ഇന്ത്യൻ കോസ്റ്റ് ഗാർഡ് അസിസ്റ്റന്‍റ് കമൻഡാന്‍റ് 01/2019 ബാച്ചിലേക്ക് അപേക്ഷ ക്ഷണിച്ചു. ജനറൽഡ്യൂട്ടി ഓഫീസർ, പൈലറ്റ്, എൻജിനിയർ തസ്തികകളിലേക്കാണ് നിയമനം. അസിസ്റ്റന്‍റ് കമൻഡാന്‍റ് റാങ്കിലുള്ള ഗ്രൂപ്പ് എ ഗസറ്റഡ് ഓഫീസർ തസ്തികയിലായിരിക്കും നിയമനം. ഓണ്‍ലൈൻ വഴിയാണ് അപേക്ഷിക്കേണ്ടത്. വിജ്ഞാപനം വൈകാതെ വെബ്സൈറ്റിൽ പ്രസിദ്ധീകരിക്കും. മുംബൈ, കോൽക്കത്ത, ചെന്നൈ, നോയിഡ എന്നിവിടങ്ങളിൽ വച്ചായിരിക്കും പ്രാഥമിക തെരഞ്ഞെടുപ്പ്. ഓരോ തസ്തികയ്ക്കും വേണ്ട യോഗ്യത, പ്രായപരിധി.
1. ജനറൽഡ്യൂട്ടി (പുരുഷൻ), ഫിസിക്സ്, കെമിസ്ട്രി വിഷയങ്ങളിൽ 60 ശതമാനംമാർക്കോടെ പ്ലസ്ടു. ഏതെങ്കിലും വിഷയത്തിൽ 55 ശതമാനം മാർക്കോടെ ബിരുദം.
2. ജനറൽഡ്യൂട്ടി- പൈലറ്റ്, നാവിഗേറ്റർ/ ഒബ്സേർവർ(പുരുഷൻമാർ)- ഫിസിക്സ്, കെമിസ്ട്രി എന്നിവയിൽ 55 ശതമാനം മാർക്കോടെ പ്ലസ്ടു. 60 ശതമാനംമാർക്കോടെ ഫിസിക്സ്/ മാത്തമാറ്റിക്സ് ബിഎസ്‌സി
3. ടെക്നിക്കൽ ബ്രാഞ്ച്- പുരുഷൻമാർ (മെക്കാനിക്കൽ, ഇലക്‌ട്രിക്കൽ)-നേവൽ ആർക്കിടെക്ചർ/ മെക്കാനിക്കൽ/ മറൈൻ/ ഓട്ടോമോട്ടീവ്/ മെക്കാട്രോണിക്സ്/ ഇൻഡസ്ട്രിയൽ/ പ്രൊഡക്ഷൻ/ മെറ്റലർജി/ ഡിസൈൻ/ ഇലക്‌ട്രിക്കൽ/ ഇലക്‌ട്രോണിക്സ്/ ടെലികമ്യൂണിക്കേഷൻ/ ഇൻസ്ട്രുമെന്‍റേഷൻ/ ഇൻസ്ട്രുമെന്‍റേഷൻ ആൻഡ് കണ്ട്രോൾ/ ഇലക്‌ട്രോണിക്സ് ആൻഡ് കമ്യൂണിക്കേഷൻ/ പവർ എൻജിനിയറിംഗ്/ പവർ ഇലക്‌ട്രോണിക്സ് ബ്രാഞ്ചുകളിൽ 55 ശതമാനം മാർക്കോടെ ബിഇ/ബിടെക് ബിരുദം.
അപേക്ഷിക്കേണ്ട വിധം- www.joincoa stguard.gov.in എന്ന വെബ്സൈറ്റിൽ പ്രസിദ്ധീകരിച്ചിരിക്കുന്ന വിശദമായ വിജ്ഞാപനം വായിച്ചു മനസിലാക്കിയ ശേഷം ഓണ്‍ലൈനായാണ് അപേക്ഷ സമർപ്പിക്കേണ്ടത്.