടി​ടി​ക്കാ​ര്‍ വാ​ങ്ങി​യ​തും പ​ല​രെ​യും അ​ദ്ഭു​ത​പ്പെ​ടു​ത്തി. അ​തോ​ടെ ഡി​ജി​റ്റ​ല്‍ റൈ​റ്റ്‌​സി​ന്‍റെ അ​ന​ന്ത സാ​ധ്യ​ത​ക​ള്‍ ദി​വാ​സ്വ​പ്‌​നം ക​ണ്ട നി​ര്‍​മാ​താ​ക്ക​ളും സം​വി​ധാ​യ​ക​രും ഒ​ടി​ടി പ്ലാ​റ്റ്ഫോ​മു​ക​ളി​ലൂ​ടെ പ്രീ​മി​യ​ര്‍​ഷോ​ക​ള്‍ ന​ട​ത്താ​നാ​യി ചി​ത്ര​ങ്ങ​ള്‍ ത​യാ​റാ​ക്കി.

ത​കി​ടം മ​റി​യു​ന്നു



എ​ന്നാ​ല്‍, വൈ​കാ​തെ ഒ​ടി​ടി ക​ച്ച​വ​ടം ത​കി​ടം മ​റി​ഞ്ഞു. അ​തി​നു പ​ല കാ​ര​ണ​ങ്ങ​ളു​മു​ണ്ട്. ഒ​ടി​ടി മാ​ത്രം ല​ക്ഷ്യ​മി​ട്ട് ത​ട്ടി​ക്കൂ​ട്ട് പ​ട​ങ്ങ​ള്‍ കൂ​ടു​ത​ലാ​യി എ​ത്തി. പോ​രാ​ഞ്ഞു കോ​ടി​ക​ള്‍ മു​ട​ക്കി സ്വ​ന്ത​മാ​ക്കി​യ മ​ല​യാ​ള സി​നി​മ​ക​ള്‍ പ​ല​തും ഒ​ടി​ടി പ്ലാ​റ്റ്ഫോ​മു​ക​ളി​ല്‍ ത​ക​ര്‍​ന്ന​ടി​ഞ്ഞു.

ടെ​ലി​ഗ്രാ​മി​ല്‍ ഉ​ള്‍​പ്പെ​ടെ ഇ​റ​ങ്ങു​ന്ന വ്യാ​ജ​പ​തി​പ്പി​നു കാ​ഴ്ച​ക്കാ​ര്‍ കൂ​ടി​യ​തോ​ടെ ഒ​ടി​ടി സ​ബ്‌​സ്‌​ക്രി​പ്ഷ​ന്‍ മ​ന്ദ​ഗ​തി​യി​ലു​മാ​യി. ഇ​ത്ത​രം തി​രി​ച്ച​ടി​ക​ള്‍ ഒ​ടി​ടി പ്ലാ​റ്റ്ഫോ​മു​ക​ളെ പു​ന​ര്‍​വി​ചി​ന്ത​നം ചെ​യ്യി​ച്ചു. മാ​ത്ര​മ​ല്ല, കോ​വി​ഡ് പ്ര​തി​സ​ന്ധി മാ​റി​യ​തോ​ടെ തി​യ​റ്റ​റു​ക​ളി​ലേ​ക്ക് ആ​ളു​ക​ൾ വീ​ണ്ടു​മെ​ത്തി​ത്തു​ട​ങ്ങി. സാ​ങ്കേ​തി​ക മി​ക​വു​ള്ള പ​ല പ​ട​ങ്ങ​ളും തി​യ​റ്റ​റി​ൽ കാ​ണു​ന്ന​തി​ന്‍റെ ദൃ​ശ്യാ​നു​ഭ​വം ന​ൽ​കാ​ൻ‌ ഒ​ടി​ടി​ക്കു ക​ഴി​യു​ന്നി​ല്ലെ​ന്ന​തും പ​ല​രും വീ​ണ്ടും തി​യ​റ്റ​റി​ലേ​ക്കു മ​ട​ക്കി.



ഇ​തോ​ടെ മ​ല​യാ​ള​മ​ട​ക്ക​മു​ള്ള പ​ല പ്രാ​ദേ​ശി​ക ഭാ​ഷ​ക​ളി​ലെ സി​നി​മ​ക​ളോ​ടും ക​മ്പ​നി​ക​ള്‍ ത​ണു​പ്പ​ന്‍ സ​മീ​പ​നം സ്വീ​ക​രി​ച്ചു തു​ട​ങ്ങി. "ആ​ദ്യം തി​യ​റ്റ​റി​ല്‍ റി​ലീ​സ് ചെ​യ്യ​ട്ടെ. എ​ന്നി​ട്ടാ​കാം ഡി​ജി​റ്റ​ല്‍ അ​വ​കാ​ശ​വാ​ദം' എ​ന്നാ​യി അ​വ​രു​ടെ നി​ല​പാ​ട്. തി​യ​റ്റ​റു​ക​ളി​ൽ വി​ജ​യി​ക്കു​ന്ന സി​നി​മ മാ​ത്രം മ​തി​യെ​ന്ന നി​ല​പാ​ടി​ലേ​ക്ക് അ​വ​ർ മാ​റു​ക​യാ​യി​രു​ന്നു.

മാ​ത്ര​മ​ല്ല പ്രാ​ദേ​ശി​ക സി​നി​മ​ക​ള്‍ വാ​ങ്ങാ​ന്‍ ഏ​ജ​ന്‍​സി​ക​ളെ ഏ​ല്‍​പ്പി​ക്കു​ക എ​ന്ന രീ​തി​യും മാ​റ്റി. മ​ല​യാ​ള സി​നി​മ​യി​ല്‍ കൂ​ടു​ത​ല്‍ നി​ക്ഷേ​പി​ക്കു​ന്ന​തി​ലും സ്വ​ന്ത​മാ​യി വെ​ബ്സീ​രി​സു​ക​ള്‍ നി​ര്‍​മി​ക്കു​ന്ന​തി​ലു​മാ​യി ക​മ്പ​നി​ക​ള്‍​ക്കു താ​ത്പ​ര്യം. അ​ത്ത​ര​ത്തി​ല്‍ ഇ​റ​ങ്ങി​യ പ​ല വെ​ബ്സീ​രി​സു​ക​ളും വ​ലി​യ വി​ജ​യം നേ​ടി​യ​തും മാ​റ്റ​ങ്ങ​ൾ​ക്കു ശ​ക്തി​പ​ക​ർ​ന്നു.



ഒ​ടി​ടി പ്ലാ​റ്റ്ഫോം ല​ക്ഷ്യ​മി​ട്ടു സി​നി​മ​ക​ൾ​ക്കു പ​ണി​മി​റ​ക്കി​യ പ​ല​രും ഇ​പ്പോ​ൾ വെ​ട്ടി​ലാ​യെ​ന്ന​താ​ണ് ഇ​തി​ന്‍റെ മ​റു​വ​ശം. അ​വ​ർ​ക്കു തി​യേ​റ്റ​റും കി​ട്ടി​ല്ല ഒ​ടി​ടി​യും കി​ട്ടി​ല്ല എ​ന്ന അ​വ​സ്ഥ​യാ​ണ്. പ​ടം യു ​ട്യൂ​ബി​ൽ റി​ലീ​സ് ചെ​യ്യേ​ണ്ട സ്ഥി​തി​യി​ലാ​ണ് പ​ല​രും.

നി​ല​വി​ല്‍ നൂ​റി​ലേ​റെ സി​നി​മ​ക​ള്‍ ഡി​ജി​റ്റ​ല്‍ റൈ​റ്റ്‌​സ് ല​ഭി​ക്കാ​തെ വാ​തി​ലു​ക​ള്‍ മു​ട്ടു​ക​യാ​ണ്. അ​തി​ല്‍ സൂ​പ്പ​റും പു​തു​മു​ഖ​വു​മൊ​ക്കെ ഉ​ള്‍​പ്പെ​ടു​ന്നു. ചു​രു​ക്ക​ത്തി​ല്‍ പ​ഴ​യ​തു പോ​ലെ വെ​ള്ളി​യാ​ഴ്ച​ക​ളും വ​ലി​യ സ്ക്രീ​നു​ക​ളും വീ​ണ്ടും മ​ല​യാ​ള സി​നി​മ​യു​ടെ പ്ര​തീ​ക്ഷ​യാ​യി മാ​റി​യി​രി​ക്കു​ന്നു.

ശരത് ജി. മോഹൻ

Copyright @ 2018 , Rashtra Deepika Ltd.